سالم و شمه >>> شبلا ابوك ياعقاب ,,,,,, قصة عشق بدوية تعور القلب

[توتا كويتيه]

نبي بااااااااااااااااااااااارت

 

[أم ورود الحلوه]

توتا كويتية
تسلمين على المرور
و انشالله اليوم بليل انزل بارت

 

[ريـ’ـآنـهـ‘]

ويتنق

 

[أليسا الكويت]

يسلموو حبوبه القصه روعه :e3:
يلا نبي بارت وياليت يكون البارت طويل
بانتظارج
​

 

[أم ورود الحلوه]

اليسا الكويت
تسلمين على المتابعه
ريانها تسلمين على المتابعه

 

[أم ورود الحلوه]

______________________________________________

شمه : امبييييييييييه شنو هذا ,,, طقم ذهب ,,,؟؟؟!!! من صجه هذا

شمه خشته بسرعه بالجراره و قام تفكر لو شافوه اهلها شنو بتقول ,,, قام تفكر بكذبه تكذبها على امها ,,,
شمه : يووووه يا نوره متى تجين و تدوريلي جذبه سنعه
______
شوي ودق التليفون ... شافته شمه و على طول ردت
شمه : الووووو يا موهقني
سالم : افااا ليش
شمه : بالاول امي سألتني من وينلج هالكرم ,, ثانيا هالهديه مو حاسها كبيره شنو بقول لأمي عن هالذهب
سالم: شمه حبيبتي تدرين محل ابوي بسوق الكويت يعني سوق الذهب قريب يمنا ,,, و انا مار عند محل الذهب شفته هالعقد و استحليته عليج ,,شمه خاطري اشوفج لابسه بليلة عرسنا
شمه : ههههه اللحين محد يلبس هب اصفر بليلة العرس
سالم : شنو يلبسون؟؟؟
شمه : ممممم عقد الماس ولا اكسسوار
سالم: افااا عليج يا شمه خل نملك و انا اجيبلج احلى عقد الماس
شمه : الله كريم انشالله <<< طبعا تقول بقلبها بالعيد
سالم : يابعد عمري يا شمه ,,, آمين

وتموا يسولفون ساعتين و بعدها سكروا الخط لأن نورة اخت شمه وصلت من المدرسة ,,,
______________________

شمه : يويلي يويلي يا نورة لو تشوفين
نورة : خير شنو ؟؟؟
شمه : سالم دق علي اول مارحتي المدرسه و خليته يجيبلي فطاير ,,, و تخيلي شنو جابلي مع الفطاير ؟؟
نورة : عسى مو ورد
شمه : عسى عليج شايفتني منومه بمستشفى
نورة : عجل شنهو اخلصي
شممه : طقم ذهب
نورة : !!!!!!!!!!!!! شنووووووووووووووووووووو ؟؟؟؟
شمه : اي و الله تعالي اوريج اياه
اول ما شافته نورة
نوره : وجع شبتسوين فيه
شمه : والله مدري اشرايج ابيعه و نلعب بفلوسه
نورة : اي و اذا اسألج وينه
شمه : اي على قولتج اخاف اذا جاه قال اللبسيه
نورة : اسمعي خليه يشوفه عليج جم مره و بعدها خل يجيبلج غيره عشان اذا نساه ,, نروح نبيعه
شمه : انزين و اذا امج شافته
نوره : هي وين بتشوفه انتي بتلبسينه بس جدامه
شمه : يوه يا نورة الطقم يجنن خاطري البسه لو جونا عماتي ولا خالاتي
نوره : اي يا خبلج افضحي عمرج
شمه : دبريني انتي المدبره
نوره : بعد تفكييير <<< هي اسمعي قولي لأمي انهج متسلفتا من رفيجتج ,, و وصيها ما تعلم احد و انج بتفوشرين جدام عماتي ,, عاد تدرين امي تحب تفوشر جدامهم
شمه : اي و الله خلاص انا بسوي نفسي تسلفته اليوم و بلبسه باجر بليل لو جونا على العشا ,,,
نوره : اي بس عاد قولي لخبلج اختي غارت و تبيلها واااحد زيه
شمه : افا عليج اذا ماخليته يشتريلي السوق كله ,,, ابج الولد متحطم حده ,,
________________________

الساعه 7 بليل ,, بمجمع الكوت

سالم راز طوله و يلحق شمه ,, ونورة ومنيره معاها يتمشون

شمه : هي انا بروح للحمام روحوا تحت و اذا خلصت اجيكم
منيره : زين احسن بعد انتي صاكه علينا
شمه : وجع
نورة : يالله يالله منيره
____

منيره : نورة ,, هذا الولد اللي لحق شمه للحمام مو نفسه اللي اسبوع اللي طاف كان ورانا
نوره : مدري عنه انا ما ادقق على هالسوالف
منيره : يا عساه يضبط شمه
نورة : وجع حنا ما عندنا هالسوالف
منيره : ايه يا شينكم ما تشجعون
نوره : اقول امشي خل نروح للكوفي شوب
____
بنفس الوقت
صوب الحمامات

