سبا تايم Spa Time رحله تفصيلية

[coffee]

مشاركة: سبا تايم Spa Time رحله تفصيلية

زينه وبطة وكويتية وديحانية حياكم الله
جكورة حياج الله حبيبتي ولو نعين ونعاون

 

[q8tia cool]

مشاركة: سبا تايم Spa Time رحله تفصيلية

مشكووووووورة حبيبتي كوفي

يعل هالايد اللي كتبت الموضوع ما تلمس النار

الصراحة مكان نظييف راقي و مساج ارقى ..

يعطيج العافية

 

[ظلال القرآن]

مشاركة: سبا تايم Spa Time رحله تفصيلية

خوووووووووش نجرب

 

[Miss-Cosmetics]

مشاركة: سبا تايم Spa Time رحله تفصيلية

موعدي باجر اروح اجربهم و اقولكم الاخبار



انا العاده اروح الهيلتون اللي بالمنقف و مساجهم موذاك الزود بس المكان يعجبني لانه هادي و فاضي و فيه حمام سباحه ولا مساجهم بالهيلتون عااااااااادي كلش و خدمتهم عااااااااااديه كلش و مكانهمم عااااااااادي كلش بس احبه لانه فاااضي و هدووووء ولا موذاك الزود و الكشخا اتحسينه عادي حاله من حال اي نادي صحي وفي نوادي احلا منه بعد و الخدمه عاديه بس اول مره اللي يحتفلون فيج و ايبون لج عصير فراوله مثل ويهم ههههه

فبروح باجر اجرب السبا تايم و ارد لكم خبر عنهم

 

[coffee]

مشاركة: سبا تايم Spa Time رحله تفصيلية

كويتية كوول حبيبتي تسلمين على هالدعوه الطيبه وحياج الله
ظلال القرآن حياج الله
مس- والله صاجه هلتون عادي بس انتي واسطه انا ما عطوني فراوله هههه ماي وليمونه هذا اللي حوشته .. خنشوف رايج بسبا تايم عسا يعجبج وتدعيلنا وقوليلنا شنو اخترتي؟

 

[Miss-Cosmetics]

مشاركة: سبا تايم Spa Time رحله تفصيلية

هلا Coffee

هههههههههه اي والله بس اول مره دلعوني الهيلتون عطوني عصير فراوله و المرات اللي عقبها حالي من حالج طلا ماي مع ليمونه هههههههه

اي عااااااااد اقووووولج اليوم رحت يا طويلت العمر حق سبا تايم اقولج بالتفصيل

اول شي كنت سهرانه و موعدي 1 ونص الظهر طبعا انا قمت من النوم وحده ونص هههههههه مو رحت وحده ونص و لقيتهم داقين علي فووق 7 مس كول كلمتهم قلت لهم خلوها بعد ساعه يعني 2 ونص ورحت لهم


اول ما دشيت خووش استقبال جني ابتايلاند مو بالكويت حيوني ابتحيتهم الخاصه هذي اللي يحطون ايدنهم جنهم بصفقون تحت حنجهم و يجندسون يونسووووون صحكت ابويهم ههههه و بعدين لاني يديده اول مره قالولي قعدي اشويه و يابولي ابليكيشن اعبيها و ضيفوني لمون قراس اوكي

بعدين انا قايلت لهم شنو ابي بالتلفون لما حجزت الموعد ابي ثلاث ساعات اللي اهما

تنظيف الظهر
و مساج ريلاكس
وفيشال

المهم دخلت عطوني اللوكر و غيرت ملابسي و طلعت و لا يقولون لي نطلاي اشويه داخل علي القنفات اللي داخل قعدت نطرت تقريبا خمس دقايق و بعدين دخلت الغرفه

اول شي سولوي اياه يابتلي طاسه فضيه فيها احجار صخر ملون وورد و ماي دافي حق اريولي احطهم حطيت اريولي و بعدها يابت لي ملح ريلاكس و فركت ريلي فيه و بعدين نشفتهم و قالت لي يلا علشان انسدح حق اللي بعده


انسدحت و سوت لي تنظيف ظهر بالفراوله و الكيوي هذا ماسك حق الظهر حطته لي بعد ما حطت وااااايد اشياء ما ادري شنو اهما لانه كل ما اسألها ما اتعرف اتجاوب اتقولي little english sorry madam ما اتعرف انجليزي عدل و كل ما اسالها اتروح اتيب لي اللي حطته اتيب لي العلبه هههههههه المهم بعدين اللي فهمته من مالت الريسبشن انها حطت لي سكراب اروما بالزيوت العطريه و النعناع و ماسك كيوي و فراوله و ميلك و ما ادري شنو بعد

