... ســكـــر الــحــمـــل ...

[أبكاني ذنبي]

السلام عليكم ورحمه الله وبركاته



شخبــااركم بنااات ؟؟


انا امس كنت عند دكتورتي وسويت تحليل سكر الحمل وقالت ان فيج سكر مرتفع :eh_s(2):


والبيبي زايد عن حجمه الطبيعي خرعتني وقالت ان وصل 10 لاسمح الله تخسرين البيبي


وعطتني نظام غذائي وجدول عشان افحص نفسي يوم السبت اسوي بالجهاز السكر المنزلي والاحد


تتصل علي دكتورة من عندهم لو مانفع يعطوني ابر انسوولين خرررعتني


وبصرااحه انصدمت ماتوقعت ان فيني سكر ياني اول السابع امس لما حللت واحتمال نولدج


قبل وقتج لاسمح الله ..


بناات كلااام وااايد ويعور الرااس وسمعت من بنات ان اذا ياج سكر الحمل ماتحملين على طول


وتقعدين فترة عشان ما يلصق فيج ويصير حتى وانتي مو حامل


فيييدووني منو فيها سكر الحمل وشلون تعاملت معاااه


وخلوونا كلنا نستفيد محد منا يبي يخسر البيبي امس بطوله ماوقفت من البجي خفت عالبيبي حيييل


والله يهون علي وعليييكم يااارب ويسهل امورنا ان شاء الله .. آمييين :yaaaaaarb:

 

[رنيم الروح]

حبيبتي هذا مجالي وسمعيني خذي حبوب السكر مع منظم و حميه عن السكريات والنشويات والدهون وحاولي تمشين خاصة بعد الوجبات حاولي وجباتك شوربه خضار مجموعة الحليب خبز اسمر فواكه ماعدا الكيوي والفراوله والشمام ممنوع
استمري عليها فترة الحمل الين تطلعين من النفاس لانه اذا مالتزمتي بالنفاس بالحميه راح يتحول ثابت معاك مع الوقت
وضروري تلتزمين بالحميه وبالنسبه للبيبي ان شاءالله مايصير له شي بس ممكن تولدين بدري اذا صار مرتفع ونسبة اصابة الطفل فيه مو مرتفعه لكن راح يكون عنده استعداد لمرض السكر في اي لحظه

 

[أبكاني ذنبي]

فدييتج اخت رنيم الروووح


جزاااج الله خير بس انتي الوحيده اللي رديتي


شددددعوه وين باااقي البنااات معقوله محد صابه سكر الحمل ؟؟؟؟؟!!!!!!!

 

[english muffin]

وه وه
اهو صج يخوف بس مب جذي تخرعج الدكتورة
انا امي الله يرحمها كان يصيدها وقت الحمال كلنا ولدتنا قيصرية
بس ماكان يتم فيها بعد الولادة عقب صادها السكري عقب جمن سنة
توها مرت حماتي والدة يوم دشت السابع صادها وصل 9
سوت رجيم وتخفيف نزلته في اسبوعين ومارد ارتفع والبيبي كان وزنها كيلوين و شوي نتفة يوم ولدوها لاكبرت ولاشي
انتي سوي تخفيف عشان ينزل ولايرد يرتفع لين تولدين بالسلامة وان شاء الله ماكو الا العافية

 

[أبكاني ذنبي]

فديييتج انجلش مافن


مادري عنها والله خرعتنا قمت اوسوس الله يطمن قلبي عليه ويطمن قلوبكم يااارب


جزاج الله خير

 

[دآنة آلرشآيده]

رفع لعيونج

 

[ناتشوو]

اعرف وحدة يحوشها سكر الحمل
فينومونها بالمستشفى جم يوم
يضبطون السكر وينظمون الوجبات
وفعلا يولدونها باول التاسع بطلق صناعي

 

[seedo]

شنو يموت البيبي وهالخرابيط سوي حمية وتحركي او اخذي ابر اذا ما نفع ماكو اللا العافيه

 

[كل دنيتي امي@]

حبيبتي تطمني
اختي جاها السكر ودايماً مرتفع
وولدت ولاده مبكره باول يوم بالثامن
وتمت سبع اشهر بعد ولادتها وحملت والحين مقربه تولد
بس انتبهي لاتاخذين ابر
لان اختي تاخذ كلوفاج
والدكتوره تخانقها تقول لازم ابر والحبوب تضر
وهي ترفض
وتقول ولله الحمد ماضرتني
ومستمره عليها

 

[afrah2010]

ما عندي معلومات ،،،،
بس حبيت ارفع الموضوع ،،،

 

[Laymo0ona]

شدعوه اذا وصل 10 يموت البيبي !!!
انا في كل حملاتي اييني سكر حمل واخذ ابر انسولين ويولدوني قبل لا اتم شهري باسبوعين عادي لا تحاتين اهم شي انج تمشين عالحميه عشان ماتوصلين مرحلة الابر ويولدونج مبجر انا خربطت وماكنت اهتم
ولاتحاتين ان شاءالله يروح بعد الولاده
انا صراحه تأقلمت معاه وصار عادي الحمدلله احسن من امراض ثانيه

 

[أبكاني ذنبي]

