سعودي يطلّق زوجته في الأسبوع الأول من زواجهما لارتدائها (بدلة رقص)

[كــرز]

سعودي يطلّق زوجته في الأسبوع الأول من زواجهما لارتدائها (بدلة رقص)

صحيفة المرصد: في واقعة مثيرة, طلّق سعودي يبلغ من العمر 30 عاما, زوجته في أسبوع زواجهما الأول؛ لارتدائها (بدلة رقص). التفاصيل تقول: إن الزوجة أحبّت أن تحتفل مع زوجها بمرور أسبوع على زواجهما بطريقة مميّزة, وحرصت على الإعداد للاحتفال بهذه المناسبة قبل فترة من إتمام الزواج,
حيث تعلمت الرقص في أحد المراكز الرياضية في المنطقة, الذي يوفر التدريب على الرقص بسرية. وأكثر من هذا, فقد حرصت الزوجة على شراء بدلة رقص من إحدى الدول العربية, وأعدّت للاحتفال برنامجا خاصا يضمن أن تكون الليلة ساحرة بامتياز, حيث بدأت بتناول الطعام على أضواء الشموع,
لكن الختام لم يكن مسكا على الإطلاق, فقد انتهت الليلة نهاية درامية؛ فالزوج الذي فوجئ بزوجته ترتدي بدلة رقص غير لائقة وتستعد للرقص على أنغام الموسيقى, خرج من صمته وبدأ يتجادل مع زوجته حول الرقص ومشروعيته, وكيف تدربت عليه, وكيف اشترت هذه البدلة, وفي خضم هذه المعركة الكلامية الحامية أنهى الزوج الأمر برمته, ملقيا يمين الطلاق على الزوجة, التي بدت عليها الدهشة والذهول



http://www.al-marsd.com/news/view/14510-سعودي-يطلّق-زوجته-في-الأسبوع-الأول-من-زواجهما-لارتدائها-بدلة-رقص.html

هذا هم الخليجيين يتقبلونها من الاجنبيات ولايتقبلونه من الخليجيه بنت بلده الاجنبيه ترقص اول يوم او يتزوج الرقاصه بكبرها عااادي

بس بنت بلده يجلس يشك فيها :eh_s(14):

​

​

 

[كــرز]

رد : سعودي يطلّق زوجته في الأسبوع الأول من زواجهما لارتدائها (بدلة رقص)

