سعر الذهب حطمني!!!!

[brettey]

رد : سعر الذهب حطمني!!!!

كل الي اقدر اقول لج عسى الله يوفقج ويسعدج ويهنيج ويسخر لج زوج المستقبل وتعيشين احلى حياه زوجيه معاه ويرزقج بالذريه الصالحه يارب

 

[ام شووووق]

رد : سعر الذهب حطمني!!!!

الذهب ما بينزل

 

[*غنج*]

ما اعتقد بينزل سعره من زمان وهذا سعره مايتغير
إلا شي بسيط
روحي معاه واشتريلج طقم وافتكي بس لا تتشرطين عليه لان يمكن
مايقدر عالاسعار إلي واصله لي السما مادري ليش

 

[تبطي عظم!]

خليه هو يجيبها

او سأليه كم ميزانيتك للشبكه وروحي اشتري على قد الميزانيه ~

بس نصيحه خليه هو يجيبها ~

 

[~Unreachable]

اي والله الذهب ناااااااار
وصل 12
انا لي الحين ماشريت شبكه
بس ناويه على لازوردي حلوين و اسعارهم معقوله
من 800 لي الف و 200 تقريبا

 

[الغلاااااااكله]

رد : سعر الذهب حطمني!!!!

^
^

مو 12

توني اتصلت على مجوهرات شروق التحرير قال الجرام 10,800

عموما اختي الذهب غاااااااالي

عندج اطقم لازوردي حلوييييييين وناعمين وذربيــن واسعارهم معقوله صج انهم خفاااف مو ثقااال بس عالاقل شكل حلووووو وسعر معقووول

هذا في حال انج بتروحين معاه

اما اذا اهو بيروح بروحه خليه على كيييفه

وبصراحه تكاليف الزواج تكسر الظهر فلازم نراعي عياااااالنا وحلاتها يكون تعاون يعني تراعين هالظروف اللي العالم كله يشتكي منها

موووووووووفقه

 

[*loveli-noni*]

الله يوفقكم

 

[غدووور الكويت]

رد : سعر الذهب حطمني!!!!

الله يهنيكم ويسعدكم خليه اهو يشتريها وفكي روحج من الاحراج

 

[شمالية غربية]

رد : سعر الذهب حطمني!!!!

اول مرة تمر علي هالحالة
الحين انتي مهرج بس شبكة يعني انا مو فاهمة
والا الحين بس الشبكة وبعدين يعطونج المهر
اذا بس شبكة روحي انت وامج ونقي اكبر شي يعجبج هذا حقج لازم يخسر فيج علشان يحس بقيمتج
واذا في مهر راهي
ماله داعي خليهم يجيبون على ذوقهم

 

[LOOOOR]

رد : سعر الذهب حطمني!!!!

بالتوفيـــــــــــــــــــــق يالغالية..

 

[فطووومة]

اتوقع اهو عطاج المهر صح ؟


خليه اهو يشتري الشبكة لا تروحين معاه

قولي له ذوقك حلووووووو وانا اثق فيه
بهالحالة تعجبينه وشي ثاني يتشجع انه يشتري لج احلى شي

لا احراج وانتي معاه ولا انج تكسرين ظهره بشبكة غالية على بو انج تدللين عليه هههههه

والله يوفقج يقلبي

 

[الدلوعه2008]

خليه اهو يجيبلج علي ذوقه وخلي اهلج يعطونه قياس ايدج وخلاص نتهي السالفه ليش تروحين واذا انتي خايفه اذا ذوقه مو حلو اخذي فلوس وشتري يمكن تفيدج فلوس

بتوفيق حياتي والله يتمم عليكم بالخير

 

[sondos]

رد : سعر الذهب حطمني!!!!

اشترى الحين وارتاحى ....واذا ناطره الذهب ينزل >>>انسسسسى

الاخبار تاكد ان الذهب بيوصل 15 دك للغرام.............واهو الحين 11.500 للغرام بدوون مصنعيه

نصيحه لا تاخذين الماس ولا شبكه ثقيله الذهب سعره فيه ماتخسرين فيه ابد

اخذى شبكه ناعمه تلبسينها على طول احسن من الثقيله اللى تنحط بالكبت

 

[مذهــلــه]

برايي روحي اول بروحج شوفي جم محل واطلعي على الاسعار قبل ماتروحين معاه واتفشلين

واختاري شي معقول

 

[ام ناصر 2009]

رد : رد: سعر الذهب حطمني!!!!

اتوقع اهو عطاج المهر صح ؟


خليه اهو يشتري الشبكة لا تروحين معاه

قولي له ذوقك حلووووووو وانا اثق فيه
بهالحالة تعجبينه وشي ثاني يتشجع انه يشتري لج احلى شي

لا احراج وانتي معاه ولا انج تكسرين ظهره بشبكة غالية على بو انج تدللين عليه هههههه

والله يوفقج يقلبي

معاااااااااها والله يوفقج

 

[غادةالكاميليا]

اذكر لما ملجت اختي اللي اكبر مني بجم سنه قال لها اخذي وحدة من خواتج عشان تختارين الشبكة اللي تبينها قمت انا رزيت فيسي وقلت لها اذا ماتاخذيني ماتروحين حددي فصلت الا انا حبيبتي اختي ماقصرت جان تقوم تاخذني عاد انا خبرة بالذهب جان اشرط عليها شرط قلت لها ماتدخلين اي محل الا اللي ااشر لج علية وماتاخذين الشبكة الا اللي ااشر لج عليها واهي مسكينة وافقت يوم اروح والا ادش اغلى محل علاد اهو مايدري شالطبخة
قامويتنقون من المعروض قمت ساسرت البايع الثاني قلت له طلع اغلى شبكة عندك جان يضحك درى اني نسرة ومفترسة والله يابنات ويطلع اغلى شبكة جان اقرص اختي واقولها شهالموديلات البايخة خلوني انا اختار انتو ذوقكم موحلو واهي مسكينة ولا حرف وغصبن علية خذاها والله عاد عاد الحين كلة يناديني يالنسرة للحين اذكر سالفة الذهب حسبالج ماسمعتج
حبيت اضحككم شوي بدال ظيقة اسعار الذهب

 

[ام سعود ديكسون]

غادة الكاميليا اضحك الله سنج خخخخخخخخ

خليتوا الريال يقط ما وراه وما دونه بس ما قلتي لنا جم كان سعر شبكة اختج>>>>>>>>بلاغة شف

بس انا من رأيي تاخذ لها شي ما فيه فصوص وايد واحجار ولا ثقيل حيييييل حييييل وينقط بالتجوري وما ينلبس حسافة الشي الغالي لما ما ينلبس وينخش

ع الاقل لازم يعرف ذوقج وشنو بخاطرج حتي لو ما رحتي ونقيتيها لان هذي ليلة العمر لا تطيح الشبكة بجبدج

 

[أحلى عروس 2012]

رد : سعر الذهب حطمني!!!!

غادة
يااااااااااااااااااااربي بس جد مو حرام كسرتي ظهرة

 

[اشتياق]

اشتري غالي تدللي ياحظي اهي مره بالعمر