سبب امتناعي عن الزواج

[كلي هم]

اول شي صباح الخير على الكل وثاني شي انا جديده توي مسجله بس متابعه قديمه حيل لكم واحبكم احسكم تساعدون بعض صدق ومن قلب الله يجزاكم خير وانا سعوديه واحبكم وكلنا ديره وحده الله يشهد ... بنات تكفون ساعدوني الله يشهد علي الموضوع تعبني وعقدني بحياتي ادري الي بيضحك منكم والي بتتريق بس والله تعبت نفسيتي زفت ... انا مشكلتي وشو الاصوات من البطن اااااااااااه يابنات انعزلت عن الناس اهلي يتجمعون وماروح كله نايمه والسبب الاصوات من بطني رحت لاربع دكاتره كلهم مشهورين بالسعوديه ومن يكتبولي حبوب البطن يتهيج ويزيد زياده وكلهم قالولي مافيني قولون الحمدلله لاني اعاني من اصوات بس وقرقعه بالبطن وحبوبهم تركتها احس تزيد ماتنفع المشكله يابنات وشو الحين قامت تطلع اصوات من حلقي اااااه يابنات يوم اجي اتكلم او اكون شاربه شي مثلا ببسي فجاه يطلع هواء من حلقي تعبني وفشلني وقلت لاخر دكتور قلي دام ماتطلع احماض معه ولا نكهه معينه شي عادي كلهم عندهم شي عادي وعادي وقلي الدكتور نص الي يجوني مثل حالتك وقلي اكلي نخاله تهجد الامعاء كليت فتره ووقفت احس مافاد شربت كل شي كمون يانسون والله تعبت يابنات امي عندها قولون بس مايطلع اصوات وتتريق علي تقول فريتي كل الدكاتره وكلهم كذابين هذا شي عادي مصيرك تتعودين اااااااااااه يابنات والله يشهد علي قمت مابي الناس بالجامعه اغلب محاضراتي اسحب بسبب الاصوات وصديقاتي لمن احكيهم الي تقول عين والي تضحك وربي تعبت والناس ماترحم والاصوات ماتطلع غير لمن اروح زيارات او مكان فيه ناس قبل كانت تطلع لمن اكون جوعانه الحين حتى اذا اكلت وشبعت تطلع اذا رحت الصالون اسوي مكياج او تنظيف بشر ه وانتو عارفين لازم انسدح يبدا بطني كرررررر كنه ماكينه وربي انحرج تعبت والدكاتره مايفيدون وانا فيني غازات اعترف تعبتني خصوصا لمن اصحى من النوم واخذ حبوب كربون الفحم بس ساعتين ويرجع بطني يكركر وربي تعبت ... ومره قريت واحد يشكتي من زوجته يقول وهي نايمه يطلع اصوات منها من بطنها وغازات وروايح وربي يابنات اني بغيت ابكي حسيت حالتها مثل حالتي ويقول ابي اكلمها بس اخاف اجرحها ااااه يابنات كثير اتخطبت ورفضت بسبب هالشي واحد بيتزوج وحده اصوات من بطنها ولو قرب بيبوسها يطلع اصوات من حلقها وش يبي فيها ااااه يابنات تكفون ساعدوني ومين مثلي وربي تعبت ماقمت اشوف الناس ومستقبلي تدهور لاتقولون عادي حطو نفسكم مكاني ..... اسفه طولت عليكم بس ادري فيكم الخير وبتكونون معاي ولكم دعوة بظهر الغيب :yaaaaaarb: ... وتذكروا حديث الرسول صلى الله عليه وسلم فيما معناه ((من فرج عن مسلم كربة من كرب الدنيا فرج الله عنه كربة من كرب يوم القيامه)) ..

 

[بتبوتااا]

هالمشكله بجسمج وشي خارج عن اراتج اذكر معاي وحده بالمدرسه كانت لما تتكلم يطلع صوت تريوعه تكرمون واهي تحط ايدها بحلجها وتقول الحمدلله يعني عذرناها وندري عفوياا هالشي مو متعمده وهالشي فيها وماله حل ! مانقدر نقاطعها عشان جذي والي بيقاطعها عشان هالسبب ربي يبتليه

انتي ثقي بروحج ووخري عن البقلويات وحاولي تسوين الي قالج عنه الدكتور كثر ماتقدرين والله يشفيج

 

[اخت خالتهم]

حبيبتي ترى البيبسي يسبب هالمشاكل ..
انا من تركته قبل اذا يتهضم الاكل مرات لازم يطلع صوت
يكون عشانا فيه بيبسي و اقعد اضحك بالفراش
اللحين صارلي اسبوعين تاركته
حتى بشرتي تغيرت تقولين انسانه يديده

دوري بقوقل شنو يسبب الغازات وبعدي عنه يمكن انتي حيل حساسه
وهالشي عادي
انا باول زواجي ما ااااكل شي و صوت بطني يوصل لي اخر الشارع
ارقعها بضحكه هههههههههههههه

 

[غلاي رورو]