سؤال لماذا يتقبلها الرجل السعودي من الأجنبيه ولا يتقبله من السعوديه



سؤال لماذا يتقبل الرجل السعودي الجرئه من زوجته الاجنبيه ولا يتقبلها من زوجته السعوديه واعتقد ان رجل الخليجي يوافق الرجل الرجل السعودي بالتفكير
تقول صديقتي لمن كنت اجهز لزواجي كنت في مصر وجهزت من هناك ومن ضمن الجهاز جبت بدلة رقص اعجبتني واشتريتها لجل افاجئ زوجي فيها واعمل تغيير بحياتنا وماكنت ادري ان هذي البدله راح تنهي زواجنا وتقضي ع حبي وحلم حياتي وسعادتي
تقول لمن تزوجت خجلت في بداية زواجنا البسها له وخبيتها عنه لجل مايقولي البسيها لني كنت اخجل منه ولسه مافكيت الخجل
وبعد شهور من زواجنا حبيت اعمل تغير بحياتنا وعملت ليله حمراء واجواء رومانسيه ولبست البدله لمن لبستها بالبدايه خجلت لكن تجرئت لجل اسعد زوجي و زوجي لمن شافني جن علي وطبعآ صار كل شي هذايك الليله رقصنا وانبسطنا كانت ليله من اجمل الليالي
وبعد ماشبع زوجي مني وانبسط وخلص وجاء بينام جيته لقيتته جالس فوق السرير يفكر سألته اشفيك قالي وين تعلمتي الرقص وكيف عرفتي تلبسين بدلة رقص وتعملي هذا الجو
_ قلتله عادي انا اعرف ارقص من الاول وبدلة الرقص مايحتاج اتعلم كيف البسها لبسها مو صعب مايبي لها تعليم_
__ والجو هذا جو رومنسي عملته من خيالي
المهم الزوج ماقتنع بالردود عطاها ظهره ونام تقول جاني خوف وحسيت ان في شي بخاطر زوجي مضايقه وماعجبه
تقول ثاني يوم اخذني لبيت اهلي ومارجع اخذني وبعدها طلقني واتهمني اني صاحبة تجارب واني الي قدرت اتجرئ واعمل هذا الشي اكيد عملته قبل مع غيره واني مااصلح ام لعياله باكر اعلمهم الرقص والمسخره
وكانت لي صدمه كبيره كنه حلم فجئه وبدون مقدمات خسرت كل شي وكل شي راح
وبعدها بشهور تزوج اجنبييه من دوله عربيه
__ تقول اخت زوجها السابق ان هذي الاجنبيه مابقى بدلة رقص مجاب لها ومن ليلة زواجهم وهي ترقص له وهو مره مبسوط عليها
__ولمن امي قالتله انت طلقت المسكينه لنها لبست بدلة رقص واتهمتها بان الي تعمل كذا اخلاقها سيئه واحين زوجتك هذي من جاتك وهي متعريه مانشوف ستر عليها وجرأه عليها فظيعه مع اخوانك ولطلعت بره ومع اقاربنا من الرجال
______ صرخ بوجه امه وقالها هذي كلها اخلاق وادب ولكانت ترقص لي فهاذي صنعة بلدها ان لازم البنت عندهم ترقص لزوجها
شوفوا الفرق السعوديه لمن ارقصت له قال عليها كلام وقال انها ماتستحق تكون ام لعياله يعني هذي الاجنبيه الي هي بهذي الاخلاق هي الي بنضره تستحق تكون ام لعياله
اخته علقت وقالت انا مستحيل ارقص لزوجي والله لو يموت اخاف يطلقني واطيح انا بظلم اخوي لهذي المسكينه
و نرجع لسؤالنا ليه السعودي يقبلها من الاجنبيه ومايقبلها من السعوديه ويتهم زوجته السعوديه لتجرئت باتهامات مو فيها والاجنبيه يجد لها الاعذار
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وحده من الاخوات اعرفها زوجها كان مقفل عليها وكل شي عنده حرام وهي كانت منفتحه بيت اهلها وكل مالبست شي عارضه عليها حتى قمصان النوم كان يرفض تلبسها
تقول مدري كيف جبنا عيالنا من شدة ماكن متزمت معي وكل شي عنده عيب
ومره الخياط عامل لها فتحه صغيره في فستانها الي بتلبسه يوم العيد ولمن شاف زوجها الفتحه شق فستان العيد وتقول مزع معه فرحة العيد معنها كانت لابسه سروال تحته ومايبان شي من جسمها
المهم اخينا بعدها تزوج اجنبيه من بلد عربي فتقول انها كل يوم الظهر تسمع اغنية وحده تقول في اغنيتها رجب حوش صاحبك عني
__ طبعآ كلنا نعرف هذي اغنية لمين لكن هي ماتعرف لنه زوجها كل شي عنده حرام وعيب
المهم تقول جاني فضول اترقب من وين هذي الاغنيه فكان في شباك وراء البيت يطل على شقة زوجي الي ساكن فيها مع العروس واثارني الفضول اني اشوف ايش الي يصير جوه وايش سر هذي الاغنيه
تقول ناظرت من الشباك وياليتني ماناظرت شفت زوجي لابس شورت ورابط على خصره يرقص مع زوجته الجديده وهي لابسه ستيان وكالوت وجالسه تصفق له
فتقول انصدمت وجلست بمكاني ساعه امسمره وافكر في حياتي الي راحت ولبس الخيشه الي البسه في بيتي وعند زوجي وحتى بالسرير وان زوجي هو السبب
المهم واجهته بلي شفته قالي الي سويته هذا حلال مو حرام انه يتحزم ويرقص ويحلق الحيه صار حلال
وسئلته ليه تزوجت علي قالها ابي اشوف الدنيا كل شي مقفل عندك
قلتله طيب نا اعرف اعمل زيها ضحك بكل مسخره وقالها من جدك تسوين مثلها اعتقد شكلك بيكون مسخره وصار يضحك كثير وراح عند زوجته الثانيه وشغل رجب حوش صحبك عني وعلى عليها على الاخر يبي يحرق قلبي
طب ليه كذا كثير من الاخوات يقولون ازواجهم بنفس الطباع وازواجهم هم السبب بتكتمهم اول الزواج وبعض الاخوات تخاف تعمل شي او حركه جديده يقولها كيف تعلمتيها
البنت السعوديه والخليجيه تقدر تعمل كل شي لزوجها لكن الزوج هو السبب في انقفالها وبعد كذا يجي يلومها ليه هي مو منفتحه وهي ممكن تكون جريئه لدعمها زوجها وشجعها فاياليت تعطونها فرصه



