سفرة 4 ايام كويسه ورخيصه

[Love \ Hate]

هاي بنات ذوي الخبره في مجال السياحه والسفر

انا حدي متوهقه ؟؟ ابي اسافر ويك اند يعني من 4 الى 5 ايام فقط لا غيييير مكان حلووو وهادي

وجوه زييين ومو وايد فوووووووووووق .. وماعندي اجازة اكثر من 4 دياز !! وانا مااعرف سوالف الحجوزات

وهاللويه بس مبدأيا منو يساعدني ؟؟ ابي مكان حلووو وهاااااااااادي وجان زين مافيه لويه لانه كانت

اعصابي مشدوده وايد الفتره اللي طافت انا ويا ريلي .. قريبه ماكو غير دبي ؟؟ والحين يقولون انه

دبي صارت نار !! خبري فيها صراحه العام كانت معقوله .. بس ماودي جذي ودي ابعد شوي !!! ساعدوني

 

[Hello_kitty]

الله يهدي سركم انتي مع زوجج ويسعدكم ويهنيكم يااااااااااااااااااارب

حبوبه انتي شنو ميزانيتج يعني متقيده بميزانيه محدوده ولا عادي؟؟؟

 

[تيجان الروح]

دوله مدتها 4 ايام وراحه واستجمام مالج الا شرم الشيخ وتسكنون في فندق ومنتجع موفمبيك راح تحسين بالراحه والاستجمام :dddds:

 

[شهدQ]

وانا اقول المالديف

بس مو رخيصه

بس متوسطه كل شي صار نار

 

[أمانيQ8]

اربع ايام شتسوي لج؟؟ مايكفي انا قول الواحد يايسافر عدل او لا يسافر اربع ايام مامنهم سنع لاي بلد والله زين كمليهم على الاقل اسبوع صدقيني يمرون بسرعه وطير افلوسج وجنه شي ماصار ما حب السفرات السريعه عالعموم اذا مصره روحي العمره او الطايف او روحي البحرين اجري لج بمنتجع والله يوفقكم

 

[هنـــد]

والله انا مع كلام الاخت الي اتقول العمره لان بتحسون بالراحه وارخيصه وتستانسون

 

[غنوة ستايل]

العمره حلوة

 

[ام مضاوي]

العمره


البحرين


شرم الشيخ>>>>رخيصه وتكفيها 4 ايام

ممكن تروحين بعد الخبر بالسياره اذا تتحملين الطريج مع انها قريييييبه
من باب تغيير جو
تسكنين بفندق حلو وهادي وتتمشون بالمجمعات
والمطاعم

 

[reem80]

انا من رايي تروحين العمره منها تروحين المدينة المنوره بعد
راح تردين براحه نفسيا ماتتصورين شكثر بتكونون مرتاحين
والسفر للسياحه اقل شي لازم 10 ايام سواء شرم الشيخ او مالديف او اين كان
والله يوفقكم

 

[شموخ العجمية]

ياقلبي ياعمرة
او الخبر وانا قاعده افكر اخذ شاليهات ف خبر

 

[Love \ Hate]

هلا والله .. مشكورين ماتقصرون على الردووود

ليش بالعكس انا احب السفرات القطاعي بو 3 و 4 ايام .. والصراحه انا ماعندي اجازة !! باخذها ويك اند ومرضيه !!!

عشان جذي مستحرمه اروح العمره وانا مجذبه ماخذه مرضيه ;/ انا ودي بمصر .. شرم الشيخ او في اماكن ثانية بمصر

بس جم تكاليفهم كوز ميزانيتي مو ذاك الزود عندي شي محدد

 

[MISS^^CHANEL]

شرم الشيخ تينن ومو غاليه
روحي ع الاتحاد ولا الجزيره

وعندج البحرين

 

[fat]

من رايي استانسي بالديرة يعني حجزي فندق وغيري جو والسفرة خليها لما يصير عندج رصيد اجازة وغسلي قلبج بسفرة حلوة والله يوفقج ويسعدج