سالم : شمه تكفين خففي مكياج
شمه : ليه موحلو علي
سالم : لا بس الشباب كلهم يشوفونج ,,أنا اغار و بعدين انتي مو ناقصج زين
شمه : اي عاد عن المجاملات ,, بعدين الشباب ما يهموني
سالم : يا ويلي فديتج انا ,, تعالي خل اعزمج على السينوبون
شمه : لا اخاف تشوفنا بنت عمتي هي ماتدري عن شي
سالم : يووووه شلون يعني ,
شمه:, شوف ابدق على اختي و اخليها تصرفها بعدها انزل انا وياك
سالم : اي عفيه يا قلبي
____
تحت بالكوفي شوب
نووره : هلا
شمه : اسمعي اخذي منيره و روحوا اي مكان بعيد عن الكوفي شوب عشان انا بنزل ويا سالم
نوره : اي خلاص ماشي ,, بس حدج نص ساعه
شمه : ماشي
___
شمه : يالله خل ننزل
سالم : صج يالله تعالي ,,
____

انزلت شمه وسالم بالسينوبون و طلبوا و قام ياكلون و يسولفون
و نوره ومنيره راحوا يتمشون بمكان ثاني بعيد ,, منيره حست بشي بس مو متأكده عشان جذي ما اهتمت ,,
منيره : نوره ,, شمه وينها
نوره : هاااا خل تولي تلقينها تفتر لا اشبعت بتدق
منيره : عسى عليج شوفي اختج
نوره : اقول تعالي تعالي خل نشوف محل قمصان النوم عسانا نتزوج
منيره : اي و الله ياعسى ماتخلص هالسنه إلا انا مالكه
_____
بعد نص ساعه
شمه : يالله سالم انا تأخرت و اخاف بنت عمتي تشك و الله لتفضحني
سالم : ماشبعت منج
شمه : ماعليه مره ثانيه
سالم : شوفي انا مابقى شي وتخلص اجازتي ,, بمرج كل يوم بليل عند درشتج بشوفج
شمه : خلاص خلاص كل شي بالتليفون اللحين روح
سالم : يالله باااي
____
طبعا كان التخطيط ان بعد مايطلع سالم , منيره و شمه يروحون يتمشون ونوره تروح تشتري خط ,, وطبعا هذا اللي صار
____
انتظر ردودكم​

 

[ريـ’ـآنـهـ‘]

مشكوووره حبيبتي ع البارت وناطرينج بارت ثاني
وهذي شمه موطبييعيه

ويا حليله سالم ذهب مره وحده!!

 

[توتا كويتيه]

مشكوره وماقصرتي

 

[أم ورود الحلوه]

تسلمون على الردود ,,, و انشالله بنزل بارت ,,,

 

[أم ورود الحلوه]

تسلمون على الردود ,,, و انشالله بنزل بارت ,,,

 

[أم ورود الحلوه]

الساعه 12 بليل ,,,
غرفة نورة و شمه

شمه : يالله يالله ركبي الخط الجديد خل نلعب
نورة : زين وسالم ؟؟
شمه : اقول خل يستريح
نورة : شوفي لاتشيرين على خطوط كروت نبي فواتير
شمه : اي اي دوري رقم ذهبي
نورة : انزين شنو تبين اسمج
شمه : مممم شرايج ب عذاب
نوره : اقول جب زين اختاري اسم صجي
شمه : حزن شرايج فيه
نوره : ابط راسج
شمه : يوووه مدري ابي اسم غريب
نورة : يا خبله اذا اخترتي غريب محد بيصدقج
شمه : شختار ؟؟
نورة : نوف حلو
شمه : وانتي ؟؟
نورة : انا شوق
شمه : ماشي بس عسى ما انسى و اناديج باسمج
نورة : ياويلج و الله اذبحج
شمه : يالله يالله اخلصي
نورة : كا خلصت ,,, اصبري خل اشوف جم فيه رصيد
شمه : بس شوفي قصري صوتج تراج خبله
نورة : زين يالله خل ادق ,, رايج ب 9797××××
شمه : يالله يالله اي شي ,, المهم نقرق
نورة : خل ادق رنه
____
بعد ربع ساعه