منقول

​

 

[ام فجر3]

هههههههههههههههه مااقول الا الله يعينها المسكينه

 

[الفرفوشهـ]

قريتها السالفه قديييييييمه

هو ماعنده سالفه وهي بعد استعجلت الله يهديها تو الناس على هالحركات

اللهم لاشماته بس

 

[نور مغليها]

رد : سعودي يطلّق زوجته في الأسبوع الأول من زواجهما لارتدائها (بدلة رقص)

بنات خلونا واقعيين بعد اهيا ما تستحي شلون ترقص عندهـ من أول اسبوع ... !
اوكي زوجهـآ بس بعد عيب عليها ترقص واهيا تو صار لها اسبوووع !
يعني شلون جتها الجراهـ ... !
والبدله بدلة رقص يعني شلون قدرت تلبس عندهـ وبالجرأه وتارقص باللبس هذا ... !
حتى وإن كآن زوجهآ هاللبس يبيله وقت عشآن تلبسه الزوجه مو من أول اسبوع .. بعدين اهياآ محضره لهالرقصه واللبس من قبل الزوآج ( شكلها مشفوحه ) ما قآلت عيب البس جدامه جذي ... ؟!
أكيد الزوِج يبي ينصدِم مِن اللبس والرقص بعد ..... لا تقومون على ـأ كلامي بسس ترا الجرأهـ لها حدوِود .. وإن كانت للزوج ..

 

[PinkY Dreams]

اي شي خبل هذا الحمدالله والشكر

و الي تقول شلون ترقص من اول اسبوع ؟

عادي انا رقصت عند ريلي ثالث يوم عرسنا واهو بعد رقص معاي واستانسنا و عبطنا وضحكنا ؟شفيها يعني ؟
صج بعض الرياييل متخلفين ترقص عندك لانها مستانسه عيل تبيها ترقص مع واحد غيرك قطع تقطع هالنوعيه من الرياييل

 

[ترانيم القصيم]

أنـا أبتكلم بشكل عاااام بعيد عن السالفة هذي لأن فيه سوالف زيـها صارت كثير و حوادث طلاق ( بالجملة ) و السبب جرأة بعض النساء ,,

البنت قد تطلع منها هالحركات بعفويــة و إنها خلاص صارت زوجته و حليلته و ما فيها شي لو تجرّدت من الحياء معه

لكن الرجال بعضهم يعتبرون أول يومين زواج فرصة لإختبار البنت و اختبار سجيّتها و جبلّتها ,, يشوف تصرفاتها الآن و بعد مرور أشهر

و يقيس حركاتها بأول يوميـن و حركاتها بآخر يومين << لا يا شيخة خخخخخ

أقصد حركاتها بعديـن يعني بعد مضي شهور كثيرة على الزواج ,, و يبتدي يقارن و يحلل و يفصّل و يلبس كمان

الرجال بشكل عام يبون الحرمة الحيية آللي تستحي ,, آللي مجرّد ما يناظر به يتغشّاها الحيا و الخجل ,,

ما يبي وحدة جريــئة من أول يوميـن أو أسبوعيـن .. صبر شووي اثقلن يا حريم حتّى ما تهدمن بيوتكن بأيديكن ..

ترى الرجال يختلف تفكيرهم عن النسوان بالمرة ,, يعني أنتِ بنظرك إن تصرفك هذا عادي ,, بس هم الرجال ماهوب كذا يفكرون

لامنهم شافوا البنت جريئة و ما تستحي ممكن أو احتمال كبير إنهم يشكون بأخلاقها !!

