سر الفطاير مصور لكم لايطوووفكم شى جديد

[sereen]

اشلونكم بنات امبيه عسى مايكون الموضع مكرر الله يستر والسر يكون اوردى معروووووف ​

المهم اليوم بالخطوات المصور ولاول مرة منى الى منتدى كويتيات قسم الفطااااااير ​

المقادير :​

4 كوب طحين عالى الجلوووووتين مع محسنات
1 ونص كوب ماى
5 ملاعق كبار بودرة حليب
ستكانة زيت زيتون
2 ملعقه كباااااار ملح + سكر + خميرة+ بيكنغ باودر​

والاهم فى هذا كله عجاااااااانه خلطى الاولى على التالى وخليها تضرب لمدة نص ساعه لين اتمخمخ العجينه وصير مجاااااانسه وليه قرصتيها جنج قارصه خدود ياهل​

​

الحشوة عاد على كيفج انا سويت 3 انواع​

باللحمه المفرومه " العصاج":​

نص كيلو لحم مفروم, بدون شحم زايد "صحى "--يحمس اولا
نص بصله, تضاف ثانيا وتحمس بالزيت الخفيف
كوب شرايح فلفل احمر + اخضر + برتقالى + اصفر, يضاف على الخلطه
ملعقة بهارا ت مشكله + فلفل اسود فرش, يضاف على الخلطة
5 ورقات اوريجانو فرش مفرووووم ,عشان يطير الزفرة ويعطى طعم وريجه غير طبيعيه جربوووواا
علبتين معجون طمام تضاف , 2 ملاعق كبار دبس الرمان الى الخلطه
واخر شى بعد ماطلعينها من الفرن رشى عليها جبن موزيريلا Fine Shreded +شرابح زيتون اسود​

بالزعتر:​

زيت زيتون + زعتر احمر او اخضر او بنى + شويت صماق , زيدى الزيت اشوى خليه شبه مياهى ​

بالحبنة:​

علبة جبنة فيلاديفيا للتزين حبه سودا على الوجه

سورى يابنات الصينيه خب بس عشان مافى وقت كلشى يم بعض والله عشان عيونكم الحلوة​

​

​

​

​

​

عرفتووووووشى ولا ماعرفتووووووشى ايش السر اللى يخلي الفطاير ترفه flufy وتعضينها وترجع تنفخ​

يالله من الشطووورة ااتعرف من الصو ....... السر​

 

[أمووونه]

السر هو =طاسة الماي صح ؟؟
بس بغيت اسأل عن كميه السكر والخميره والبكنج بودر كلهم على ملعقتين كبار مثل الملح ولا شنو ؟
ولازم نفس نوع الطحين ماينفع طحين المطاحن
ادري اذيتج ابأسألتي -- لان ولامره ضبطت العجينه وامنيتي اسوي فطاير
السؤال الاخير = لازم عجانه ماعندي
ومشكووووووه والله يعطيج العافيه

 

[جارة القمر]

مشكوووووووووووووووووووووووووووووره


وتسلم



4 كوب طحين عالى الجلوووووتين مع محسنات


وهذا السر


صح

 

[sereen]

السر هو =طاسة الماي صح ؟؟
بس بغيت اسأل عن كميه السكر والخميره والبكنج بودر كلهم على ملعقتين كبار مثل الملح ولا شنو ؟
ولازم نفس نوع الطحين ماينفع طحين المطاحن
ادري اذيتج ابأسألتي -- لان ولامره ضبطت العجينه وامنيتي اسوي فطاير
السؤال الاخير = لازم عجانه ماعندي
ومشكووووووه والله يعطيج العافيه

وى يااااابعد عمرى انتى يبتيها بايركس الماى اهو السبب وبووووووسه حق هاليااااهل فى التوقيع مالج

شوفى عمرى انا ماف اتعس منى بالفطااااااير بس وحدة معاى يزاها الله الف خير من السعوديه علمتنى اياها

والله من بعدها صرت ادزها للبنات وقلت لازم علمها حق اللى ماتعرف الفطاير . بالنسبه للمقادير نفسها بالضبط عمرى لاتغييرين شى

بالنسبه للعجانه: السر في الفطاير كثر ماتضربينها تعطيج تجانس بصراحه صاجبة الفطاير الاصليه اتسويها يدوى ومااااااشاء الله تبارك الرحمن جنها من العجانه طالعه ........ بس حطى السوائل مع بعض اولشى وعندج المكونات الناشفه على كتر وبعدين حطيهم اشوى اشوى على السائل وعجنى وكملى لين تخلص الكميه

وبايركس الماى: شى بعد لان الرطوبه اتساعدها تتخمر بسرعه خاصه انى ترى ما اخمر العجيبنه لان من حرارة العجانه اتفش بوقتها


بالنسبه للطحين : بصراحه ماعندى فكرة عن طحين المطاحن اللى استخدمه هذا اللى بالصورة بس الفكرة انه مادة الجلوتين عاليه بس اللى فيهم حساسيه منه لايستخدمونه , او فيج اتضيفين محسن للطحين

تسلمين عمرى ان شا ءالله فدتج بخبرتى المتوااااضعه .