دق التليفون
نورة : كاهو كاهو دق ,,,
شمه : يالله ردي بسرعه
نوره : الووووووووووووو << بقمة الدلع
المتصل : الوووو مين عامل تلفووون
نورة : وجع من انت
المنتصل : معاكي بدري
نورة : لا انا غلطانه ,, يالله اذلف
بدري : قبل شوي اتصلتي انتي عاوزه صباغ
نورة : صباغ بعينك ما ابي شي يالله اذلف
بدري : يا ستي اذا انتي عاوزه تصبغي اديني العنوان انا اتصل فيك الصبح
نورة : وجع خلاص انا داقه غلط يالله اذلف <<< و سكرت التليفون بوجهه
_____
شمه : افا هذي اولتها
نورة : اقول خل نشير على غيره
شمه : خلاص دقي 98798××××
نورة : ماشي ,,,
___
بعد دقيقتين
نورة : الوووو < دلع
المتصل : الوووو
نورة : وجع هذا شكله بزر
شمه : كااككاكاكككككك << ميته من الضحك
نورة : هذا تليفون منو
المتصل : انتي منو
نورة : خلاص حبيبي يالله باي
المتصل : يا الكلبه
نورة : عمى يالله اذلف صج جاهل <<< و سكرت الخط
____
الولد قام يشكل و يدز رسايل يسب و يلعن <<< طبعا جاهل عمره 9 سنوات و ماصدق يالقى احد يتحرش فيه
بس نورة و شمه احقروه و اهو ما شبع
____
بعد دقايق
نورة: هذا رقم غريب يدق
شمه : منو باسم الله محد عرف رقمنا
نورة : اخاف الجاهل
شمه : ردي عليه العني خيره
نوره : الووووو < بدون دلع
المتصل : السلام عليكم
نوره : هاااا الووووووووو وعليكم السلام << بدلع
المتصل : منو معاي
نورة : انت اللي داق انت منو؟؟
المتصل : لا بس شفت اخوي الصغير يتحرش فيكي قلت ادق اعتذر ,, و انا زفيته
نورة : وي يعطيك العافية ماتقصر ,, و الله اذانا انا كنت بدق على خويتي و طلعلي هالبزر و جنني
المتصل : لا ما عليكي ,, لعنتلك خيرو ,,,
نورة : تسلم عساك غانم ,,,

مرت ساعه و نورة تسولف معاه ,,, اعرفت اسمه (( محمد ))
بس ماعجبها سوالفه وصخه و من اول مكالمه بايعها و خايرها ,, شكله لعوب ,, سكرت التليفون و قالت ادور غيره ,,
_____
شمه : اقول يالله اللحين دوري
نورة : الساعه 2ونص منو بدقين عليه
شمه : والله مدري شكلي بكلم سالم ,,,
نورة : اقول ركبي الخط الثاني بجهازج وسولفي انا بدور احد اقرق على راسه
شمه : وجع تراه تليفوني
نورة : ياقلبي يوم لي و يوم لج ,,, يالله يالله شغلي الثاني
شمه : مالت و انا صارلي ساعه بس اسمعج لو ادري كان كلمت سالم من هذاك الجهاز
نورة : يالله علمتج اسلوب
شمه : اقول استريحي ا سمعت الا الوصاخه
________
الساعه 2و نص
شمه : الوووووو
سالم : شمه بذبحج ,, وينج ,, صارلي ثلاث ساعات ادق كله مغلق
شمه : اي شسوي نمت شوي و توني قاعده
سالم : نوم العوافي بس مره ثانيه دزي مسج و الله شغلتيني عليج
شمه : ما عليه ياروحي ,,, بس هالمره
سالم : تدرين بغيت اجي لبيتكم ,,
شمه : ههههه تسويها
سالم : ليش حنا ما اتفقنا ان اجيج الساعه 12
شمه : ماعليه تعال اللحين
سالم : لا خليها باجر
شمه : ويه قمت تتغلا ,,

تموا يسولفوا ,,,لي الساعه 6 الصبح بعدها ناموا و اهم على الخط ,,,,,,,,,,,,,
_____________________________________

تمت علاقة شمة و سالم مدة 8 شهور ,,, تعلق سالم فيها بشمه حيل ,,اما شمه كانت تلعب على سالم بشكل مو طبيعي ,, مصروفها كان عليه
و هدايا اشكال و اللوان ,,, عطورات . مكياج . تليفونات نقاله آخر موديل . جناط كشخه . و ماركات , ساعات . حتى ملابس كانت تشتري على حسابه ,,
هذا غير الاكل اللي يوصلها لي البيت يعني طالبته من مطعم وطبعا كان سالم اللي يجيبه مع باقة ورد و كرت فيه كلام حلو يسلمه لها من الدريشه ,,,
و كل ما اسألتها امها عن شي قالت تسلفته من رفيجتي ,,,
كانت تلبس الشي اسبوع او اثنين و بعدها تحطه بجرارتها اللي فيها الهدايا و الرسايل و الغراميات الوهميه ,, اللي كان سالم يقدرها و يقدسها اما شمه كانت تنظر لهم كصفقه مربحه ,,