ياعمري الله يكون بعونك

بس مادري احس انو اذا استمريتي ع الادويه بتلاقي حل

انا معي القولون العصبي ولا عصبت ولا زعلت احس فرقة طقاقات في بطني بس عاتي عايشه مع الوضع

 

[الدلوعة أمون]

أأبتعدي عن الغازيـــاات كلهاا.. وتريقي على عســـل أأصلـــي يوميـــااا مع ماء زمزم
وماتشووفين شر ​

 

[كاملة الدسم]

الله يفرج عليج ادعي ربج في كل صلاة ان هالمشكله تخف معاج وابتعدي عن الماكولات المهيجه والله يشفيج حبيبتي

 

[ياليتهم يشعرون]

حياتي انتي عورتي قلبي الله يشافيج من كل شر انا نفسج والله بس ماكبرت الموضوع نفسج خلي عندج ثقه

 

[ثريا الكون]

الله يشافيج ان شاءالله​

 

[كسرنى الهم]

الله يعينج ويشافيج
ابتعدى عن جميع المشروبات الغازيه
وانشالله مع العلاج تلاقين حل

 

[سنفوره كوول]

وييييييييييه انا نفسج قبل ما كان فيني هالشي الحين بطني يطلع اصوات يعزكم الله جنا طوووط صرت اتفشل مادري شسوي

 

[FJ style]

حبيبتي جيكي على الوزن
اذا وزنج زايد انتبهي
وبعدين تركي الاشياء اللي تترس البطن غازات

يعني التزمي وراح تلقين الحل
اما تطنشين وما تلتزمين اكيد ماراح تتعالجين

البقوليات البيبسي بعض الخضروات مثل الملفوف والزهرة ووايد اشياء دوريها بالنت وبتلقين الحل

 

[داناتا]

يا عمري جعلها اكبر المشاكل بس هذي المشكله والله ان مشكلتج عاديه ياكثر ماتجيني ولما احس بهالشي اعلي صوتي عشان محد يسمع اخذيها عاااادي وثاني شي اللي يسوي صوت الاكل والغازات ابتعدي عن البقوليات اهي اللي تسوي نفخه بالبطن وتسوي طبل والنفسيه اللي انتي عايشتها تسوى نفس الشي وسلامتج

 

[نور ونوير]

الله يشفييييييييييييييييييج

 

[شقرا كويتيه]

الله يشافيج

 

[عيون السعودية]

حبيبتي انت معطيه الموضوع اكبر من حجمه عااادي خلي قلبك قوي اذا كنت عند احد وطلع صوت قولي بطني تقرقع لأن معاي قولون وماعتقد ان هذا الشي يخليك ماتفكري بالزورج في البدايه صح يكون صعب عليك بس لازم تصبري وتتحملي الله يعينك ان شاء الله فترة وتعدي وكثرة الغازات تدل على انك مصابه بالعين والله اعلم ارقي نفسك ولا تاكلي كثير​

 

[حنيت إلك]

ياحبيبتي
في ناس كثير مثلك
بس انتي مركزه عل نفسك كثير
خففي من الاكل اللي يسبب غازات
وحاولي كل مرة يطلع صوتي ..ماتهتمين وتقولين عادي
ناس كثير مثلي وعايشين حياتهم
ترى جد ناس كثير كذا
انا معاي القولون واوقات يزيد تعالي شوفي صحيح انحرج بس هذا مو بيدي ..
وماكوا احد فاضي واللي يضحكون تراهم سخيفين ومايخافون الله ..
وبكرة الدنيا بتعلمهم...
حمدي ربك ..وحاول تنسين وتتبعين اكل يريحك وشوي اشوي بتصيرين احسن.

 

[حنيت إلك]

وبعدين ممكن هالزوج اللي بتاخذيه عنده المشكله ...ههه
وحده بوحده
وصدقيني الكل عنده مشاكل
هونيها.

 

[شتات أنثى]

حبيبتي ارقي نفسك وحطي يدك على بطنك واقري الفاتحه
وشيء ثاني لاتشربين غازيات ولاتكثرين من اكل المطاعم
وافطري زين وابتعدي عن اكل اللبان لانه يعبي البطن هوا
واسألي الله الشفاء..

 

[Beautiful soul]

انا الحين قاعده ارد عليج وبطني يطلع اصوات مع اني مو جوعانه بس احس بالبرد الاصوات بزياده
انا مادري احس انتي مكبره الموضوع اذكر وحده من بنات خالتي كانت تبات عندي في الويكند بطنها انواع الاصوات ونقعد نضحك ان صار شي عادي اصلا ليش انتي متأزمه ؟
اذا هالشي له معنى ثاني عند الدكاتره انا مادري عموما انتي جربتي 4 دكاتره خلاص وقفي حبوب وخرابيط
ادعي ربي الكريم العزيز واكثري من الاستغفار الحل السحري
ومافي داعين توقفين نصيبج عشان هالسالفه
والله يوفقج

 

[د.باريس]

روحي لأخصائي تغذية يوصف لك اغذية تناسبك و تقلل من حركة امعائك
والله يشفيك يا عمري