سخافه بعض الناس بالبي بي ام والواتس اب لي متى

[kuwaitya_zoGaa]

انا من زمان قطعت البي بي وحتى الواتس اب ماحط سوالف مادري احس ملاقه ما احط الا بوقت السفر علشان محد يشره وهم حاسديني صرت ماحط شي

 

[لوريت]

صحيح كلامج ... انا بعد سمعت عن قصه بنت مسكينه اجهضت.. والسبب الخرعه

 

[الحلا الجهراوي]

انا من زمان هاده الواتس اب خلاص مليت منه
بس ادخل نهاية الاسبوووع صراحه ملييغ ويدوش
وفضول خلق الله وين رحتي وين جيتي نمتو قعدتو

واذا ع التوبيكات انا صراحه حاطه ذكر مثل:eh_s(17):سبحان الله وبحمده:eh_s(17):

وماحب اغير.....بس في حريم وصدقيني شوفي بنيتها النفسيه شنو
عندها عقدة نقص ماتبي احد احس منها شوفوني ترا مستانسه
ترا يحبني ترا كلها طالعه ماقعد بالبيت وبدليل الافنيو تايم فرايديز تايم
استودعكم الله مسافره.... اذكر في واحد يقول عشان تكسب قلب زوجتك
سفرها عشان تمنحها شرف كاتبة التوبيك سفره تــــايم

والفاضي يعمل قاضي وانا ماادخل واجد بس نهاية الاسبوع الوحده خل تلتفت وتدلع نفسها وتعيش يومها براحه مو بمراقب خلق الله...​

 

[طبعى خجوله]

االاخت تحجت عن الروابط اللى تخترعين منها انا معاها بصراحه مانقول الا الله يهديهم انا سالفة التوبيكات الوتساب عام مو خاص يعنى كلن على كيفه يكتب حاله حال الايميل والفيس بوك بصراحه انا عاجبتني سالفة التوبيكات شغالات تهبل وتونس مو عاجبكم لاتحطون وتساب كبير والا صغير الكل يعيش حياته (( من راقب الناس مات هماااااااااااااااا ))

 

[Lyal]

بنات حبايبي اي شي عادي
لكككن اللي يطلعلج واحد فجأه يخرع بالفيديو والله حراااام حرااام يعني ماتدرين تحوشها سكته قلبيه المره حامل وحده ضعيفه
وربي مايجوز انتو فكرو فيها لو تسببتو بضرر احد هل تهقوون بتتحللون منه يوم الدين

وهم اللي يخرعوون بالصج و انتي تمشين تخرعج من ورا و لا تنخش ورا الباب ماتدرين شنو حالة الشخص اللي جرامج يحوشه مرض ولا شي ماتسوا عليكم على اساس وناسه
وحتى اللي بجذبة ابريل حراام تفاولون عالناس مايصير اتمنى تفكرون بالشي اللي راح تدزونه اللف مره و هل بينفعج اذا دزيتيه و لا بيكسبج ذنووب

 

[فديتوني..q8]

فعلا في كثير اشياء سخيفة ومملة
بس هم في شكثر اشياء حلوة

 

[brettey]

اشكركم ماقصرتوا انا سالفه التوبيكات ماتهمني بالطقاق مع ان قهرتني بس الي كاتبه sex with my husband الباجي طاااف حريه شخصيه ماهموني
بس سوالف التخرع الفيدوات
ولا الي يطرشون بطلي الرابط واخرتها يتصل لج على 112
عمليات الطواريء شنو ينرفزوووني

 

[شقاوتي غير]

انا من راايي السخافه بكل مكان متعودين عليها مو بس بالاجهزه

في اشياء تغث مثل الفيديوات الي تخرع هذه مايصير ندزها ماندري شنو بيصير لخلق الله :eh_s(14):

لكن الي تقول السخافه كل يوم تحط صورة عشاها وغداها كيفها هذه مو سخافه تحط الصورة الي تبيها بس مو صور محرمه ومفصخه طبعا