فلا تزعزعن الثقة بتصرفات غير موزونة أو آللي لها نصيب كبير من التسرع

هنـا المغزى يا حريــم ,,

أنـا هنـا أشرح لكن وجهة نظري بشكل عااام و ما أخص تعقيبي بالحادثة هذي لأني و كما ذكرت وقع مثلها الكثير و مرات في الملكة قبل العرس ,,

الله يهدي الكل و الجميــع و ييسر أمورهم

احترامي و تقديري

ترانيم القصيم

 

[tt2tt]

رد : سعودي يطلّق زوجته في الأسبوع الأول من زواجهما لارتدائها (بدلة رقص)

من اول اسبووع شلون لها خلق الوحده تحوشحها كابه من الايام لاولي

 

[نور مغليها]

رد : رد: سعودي يطلّق زوجته في الأسبوع الأول من زواجهما لارتدائها (بدلة رقص)

اي شي خبل هذا الحمدالله والشكر

و الي تقول شلون ترقص من اول اسبوع ؟

عادي انا رقصت عند ريلي ثالث يوم عرسنا واهو بعد رقص معاي واستانسنا و عبطنا وضحكنا ؟شفيها يعني ؟
صج بعض الرياييل متخلفين ترقص عندك لانها مستانسه عيل تبيها ترقص مع واحد غيرك قطع تقطع هالنوعيه من الرياييل

لبستي نفس هاللبس ألي بالصورهـ ...

 

[ضاقت علي دنياي]

الله يهديهآ من اول اسبوع بدله رقص !!!

 

[sweet december]

رد : سعودي يطلّق زوجته في الأسبوع الأول من زواجهما لارتدائها (بدلة رقص)

امبيه مشفوحه اهي اكيد ما نختلف بس ريلها زودها السالفه ما تستاهل طلاق

 

[senioreta n7oola]

رد : سعودي يطلّق زوجته في الأسبوع الأول من زواجهما لارتدائها (بدلة رقص)

صج مو رجال وتااااااافه .. قلنا جريئة
وماتستحي وطلقتها ..
تجييييب وحده رقاااصه من ايام عرسك وتقول
كيفها جذي تربيتهم .. اهوو مالت عليك
وشاربك مو على رجال لوول


.


وترى في بالكويت عندنا
بعض الحريم ماتعود زوجها على البنطرون
يعني شورت برمودا سكيني وهالسوالف ..
تقول الأخت عشرة عمر فوق الـ 7 سنوات
ما لبست عنده بنطروون .. فـ حبيت البسه
لما عاد لبسته زفني ززززف

.

 

[dob106]

اول اسبوع صعبه ؟؟؟؟؟؟

 

[مـيـراس]

متخلف حقير

مسكينة كانت تبي تونسه بس مو كفو

 

[بدويـــة مودرن]

قويه اول اسبووووع!!!

 

[ليتني مـآ كبرت]

رد : سعودي يطلّق زوجته في الأسبوع الأول من زواجهما لارتدائها (بدلة رقص)



هي: غلطانة استعجلت


هو : متخلف , رجعي , ماعرف يتصرف , غبي , مخه قوطي

متناقض و الدليل خذا أجنبية ترقصله ليل نهار!!

 

[دلع السلاطين]

حمدالله وشكرر اهي شفيها مطفوووقه تنطر شوووي

 

[امورة زماني]

رد : سعودي يطلّق زوجته في الأسبوع الأول من زواجهما لارتدائها (بدلة رقص)

لاحول ولاقوة إلا بالله
البنت استعجلت وهو بعد استعجل ​

 

[ما كو اسم]

اعتقد طلقها لسذاجتها .................... ما في شك انها على النيه

هذي باجر اي احد يقولها شئ تسويه على طول

 

[درة أهل الطولات]

رد : سعودي يطلّق زوجته في الأسبوع الأول من زواجهما لارتدائها (بدلة رقص)

هي: غلطانة استعجلت


هو : متخلف , رجعي , ماعرف يتصرف , غبي , مخه قوطي

متناقض و الدليل خذا أجنبية ترقصله ليل نهار!!

صاجة