نورة استمرت على ما اهي عليه تلعب من واحد لي واحد ولا قدرت تحصل اكثر من كرت تعبأه ,,,
____
سالم يوم عن يوم قام يتعلق بشمه و جمالها و دلعها و انوثتها و تساهلها معاه ,,, كل يوم يشوفها عند الدريشه ,, او على الاقل اربع مرات بالاسبوع ,,
___
شمه سوت علاقات عابره شكثر بس ماحصلت من وراهم اللي كانت تاخذه من سالم , فكانت تحوس تحوس وترد لسالم مره ثانيه,,, وسالم المسكين قام ينطر منها رد على الموافقه بالزواج ,,, وهي كل يوم تأجل ,,
________________________

بعد 8 شهور ,,,

في غرفة سالم

سالم : الووووو هلا بغلاي و اهلي و دنيتي
شمه : شلونك سالم؟؟
سالم : هلا حبيبتي ,, انا بخير ,, شفيه صوتج؟
شمه : سالم ابيك اللحين تجي بيتنا في هدية حاطتها لك ,, عند الدريشه
سالم : عسى ماشر ياقلبي في شي
شمه : سالم اذا تحبني تعال
سالم : انشالله ياروحي مسافة طريج واكون عندج
شمه : شوف سالم ,, انا اللحين بروح المدرسه , الهدية عند الدريشه ,,, تلقاها تحت الدريشه على الارض ,, اخذها ماشي
سالم : انشالله حبي
________________​

 

[أم ورود الحلوه]

بعد ساعه و ربع سالم واقف عند دريشه شمه ,, وشاف كرتون ومعاه رساله ,,, اخذهم وراح على طول السياره و فتح الكرتون وشاف !!!!!!!!

الدببه و الورد المجفف و الكروت اللي فيها كلام حب ,, و الرسايل ,, و الهدايا البسيه اللي شراها لشمه , مثل البراويز و التفافيخ و الدببه و المجسمات , بس ماكانت الهدايا الغالية موجوده ,,,
فتح الرساله و قام يقرا
(( سالم انا تقدملي ولد خالتي ,, صج اهو اكبر مني ب 25 سنه بس العوض ولا القطيعه ,,, انا وافقة على طول ,,, تدري حلاة الثوب رقعته منه و فيه , بصراحه تمنيتك لي بس ما ودي اجيب عيال باجر يعايرونهم خوالهم انهم غير اصلهم , ابي عيالي يتربون مع اهلي و سط قبيلتي ,,, الله يوفقك سالم ,, روح شوف لك بنت الحلال اللي تناسبك ,, و هذي هدايات رديتها لك ,, عشان ما ابي شي يذكرني فيك ,, اما باقي الهدايا وزعتها على اختي و حريم اخواني ,,,,,
ادعي لي الله يوفقني و يوفقك ................
سالم اهديك هذي الكلمات .................

تعال خذ مني هداياك
و باقي الصور و اغلى المكاتيب
ما عاد تنفعني بلياك
وجودهن عندي تعذيب
يكفيني اتسلى بذكراك
دامك نويت تصد و تغيب
اوعدك طول العمر ما انساك
حتى و لو حطمني الشيب
ما يذكر طيبك و حسناك
و انا اجازي الطيب بالطيب
لولاك ما حبيت لولاك
و لا عشت في دنيا المحابيب
شفت الهوى و الطيب و ياك
باحساس و اقوال و اساليب
الله يسامح لك نواياك
و يحفظك عن كل العذاريب
اودعك و اتامل رضاك
ما حد حبيبي يعلم الغيب
و ان مت اذكرني بدعواك
و شوف الصور و اغلى المكاتيب )))______

شمه كتبت هذي الكلمات صج بدون حب ,,, بس تمنت سالم بهاللحظه يكون لها ,,, لأن تدري ان ولد خالتها ماراح يعطيها ربع اللي عطاها سالم ,,,, ندمت انها لعبة عليه تمنت لو كانت صادقه شوي ,, ماحبت تتزوج سالم ,, لأن ماتبي تاخذ واحد غير عن قبيلتها ,,, تعرف عماتها و بناتهم و خالاتها بعد ,,, ماراح يرحمونها من الشماته ,,,,

