سالم و شمه >>> شبلا ابوك ياعقاب ,,,,,, قصة عشق بدوية تعور القلب

[so-_so]

يريت ما طولين علينا وتكملين لان ناطرين على نار

 

[ريـ’ـآنـهـ‘]

نبي بارت
وياريت اطولين بالبارتات لانه حيييل قصيره وتنزلين بارتين باليوم بعد طمااعه

بس وناسه سالم وشمه وشمه طلعت موهينه والغبي سالم على نياته مسكييين
بس عفيه سالم شنو التلفون اللي بيعطيه شمه حلااته بوليت عشان ادووس بطنه !!

نااطرينج

 

[أم ورود الحلوه]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

راح سالم للفرع و شرا خط اكسبرس و شرى كرت معاه بخمس دنانير و جهاز نوكيا بس مو جديد حيل ,,, فيه بلوتوث وكاميره ,, و جديد و بكرتونه ,,, و حط معاه كرت صغير ,,, كتب فيه رقم تليفونه ,, وبلغها انه بيتصل الساعه 12 بليل اول ما يرد البيت ,,,,

رجع بسرعه عند بيت شمه و لقى عبداللطيف واقف يقرر مع جم هندي مجمعهم من الفريج ,,, اشر له عشان يجيه ,,, و عطاه الكيس قاله يسلمه لشمه ,,,

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

في بيت شمه

ميري : طق طق طق <<< ماما
شمه : هااا شتبين
ميري : فكي باب ماما
شمه : افتحت الباب <<< شنوو
ميري : هذا جيس عشان انتي
شمه : يمه يمه ,, جيبي بسرعه ,,, احد شافج
ميري : لا محد يشوف انا
شمه : خلاص لا تعلمين احد
ميري : تضحك << انزين ماما
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
داخل الغرفه
شمه : نوره قومي قومي
نوره : شنوووو شصار
شمه : شوفي جاب لي تليفون
نوره : بذمتج هيااااا افتحيه خل نشوفه
شمه : ايوااااا معاه خط , وكرت بعد,,,
نوره : هييي اقري الكرت
شمه : هههه كاتب رقم تليفونه ويقول بيتصل الساعه 12
نوره : اقول ركبي الخط بالجهاز يالله خل نلعب
شمه : ماراح اخلي احد إلا وبشير عليه
نوره : يووووه بس ترى الخط باسمه اخاف يسوي عليه برنت
شمه : اي والله امبيييه شسوي
نوره : شوفي خلي الجهاز عندنا ,,, و باجر اذا رحنا للكوت نشتري خط ثاني و هذا خليه كله مصكر ولا تفتحينه إلا اذا تبين شي تطلبينه من هالخبل
شمه : وجعه توجعه هو اصلا متربع عند باب البيت تهقين يلحقنا باجر للكوت
نوره : شوفي اذا لحقنا انتي اقعدي معاه وانا ازرق بسرعه اشتري خط وارجع
شمه : و الله يبيله ,,, بخليه باجر يعمني على السينبون ,,,
نورة : يا خبلج خليه ياخذلج ساعه من روائع جنيف
شمه : يويلي بس غالي
نوره : خل يولي انتي بتدفعين شي من جيبج ,,,
شمه : ههههههه ,,,, و الله و بنلعب عدل ,,,
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الساعه 11 ونص ,,
غرفة سالم
سالم قاعد على القنفه وماسك التليفون بايده و طبعا يعرف رقم نوره لأن هو اللي شاري لها ,, و عينه على الساعه ينطر تصير 12
سالم : انا لو قلت لها بدق 11و نص مو احسن ,, اف شنو ينطرني نص ساعه ,,, يبا ماكو إلا ارسل رساله