يعني في اشياء بالغتوا فيها وفي اشياء صح سخيفه ومانستاهل نسويها


:eh_s(17)::eh_s(17):


​

 

[هب العطر]

آنا ما يموتني ضحك ألا اللي عمرها فوق ال 35 سنة و

توبيكاتها جنها أم 15 :eh_s(10):

أقسم بالله قلبت جبدي

كلللللللللللله كوم واللي تحط عن زوجها

تقولين روميو و جولييت

و أهما دايم خناق و مشاكل ولاعن خيرها

استغفر الله ياربي

آنا عقب البي بي و الواتس آب أكتشفت عقليات

شكثر كنت منصدمة منها !!!!!!!!!!!!!!


و سالفة الفديوات أنتي نفسي زفيت وحدة كله جذي تطرش مقالب

و أشوا البنت إذا طرشت للكل تبلغني مابطل اللنك

السلام عليكم ,, و الله الموضوع عجبني وايد


انا بعد صادفت نفس اللي قلتي عنهم اختي ليتني ما كبرت ,,


هيااااااااط و تشيحط , و تفاخر بشكل يضحك


اللي تمدح قبيلتها : احنا و سيوفنا و رماحنا , حسستني انها بزمن عنتر خخخخخخخخخ


و اللي تمدح وتمجد بأهلها واحد واحد , يبا درينا تحبين اهلج بس مو جذي


و اللي عبارات حب و حبحبه كل يوم , على قولتج روميو و جولييت و بشكل مبالغ فيه .


و اللي تمدح نفسها : انا و انا , و جمالي و دلالي , و انا دلوعه اهلي , خرابيط هههههه






المهم , تدرين شنو سويت , و الله صج ما اجذب عليكم بنات ,,


هذاك اليوم طفح كيلي , قمت دورت هذولا المهايطيات , و مسحت ارقامهم , و الله صج .


عشان لما افتح اللسته ما اصادف هالخبال و الامراض النفسيه ,,




و الله كلنا الحمد لله مرتاحين و مستانسين وكل وحده حياتها فيها جمال وطابع خاص , كلنا بنات عوايل و ناس و محترمين و لله الحمد , بس ما نهايط و نستهبل ع الستاتوس .


ما نمجد نفسنا و نمجد عوايلنا و الا قبايلنا ,, مثل مادح نفسه يبي له رفسه .


ما نمدح نفسنا جدام الناس مثل الموصاحيات !!


و الله قمت ومسحتهم مسح كلهم , شلت ارقامهم من ايفوني وافتكيت .


اختج هب العطر من النوع اللي يحب يقرا التوبيكات , لسبب , فيه توبيكات و الله حكم و درر و تفتح النفس و تبهج القلب .


و لما تقرينهم سبحان الله , تكشف لج جزء جميل من شخصيه اللي انتي ضايفتها .


و فيه توبيكات اخبار حلوه و اخبار سيئه , عشان ع الاقل توجبين , في الايام اللي تنشغلين فيها اكيد و ما تقدرين تتصلين مباشره . فيه ناس ابتعدتي عنهم من زمان , و شغلتكم الدنيا عنهم .




بس فيه توبيكات مصاخه !


فيه توبيكات مستشفى الامراض العقليه ,, هذولي مو مستعده اجابلهم من الاساس .


مسح احسن :eh_s(15):

 

[blue ocean]

^^^^^

ههههههههههههههه والله من الضحك صااااااااااااااااااجه ياكثر ماعندي من هالنماين

صج صج مهايط وسخافه واستغفر الله الواحد يحس فيهم قلة عقل .. يعني نعم خير ماعندها احسن من هالحجي السخيف تكتبه لوول​

 

[Omali835]

والله أنا ما أزيد على كلام. الأخت. هبة عطر.الواتسً اب كشف لي الناس الطبعين والناس المرضى

 

[RicardO]

