... ســكـــر الــحــمـــل ...

[Laymo0ona]

عندج العازل
اللولب
اللزقه
العد

ولو بتشوفين ماكو شي مضمون اللي الله كاتبه بيصير

 

[قلبي معاك]

في موانع ثانيه وتستخدمين نوعين مثلا العد والعزل والواقي او تركبين لولب
اذا سويتي تحليل الجلوكوز ممكن احتماال كبير يكون عندج مرحله ماقبل السكر يعني سكرج مارجع طبيعي بس ماتعتبرين مريضه سكر واذا مالتزمتي بالحميه يمسك فيج النوع الثاني من السكر لا سمح الله

لازم يصير تنسيق بينج وبين ريلج عشان ماتحملين وتعدين هالمرحله وفي ناس راح منهم على طول ماشاء الله

تقدرين تحملين متى ما طلع تحليلج سليم وماعندج سكر اما اذا حملتي بالغلط فلا تخافين بس التزمي بالحميه او ابر الانسولين حسب خطه الدكتور
عندنا بالكويت دكاتره ممتازين بالحكومه متخصصين بالسكر ولهم عيادات سكر الحمل ...منهم د عبدالمحسن الشمري

 

[أبكاني ذنبي]

ليمونا .. انا اخاف من اللولب وهذا بجري اخاف بعده احط لولب بس بستخدم اللزقه والعازل والله كريم


قلبي معاك .. يعطيج العافيه انا وااايد استفدت منج وكلامج اقراه كذا مره عشان احفظه والله يجزاج خير يااارب

 

[أم ملاس]

حبيبتي نص حريم الكويت فيهم سكر او معرضأاات له وانا وحده منهم
بس لازم تهتمين بنفسج ولا تهملين عمرج ومأ أوصيج الحميه والشي باﻷعتدال
والدكتوره لازم تهول بالموضوع علشان تهتمين. ...ﻷن صج اذا اهملتي لاسمح الله ممكن البيبي يتضرر ما اخوفج بس هذا الواقع
اذا اهتميتي بعمرج ما كو الا العافيه. .والحمد له نقدر نسيطر عالسكر أحسن من امراض ثانيه


الله يهون عليج وتولدين بالسلامه

 

[أبكاني ذنبي]

ام ملاس


فديتج والله هذا الكلام العدل والله يسامح الدكتورة ومرات اقول زين سوت فيني عشان اخاف وانقرص


ايه والله الحمدلله على كل حال انها يات على السكر مايات على شي ثااني


مشكوورة على مرورج الطيب