ســــيــــــن ، جــــيــــــم ، منو يسأل ومنو يجاوب (الجــــزء الثــانـــي)

[غنج اهلها]

احبها من كلوووووة

//

نفس السؤال ..؟

 

[MassComm]

احب الصور اكثر

ونفسه؟

 

[عيون قلبي]

احب الصور اكثر
كم بيبي عندك؟

 

[MassComm]

آنسة

شنو آخر مطعم رحتيله؟

 

[.. Om Mr.7sN ..]

يوم الخميس قعدت بالمطاعم اللي بحولى بارك وتعشينا من نايف ..

وانتي ؟؟

 

[أنفاسي دخون]

يوم الاربعاء بإيتالوز الافنيوز

زيوووووووووو؟؟

 

[cute-q8cat]

فرايديز.. امس رايحتله



تقرين الجريده ولا بس إذا لقيتيها جدامج تقرينها؟

 

[أنفاسي دخون]

اول لاااااااااازم اقراها والحين يمر 3 ايام ما شفتها

شنو ريوقش اليوم؟؟

 

[sun rise]

افطرت عدس وشربت حليب ثلاث كاسات >>>>>قولو ماشاء الله
ايش بتسوين غدا<<<الغدا اليوم علي خخخخ
تحياااااتي

 

[أنفاسي دخون]

ما شاء الله تبارك الرحمن << عليش بالعافية حبيبتي

الغذا الخدامة اللي بتطبخه لاني بالدوام وغدانا كبسة لحم مع فقع يستاهل بؤك << وداعية للشتا هالغدا :dddds:

وين بتروحين اليوم؟؟

 

[cute-q8cat]

بروح عزا الله يكافيكم الشر



في مره تضايقتي من صديقتج من موقف وماعاتبتيها عشان لا تزعل منج وتتضايق؟

 

[حناينq8]

اي - بس الحين اواجها بكل شي اول بأول افضل

عندج فكره عن فوايد الافوكادو ؟

 

[أنفاسي دخون]

بحثت بقوقل وجبت لش فوائدها::

1- يُستخدم الأفوكادو لمساعدة الأشخاص التى تعانى من المشاكل الجنسية.
2- الأفوكادو من مضادات الأكسدة، كما يُستخدم فى علاج اضطرابات الجلد.
3- مساعد علاجى للشخص الذى يعانى من الاضطرابات الهضمية أو التى تتصل بالدورة الدموية.
4- وفائدة أخرى للأفوكادو، بعمل معجون من الأفو كادو ووضعه على الطفح الجلدى أو الجلد الخشن سيكون له نتيجة إيجابية فى علاج هذا الطفح وتنعيم الجلد.
5- كلما كانت الثمرة لونها فاتحاً كلما كانت نسبة مادة "البيتا- كاروتين" عالية بها (وهى المادة التى تحول دون الإصابة بمرض السرطان).



عمرش ذقتي ثمرة الكاكاو؟؟

 

[وردة^الكويت]

عمرش ذقتي ثمرة الكاكاو؟؟
لا بصراحة ما عمري ....

عمرج حسيتي إن مالج معنى بهالدنيا ؟؟؟!!!

 

[*فاصوليا*]

اي عادة لمن ازعل احس نفسي مالي معنى

وين بتروحين اليوم؟

 

[حناينq8]

بحثت بقوقل وجبت لش فوائدها::

1- يُستخدم الأفوكادو لمساعدة الأشخاص التى تعانى من المشاكل الجنسية.
2- الأفوكادو من مضادات الأكسدة، كما يُستخدم فى علاج اضطرابات الجلد.
3- مساعد علاجى للشخص الذى يعانى من الاضطرابات الهضمية أو التى تتصل بالدورة الدموية.
4- وفائدة أخرى للأفوكادو، بعمل معجون من الأفو كادو ووضعه على الطفح الجلدى أو الجلد الخشن سيكون له نتيجة إيجابية فى علاج هذا الطفح وتنعيم الجلد.
5- كلما كانت الثمرة لونها فاتحاً كلما كانت نسبة مادة "البيتا- كاروتين" عالية بها (وهى المادة التى تحول دون الإصابة بمرض السرطان).



عمرش ذقتي ثمرة الكاكاو؟؟

مشكوووووووره حبيبتي

ج / مادري ما حددت مكان اروح له اليوم


س/ جم بوابه بالكويت وشنو اساميهم ؟؟ <<< درس اجتماعيات

 

[أنفاسي دخون]

5 بوابات وهذي اساميهم ::

( دسمان / الشامية / الشعب / الجهراء / المقصب )

شنو آخر فيلم شفتيه ؟؟

 

[جماااانة]

خالتي نوسه على تلفزيوون الكويت قبل جم يووم >>> مو ذااك الزوود مع التلفزيوون


إذا موظفه او طالبه داومتي اليوم ؟؟؟؟؟

 

[ScarletteO'Hara]

لا والله ما داومت, قعت الصبح مصدعة و ظهري ذابحني فأخذتها طبية

تفضلين شنو يكون على البيتزا؟؟

 

[حناينq8]

اكثر من نوع من الجبن وببروني وصلصه

اكله مو كويتيه تحبينها وايد ؟؟