بعدها سوت لي مساج الجسم الريلاكس زين مساجهم بس اقرب للتهمز جنها قاعده اتهمزني بس علي قوي ما ادري يمكن علشان انا طالبه ريلاكس صار جذي جنه تهمز مع انه بالهيلتون هم سويت مساج ريلاكس بس كان احلا من مال السبا تايم المهم ما عجبني وااااااايد المساج مال الهيلتون عند وحده صينيه كان احلا من هذا لانه صاير جنها قاعده اتهمزني المهم حطت لي زيت حق المساج من الزيوت العطريه علي برتقال و شي ثاني هم ما ادري لانها ما اتعرف اتجاوب هههههههه بلشا


اخيرا الفيشال

نظفت ويهي اولا بالميلك و التونك هذا اللي حسيته يعني و حطت لي كمادات حق محيط العين بارده ما ادري شنو فيها وبعدين حطت لي سكراب علي ما ادري شنو و قامت اتسوي مساج حق ويهي بالسكراب و بعدها شالته ابتونك اتوقع شي بااااارد و حطت لي شي مثل الجل او السيروم و ردت اتسوي مساج بعد و حطت شي حق حوالين العين مثل السيروم بعد بارد وشي حق شفايفي و خلتني يمكن 10 دقايق وبعدين امسحت اللي علي ويهي و خلصت الاشياء الثلاثه


كل واحد ساعه بس ويهي ما سوته ساعه لا اقل اتوقع

المهم بعدها طلعت و اهيا ماسكتني ما ادري ليش هههههههههههه وقعدتي علي القنفات اللي بالممر برا و جدامي اشموع و ورود و حركات و قالت لي تبين تفاحه قلت لها يلا يابتلي تفاحه خضرا مقصصه مع شاي بابونج وبعدها يابت لي شي مثل الجيس حار داخله دوائر حديد حطت واحد علي ارقبتي وواحد علي اخر ظهري و خلتني استمتع بالبابونج و التفاحه

بس طبعا كل ما تطلع وحده و اشوف التايلنديه ماسكتها و يايبتها يمي اتيني الضحكه واااااااي جنهم مرضا شي ما ادري طالعين دايخين و هذولا ما سكينهم كل وحده ماسكه زبونتها هههههههه ضحكوني


خلصت الجاي و التفاحه و قمت علي طوول غيرت اهدومي و طلعت



الصراحه الخدمه عجيبه عندهم و الجو ايننننن يساعد علي الاسترخاء مريح و هادي و كلا اشموع وريحت زيوت عطريه فايحه بالمكان و موسيقي هااااديه اتنوم صوت عصافير يعني صج صج جوووووو سادوحي ههههههه مال استرخاء و نوم وبس يريح الاعصاب فعلا مكانهم و جوهم احلا ابواااااااايد من الهيلتون معه انه صغير بس احلا و الهيلتون كبير بس عادي مو نفسهم جذي حلو ومريح و الهيلتون مافي خدمه و دلع مثلهم اهما خدمتهم واااااااااايد احلا بس مساجهم مال الريلاكس اللي جربته عادي مال الهيلتون احلا

اي وارخص من الهيلتون الهيلتون اذكر مساج الريلاكس كان شي و ثلاثين يا 36 يا 32 يا 35 نسيت و باجي المساجات علي 40 في وحمام الديتوكس بالهيلتون اب شي و 20 اهما ارخص من الهيلتون و احلا هالثلاث شغلات اللي سويتهم اب 64 الفيشال اب 22 و المساج الريلاكس اب 20 و الظهر اب 22

وسلامتكم

هذي تجربتي نقلتها لكم بالتمام و الكمال مراستلكم مس كوزمتكس من سبا تايم هههههههه

 

[b6o6a]

مشاركة: سبا تايم Spa Time رحله تفصيلية

خوش شي مس كوزمتكس

 

[Miss-Cosmetics]

مشاركة: سبا تايم Spa Time رحله تفصيلية

اي والله الحمدلله استانست و استرخيت و ريحت اعصابي هههههههههه ما ادري من شنو ريحت اعصابي لا اعيال ولا شي بس دلع

الله يعافي coffee اللي شيشتني ارووح لهم

 

[بدون اسم]

مشاركة: سبا تايم Spa Time رحله تفصيلية

مس كوسميتكس لوووول خوش سبلنق

الفيشال حقهم زين ؟؟؟ تنصحيني فيه ؟؟

 

[coffee]

مشاركة: سبا تايم Spa Time رحله تفصيلية

مس ههههه يعطيج العافيه على التقرير الوافي وترى انا مجربة اللي بهيلتون هم عند الصينيه الشمحوطه لول غفيت ثلاث مرات.. بس في سبا انتي تحددين تبين قوي والا ضعيف غريبه ما اسالوج مو الله خير كله خايفين على الزباين وفعلا التواصل وياهم صعب انا ترطن علي انجليزي بيزنطي لول تلقيني بس ابتسم يعني فاهمه وانا مادري شالطبخه.. اما عن دوائر الحديد لوووول ضحكتيني هذي سالت عنها وقالو انها بذور كرز يا الله شنو استمتع لي حطوهم داير مدار ارقبتي.. عاد ودي اجرب بو الفراوله ان شاءالله اجربه قريب.. اما عن المخدرين ههه واي صاجه يضحكون تخيلي بعضهم حتى واهمه ماسكينهم تلقينها تميل ما تمشي سيده .. تسلمين

