سالم و شمه >>> شبلا ابوك ياعقاب ,,,,,, قصة عشق بدوية تعور القلب

[أسـيـل]

كمليييييي حبوووبه

 

[أم ورود الحلوه]

كمليييييي حبوووبه

تسلمين حبوبه على المتابعه ,,, وانشالله بكملها

 

[أم ورود الحلوه]

لوووووووووووووووووووووووول ياحليلهم سالم يضحك
وشمه ليش تدرس مسائي؟؟؟؟؟؟

خخخخخخخخخخ كسلانه بعد ليش ,,,, راح اكتبلج ليش بعدين ,,,,,​

 

[ريـ’ـآنـهـ‘]

ناطرينج حبيبتي نبي بارتين طوااال عفيه

 

[أم ورود الحلوه]

البارت الخامس


بعد تفكير طويل توصل سالم لفكره تقدر تقربه لشمه <<< صج انها فكره يمكن توهقه بس اهو حط احتمال كبير بنجاحها ,,, و قرر ينفذها من صباح الله ,,,,

قبل لا ينام ,,,
مسك ورقة وقلم و كتب

(( السلام عليكم
ادري اني ملقوف بهالحركه ,, بس أنا مو مال لعب و خرابيط عشان جذي مالي نية ارقمج ولا حتى اتحرش فيج بطريقه تلفت النظر ,, قررت اني اكتب لج هالكلمات بس عشان اوصلج مشاعري ,,,
بصراحه يا شمه من شفتج بالمحل و انا متولع فيج ,,, وتراني تعمدت احط البرقعين بالكيس عشان تجين لي ثاني يوم , بس للأسف أمج اهي اللي جت و لحقتها لي البيت بعد ماحاست فيني السوق كله ,,,
يا شمه انا ابيج بالحلال و على سنه الله و رسوله ,, بس اللي خايف منه ان اهلج يرفضون لأن قبيلتي تختلف عن قبيلتج ,,أنا اسمي سالم عبدالعزيز ال.... ,,, اعتقد انج عرفتي ليه انا خايف من الرفض
من ناحيتي ناعندي اي عائق اني اجي اليوم و اخطبج بس مدري عنكم اهلج يوافقون او لا ,,, شمه تكفين حاولي تقنعينهم تراني تولعت فيج ,,,

التوقيع
سالم
))


بعد ما خلص من الرساله قراها 200 مره اذا مو اكثر و سكرها و حطها بضرف <<<< سوالف سيلانيات
ــــــــــــــــــــــــــــــــــــــــــــــــــــــــــــــــــــــــ

الصبح

بعد ما قعد سالم و راح لصلاة الفجر و رجع البيت و تريق و قعد مع امه وابوه شوي ,,,, و الضحكه شاقه الحلج لأن بيروح بيت شمه ,,, ودع امه و ابوه و قالهم ما ينطرونه على الغدا لأن معزوم بمزرعة رفيجه...

ـــــــــــــــــــــ

طبعا على طول بيت شمه
وصل الساعه 9 الصبح و قعد عند باب بيتهم ,,, لين شاف السايق يسفط السياره ,,, << توه راد من توصيل نورة و مرت سلطان ,, للدوام ,,,

راح سالم للسايق

سالم : السلام عليكم
السايق : وعليكم سلام
سالم : شلونك
السايق : تمام بابا ,,, انت اول يجي عشان يسأل عن اسم بابا صح
سالم : اي و الله انته ميه ميه يذكر عدل ,, انت شنو اسمك ؟؟؟
السايق : عبداللطيف
سالم : شوف عبداللطيف ,, انت وجهه يبين واجد زين <<< لازم يضبطه.... انا يبي طلب واحد عاد انته مو يسوي قرقر واجد ويقول لا لا , انته رجال ماكو خوف
عبداللطيف : انت قول اول ,, اذا ماكو مشكل ماكو مشكله بس باب انا مسكين ما يسوي شي موزين
سالم : لالا شي زين ماكو خوف ,,, شوف انا يعطيج 10 دينار ,,, بس ابيك يعطي شمه هذي ورقه ,,
عبداللطيف : طبعا مو مصدق 10 دينار <<< خلاص بابا بس شوف هذا بابا سلطان و بابا مطلق واجد يسوي مشكل اذا عرف
سالم : انت لا يقول حق احد
عبداللطيف : لا انا ماكو يقول بس يمكن شمه علم
سالم : لا ماعليك ماراح تعلم

