سخافه بعض الناس بالبي بي ام والواتس اب لي متى

[brettey]

عندي تطبيق بالفون ، توقتينه وبعد فترة يطلع وجه يخرّع مع صوت مُرعب .. تخرعين به الأوادم

جـان أمسحه الحين

لووووووووووووول

 

[brettey]

ما ادري ليش تذكرت مسجات ههههههههههههه
ووووووووويــــــــــــــــــــــــــن الماااااااااااي

استغفر الله شر البليه ما يضحك

لووووووووووووول عاد هذه الشرهه على الي مخلينها

 

[Tom ♥ Jerry]

,


انا سمعت انه في شاب سعودي كان يشوف مثل هالمقاطع الي تقولين عنهآ
يوم طلع الوي الي يخرعه و صراخ طبعا ..
صار فيه سكته قلبيه .. آكثر من مره يدزون لي هالمقآطع
بعدها دزيت برودكاست عن قصه هالشاب السعودي و قلت لهم محد يدزلي جذي شغلات
و من يومها فعلا مآ قمت اشوف آحد يدز ..

صراحه حركه جدآ بآيخه مآدري شنو يستفيدون منهأ !

 

[ام سعود ديكسون]

اي والله بريتي جد هالموضوع وايد مهم
يمكن الوحدة قلبها رجيج ما يتحمل والا فيها قلب ضغط سكر لا سمح الله
من تبطل الفيديو تنشد اعصابها كافي ضغط البيت والدوام و الزحمة بالشوارع
و كل هذا ضغط نفسي

تردين البيت تبين ترتاحين
تفجين وتس اب فيه دعاااا قرااان كريم
صورة وردة
صورة ياهل حلو
مو افلام رعب و شو للحياة الزوجية اللي مفروض علينا ما نتجاوز فيها باب غرفة النوم

 

[نمله ذربه]

ههههه

التوبكات بالواتس اب شي خيالي
والله في بنات اضحك على توبكها كأنها قاعده بحرب

 

[ReD&FoSHia]

شوفي الفيديوهات قليل ما ابطل لانه مالي خلق ابدا
بس وريني كلام و قصص و صور بسس
بس شي لينك و دشي فيه و طلي لا ماحب

انيي لمشاكل الوتس اب
اللي تكتب حياتها اتهبل رغم انها تعبانة و شقيانة عليها بالعافية ترا
خليها شوي اتفلسف ترا ماراح يضرج شي لو كتبت انها سعيدة يمكن اهي اتقص على روحها بهالكلام تعطي نفسها جرعة ايجابية ولا مشاكلها اللي انتي اتعرفينها كلها تمثيل بتمثيل واهيا اصلن اسعد منج بس ماتبي العين علشان جذي اتحجى عن مشاكلها
ويمكن بالستاتوس تبي اتبين انها مستانسة عادي يعني

انيي للي ماحبه خيييييييييييييييييييييييييييييييير شررررررررررررررررر


اعرف وحدة اهيا و حماتها معاي بالوتس
تخيلي ستاتوساتهم كلها كلام مبطن بينهم و بين بعض
و كله طب ببعض

انا ماحب هالشاكلة
لانها فعلا تعبااانة و قلبها اسود اللي اترجمه بالكلام و تكتبه و تقصد اتوري الثانية الكلام الجارح المبطن

 

[انسام الكويت]

الواتس اب استخدمه حق السوالف فقط ويا خواتي او غيرهم اما سوالف برودكاست هبيت فيها بأول ماشريت الايفون وفعلا اطو وحده دزت لي

برود كاست مثل ويهاا افتح رابط ولا تطلع بنت صغيره ترقص وتفتح بيبان البيت تالي فجأه تنط بشاشه بويهه يخرع المشكله دازتها لي بنص الليل

حسيتها متعمده وصج بطت جبدي ماقمت ادز لها شي من عقب هالفيديو وتالي زهقت من البرود كاست

ما قمت ادز لأي احد فقط استقبل ولا بعد مرات أنساه ما أفتحه مالي خلق ابطل روابط وغيره هههههههههه

وأحلى شي ضحكني رد وحده من الخوات عن الستيوت اللي كل وحده حاطه مدح لنفسها او تكتب عن ريلها هالشي صج فراغه هههههه

اللي يبط جبدي مره نبهني ريلي على وحده كاتبه خفاره تايم نقد عليها صج شكو حاطه خفاره تايم بعد حنا شكوووووو فيج

أنا تعجبني اللي تحط دعاء فقط او تحط حكمه ولها معنى مؤ كل جم جم يغيرون ههههههه

 

[ضــمــاد]

