سامعين بأبرة الكتف الي تمنع الحمل لمدة سنه كامله ؟؟؟

[حرم راشد الماجد]

بسم الله الرحمن الرحيم


حبايب قلبي انا سمعت من وحده ان في ابره يعطونج اياها بالكتف تمنع الحمل لمدة سنه كامله

بس للامانه المرا الي قالت لي هالكلام ما عرفها بس سمعتها تسولف بالصالون واستحيت اسألها للاسف

اللي تعرف عنها شي او وين ممكن ناخذها تفيدنا


ومشكورين مقدما

 

[om_3azoz]

انا بعد سامعه عنها بس والله ماعرف شي عنها
ان شاءالله البنات يفيدونج

 

[عسل وردي]

والله مادري ان شاءالله البنات
يفيدونا وياج

 

[روعة خيال]

ما اعرفها

 

[الحور]

رد : سامعين بأبرة الكتف الي تمنع الحمل لمدة سنه كامله ؟؟؟

اي انا سامعه عنها هي بالشهر اللي اعرفه كل شهر تطقينها ..
بس للامانه ماسمعت احد استخدمها ..

 

[..روح..]

انا اعرفها واستعملتها
وهي على فكرة انواع اخفها اللي تمنع الحمل لمدة ثلاث شهور وهذا النوع اللي انا اخذتها وخلال الفترة اللي تمنع فيها حمل سواء سنة او ثلاث شهور ماراح نزل عليك الدورة نهائيا
بس نصيحة لوجهة الله من وحدة مالها اي مصلحة او غرض عندك لاتستعملينها ولا تاخذينها
بصراحة انا اخذتها مرتين يعني المفروض تعطيني مناعة لمدة ست شهور وطبعا خلال هالمدة ماراح تنزل معاك الدورة بس تخيلي انا تسع شهور مانزلت علي الدورة وبعد التسع الشهور نزلت علي كأنها نزيف وبعدها قعدت شهرين مانزلت بعد كذا نزلت خفيف وبقيت على هالحال مع الدورة لمدة سنة وزيادة لاهي منتضمة ولاهي منقطعة
من غير حالات التعرق حتى بالبرد والإحساس بالحر
كل هذا من مضاعفاتها
وبقيت تقريبا ثلاث سنين ياله رديت لوضعي الطبيعي ولله الحمد

وعلى فكرة في كثير اشتكوا انها سببت لهم ضعف في المبايض فصار الحمل عندهم بصعوبة
بس الحمد لله ان الله ستر وماصار معي هالشي
بس للعلم ماحملت بعد هالإبرة الا بعد خمس سنوات والحمد لله الحمل كان طبيعي بدون علاج

اتمنى اكون افدتك حبيبتي

 

[حرم راشد الماجد]

مشكووووووووووووره روح عالمعلومات

يعني ماكو مانع اقل ضررا غير الحبوب خايفه منهم حملت عليهم مرتين

 

[..روح..]

حبيبتي
انا حاليا استعمل لزقات منع حمل
وهي مفعولهاا نفس الحبوب بالضبط يعني هرمون بس ميزتها عن الحبوب انها تنتقل من الدم للمبايض على طول بعكس الحبوب اللي تنتقل من الجهاز الهضمي الى الدم ثم للمبايض
وعلى فكرة انا استخدمتها لمدة ثمان شهور وتركتها شهر وحملت بهالشهر وبعد ما ولدت رجعت استخدمها ولي الحين استخدمها تقريبا سبع شهور
ولله الحمد مرتاحة عليها
وصديقتي تستخدمها وجارتي بعد وكلهم ولله الحمد مرتاحين عليها
بصراحة اريح من الحبوب اللي يوم اكلها وايام انساها
وعلى فكرة اللي مدحها لي دكتورة مشهورة عندنا ومعروفة جدا جدا اسمها د- اشجان إذا لك معارف بالشرقية اسألي عنها واسمعي كيف سمعتها

بس إذا حابة تستخدمينها اسألي دكتورتك عنها إذا تناسبك اولا

بالتوفيق حبيبتي

 

[لوكي 22]

روح .. الزقات مالها مضاعفات يقولون تسوي جلطات .. وبعدين شلون نتسبح ونصلي واهي موجوده لازم يمر مكانها الماي ؟؟

 

[آهات الليل]

رد : سامعين بأبرة الكتف الي تمنع الحمل لمدة سنه كامله ؟؟؟

مرت حماي خذتها وصارت عقيم ماتيب عيال وزوجها تزوج عليها حرام يري بالج لاتخاذينها

 

[لهفة المشتاقه]

شسالفه بنات انا مفكره لما اولد اخذ حبوب منع الحمل بس محد مدح لي حبوب
والزقات مدحوهم ودي اجرب بس خايفه حيل

 

[احساس كلمة]

نصيحة لا تاخذينها أنا سالت عنها الدكتورة قالت لي ما يعطونها إلا اللي عمرها بآخر الثلاثينات لأن في حالات تقطع عنهم الدورة و أمي طقتها ثلاث شهور بطنها متفوخ و ريولها ورمت و ما نزلت عليها الدورة لين نزلتها بحبوب و قالت توبة من الأبر لا تجازفين حبيبتي أضمن شي الحبوب و الله يعيينج:nbvppw:

 

[..روح..]

روح .. الزقات مالها مضاعفات يقولون تسوي جلطات .. وبعدين شلون نتسبح ونصلي واهي موجوده لازم يمر مكانها الماي ؟؟

هلا حبيبتي
مضاعفاتها نفس الحبوب :denya:

وبالنسبة للتسبح تسبيحين عادي والماي مايأثر عليها
اما الوضوء فانا سامعة الشيخ محمد العريفي بإذني مو احد قايل لي ببرنامجه اللي بقطر وحدة سألته عن اللزقات وإذا تمنع وصول الوضوء اولا
رد عليها الشيخ وقال إذا توضيتي امسحي فوق اللزقة بالماي

اتمنى اكون افدتك حبيبتي

 

[لوكي 22]

يعطيج العافيه حبيبتي

 

[أم فتوته]

رد : سامعين بأبرة الكتف الي تمنع الحمل لمدة سنه كامله ؟؟؟

أول مره اسمع عنها

آب

أم فتوته