سالم عطى عبداللطيف الورقه وعاهم 10 دنانير ,,,, و راح للمطعم و شرى له وجبه و كلاها بالسياره ,,, طبعا هذا على الساعه 12 الظهر ... وراح عند رفيجه حسين اللي ساكن بالرقه و قيل عنده بدوانيته شوي و شرب شاي ,,, و سولف معاه لين صارت الساعه 3و نص الظهر و بعدها مسك خطه لي أم الهيمان ,,,,

الساعه 4 العصر ,,,, سالم سافط عند باب بيت شمه

و عبداللطيف بالسياره يشغلها و عينه على سالم و يتبوسم ,,,,
سالم : الله يلعن الزمن اللي حاجتي صارة عند هالسواق ,,, بس ماعليه عشان عين تكرم الف عين,,,

شوي وطلعت شمه لابسه عباية و ملفع و نظاره شمسية و حاطه حمره حمراء تبين من بعيد ,,, وشايله كتبها

سالم : هين يا شمه هذا و جهي ان خليتج تحطين هالحمره ثاني مره ,,,, اي عاد قطي النظاره خل اشوف عيونج ,,

مشى السايق و سالم وراه ,,,<<<< طبعا نسيت اقولكم ان سالم اخذ رقم السايق

بسيارة شمه

ترن ترن

عبداللطيف : الوووو
سالم : شوف عبداللطيف ,,, لا تعطي شمه الورقه الا الساعه 9 لما ترد البيت مو اللحين ,,
عبداللطيف : انشالله بابا >> وسكر الخط
شمه : هذا ابوي
عبدالطيف : ههههها لالالا هذا نفر كويتي صديق انا
شمه : عشتوا ,,, اقول اخلص سوق عدل
ــــــــــــــــــــــــــــــــــــــــــــــــــــــــــــــــــــــــــــــــــــــــــ

شمه لاحظت سيارة سالم و اهي تلحقهم ,,, انتبهت اول ما وصلت عند الاشاره

شمه : يووووه وجع هذا ما خلص الله يغربلك << وخذت تليفونها تدق على نورة اختها
نورة : الللووووو
شمه : الحقيني يا نورة الحقيني
نورة : وجع شفيج ,,,, حمستي جبدي من الخرعه
شمه : الخبل راعي العبي ,,
نوره : شفيه
شمه : اسكتي من امس و اهو يلحقني
نوه : وليه ما قلتيلي امس
شمه : نسيت
نوره : يمه منج نسيتي ,,, انا معاج بالبيت ,,
شمه : يووووووووووووه و عمى شسوي
نوره : تبين اعلم مطلق ولا سلطان
شمه : لالالالالاالالااااااه و ربي ادوس بمردانج ,,, لا تجيبيلي العيد ترى بروحهم حاطين دوبهم و دوبي
نورة : اسمعي سوي نفسج ماتشوفينه ,,, واكشتي فيه هو لا مل ينقلع
شمه : اسمعي انا وصلت خل اسكر تليفوني ,,,
نورة : يالله باي
شمه : باي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


الساعه 9 بليل ,,, عند باب بيت شمه و طبعا سالم لاحقها لي البيت ,,,

عبداللطيف : ماما
شمه : هااا
عبداللطيف : هذي ورقه حق انتي
شمه : من منهو
عبداللطيف : والله مايعرف ماما بس في نفرات يقول حق شمه
شمه : وانت تاخذ الشي ماتدري شنهو اهو
عبداللطيف : ماما انا شنو يقول ها نفر كويتي انا مايقدر يسوي قررقر انا مسكين
شمه : يووووه اشتغل مسكين و مسكين


خذت شمه الورقه وقلبها ناغزها ,,, خشتها بين كتبها و ركضت لغرفتها بعد ما غمزت لنوره اللي منسدحه بالصاله تشوف مسلسل مع امها

ــــــــــــــــــــــــــــــ
في غرفة شمه و نورة

شمه : نوير شوفي هذي ورقه من عبداللطيف يقول انها من واحد معطيه اياها تهقين انها من راعي العبي
نورة : بطليها خل نشوف
شمه : يووووه ياقلبي ميته من الخوف
نورة : بطيليها خل نشوف
شمه : يماااا اقول اول اقفلي الباب
نورة : وجع اخلصي الباب مقفول <<< و تأكدت انه مقفول
شمه : بسم الله ,,, بسم الله
نورة : للخله انتي تقرين ولا بتسوين عمليه تفجيريه اخلصي اللعن ابوج
شمه : زييييييييييييين

شمه : بعد ما افتحت الرساله ....