قام يحوس بتليفونه و لقى مس حلو قال يدزه لها ,,,

______________________________
في غرفة شمه
توت توووووت ,

نورة : وجع وجع حطيه سايلنت الله يفضحج
شمه : هييييي امبييييه خل احطه صامت و الله مدري انه على العام ,,,
نورة : شوفي منو اللي داز مسج
شمه : اصبري خل احطه سايلنت
شمه : يوووه هذا شكله من سالم : لحظه شوفي نفس الرقم اللي بالكرت كاتبه
نوره : شنو المسج
شمه : (((أسألك بالله يالقلب الحنون
كانك تعرف سرها الشوق
إنك تقول وش يكون؟
هوغرام
أوإحترام
أومرحلةحب
أوجنون))
نورة : ياويلي ياويلي على الحب ,,, هذا شكله مصدق عمره ,,, اقول شكله يبيج تدقين
شمه : خل يولي يبي يدق اهو ,,, ماراح ادق من رصيدي
نوره : هههه هذا و اهو اللي شاري الرصيد
شمه : شرايج ادز مسج ,,,
نورة : شنو تقولين
شمه : خاطري اعلقه يومين و بعدها اكلمه
نورة : انزين قولي ان اختي اليوم نايمه عندي و مقدر اكلمك
شمه : لالالا عندي طريقه احسن
نورة : شنو ؟؟؟
شمه : اكلمه اليوم بس ربع ساعه و بعدها اكشت فيه يومين ,,,
نورة : اي بس اذا شافج باجر بالكوت
شمه : يووووه قطع
نوره : اسمعي كلميه خوفج لاباجر يكلمج جام منيره و ننفضح تدرين انها خواره و فتينيه
شمه : خلاص خلاص خل اكلمه ,, افهمه ان مايكلمني جدام منيره ,,,
نوره : اسمعي دزي مسج ,,, له قولي له ,,, ربع ساعه ودق ,,
شمه : ماشي

___________________________
في غرفة سالم

توووووت توووووت
سالم : ((( السلام عليكم ,,, ربع ساعه و دق على ما اصعد لغرفتي ,,,))) <<< يقرا الرساله
سالم : افاااا عليج ,, اكيد ربع ساعه بالضبط ,,,,
___________________
بعد ربع ساعه
بغرفة شمه

شمه : يووووه يووووه كاهو دق
نورة : ردي عليه
شمه : زين زين بس اسكتي يعني انا بروحي
نورة : انزين
شمه : بدلع << الوووووووووو
سالم : هلا ااااا هلااااا و الله
شمه : هلا فيك
سالم : اخيرا و الله جننتيني
شمه : شدعوه ,,, ليه
سالم : ليش كل هالتغلي ,,, يبا ما نبي إلا رد موافقه او لا
شمه : يعني مستحيه << موافقه على شنو
سالم: شوفي يابنت الحلال ,, انا واحد لا ابي العب ولا اخربط ,, ابي اجي اخطبج على طول
شمه : اي بس انا شلون تبيني اوافق و شلون اكلم اهلي فشله يعني اكيد بيقول انج تعرفينه
سالم : انتي جيسي النبض اسألي ابوج لو تقدملي واحد من قبيله .... ××× بتوافق او لا ؟؟
شمه : اكيد ما يبيلها تفكير ,, ماراح يوافق
سالم : افاااا ليش
شمه : مدري تعرف عاداتنا و تقاليدنا
سالم : اي بس يا شمه انا ما ابي لعب و خرابيط انا ابي زواج ,, انا امي تحن علي و خواتي بعد يبوني اتزوج و انا رافض و من شفتج و فكرت الزواج في بالي ,,
شمه : و انا شبيدي ,, بعدين امداك حبيتني
سالم : و الله يا شمه ما اكذب عليج تعلقت فيج من شفتج ,,, و الله لو فيها جاهيه لجيج بجاهيه بس وافقي علي
شمه : خلاص خلاص ,,, خلنا مع بعض هالكم يوم و خلي اتأكد منك و بعدها اذا وافقت اكيد ببلغك
سالم : اكيد يا شمه
شمه : انشالله
سالم : يابعد عمري فديتج و الله

