ســــيــــــن ، جــــيــــــم ، منو يسأل ومنو يجاوب (الجــــزء الثــانـــي)

[a7ebni]

هممم اسم ميار

تعرفين ليش الأطباء يلبسون أخضر لمن يسوون عمليات ؟

 

[أنفاسي دخون]

يس كرة طائرة

لو قالولج تغيرين إسمج اي إسم تختارين ؟؟

اسمي عاجبني وما فكرت اغيره لكن اذا ملزمه اختار اسم محد سماه من قبل

سؤالي اب

 

[أنفاسي دخون]

هممم اسم ميار

تعرفين ليش الأطباء يلبسون أخضر لمن يسوون عمليات ؟

لان اللون الاخضر يتوافق مع اللون الاحمر الاساسي ولان الدكتور لما يطول بالنظر للدم ويرفع نظره عن المرض بغرفه العمليات راح تدور عينه على اللون الاخضر وحتى تكون عينه مرتاحه وما يأثر تأثير سلبي على نفسيته حسب الفطرة البشريه فاللون الاخضر هو اللون الموافق للاحمر :eh_s(6):

 

[مطيريه ماركه]

أنفاسي وراش طيرتي سؤالي :eh_s(13):

مشاريعي اروح لجيراننا

قريتي سورة الكهف لو ماقريتيها طيري اقريها ؟؟

 

[أنفاسي دخون]

نعنبو غيرش وين طيرته قدني مجاوبه عليه لقيته بصفحة ثانية :eh_s(1):

والحمدلله قريت الكهف قبل الصلاة وذكرتكم فيها عسى الله يجزاني ويجزاكم خير << يلا مناك :tomato2:

مط مط شوفي الخاص ابي فزعتش

سؤالي ::

شنو احلى موضوع قريتيه اليوم؟؟

 

[white**angel]

اممم والله موضوعج توني قاريته
س: ابيخ موضوع قريتيه اليوم؟؟

 

[مطيريه ماركه]

للحين ولا موضوع

هل الصراحة وقاحة .. وليش ؟؟

* أنفاسش أوكي تم الرد *

 

[مشتاقه لعيونه ~]

الصراحة مو وقاحه،،
الاسلوب بالتصريح قد يكون وقح،،، وبس،،،،

نفسووو؟

 

[*miss CHANEL*]

لا لان الصراحه راحه

شنو لابسه الحين ؟؟؟ واي لون ؟؟؟

 

[مطيريه ماركه]

بجامة بيت لونها رمادي بأبيض وفيها شوية أصفر :dddds:

تحبين الروايات الرومنسية ؟؟ وشسم السلسلة

 

[عقر بقر]

نو



اخر كتااب قريتيه ؟

 

[^أم يوسف^]

لا واللــــــــــــه ما احب القصص الرومنسيه لانها كلها جلخ بجلخ


اذا متزوجه متحسفه انج تزوجتي والسبب والعكس؟؟

 

[مطيريه ماركه]

ماني متزوجة

وللحين احمد الله أني مو متزجة ليش ؟؟

اشوف بنات عطلهم الزواج فعاجبني وضعي تراني صغيرونة مو ذاك الكبر :dddds:

تفضلين البجر يكون ولد وإلا بنت ؟

 

[لبى حنانكـ]

بــــــــــــــــــــــــــــــــــنت :eh_s(6):

وين ناويه تطلعين اليوم

 

[el3aNoOoNa]

السلام عليكم بنات

اول شيء مبروك افتتاح الجزء الثاني من الموضوع والفال حق الاجزاء اليايه انشالله
ثاني شيء مو ناويه اطلع مكان


شنو تغديتي اليوم ؟؟

 

[^وجد قلبي^]

تغديت من مطعم الكاتم في البر ..

نفس السؤال ..

 

[el3aNoOoNa]

تغديت من برجر كنج بس تطلبته بالتلفون

وين تدرسين ؟

 

[*miss CHANEL*]

بالمدرسه

وين ودج تطلعين اليوم (ادري مكرر)

 

[الشايعية]

لاااا والله كلش مالي خلق باجر ان شاء الله


عطيني اسم 8 مطاعم معروفه بالكويـــــــــــت ؟ <<<<كنت بقول 20 بس هونت :\

 

[el3aNoOoNa]

1 كنتاكي
2هارديز
3ماكدونلز
4فرح
5فرايديز
6جيليز
7بطريق
8بيرقر كنق
لووووووووووووووووووووول هذول الي على بالي




اشلون الجو اليوم ؟