 

[New Mum]

مشاركة: سبا تايم Spa Time رحله تفصيلية

واي كوفي اتينين دوختيني .. ابي ابي ابي

 

[Miss-Cosmetics]

مشاركة: سبا تايم Spa Time رحله تفصيلية

اي والله الفيشال حلو يا بدون اسم


بس ما فهمت شنو قلتي خوش سبلنق !!!!!!!

اي صححححححح coffee الصينيه الشمحووووطه اي مساجهااااااا ايننننننننن احسن وحده بالهيلتون اهيا لانه الباجي ما امدحوهم لي بس جربتها اهيا شغل عدلللللللل مساجهاااااااا


و امبلا اسالووني بس مو شفوي حلوة شفوي ههههههه لا بالابليكيشن مالهم كتبت Deep Pressure ما احب الخفيف


و هذا اللي حطووه اللي داخل الخام جنه حديد يطلع صوووت معقوله بذور كرز !!! شلكها جنها حديد صوتها و ثقيله و حااااره


بس صج صج ونااااااااااااسه لا يطوفكم جوووو حلووووو بس اخر شي ضحك لا تطلعين و اتشوفين الحريم يتطوطحون و هذولا ماسكينهم واااااااي يتني الضحكه اتصدد ما ابي اطالع هههههههههههه

 

[coffee]

مشاركة: سبا تايم Spa Time رحله تفصيلية

هههه نيو مام انا صاحبة الموضوع قريت رد مس دخت لول حياج الله
مس لووول اشوه انا اللي وياي بهيلتون طلع وحده حظها فليبينية والثانيه مصريه وامدحوهم وانا قلت علامي ما مدحت الصينية زوود بس اشوه طمنتيني خنتشيحط عليهم .. حياج الله

 

[coffee]

مشاركة: سبا تايم Spa Time رحله تفصيلية

اهلين يا بنات

رحت اليوم وجربت مساج استرخاء العضلات شي عجييب عقب الفرشه والزيوت والمساج حولت على ويهي.. حلو
وشرييت ال Toner شي مو طبيعيي ريحته تدوخخخخخ ..

اييي وخبر يدييييد وانا ماره والا اشوف للرجال فقط!! اثاري افتحو حق الرياييل بعد...
وهم مجددين الكاتالوج مالهم .. انا كاتبتلكم من القديم..

 

[SabaQueen]

مشاركة: سبا تايم Spa Time رحله تفصيلية

يعطيج العافيه كوفي على تفصيل الكاتالوج ...

الصراحه شوقتينا انشاء الله لما اولد و اقوم من السلامه بعد النفاس يبيله ادلل نفسي و على قولة رفيجتي كافأي نفسج و دلليها ...


مع خالص التحية

 

[coffee]

مشاركة: سبا تايم Spa Time رحله تفصيلية

الله يعافيج سبأ كوين الله ينقلج لي تمامه ويسهل عليج يارب ان شاءالله

 

[on line]

مشاركة: سبا تايم Spa Time رحله تفصيلية

بس طبعا كل ما تطلع وحده و اشوف التايلنديه ماسكتها و يايبتها يمي اتيني الضحكه واااااااي جنهم مرضا شي ما ادري طالعين دايخين و هذولا ما سكينهم كل وحده ماسكه زبونتها هههههههه ضحكوني

هههههههههههههههههنفس رده فعلي اسأل ليش ماسكيني الظاهر خايفين انطيح بس شفتي المنظر وانتي قاعده علي الكرسي تحت الالفتحه اللي حاطين فيها طاسات وشموع وعاكس واييييييييي انهبلت عليه رديت البيت اقول بنهدم الطوفه وابي اسوي مثلهم خخخخخخخخخخخخخخخخخخخخخخ
بالعافيه المساج

 

[coffee]

مشاركة: سبا تايم Spa Time رحله تفصيلية

كويتيه وديحانيه اي والله ويبيله نافوره

المهم آخر اخباري اني جربت اللومي لومي عجييييييب بس حق اللي يحبون المساج القوي..

وشريت منتجات منهم منظف البشره بالبابونج- ماسك حق المناطق الحساسة - وشور جيل باللافندر

 

[ساندى]

مشاركة: سبا تايم Spa Time رحله تفصيلية

اللة يعطيج العافية ياكوفى الصراحة كلج ذوق ناطرين جديدج

 

[coffee]

مشاركة: سبا تايم Spa Time رحله تفصيلية

ساندي حياج الله حبيبتي وامس جربت ماسك المناطق الحساسه والله حلو..