_____

سالم بعد ما قرى الرساله حس بدوخه و عوار راس مو طبيعي قام يفتر راسه ,,,
شنو هذا يا شمه ,,,؟؟؟ ليه ,,, لـــيـــــــــــــــــــــــــــــــــه ,,, لــ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـيييييه يا شمه تلعبين علي انا اللي حبيتج وصنتج , انا اللي عطيتج روحي و قلبي انا يا شمه ليه ,,, خليتيني اعيش باحلام و اوهام ليه مو من البدايه صديتي ,, ليه مارفضتيني زوج و ريحتيني ليه تعذبيني ,,, كل شي عطيتج يا شمه و لو تبين اكثر اكيد بعطيج ,,, اللحين تقولين روح ,,, روح حراااام عليج ,,, بنيت حياتي عليج ,, رسمت عيالنا و سميتهم بعد ,,,تخيلتج عروس يمي بليلة العرس على الكوشه ,,, حلمت فيج لحظه بلحظه ,, اللحين تقولين روح ... عبالج بروح بسهاله ,,شلون يا قلبي بتحمل تشوف شمه عروس بحضن غيرك , آآآآه آآآآآآآآآآآآآآآآه
تم سالم يصيح في مكانه و يون ,,,
بعدها بطل الدرج و كتب رساله ,,,
(((((جتني و قالت باقايا هداياك=وهاك الرسايل و اعتبرها نهاية
و خل ذكرياتي و الصور دوم وياك=مابيك تنساني و تنسى هواية
واستر علي ما شفت مني وماجاك=و عساك تذكر ذكرياتك معاية
قلت اسمعي قالت عسى الله يرعاك=ماعاد ينفع يا حبيبي كفاية
صاح الضمير وقالت يالزين وش ياك=ودي اعرف اليوم وشو خطاية
ودي اعرف اللي حصل لاعدمناك=شوللي حصل بالضبط وشهي الحكاية
قالت خطبني شخص مثلك وشرواك=وابوي ملكة و حطم مناية
قالت وهي تبكي ترى الكل يفداك=لكن ظروف الوقت زادت شقاية
غصبن علي اليوم اوادعك واجفاك= مجبورة ياقلبي افض الروايه
لا تعتقد في يوم انا بقدر انساك=انت الوحيد اللي له القلب غاية
و القلب صابه وقتها الف دكاك=والهم أعلن في حياتي البداية )))

حبيبتي شمه يا روحي و غلاي ,,, ابي اشوفج ضروري باجر الساعه 4 العصر بمجمع الكوت ,,, لاتروحين المدرسه تعالي بشوفج ضروري ,,, فاهمه ,,, لا تخليني اموت لازم اشوفج ,,, ارجوج شمه ارجوووووج ,,,,
معذبج
سالم
)))))
سكر سالم الرساله و حطها عند دريشة شمه ,,,, ودز لها مسج و كتب لها عن الرساله ,,
_____
سالم رجع البيت و النفسيه حدها تعبانه طاح بالفراشه و حس بتعب و حراره ,, اخذ حبة بندول بس حس انها ما سوت شي ,,, عينه على التليفون ينتظر من شمه اي مكالمه ,,, لكن لا حياة لمن تنادي ,, شمه رافعه الجام عليه مره و حده ,,,, راح سالم للمستشفى و اخذ مغذي و رجع للبيت و قال مالي الا بكره اروح للمجمع و اشوفها يمكن بتغير رايها ,,,,
______​

 

[توتا كويتيه]

مشكوووووووووووووووووووووووره
بس البارت وايد قصيرر

 

[أم ورود الحلوه]

في بيت شمه

شمه ردت من المدرسه و قرت الرساله و حذفتها ولا اهتمت ,,, كسرت الخط و عطت الجهاز نورة اختها ,,, لأن اليوم ملكتها ,, قالت خل يولي اكيد بيمل ويذلف ,,, بعد مالي الا حياتي ,, شلي اضيع عمري مع واحد ماهو بثوبي ,,
....
البست و كشخت شمه , عشان ملكتها ,, كان الاتفاق ان العرس بيكون بعد شهر لأن ولد خالتها مطلق ولا يبي يتأخر ,,,
طبعا ولد خالتها رجال عمره 47 سنه ,,, مطلق و عنده خمس عيال ,,, شمه وافقت مجبوره مالها حيله ,, كل اللي بعمرها تزوجوا وجابوا عيال و عندهم شهادات الا هي لا شهاده ولا شي ,,,
_______

الساعه 4 العصر بمجمع الكوت
سالم قاعد بالطاوله اللي تعود يقعد فيها مع شمه ,,, وقام ينتظر شمه ,,, طبعا شمه تكشخ وتلبس لعريس الهنا ,,,
انتظر سالم ساعه و اثنين ,,, قام دق على عبداللطيف ,, لكن عبداللطيف مارد على سالم لأن شمه وصته انها خلاص بتتزوج ولازم كل شي ينتهي ,,, طبعا عبداللطيف عبدالمؤمور لازم يطيع شمه ,,,
سالم ,,,, اخذ تليفونه و كتب
((ورحت الموعد الغالي جلست هناك بحالي
اسلي نفسي بالهوجاس افكر في اعز الناس
وزلت حزته و ماجا دريت انه معاد هو بجاي

دنيته و الامل سهران بقلبي احتر الخلان
وانا بين الرجا و الياس اساهر قلبي الحيران
بعد مافات ميعاده حبيبي مل بي وداده
وزلت حزته ماجا ودريت انه معاد هو بجاي

حبيبي لو يزل الليل انا قلبي يحبه حيل
ولا تثنيه زلاته و تداول جرح بسماته
وشعاد عاد لو نسى وعده انا مالي حبيبي بعده
وزلت حزته ماجا ودريت انه معاد هو بجاي)))و ارسلها لتليفون شمه ,,,, بس اكيد ماراح توصل لأن شمه كاسره الخط,,,,,,,,
___________

