سفرة جزر و متحجبة ؟؟!

[نطوووعه]

هاي بنات

ودي اعرف من المتحجبات بالمنتدى شنو تلبسون اذا كنتو مسافرين حق جزر نفس المالديف و ربعها

شنو تلبسون لبس ساتر و بنفس الوقت خفيف وبارد و تصيرين ستايلش بين المفاصيخ وامهات المايوهات :eh_s(14):

و من وين تشترون هالهدوم

ابي افكار و اسامي محلات

 

[سمراء كالخمري]

اذا جزر خليج على الاقطان وايد اخف لج وخليج ستايل بطريقه شيلتج خليها خفيفه واخذي وياج مايوه اسلامي خوو

بختصار اخذي راحتج وماعليج من امهات المايوهات اهم شي تستانسين وانتي بتكونين ستايل اكيد لا تحاتين وايد

 

[ReDLOve]

بنات اهلي ياخذوون جزيرة بروووحهم على قولتهم اهى و ريلها و اتبدع بالبكيني ههههههههه

انا اقول اخذيلي جزيرة بس الدفع دبل و بدعي انتى

 

[noynoy]

حبيبتي المالديف شاليهج بروحج محد عندج تلبسين مايوهات على كيفج
بس لي رحتي تاكلين بالمطاعم اللي بالريزورت لبسي جينز و قمصان قطن و ملع قطن و فلات
و لي رحتي البحر حق السي اكتيفيتيز لبسي مايو اسلامي
لا تاخذين مال النصر ما عجبني
اكو محل يم الفارس اللي بشويخ ذاك الصوب
مال معدات بحريه
عندهم مايوهات اسلاميه تعقد انا ويد يازلي و الوانهم حلوه
و لبسي معاه كروكس و اخذي جنطه صغيره فيها فوطتين حق البحر حقج و حق ريلج

 

[<miss botamba>]

^^^

نفس الكلام اغلب شاليهات المالديف برايفت تلبسين على راحتج

حق التمشي لبسي نفانيف بارده اقطان وشيفونات و السوق متروس حوسي بالافينيو كل شي تلقين

وطلعات الغوص والبراشوت وهالسوالف مايوه اسلامي عادي حتى باوربا و امريكا البنات يلبسونه مافيها شي

وحق بليل المطاعم لبسي اللبس الي يعجبج سواء سهره او سبور شيك

 

[Roty]

رفع للافاده

 

[هنـــد]

لبسي الي ريحج ومالج شغل بالماصيخ

بينج وبين زوجج لبسي المايوه الي تبينه والبس الي تبينه

اما اذا تمشي ومطاعم والرحلات البحريه تكشخي حدج قميص طويل وسكيني او جينز وكعب

اما اذا رياضه والالعاب الرياضيه لبسي سبورت

واذا بتسبحون بالبحر مايوه اسلامي

 

[نياره]

اب اب

 

[نطوووعه]

ثانكس بنات خوووش افكار حبيتها


يالله بعد اب اب

 

[قموووره]

بنات اهلي ياخذوون جزيرة بروووحهم على قولتهم اهى و ريلها و اتبدع بالبكيني ههههههههه

انا اقول اخذيلي جزيرة بس الدفع دبل و بدعي انتى

وين هذا؟؟؟ في تاجير جزيره؟؟؟ باي ديره وباي مكان وبجم ؟
ماعليج امر​

 

[قموووره]

انا عن نفسي والله البس عبايه وين ما اروح
الي حوالي متفصخين وانا المبخر الي بينهم​

 

[أم عبداللطيف]

مثل ماقالوا البنات مالج شغل بغيرج

انا عن نفسي احب وغرامي رحلات البحر

البحر واللعب والسبحاة مايوه اسلامي
وابالتمشي ترينقات سهله وعمليه وخفيفه وملافع قطع وجوتي رياضة واطي وراقي مال بوما مريح وحلو والله طحت علي ترينقات وااايد حلوه وراقيه وشغل كويتي 100% طحت عليه محل نسيت اسمه في مجمع اولمبيا بالسالمية الدور الاول سألي عنه وااايييد عجبني وفعلا ينفع لنا وراهي .

واخذي راحتج لابعد حدود هذا شعاري

مالي شغل بغيري هذا شعاري اهم شي راضية ربي ونفسي وديني هذا اهم شي واستانسي.

لله يسهل عليج ولاتحرمييين نفسج بشي

الله يسهل عليج

 

[طموحي انجلش]

يزاكم الله خير اافدتونا
انزين والمنقبة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[adyah]

وين هذا؟؟؟ في تاجير جزيره؟؟؟ باي ديره وباي مكان وبجم ؟


ماعليج امر​

حبوبة نحن في بوظظبي

ناجر جزر مثل المايا واللولو .,, بس حاليا اللولو مسكرة صيانه:eh_s(9): الله بيكشخونها حقنا

بصراحه عجيبات هالجزر

 

[L I N D T]

ابشركم انا منقبة ورايحة ..

كانت من اجمل ايام حياتي ..

لبست بكيني بالمسبح الخاص ..

ونفانيف قصيرة .. وباردة ..

ولا ييت بتمشى لبست عباتي ونقابي وطلعت ..

وكانو محترميني احترام ما شفت نفسه بالديرة =)

لا تعليق ولا نظرات ..

لا تعقدون الامور =) ..