دانه الرشايده .. رفع الله قدرج ماقصرتي


ناتشو .. ايه قالوا لي نولدج مبجر اذا لاسمح الله الجنين تأثر وكبر حجمه زياده


سيدو .. تسلمين حبيبتي والله يطمنج يااارب مثل ما طمنتيني


كل دنيتي امي .. ايه قالتلي لو لا سمح الله مانتظم بالحميه الحبوب ماتنفع نعطيج ابر انسولين .. انزين حملها الثاني ياها سكر الحمل ؟؟؟



افراح .. مشكورة يالغاليه



ليمووناا .. صح كلامج احسن من الامراض الثانيه طمنتيني وان شاء الله ماراح اخربط بالاكل والله كريم

 

[أبكاني ذنبي]

اب


اب

خلوني استفييد والكل يستفيد لو لاسمح الله احد صابه هالشي

 

[Laymo0ona]

انا مبدعه ما اقيس واكل والسكر عندي مشلشل وما اراجع كاشته

ان شاءالله الاسبوع الياي بروح ادري بيزفني الدكتور الله يستر

 

[احلامي غير]

الله يشفيك يارب ياقلبي اختي ياها باالثامن وعطتها الدكتورة حميه واستمرت عليها واللحين الحمدلله لها سنتين بنتها بس اختي مازالت تخفف من الخرابيط الي مالها داعي والله احسن حتى انحفت بسم الله عليها وصارت اصغر السكر لازم حميه والحافظ الله

 

[قلبي معاك]

*تحليل الحمل الي تكونين صايمه كم 10-12 ساعه ويقيسون السكر صايمه وبعدين تشربين جلوكوز ويقيسونه عقب ساعتين وعلي اساسه يشخص السكر

*التحليل يكون بالاسبوع 28 يعني تقريبا الشهر السابع للمريضه المصابه اول مره

*المصابه بالسكر بالحمل السابق حاله خاصه تسوي تحليل الجلوكوز 3 مرات خلال الحمل...يعني اول الحمل وبالنص و على اخر شي

*اهم شي الابتزام بالحميه وقياس السكر وانتي صايمه يعني اول ما تقومين الصبح وتكونين اخر وجبه ماكلتها مو اقل من 8 ساعات
وتقيسينه مره ثانيه بعد الاكل (بساعتين): القراءات المطلوبه صايمه اقل من 5،1 بعد الاكل بساعتين اقل من 7،8

*حبوب السكر تسبب تشوهات لا سمح الله لللجنين وتستخدم في حالات نادره جدا....اذا مانفعت الحميه يستخدم ابر الانسولين

*ليش نخاف من سكر الحمل باختصار يزيد وزن الجنين ويعرضه لولاده قيصريه ويعرضه لمضاعفات خطيره الحامل في غنى عنها (مابي ادخل بتفاصيل لا تخترعون)

*خلال الحمل لاحظي حركه الياهل وععديهم خلال اليوم اذا قلت روحي المستشفى بدون تردد

*متى تسوين تحليل الجلوكوز بعد ماتولدين؟ 6 اسابيع بعد الولاده وتكونين ملتزمه بالحميه

*المصابه بسكر الحمل ما تستعمل حبوب مانع الحمل بعد الولاده لان راح يتحول للنوع الثاني من السكو ويمسك فيها لا سمح الله


*** اخيييرا التساهيل من رب العالمين والله يتمم عليكم اجمعين ويرزقكم باطفال سليمين معافين
**** المعلومات الي فوق متأكده منها مليووون بالميه وحتى الارقام

*****دعواتكم اذا فدتكم:eh_s(17)::eh_s(17)::eh_s(17):

 

[أبكاني ذنبي]

ليموونا .. دييري بالج حبيبتي ترى لا سمح الله يسبب موت الفجأة للبيبي ومن غير سبب وعسى الله يشافيني ويشافيج يااارب


أحلاامي غير ... تسلمين يالغاليه الله امييين والحمدلله على سلامه اختج وفعلا انا وقف وزني من الحميه مازاد

 

[أبكاني ذنبي]

قلبي معاااك


جزاااااااااااااج الله خيروبيض الله ويهج والله يهون عليج ويقومج بالسلامه ياااااااارب


ماقصرتي يالغاليه


حبيبتي انتي تقولين ماتاكل حبوب مانع وانا وحده قالتلي اللي فيها سكر حمل ماتحمل على طول


عشان ما يمسك فيها لازم تقعد فترة صح ولا لا ؟؟؟؟؟؟؟؟؟


فيدينا فديتج

 

[Laymo0ona]

في دكتورة بعد ولادتي اب بجري قالتلي لاتاكلين حبوب مانع مو زين مع السكر راح يثبت! بس الحمل ورا بعد مادري
بس احس احسن يكون في فتره عشان يرد البنكرياس يستوعب

 

[أبكاني ذنبي]

ليمونا .. يعني ممنوع حبوب مانع ولا تحملين يعني تتوقعين لو ماستخدمتها مايكون فيه حمل ..!!!!


احس الامور الثانيه الطبيعيه من الموانع مو مضمونه واخاف احمل ويقولون مو زين


شالطريقه ؟؟؟!