من ناحية الحاله والكلام اللي يكتبونه فكل وحده حره




يعني برايي وان ماعجبني هالشي لكن بالنهايه هذي حريه شخصيه



البنت كاتبه بموبايلها مو مبايلي انا هذي قناعتي



اما سالفة التخرع .. عندنا وعندج خير



أنا مااتحمل قمت اخاف لما افتح اي مقطع ابعد التلفون عني واطل فيه كل شوي ههههههه



لما يخلص المقطع بسلام .. اعيده واشوفه عدل


اما الأشياء اللي صج صج ماقدر اشوفها قلبي صج يعورني يعني مو كلام احس شي يضغط على قلبي


لما يدزون مقاطع عن التعذيب بسوريا / لما يدزون عن الوضع السياسي بالكويت ودول الخليج واخبار تخوف وتسد النفس



انام وانا حدي متضايقه ,, ومغموت صدري





على طاري الحاله .. والله كنت ضايفه وحده ولما شفت الحاله انصدمة




( بوله تايم ) وانتي بكرامه والبنت مو صغيره شكبرها عمرها 25..




بس شتقولين غير ناس فاضيه وتحب تستهبل

 

[ام الحوراء زينب]

انا فاكه عمري ما افتح ولا فيديو لو حتى حاطين فيديو يهال ما افتح لو شيصير
واللي فيه خير يدزلي اشياء تخرع اشرشحه

 

[عربجيه]

عفوا صاحبه الموضوع ياليت تتكلمين عن التطنز لو سمحتي
ام كشه
ام ركب سود
واتوقع اللي متعمقين بالبيبي يسببون فتنه بين المغربيات والكويتيات بحكم ان المغربيات اجمل وافضل و....و....و....
واللي يقولون عن المراهـ السمينه يقولون انها كانها سياره باب يوكن واحد وغير هذا الكثير من التجريح للبنات وكان خواتهم وامهاتهم غير خليجيات ولانهم يعرفون بالسخافه قامو يتمادون بشكل مبالغ فيه فـ انا هديت البيبي

اتمنى يرتقون ويدزون مواضيع مفيدهـ

 

[عبطو9وه]

انا مرت علي النوعيه اللي يردون على بعض بالستاتوس
مثلأ نورت الكويت ي الغاليه بوجودج
ترد عليها النور نورج ي الغلا
انزين ي حياتي ي عمري انتي اختصري السالفه
وردي عليها بالبي سي
فعلاً شي يغثثثثثثثث
مايشوفوني حاطه ستاتوس صارله 94 يوم
يعني ثلاث شهور واربع ايام احم احم جني قرقت وااايد​

 

[laymona]

معاج حق

مبين تتنرفزين من الخرعات و الاصوات الفجأة

بس توقعي هالشي يصيرلج بأي لحظه مو شرط قصد ساعات دون قصد

 

[أبـنسـآكـم ♥]

معـاآج حـق بـس شنو نسوي نعـديهاآ

 

[شموخ بحرينية]

عاد وين الاوادم الي تفهم
يعني في بعضهم بعيد الشر عني وعنكم فيهم القلب او اي شي يعني مب زين

 

[blue ocean]

اي والله صاجه ناس ماعندها ذوق صدقيني .. ضجونا والله وخرعونا بالسوالف اللي تخرع

ماعندهم تقدير في ناس تتعب .. والله انا ماقدر اشوف اتعب والله

في ناس مو زين عليها تخترع جذي فجأه ..

قطيعه والله في ناس مايفهمون .. تقديرهم للامور تعبان​

 

[bnt_shyo5]

اي والله

لو قلوبهم وقفت في ناس ما تحمل​

 

[pink^q8]

انا من جذي غيرت البي بي من سوالف التخرع والسخافه والله مره وحده دازه برود كاست اغمى علي جم رقم الاسعاف وغير اللي كل ساعه تعطيج موجز حياتها وغير اللي بالدقيقه تغير صورتها ياحاطه صورة عينها يا خشمها لا وتكتب ماحلل هههههههه

 

[Meyyawa]

سالفة التخرع ما أأيدها وسخافة ,, بس سالفة الستيتس اتوقع حرية شخصية واتوقع كل وحدة وموبايلها تحط الستيتس الي يعجبها دام موقاعدة تدوس على احد بطرف .. مثلا الي تقول حاطة خفارة تايم انا وريلي نقول احنا شكو صح انتو شكو ايه حاطة وضعها حاليا يعني ماشوف في شي غلط كاتبته

 

[منـــاي]

وااااااااااااااااااااااااااااااايد اتنفز واااااااااااااااااايد ما الومج صراحه

 

[Katkoota85]

صج الله يعطي الواتس اب والبيبي العافيه كشفوا شكثر عقليات وشكثر ناس سخيفه ..
واللي يقث اللي يتليقفون ان حطبتي شي ويعلقون ويسألونج عليه ، انتوا شكووواااااا!!!!!
وبصراحه عمره ماخرعتني هالفيديوات لانها مبينه من اولها انها تافهه وان فيها دقه ..
بس البنات الله يهديهم ماعندهم غير استعراض طول اليوم وتحط صورها ويومياتها فالتها يم العالم وعاادي الحياه سعيده مو هامها لاسمعه لا بطيخ