لوست انجل عندنا وعندج خير
بس عاد الاردى الي طايحين مراقبه حق الستاتوس وتحليلاتهم تقصدين فلانه تقصدين فلان انزين انتوا شكو
خو الي بدوامي ملوعين جبدي

هههههههههه والله والله هذي صج عشان جذي انا ماحب اكتب سوالفي لان الناس تراقب :eh_s(1):
اهما كل شوي مجيكين علينا متى لاست سين ومتى لاست سين
وانا بعد ماحب اكتب كل شي مادري احس هلاقه اللي يكتبون او ماله داعي

 

[RicardO]

يبيله هذي بنات

 

[RicardO]

اشكركم ماقصرتوا انا سالفه التوبيكات ماتهمني بالطقاق مع ان قهرتني بس الي كاتبه sex with my husband الباجي طاااف حريه شخصيه ماهموني
بس سوالف التخرع الفيدوات
ولا الي يطرشون بطلي الرابط واخرتها يتصل لج على 112
عمليات الطواريء شنو ينرفزوووني

واااااااااااااي ياكبرها ياكبرها :eh_s(1): موصج كنت منسدحه وفرزيت واخزياه شالفصاخه من صجج ولا تبالغين مومعقوله واااي قطييعه لاعت جبدي

 

[طالبة انجلش]

عليكم السلام والرحمه
يمكن برينتي اللي ايني انا اكثره ديني او اشياء تضحك
والحين طفى الواتس والصراحه ملاقه احسن شي الواتس اذا تبين تكلمين احد بشغله معينه غيره لا> رايي
ويعطيج العافيه والله يعينها اللي اجهضت من الخرعه

 

[miss $_$ semsem]

صاجة والله آنا وحدة بروحي خوافة من جذي صرت ماابطل فيديو الا مقصرة الصوت
أذكر على ايام المسن جذي هم ما قصروا فيني ;p

ويه جان زين بس رادة على جذي
اللي باللستة بس تمدح بعمرها ومايمدي احد يمدحها الا سيدة اذبحتنا بالبرودكاستات و مصورة المحادثة وحالتها حالة ;p

 

[حمام شاقني فنه]

سوري بس انتو شكو تتابعون الناس خليج بنفسج احسن

سوري بس من صجي ماشوف اي مشكله لو كلمتيها من باب الميانه بلز لاترسلين لي هيك وبس

 

[ENG.Nour]

واااااي استغفر الله اكثر شي ينرفز
انا بسرعه اخترع وهذيل يخرعون اللي ما يتخرع
صاارت فيني عقده ما اثق باحد ما افج الفيديوات لوووول xD​

 

[funrose]

انا صار عندي خبرة بسوالف التخرع من كثر ما يتني فيديوهات من هالنوعية ساعات يطرشون لي رفيجاتي هالسوالف بس صرت احس لمن الفيديو يكون في شي فما اشوفه واذا ما ياني احساس بالعكس اضحك وادزلها غربل الله بليسج اخذها من باب انها غشمرة فما عندي مشاكل باللي يطرش لي بس ساعات ومن عنوان اللنك تعرفين شنو راح تشوفين فاذا قريت مثلا مجزرة او اي شي من هالسوالف ما ابطل الفيديو او الصورة اما عن الستاتوس يكتبون اللي يريحهم ما تفرق عندي

 

[Mjnont '3lay]

ايه صح انا ضد هالسخافات نظام مقالب وسخافه ومو كل وحده تقدر تتحمل جذي شغلات
بالله وحده فيها القلب لاسمح الله ومن الخرعه وقف قلبها وماتت بالذمه شتسوى عليها على هالخرعه قطيعه !!
بس سؤال بنات انتو شكو بفلانه حطت توبيكات حب او غزل كيفها اهيا حره
انا مرات احط توبيكات حب ابي رجلي يشوفها وحاطتها حق زوجي هذا مو معناه اني ام 15 سنه ومراهقه او فيني نقص
اعتقد هذي حريه شخصيه كل وحده حره بتوبكاتها تحط اللي تبي
او الصوره اللي تبي