الساعه 9 بليل بعد ماراح الكل لبيته ,,, و بارك لشمه ,,

شمه : يووووه قطع يا هالخبل سالم ,,, تراه يحوس حوالين بيتننا
نورة : شدراج ؟؟
شمه : ميري قالت انها شافته قبل ساعه و انه لي اللحين واقف عند الباب ,,,
نورة : الله يخسه شنو هاللزقه ما يفهم ؟؟؟ بس لا يفضحج وراج عرس
شمه : هو يموت فيني ,,, ماراح يسوي شي
طق باب الغرفة وقاطع كلام شمه ,,,
نورة : منووووو
ميري : انا ماما
شمه : يووووه عسى بس مو سالم
نورة : فتحت الباب <<< هااا شتبين ؟؟؟
ميري : هذي ورقة عشان ماما شمه
نورة : من منو؟؟؟
ميري : هذا صديق مال هيه
نورة : انزين مرة ثانية لاعاد اشوفج تاخذين شي خلاص ماما شمه زواج فاهمه
ميري : هذا نفر مسكين حيل قلب طيب يحب شمه
نورة : مالج شغل يالله روحي
_____
شمه : عطيني خل اقرى
نورة : الله يلعنه ما يفهم
شمه : اففففففففففف
شوفي دازلي شعر ...
((((أبي أبكي من الضيقة وأبعزف للهموم ألحان
أبي اطلق مواويل الحزن وبطرح كل دواويني


أبي أشكي أبي أحكي أبوصف للبشر حرمان
أبيهم كلهم يدرون أبيهم يشعروا فيني


أبي لا من طرى أسمي بكى من لوعتي العشاق
أبي لامن طرى"عاشق" ذكر من كان يغليني


أبيهم يذكرون أني صرت بدمعتي غرقان
أبيهم يعرفون الهم هوأللي صار يخاويني


أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني


أبي أترك لهم قصة وأخيّرهم على العنوان
يسمّوا "حزن"يحطوا "دمع" ..ما عاد يعنيني


أبي لامن وصل صوتي يحس بضيقتي إنسان
أبي لامن نزف جرحي لقيت أللي يداويني


أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني


أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني



أنا ما أبيه يصبح ضلع أبيه يكون لي أضلاع
أبي لا من مشيت وطحت يحط يديه في يديني



إلامن خانني التعبير أبيه يكون لي لسان
أبي لامن سكتْ ألقاه ..يفهم من نظر عيني




أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني


أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني


أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني


أبي أشعل شموع الحب وبأعطي من الغلا بستان
أبي أهـــديه باقة ورد مسقـــــيها شراييني)))))

نورة : اففففففففف صج سخافه خل يولي ,,, اقول قولي لي شنو بتجهزين
شمه : ويه كل جناط الماركات عندي الخبل ما خله شي إلا و شراه لي ,, و الذهب موجود بعد و الاكسسوارات و المكياج الغالي لي الليحن بكراتينه من كثره ,,, اتوقع باخذلي جم شغله بس ,,, لأن الاغراض اللي عندي شكثر ,, الله يخليج حتى قمصان نوم وملابس داخلية غاليه شرالي ,,
نوره : اي بس انتي ما استعملتيهم ؟؟؟
شمه : يمكن استعملت واحد ولا اثنين و اهو شاريلي بحدود الاربعين واحد ,, مسكين كل ما ادخله مجمع اخليه يدفعلي اقل شي 500 دينار ,,,
نوره : شوفي ساعة الكارتيتر اللي شراها لج البسيها بليلة عرسج
شمه : اي اكيد ,,, شوفي انا و انتي لما ناخذ فلوس من امي عشان نجهز ,,, بشري فيهم دراريع و هالسوالف اما الماركات و باجي الشغلات بقول لأمي اني شريتهم و انا اصلا بطلعهم من الجراره ,, لن في اشياء واجد على جدتها محد شافها
نوره : و الله و استرزقنا منه ,,, عسى يجيني خبل مثله
شمه : ههههههههه اقول خل انا باجر وراي احني شعري ,,,
نورة : يالله تصبحين على خير
شمه : انتي من اهله
_____________
تم شهر و سالم واقف عند باب شمه , يشوفها بالدخله و الطلعه و هي مو معطيته وجهه ,,, اذا كلمها اكشتت فيه ولا ردت عليه ,,, قام يرسل لها رسايل و يحطها على دريشتها بس يصبح الصبح يشوف الرسايل ما انجاست ,,,
سالم حس بقهر و عذاب ,,, حس ان شمه لعبت فيه و اهانته ,,,
حس ان لازم ينتقم من كل شي ,,,
____​

 

[أم ورود الحلوه]

____
يوم عرس شمه ,,,
سالم كان واقف عند باب صالة العرس ,,, و مشغل المسجله على العالي و حاط اغنية ,,
((((ياهلـي زيـنـة الـعـرس حطـوهـا


فوق بيت صويحبـي كامـل الزينـي...