(( السلام عليكم
ادري اني ملقوف بهالحركه ,, بس أنا مو مال لعب و خرابيط عشان جذي مالي نية ارقمج ولا حتى اتحرش فيج بطريقه تلفت النظر ,, قررت اني اكتب لج هالكلمات بس عشان اوصلج مشاعري ,,,
بصراحه يا شمه من شفتج بالمحل و انا متولع فيج ,,, وتراني تعمدت احط البرقعين بالكيس عشان تجين لي ثاني يوم , بس للأسف أمج اهي اللي جت و لحقتها لي البيت بعد ماحاست فيني السوق كله ,,,
يا شمه انا ابيج بالحلال و على سنه الله و رسوله ,, بس اللي خايف منه ان اهلج يرفضون لأن قبيلتي تختلف عن قبيلتج ,,أنا اسمي سالم عبدالعزيز ال.... ,,, اعتقد انج عرفتي ليه انا خايف من الرفض
من ناحيتي ناعندي اي عائق اني اجي اليوم و اخطبج بس مدري عنكم اهلج يوافقون او لا ,,, شمه تكفين حاولي تقنعينهم تراني تولعت فيج ,,,

التوقيع
سالم
))


نورة : وجعتن توجعه ,,,, اللي ما يستحي مابقى الا يسأل عن اسم امي بعد
شمه : ياويلي ياويلي ,,, لو احد يشوف هالرساله ,,,,
نورة : عطيها عبداللطيف الجلب خليه يردها للخايس و قوليله ان خذيت ورقه مره ثانية اعلم عليك اخواني
شمه : انهبلت اعلم اخواني عشان يدوسون في بطني
نورة : شبتسوين
شمه : اصبري خل افكر ,,,,,,,,,,

شنو تتوقعون راح تسوي شمه ,,,, ؟؟؟؟؟؟؟

انتظر ردودكم​

 

[ريـ’ـآنـهـ‘]

امبيييه
ساااااااااااالم حركااااااااااات
لووووول احلى شي هذا وجهي اذا خليتج تحطين حمره بعد!!
وناااسه
ناطرينج حبيبتي لا طولين

 

[أم ورود الحلوه]

امبيييه
ساااااااااااالم حركااااااااااات
لووووول احلى شي هذا وجهي اذا خليتج تحطين حمره بعد!!
وناااسه
ناطرينج حبيبتي لا طولين

تسلمين على المتابعه ,, وانشالله بنزل البارت قريب

 

[فوز وفواز]

لووووووووووووووووووووووووووول مادري ليش يضحكوني
ناطرييييييييييييييينج حبوبة لاتطولين ومقصرة البارت الله يهداج طولي لنا فديتج

 

[منيرة خالد]

يعطيج العافيه ام ورود


متاااااااااااااااابعه لالالالالالالالالالالالالالالالالا يوقف

 

[فوز وفواز]

ناطرينج يالغاليه

 

[أم ورود الحلوه]

لووووووووووووووووووووووووووول مادري ليش يضحكوني
ناطرييييييييييييييينج حبوبة لاتطولين ومقصرة البارت الله يهداج طولي لنا فديتج

تسلمين على المتابعه
و انشالله بحاول اطول البارت ,,, بس على فكره ترى القص مو حيل طويله
عشان جذي ماقام احط بارتات طويله​

 

[أم ورود الحلوه]

يعطيج العافيه ام ورود


متاااااااااااااااابعه لالالالالالالالالالالالالالالالالا يوقف

تسلمين على المتابعه ,,:eh_s(21):,, ​

 

[ريـ’ـآنـهـ‘]

waiting

 

[حور العيون]

القصه روووووووووووووووووووووووووووووووعه



كملي حبوووبه

 

[أم ورود الحلوه]

القصه روووووووووووووووووووووووووووووووعه



كملي حبوووبه

تسلمين يا فلبي على المتابعه
و انتظي البارت الجديد

 

[yooyoo]

ام ورود حبيبتي وين البارت ترا طولتي علينا

 

[فوز وفواز]

ام ورود اين البارت نحن في انتظارك

 

[فوز وفواز]

up
up
up

 

[فوز وفواز]

up
up

 

[أم ورود الحلوه]

تسلمون على الرفع ,,,, اسمحولي على التأخير ,,,
انشالله اليوم بليل بنزل بارتين ,,,,,,,