 

[أمووونه]

مشكوووره حبيبتي وما قصرتي

 

[*سكون*]

شكله رووووعه ما شا الله

بس اول مرة أسمع عن هالنوع من الطحين .. انا دايما اسوي بطحين عادي .. بروح الجمعيه واشوف
بس السؤال : ما له أضرار هالنوع ؟ انا وايد احاتي وأخاف

ويعطيج العافيه وتسلم ايدج

 

[sereen]

مشكوووووووووووووووووووووووووووووره


وتسلم



4 كوب طحين عالى الجلوووووتين مع محسنات


وهذا السر


صح

عااااااشت شوفى عمرى انا قليل ماكنت اعجن فى الكويت من طحين المطاحن بس عندى خاله شااااطرة بالمعجنات ودايما اتضيف محسن للعجيبنه وماتخليها تخمر لان اهى بعد ماتتحمل الخمرة والكل يمدحها

فالظاهر ان الطحين اللى الحين انا استخدمه اهو اصلا ياخذونا المطاعم لان كبير مثل مانتى شايفه ومن المكونات اللى فيه المحسن ونوع الطحين عالى الجلووووتين

اللى لاحظته ان المحسن يخلى اطراف الخبزة للبنانيه او الفطايرة curvy ماتصير طالعه مثل البروووز
لاء يرتبها ويعطيها طراوة


بالنسبه لماى البايركس ذاك اليوم رحت مصنع krispykreme مال الدونت

ولا المكينه لهم تطلع طبعا جنها مصنع اصغير تقطع الدونت - تالى فى الجهاز ما ل التخمير يكون على شكل ارفف متحركه تمشى من فو ق الى تحت على ماتنط الدونته فى الزيت الحارة الا اهى طالعه من
منفوووخه بسبب بخار الماى وتصير ترفه وسريعه التخمر

تسلمين عمرى على المشااااركه:tek:

 

[sereen]

مشكوووره حبيبتي وما قصرتي

وانتى لج بعد :tek:


ماتقصرين على الكلمه الطيبه ياعمرى ........ عاد طبقووووووا اهووووو

 

[sereen]

شكله رووووعه ما شا الله

بس اول مرة أسمع عن هالنوع من الطحين .. انا دايما اسوي بطحين عادي .. بروح الجمعيه واشوف
بس السؤال : ما له أضرار هالنوع ؟ انا وايد احاتي وأخاف

ويعطيج العافيه وتسلم ايدج

وعافيج وسلمج على المشاركه شوفى سكوووووونه روحى على مركز سلطان دايركت لان هالطحين صناعه امريكيه انا خبرى مركز سلطان اييب كلشى امريكى


شوفى من ناحية الضرر مافيه ضرر لكن فى ناس معاهم حساسيه من الجلوووتين اذا انتى معاج حساسيه
من القمح والبيض وهالسوالف انا اقول ابتعدى عنه افضل خاصه اللى اجسامهم لها قابليه

وسؤالج فى محله :tek:

 

[بشرى]

مشكوور ه الله يعطيك العافيه

 

[sereen]

مشكوور ه الله يعطيك العافيه

ويغافيح عمرى وبيت مكه يوديج :tek:

 

[*سكون*]

حبيبتي سيرين مشكورة وما تقصرين ويعطيج العافيه

 

[dnyay_mll]

الله يعطيـج العافيـه
ومشكووووووووووره عالسر
بجرب باجر بالدونات

 

[sereen]

الله يعطيـج العافيـه
ومشكووووووووووره عالسر
بجرب باجر بالدونات

تسلمون حبيبات قلبى من اولكم الى اخركم


عادت ها denyay نبى الصور اهم شى خل انشوف الدونت الكويتى ولوانى ماحبهووووش بس احب ريحته اشرب عليها الكووووفى


:tek: والثانيه للاخت لللى فوق :tek:

ماقصرتوووووش على المشاركات

 

[جورية كويتية]

تسلم ايدج حبيبتي
شكلها يهبل
انا بعد ولا عمري ظبطت الفطاير
مره سويت فطاير والكل ضحك عليهم ما ينوكلون جنهم ملوت الزينه لوول

:eh_s(18): :eh_s(7): :eh_s(18):
​

 

[sereen]

تسلم ايدج حبيبتي
شكلها يهبل
انا بعد ولا عمري ظبطت الفطاير
مره سويت فطاير والكل ضحك عليهم ما ينوكلون جنهم ملوت الزينه لوول​

:eh_s(18): :eh_s(7): :eh_s(18): ​

يو يو مافى افشل منى بالمعجنات والحين الحق ولاماتلحق بس انتى اتبعى اللى انا كتبتله لج

وهذا دواج وعلى الله شفاااااج والله لاتفتحين لج محل معجنات من هالمقادير وقولى سرينوا ماقالت


والله انى اخزى اقول ياحظهم صج حريم يعرفووون وانا جرادة مالى بالفطاير ولا هالسوالف واشلون مالون بس والله الله يزاها خير هالبنت ماقصرت وتبين الصج العجاااانه ياااااايما عجيبه رهيبه

لا تقولين اى جتفى ولا ايدى قطى المكونات على بعض وخليها تضربها تلعن بوخامس العجيبنه

تطلع جنها مالت الافران العربيه شى flufy

:ada: جربوووووها يابنات

 

[النوالنو]

مشكوره

 

[*دنــيـQ8 ــا الوله*]

تسلمين ع الطريقه

وعلى السر :tek:

 

[مصابرة]

جزاك الله خير شكلها خوش عجينة

 

[sereen]

مصابرة- دنيا الوله - فاعلة خير .............. انا اللى على علمتكم بحذافيرها الشغله عاد يالله وروووونا همتكم ابيكم اتصكووووون على اللى يبيعوووون معجنات هاللى صارت الزعتر على 200 وما درى شنو ب 500 فلس خلاص مافى مطاعم

اوكيك وفر وقتصد ياعيوووووونى حبيابى انتوا والله تستاهلووووون كل خير