شـب قلبـي ياهلـي يـوم شبـوهـا


واحترق قلبي علـى داعـج العينـي...


صحت صيحـة ياهلـي يـوم جابوهـا


طول صوتي ما أحسب الناس توحيني...


زاد هـمـي يــوم لـلـدار ودوهــا


وهل دمعي دم مـن محجـر العينـي...


طـار عقلـي ياهلـي يـوم زفـوهـا


واختلفت ولا اسمع اللـي يحاجينـي...


زوجوهـا شـايـب فـيـه غشـوهـا


والسبايـب حيـرة اللـي قريبنـي....


ماتبـي قـربـه بـلاشـك غشـوهـا


واجرحوني جـرح منهـو يداوينـي...


دونهـا البيبـان بالقـفـل صكـوهـا


وافرحوا فيها وهـي حظهـا شينـي..
)))الكل انصدم من تصرفه ولاحظ وقا يسأل شنو اللي يصير ومنو هذا ,,,, شمه انفضحت بسبت هالشغله ,,, حت ى اهل رجلها تضايقوا ,, و الناس قام تسولف بشمه ,, نورة بغت تجن حزتها وقامت دقت على شمه بالصالون وقالت لها اللي صار ,,, شمه انقهرت و قامت تصارخ و تدعي على سالم ,,,
سالم مو مهتم بأحد حاط الغنية بصوت عالي و الكل يسمع ,,, و ما بقى احد الا وقام يسولف ,,, و وصلت السالفه لي صالة الرجال ,,,
و المعرس و اخوان شمه وجيهم انعفست ,,, ما يدرون شنو يسوون ,, اذا تكلم فضحوا السالفه و اذا اسكتوا بعد السالفة مفضوحه,, المعرس ,, حلف انه بخلي ليلة شمه سوده و بطقها على اللي صار و بخليها تعترف غصبن عليها ,, بس ينطر يخلص العرس ,,
اخوان شمه ,, قام يدعون على شمه و تمنوا لو انها تموت و يفتكون من الكلام ,,,,,,,,,,,,,,,,,,,,,

_______________
الساعه 9 بليل ,,, دخلت شمه الصاله
الدموع تارسه وجها و امها حدها معصبة و الدنيا مقلوبه ,,, شمه اول ما وقفت عند باب الصاله و اهي تسمع صوت الاغنية اللي مشغلها سالم ,, وشافت سالم بسيارته ,, حست انها خلاص انهارت وراحت فيها و انفضحت ,,, بهاللحظه اندمت على كل لحظه لعبة فيها و غازلت وماشت شباب ,, عرفت ان الله ستر عليها واجد بس في النهاية انفضحت ,,, ما توقعت هالتصرف يطلع من اللي حبها ومات فيها ,, بس اعرفت ان الرجال كل شي يهون عليه الا ان وحده تلعب عليه ,, خصوصا انها درت ان عبداللطيف قال لسالم ان شمه تكلم شباب واجد وكله تواعد ,,, درت من ميري خدامتهم ,,,
_____
فجأه وسط هيصه وليصه ,, ودموع شمه ,, و عصبية امها و خوف نورة ,,,
طلعت رصاصة من مسدس كان بأيد سالم لي صدر شمه ,,, الفستان الابيض صار احمر ,, الصراخ ترس المكان و الدموع و الصدمه ,, شمه ماتت ,,, شمه قام تاخذ نفسها الاخير ,,, ليش شصار ,, ليش تسرعة ياسالم ,, تذبحها ,, معقوله تذبح قلبك وروحك ,,, نورة اغمى عليها من شدة الموقف ,, و ام شمه استخفت و قام تصيح و تشيل وتضرب ,, الحريم طلعوا بره و صراخهم ترس المكان ,, شمه ماتت شمه ماتت بليلة عرسها ,,, ماتهنيني ,,,
اللي تسب و اللي تدعي و اللي تصارخ دقوا على الشرطه
و اللي تقول دقوا على الاسعاف ,, و الناس معفوسه و الدنيا قايمه ,,
وصلت السالفه لصالة الرياجيل , وجوا يتراكضون و شافوا شمه مرمية على الارض و الدم يمليها ,,, و الشرطه بالمكان توهم واصلين و سالم سلم نفسه لهم و الانهايار باين عليه ,,
سالم هد ايد الشرطي وراح يركض صوب جثة شمه ,,, و يبكي و يصيح ,,
لمها بكل قوه و صااااح
لييييييييييييييش لييييييييييييش يا شمه ,,, ليه تلعبين فيني ,, انا اللي شريتج ليش تبيعيني ,,, اسمحيلي اموت واموتج ولا اشفج لغيري ,,, احبج يا شمه ,,, آآآآآآآآآآآه يا شمه لا تروحين ,, تعالي ابيج ,,
سالم انهار و استخف ,,, قام يصارخ مره و مره يشعر و مره ينوح ,, سالم شراج يا شمه و انتي بعتيه ,, لعبتي بذيلج ,, جم واحد قلتي له احبج و جم واحد قالها ,, بس منو اللي قالها بصدق غير سالم ,,, حرام ياشمه حراااااااام ,,,,,,,,,,,,,,,,
_________________

