سجلي حضورج بالخواطر او بيت شعر

[خطاابه]

إذا حزنتي من يبي يسعد الناس

الحزن ماهو زين لاتزينينه

من البديهيّات في علم الاحساس

لايمكن تكون السعاده .. حزينه

 

[خطاابه]

ضحكة عيونك تختصر اعوام

من الغزل والحكي والتلحين

لو لي يدين وموهبة رسّام

مدري اجيك منين والا منين

 

[خطاابه]

اختياري شي .. ماكان اختياري

صرت احبك وانا ماودي احبك

ردني للوحده .. ورد اعتباري

لاتتعبني معاك وخاف ربك ..

 

[خطاابه]

لاتطري الحب / ويضيق المكان الرحيب

ولاتسرق اعجابي بطبعك / ولامواخذه

أخاف لـ أعشق تفاصيلك واشوفك حبيب

واحط قلبي على كفي . . ولا تاخذه





،

 

[خطاابه]

يجب اعاده النظر في حبنا للكويت

الكويت لا تريد من يحبها فقط

الكويت تريدنا ان نحب بعضنا فيها

فالوطن ارض وشعب

فلا فائده من حب الارض دون الشعب

 

[خطاابه]

ياصبري اللي ماقدرت اتحمّله

ياليت في بعض المواضيع اختصار

الانتظار وبس ماهي مشكله

المشكله هي انتظار ..الانتظار

 

[خطاابه]

تبي تحس بطعم صحّتْك إمرض

ذوق المرض لين إتِمَنّى اتّشافي

الكون فيه أشياء ما تنتعوض

العائلة ! الحب ! جسمك معافى

 

[خطاابه]

العطر مثل القاتل المأجور

يستخدمه واحد لجل ..قتلك

وانا اذا ما مت فيض شعور

باموت قبل اجلي ومن اجلك

 

[خطاابه]

أمسيت مالي هم ، واصبحت لي هم

بين المساء والصبح ، فكيت ريقي !

اللي بقى لي هم .. واللي رحل هم

انا خيالي .. بس جرحي / حقيقي

 

[خطاابه]

ليه احس ب برد والدنيا دفا

انت في نفس المكان او بتجيه؟

 

[خطاابه]

أذكر إني قلت له وابتسم ساعة لقاه

تدري ليه أهواك واهوى غيابك قال ليه؟

قلت أنا بغيابك اشعر برغبه فالحياه

لين أشوفك واشعر إني خذيت اللي أبيه

 

[خطاابه]

غالباً ما يكون ( الإنسحاب ) أشجع قرار ، إذا اتخذه الشجاع

 

[ام رفيعه33]

الله خلق لي نفس تسمو عن البوح ما هي لضاقت من الهم باحت
على ما شفت ضيقات وجروح الويه ما تغير ولا العين صاحت
أبشرك بشارة الروح للروح تبي تطيحني الليالي وطاحت
هذا أنا والوجه باسم ومشروح وجها ً بروقه لاظما الناس لاحت

 

[خطاابه]

ودي اتعرف على شعرك ..لحاله

أنت واجد ما اقدر استوعبك كلك

آخ منك كل نقطه فيك هاله

اشعر ان الشمس تشرق لجل ظلك

 

[خطاابه]

احتاج لي موعد ولو وهمي

احتاج لي فرصه ولو تضيع

ودي اغير وجهي واسمي

ودي اضيع اضيع اضيع اضيع

مادام موت الآدمي حتمي

مايفرق الابطاء والتسريع

 

[خطاابه]

انت اول شي في عمري ابيه

وانت آخر شي ممكن ..املكه

 

[خطاابه]

بردان..ممكن صوتك يدفيني ؟

تكلمي اكثر أبدفا ..أكثر

أنا ف حضرة وجهك التشريني

طفل يبي يكبر ..وخايف يكبر

 

[خطاابه]

كنت اكذب كل صدق يقال عنك

كنت اصدق كل كذب يقال عنك

لين ماضاعت على دربك سنيني

آخ من ضيعة رجاي.... وآآخ منك

 

[خطاابه]

اكذب علي ارجوك محتاج للكذب

أنا رجل ...أعاني من الحقيقه

 

[خطاابه]

الليله احساسي مع نفسي غريب

احس اني شخص ثاني .. ما اعرفه