وتموا يسولفون لي الساعه 3 الفجر و بعدها شمه لبت من خالد يسكر التليفون ,,, بعد ماصوت شخير نورة ترس الغرفه
_______________________________
شمه : نوره ,, نوره
نوره : هااااااا شتبييين
شمه : قومي خل اسولفلج
نورة : ابج انتي شفيج وراي مدرسه من الصبح باجر اقرقي على كيفج
شمه : يووووه يا شينج ,,, انخبدي ,,,
______________________

انتظر ردودكم....​

 

[ريـ’ـآنـهـ‘]

البارت قصييير

بس وناااسه

شمه مو هينه كلللش

ناطرينج ومتى البارت الثاني

 

[so-_so]

بني بارت القصه روعه ................

 

[so-_so]

:eh_s(2)::eh_s(2)::eh_s(2):
نبي بارت لا طولين علينا .....................

 

[أم ورود الحلوه]

يسلموا على الردود
و المتابعه

 

[توتا كويتيه]

روووووووووووووووعه كملي

 

[أم ورود الحلوه]

سوسو
ريانها
توتا كويتية

مشكورين على المرور

 

[yooyoo]

كملي مو تعلقينا كملي

 

[أم ورود الحلوه]

انشالله بكملها
اليوم بليل اذا ما علق معاي

 

[ريـ’ـآنـهـ‘]

عفيه لاطولين

 

[so-_so]

لا طولين علينا ويعطيج العافيه

 

[so-_so]

نبي بارت طويل شكلها قصه روعه

 

[ريـ’ـآنـهـ‘]

ناطرينج

 

[أم ورود الحلوه]

______________________________

ثاني يوم الصبح

نورة جدام المنظره تعدل حجابها

شمه قعدت على صوت امها و اهي تدادي نورة عشان ما تتأخر على المدرسه

شمه : نورة ,,, طافج امس
نورة: اسمع تقرقين بس نمت
شمه : فضضحني شخيرج الله يخسج
نورة : بعد انتي قلتي نص ساعه و قمتي تقرقين طول الليل
شمه : شسوي يخلص من موضوع و يدش بموضوع صدع راسي
نورة : قلتي له عن اليوم
شمه ايه قلت له بصرف اختي و بنت عمتي و اقعد معاك عاد انتي روحي اشتري خط
نورة : اسمعي اذا رديت اسولف عاج امي افضحتا صوتها وصل للجيران
شمه : قام تشوف التليفون << ههههه دازلي مسج
نوره : شكاتب
شمه :
((صباح خاص مو حق أي ناس ناس اغلى من الالماس ناس خذوا القلب و الاحساس..))))
نورة : وجع هذا ما نام
شمه : يوه عاد دايخه مالي خلق يدق
نورة : اقول خل يولي ,,, يالله انا بمنشي
شمه : يالله باي

______________________
اطلعت نورة من الغرفه و قامت شمه بعدها و اقفلت الباب و قامت تحوس ,, ماجاها نوم تفكر في ليلة امس
شمه عمرها ما كلمات شباب ,, صج كانت تتمنى بس ماكان عندها فرصه ,, كانت نورة و منيره يحنون عليها لأن دايم الشباب وراها بس كانت تخاف و هالمره تشجعت
صج انها قام تلعب على سالم ,, بس بعد متخوفه لأن سالم يعرف بيتهم و كل شي تقريبا ,,
قررت ان اذا شروا خط ثاني بتخلي هذا مسكر اغلب الوقت و بتقنع سالم ان اخوانها يراقبونها و دايم يبطلون الغرفه بليل عشان يتأكدون انها ماتسوي شي
قالت راح اسوي عليه فيلم هندي شوي لما يمل و يذلف ,, و من ناحية ثانية بتحاول كثر ما تقدر تسحب منه هايا ,,,,
___________________________