بعد 6 شهور
طلع حكم المحكمه ,,,
25 سنه سجن لسالم ,,,
ام سالم زاد عليها المرض و تعبت حيل و في النهاية توفت بعد سجن سالم ب 3 شهور ,, ماتت ولا شافت ولدها الوحيد ,,
اما ابوه طاح بالمستشفى من جلطه لي جلطه مو قادر يتحمل الصدمه ومحد قام فيه إلا غنيمة بنته ,,,

سالم ظل مسجون بجسمه بس روحه معلقة في شمه ,,,
خط الشعر في كل مكان وعلى كل جدار رسم شمه على كل زاوية وكل مجلس جلساه

في احد جدران السجن ,,, كانت لوحه فنية مو طبيعية لبنت عمرها مابين ال 18 و 23 سنه عيونها بس كانت قصه من الجمال و حلاها ماينوصف ,,, لها شعر يفتن الحجر ,, و شفايف ولا اروع من الكرز ,,, لها نظره تعذب الهيمان ,,,, بنت احلى من كل البشر ,,, و تحت صورتها مكتوب بحروف من دم ,,,,

رحلتي و تركتيني شماته. . تركتيني شماته و حشوة بلسان البشر
و جهلتي من فدى عمره و حياته . . من فدى عمره و حياته و حاشى غربان و سهر
أثاري كل ما قلتي كلام في كلام . . ياويلي ما بقى صاحب و على الدنيا السلام
أثاري كل ما قلتي كلام في كلام. . ياويلي ما بقى صاحب و على الدنيا السلام
على الدنيا السلام . . . على الدنيا السلام
صحيح انني لمست الجرح و عانيته , عانيته
و صحيح اني بطول الصبر داويته , داويته
و لكن ما وطى راسي و لا احساسي ترجى فيه
و لا في عزتي و ناسي طويت بحاضري ماضيه
أثاري كل ما قلتي كلام في كلام . . ياويلي ما بقى صاحب و على الدنيا السلام
تعبت و أنا أسامح فيك في كل حزه . . في كل حزه
و لي عزه مثل ما انتي لك عزه
عرفت الناس و الدنيا ,الناس الناس و الدنيا نادر الوفى فيها
عرفت النار النار ما تحرق إلا اللي يواطيها
أثاري كل ما قلتي كلام في كلام . . ياويلي ما بقى صاحب و على الدنيا السلام


و تحت هالكلمات ,,,,, و اللوحه ,,, جثة سالم طايحه ,, و الدم حواليها ,,, سالم جرح شريانه و كتب بدمه شعر لغلى حبيبة ,,,, و مات تحت صورتها اللي ما فارقته ولا لحظه ,,,,,,,,,,,,,,,,,,

انتحر سالم و قبل لا ينتحر كان معطي صديقة اللي معاه بالسجن ,,, ورقة و طلب منه ان ما يفتحها إلا الضابط بعد الانتحار ,,
كان سالم قايل رفيجه انه ناوي ينتحر ,,,

بعد ماشالوا الجثة ,,, و ادمعت عيون الكل على اللوحه و الكلمات المكتوبه بالدم ,,,
فتح الضابط الورقة و لقا فيها هالكلمات

(((((اجت ايام ومشت ايام ورجعت النوم وانا اوني ونين ما سمعتنه بواكي الليل سنني حبيبي مات من يومه عليه من كان تلومني مات وما اخذني اياه شي الي بعمري تفهمنني ويمكن ظل اللي مطلب اريد لو اجاني الموت يم محبوبي دفنني ..اريد لو اجاني الموت يم محبوبي دفنني)))
انتهت ​

 

[توتا كويتيه]

ماااااااااااااااااااااااااااااااااااقصرتي

 

[ريـ’ـآنـهـ‘]

اهئ اهئ اهئ اهئ اهئ




حبيييييبيييي ماااااااااااااااااااااااااااااااااااااااااااااااااااااااااااااااااااااااااااات

امبييه سالم وشمه يمووتوون
ما توقعت

شمه عادي بس سالم حرااااام


مشكوووره ام ورووده الحلووه ع القصه

بس حرااام بجيتيني

 

[أم ورود الحلوه]

تسلمون عل الردود
و الله يرحم الجميع

 

[yooyoo]

واااااااي ام ورود قصصج حلوه و تينن حبيت الرقص عالجثث و الحين هذي حبيتها اكثر لا تحرمينا من القصص الحلوه

 

[أم ورود الحلوه]

حبيبتي يويو تسلمين على المتابعه
و اشكر لج متابعتج لقصصي
تسلمين