ستايلكم برمضان يكون دراريع ولا بدل طلعه؟

[[[ عيون جابر ]]]

السلام عليكم
مبااااااركم عليكم الشهر حبايبي وعساكم من عواده



عندي سؤاااااال
بما أني صرت مدام وهذا اول رمضان لي في بيت ريلي بخصوص الدراريع الكشخه عادي اطلع فيهم مع شيله وبدون عباة ولا ضروري عباة فوقها!
واول يوم رمضان بلبس دراعه فيها شغل وجذي ومن ثالث او رابع يوم رمضان بغير وبلبس الدراريع الهادين ناعمه وجذي



شرااايكم؟ وشنو تلبسون لي بغيتو تطلعون تباركون بالشهر؟؟؟؟؟*

 

[خالف تعرف]

انا ما احب البس دراعه مع حجاب احس شكلي يصير غلط وقديم
فاذا صارت يمعه حريم فقط عادي دراعه
اما حمواني ورياييل حمواتي وجذي
لازم البس ملابس طلعه احسن او تريننق وسيع

 

[fdeet_shosho]

اذا لبستى دراعه لازم عباية فوقها وحلات رمضان بالعباية تعطيج رزة ومرتبة وحلوة لرمضان
اذا بتزورين بيت حمولتج عند الجريم لبسي دراعه حلوة ومرتبة وكشخه اما اذا بس خالتج وانتى عادي البسي الشغلات الناعمه البسيطه
بالنسبة لى نظامى دراريع برمضان

 

[HaYoOoMa]

والله بيتنا اهل زوجي مافي احد البس اي شي عادي
وانزل ابجامه عاادي هههههههه ماعندي الا حماتي بالبيت

اما الطلعه اكييد بدله كشخه ومكياج وفوقها عباية راس عرفتي بس منظر عسسااس تبين بدلتج بس قطيها قط @@

ونظامي بيت حمولتي اذا حمواتي اهني كشخه عاديه ناعمه ونزلت اما اذا اهلهم متجمعين او جيرانهم متجمعين لا لبست بدله كشخه بس مو الرسميه الاوفر لا الجراريع الكشخه ومكياج سنع ونزلت وبس @@

 

[سيدة الذوق]

علي حسب الجو..!!

بس رمضان حلاته بدراعه ..~

 

[دلووعه وحلووه]

لاطبعا بدل وكشخه بعد

 

[فطووومة]

احلي لبس برمضان الدراريع
واذا طالعه زوارة لازم عبايه فوق الدراعه
واذا متبين تلبسين عبايه لبسي بدله احسن

والله يوفقج

 

[زوجة عزيز]

انا مع البنات اللي قالوا دراريع وعادي كل مره شي مافي مشكله

 

[مناير البيت]

نظام حمولتي دراريع مرتبه وميك اب اليومي ​

 

[opera]

كنت البس دراريع اول ما تزوجت بس الحين بعد 4سنوات لا كلش

كله بدل

قمت استخسر اشتري دراعه او افصل بالمبلغ الفلاني وبس حق مره وحده تنلبس

 

[PuPa^^SWeeT]

حسب مودج


يعني كشخي و لبسي اللي يريحج بذاك الوقت

انا ساعات دراعة مو وايد مرة بالشهر

والباجي يا اما بدل كشخة

ياا اييها جينز و قميص لوووول اخذ راحتي شوي

 

[انا لحبيبي .]

لبس عادي ، ومرات عبايه

 

[kuwaitya_zoGaa]

بالنسبه لى البس لبس عادي العملى وميكب خفيف لاني عند حمولتي بس اذا بروح حق ناس لا والله اكشخ عدل

 

[[[ عيون جابر ]]]

مشكورين بنات
اب
اب
اب

 

[ام عفاف الكويت]

دراريع بس لو عندج دراريع نظام بدل همن حلوو
الله يوفقج

 

[dnyay_mll]

احب البس دراريع كشخه
او بدل ذربه

 

[بقلبي انت]

البس دراريع كشخه واحط مكياج ناعم اذا بروح عند اهل زوجي واذا بروح لهلي دراريع ناعمه

 

[ورده عنابيه]

دراريع وبدل تغيير

 

[أحلى الألماس]

لبسي كل شي يعجبج
,مره دراعه ومره بدله يعني خلج متنوعه

 

[STILL G L A M ~]

انا ماالبس دراريع البس نفانيف طوال ومن تفصالي وشغلي وروعه والميك بالفطور خفيف وبعد الفطور اخذ شور واكثر بس مو وايد واكشخ وانزل لهم