بغرفة سالم

سالم قام من الصبح
طبعا مانام عدل من الوناسه ولاقادر يصدق ان تقدم من شه خطوه كبيره ,,, قام يحلم بالزاج منها و شلون يخليها تحبه اكثر و تتعلق فيه و تقنع اهلها بالزواج منه ,,<< صج نيته صافيه و نادر مانشوف هالايام شباب جذي ,,,
مابقى إلا يومين و تخلص اجازته ,,, عشان جذي قرر ,, ان ماراح يروح يوقف عند بيت شمه على طول ,, لأن خلاص قدر يكلمها بس راح يمر بين فتره وفتره ,,

قام سالم يحوس بغرفته بعد ماتريق مع امه و ابوه ,,, و قال العصر بيمر دكان ابوه شوي قبل لا يروح الكوت ,,,,

مسك سالم التليفون و قال ادق على شمه يمكنها قاعده
________________

بغرفة شمه

التليفون يشيب ويطفي << طبعا سايلت
المتصل (( سالم ))
شمه : اففف شيبي ما شبع قرقه
يالله خل ارد العوض ولا القطيعه

شمه : بصوت فيه النوم <<< الووووو
سالم : صباااح الور د يا حلو
شمه : هلا صباح النور
سالم : عسى بس ما صحيتج
شمه : تقريبا
سالم : هههه امون ولا لا
شمه : و اهي تكش على التليفون <<< اكيد تمون
سالم : فديتج و الله ,, يالله قومي اكلي شي وبعدها قي علي ترى حيل مشتاقلج
شمه : بدلع << لا مو يوعااانه
سالم : شلون مو يوعانه قومي اكلي
شمه : استغلت الفرصه <<< ماني مشتهي اكل البيت
سالم : عجل شنو خاطرج فيه
شمه : خاطري بفطاير و عصير برتقال
سالم : خلاص طلبي من المطعم وكلميني على ما يوصل
شمه : تضحك << ههههه لا لا تحرجني
سالم : ليش ؟؟؟
شمه : نورة اختي الله يهداها خذت بوكي معاها للمدرسه يعني فلوسي فيه ,,<< يعني روح انت جيبلي
سالم : افا عليج و انا وين رحت
شمه : لا يقلبي ما ابغي اتعبك
سالم : ياويلي هذي الساع المباركه اللي امر يم بيتكم
شمه : ههههههه صج عاد تسويها و تجيب للبيت و تسوي نفسك توصل طلبات
سالم : افا عليج و اتكلم مصري اذا تبين
شمه : يالله يالله عيل ناطرتك
سالم : خلاص مسافة طريج بس ما قلتيلي اي مطعم تبين
شمه : مممممممم ابي فطاير من فرع الجمعية ,,, بس ها لا تنسى العصير
سالم : افا عليج لو تبين اجيب للببت كله ,,, بس بطلب صغير
شمه : تدلل
سالم : انتي اطلعي اخذي الاكل
شمه : يويلي عشان امي تحقق معاي
سالم : مشتاق اشوفج هالمره و اكلمج
شمه : شوف انت اذا جيت دق تليفون ,, و انا ببطل دريشة غرفتي هي تطل على الشارع ,,, و بطلع الخدامه تاخذ الاكل وانت شوفني من الدريشه
سالم : اي بس عاد قطي الحجاب ,, بشوفج من غير اللفه
شمه : ههه خلاص ماشي
سالم : يالله خل اللبس واروح على طول ام الهيمان
شمه : اوكي
سالم : شمه يا قلبي ترى بدق عليج بسولف معاج وانا بالطريج
شمه : طبعا ضاق خلقها << خلاص خل اروح انا اغسل واللبس و بعدها ادق
سالم : ماشي يا قلبي
_____________

شمه قامت عدلت العفيس اللي بالغرفه ,,, و غسلت و سوت شعرها ,,, و حطت ميك اب خفيف شوي ,, و تعدلت و لبست برمودا جينز و قميص ابيض حيل ضيق ,, و لمت نص شعرها و الباقي فلته ,,, و تعطرت بالعطر اللي شراه لها ,, نست انها قالت له انها قطته ,,, و اكيد الرياييل ما يدققون حيل ,, و راحت تنتظره يم التليفون ,,,
_______________________
بعد ساعه بالضبط

شمه : الوووووووووو
سالم : هلاااا و الله
شمه : هلا فيك
سالم : شمه انا يم محل الفطاير شنو تبين
شمه : ممممم خاطري بفطيرة جبن <<< معنيه الريال على فيرة جبن
سالم : بس جبن ؟؟؟
شمه : اي بس كافي
سالم : لا لا شوفي اذا امج تبي شي او لا , قولي انج عزمتيها
شمه : خلاص شوف امي تحب الزعتر ,, و مرت سلطان اخوي تحب اللبنه و اهي قاعهه ,, وجيب واحد سفن آب و اثنين كوكتيل
سالم : خلاص بجيب من كل فطيره ثنتين يمكنج تجوعين ,,,
شمه : تقول بقلبها << اي و الله زين سويت طلعت منك احسن منها تطلع مني ..<<<< خلاص اوكي ,,, بس لا تنسى انا ماراح اطلع الخدامه إلا بعد مااشوفك ,
سالم : اوكي حبي ,,, يالله باي
شمه : بايات
_______________________

عند دريشة غرفة شمه

سالم : ماشاء الله تبارك اللرحمن ,, والله انج قمر يا شمه
شمه : امبيييه بسرعه و الله اني خايفه
سالم : افااا خل اشبع منج
شمه : خلاص ما شفتني بس كافي ,, اللحين بطلع الخدامه عطها الاكل ,, وعفية لحد يشوفك
سالم انزين صبر بعطيج شي
شمه : شنوووو ؟؟؟
سالم : هاج هذا الكيس ,,
شمه : شنو هذا ؟؟
سالم : افتحيه بعد شوي و تعرفين
شمه : خلاص انا بعد الريريوق بشوفه
سالم : اوكي قلبي يالله نادي الخدامه
شمه : اوكي
_____________________

تحت بالصاله
شمه : يماا حياج توني طالبة من المطعم
ام شمه : من ويلج فلوس
شمه : ههااااااا <<< توهقت ,,, يمه هذا مصروف نورة مال امس ما كلت شي و خذيته منها اليوم و زدت عليه ,, تعالي تهالي اكلي انتي و مشاعل
مشاعل مرت سلطان اخوها ,,,
مشاعل : الله يا الكرم شعندج يا شمه
شمه : يويلي ماعندي شي شفيكم علي اليوم ترى كلها جم فطيره ,,,
مشاعل : عطيني عطيني ,, و الله الحمال خلاني اربع وعشرين ساعه جوعانه
شمه : هاج بالعافيه
ام شمه : شنو جايبتلي
شمه : زعتر ادري فيج تحبينه
ام شمه : عطيني اهووو
________________

بعد الريوق
ركضة شمه لغرفتها ,,, و راحت بطلت الكيس على طول <<< طبعا كانت خاشته بالجراره اللي فيها قفل ,, وخاشه القفل بصدرها<< سوالف مصريين

_____
شنو تتوقعون داخل الكيس :::؟؟؟؟
شنو ردت فعل شمه ؟؟؟

انتظر ردودكم​

 

[أم ورود الحلوه]

اب
اب
اب

 

[**غـرور**]

والله ضاااق خلقي

حرااام عليهاااا ليش تسوي فييي جييي مسكيين

القصة شي حبيييبتييي

وبليييز لا اطولين علينا

 

[ريـ’ـآنـهـ‘]

شمه هذي خطييييييييييييييييييييره
لا وبعد اول صبي تكلمه جذي تسوي فييه
وهذا سالم موطبيعي قوطي هههههه يا حليله ما تظبطيني بواحد نفسه >>اتغشمر
ناطرينج حبيبتي عفيه لا طولين

 

[أم ورود الحلوه]

غرور
ريانها
تسلمون على الردود
وانشالله بكملها قريب