سالم و شمه >>> شبلا ابوك ياعقاب ,,,,,, قصة عشق بدوية تعور القلب

[still]

لا يوقف

 

[أم ورود الحلوه]

تسلم ايدج بس البارت قصير ماكو احداث؟؟؟؟؟
ناطرينج

ادري قصير
بس بغيت بالبداية ابين طريقة ياه العايله
وانشالله من باجر بنزل بارتين ,,,, ولاحقين على عوار القلب

تسلمين على المتابعه​

 

[still]

ولله متاااااااااااااابعه

 

[VET-Nour]

متااابعهــــــــ

 

[ريـ’ـآنـهـ‘]

waiting

 

[منيرة خالد]

ام ورود الحلوه


بدايه حلوه ومبين القصة تشوق ناطرررررررررينج

تسلمووووووووووووو

 

[أم ورود الحلوه]

ولله متاااااااااااااابعه

يسلموا على المتابعه :eh_s(21):,, وانشالله بكملها و بنزل بارتين كل يوم
أتمنى تعجبكم روايتي​

 

[أم ورود الحلوه]

متااابعهــــــــ

أشكرج على المتابعه :aha:

 

[أم ورود الحلوه]

ام ورود الحلوه


بدايه حلوه ومبين القصة تشوق ناطرررررررررينج

تسلمووووووووووووو

مشكوره على المتابعه ,,,,, :eh_s(21)::eh_s(21):

 

[أم ورود الحلوه]

البارت الثالث




الساعه 1ونص الظهر

غنيمة : هلا يمه شلونج يا الغالية
أم سالم : هلا هلا يا قلبي ,,, بخير انتي شلونج و شلون ربعج
غنيمه : بخير ,, وصلت خالتي لبيت اختها و ييتج ,,,
أم سالم : عجل جاسم وينه ؟؟؟
غنيمه: جاسم رايح المزرعه مع ابراهيم ولد عمه و بيرجع باجر,,, بمرح عندكم اليوم
أم سالم : حياج الله ,,,,, دامج بتمرحين أكيد أن بنات اختج بحنون على خواتج انهم يمرحون عندنا
غنيمة : ياريت يمه ,, أنا بحرشهم بس خل يجون
أم سالم : يووووه سالم اللي بينفجر راسه من حنة البنات
غنيمه : و الله انا اللي شكلي بحن عليه
أم سالم : ليه ؟؟؟
غنيمه : خل يودينا العمره بسيارته ,,, انا وجاسم بسياره و خالتي ,,, و انتي و اهو و البنات بسيارته
أم سالم : يأمج أنا ما اعبر على الطريج ,,,, ولازم اروح للحمام كل شوي ... ذبحنا السكري
غنيمه : الله يعين يمه ,,, عجل شكلي بروح أنا وجاسم و خالتي ,, و الله ان خالتي ناخيتني من زمان
أم سالم : اييييييييه يا مج كبرنا ولا فينا حيل محنا نفس اول ,,
غنيمه : الله يخليج و يطول بعمرج يمه ,,, إلا ابوي وينه
أم سالم : منسدح على المطرح اللي بالصاله يقول لا نجبتوا الغدى قعدوني
غنيمه : ماسلمت عليه ,,, انطره لين يقعد واسلم عليه ,,, بروح للمطبخ بطل على الغدا ,, تامرين على شي
ام سالم : شوفي الخدامه طلعت الاجار من الثلاجه لبوج ,, ترى يفضحنا ان جاا الغدا و الاجار بارد
غنيمه : انشالله يمه ,,, هذا انا بروح اشوفها ,,,,


................................



أم عبدالله : هووووووووووووووووووووووو ,,,,
أم سالم : حيااج ,,, تعالي بالصاله احنا
أم عبدالله : تبوس راس امها <<< هلا يمه شلونج ,,؟؟ عجل قاعده بريحاتج
أم سالم : غنيمة بالمطبخ و ابوج منسدح بالصاله ,, عيالج وينهم
أم عبدالله : شوق بتمر فرح وتجيبها و عبدالله بالطريج ,,, و أمل تخلص من الجامعه و بتجي مع معالي
أم سالم : الله يعينهم و وقفهم ,, شلون رجلج ,,,
أم عبدالله : بخير يمااا و يسلم عليج

دخلت غنيمه ,,,
غنيمة : هلا و الله يا أم عبدالله
أم عبدالله : تبوس راس اختها << هلا هلا ياقلبي شلونج ,,,
غنيمه : بخير وين عييلج
أم عبدالله : هذا عبدالله و شوق و فح بالطري و أمل بتجي مع معالي,,, تنطرها لي تخلص و تجيبها و تجي ,,,
أم سالم : لولوه شرايج ناخذ دلال لخوج سالم
أم عبدالله : اهو خل يوافق يتزوج ,,, و ان بغى سيلانيه نزوجه بس خل يتزوج
أم سالم : ياويلي على ولدي ,,, لا ابيله بنتن توها و مزيونه
أم عبدالله : و الله يمه دلال خوش بنت ,, بس اهو شقال
أم سالم : ايه هين ,, يقول زين زين ,,, وماله نية ,, ذبحني هالولد
غنيمه : ما عليج خل يجي و انا اتقعدله ...



دخلوا شوق و فرح ,,,,

شوق : هااااااااااااااااااااي ديداااا << تبوس راس جدتها
أم سالم : هلو هلو
فرح : هههههههه و الله صرتي بلبل بالانجليزي ديدا <<< تبوس راس يدتها و خالتها و امها
غنيمه : ايييييييييييه بنات هالوقت ,,, نسوو كلامنا
شوق : خاله ,,, شفيج لا تشحنينهم ترى اهم بس يبون يطنزون علينا و بس
أم عبدالله : شلون الدراسه شسويتوا
فرح : زين ,,,,
أم عبدالله : اي هذا انتوا مغير زين و زين ,,, يالله روحوا غيروا اهدونكم ,, حاطلتكم هدوم بالجنطه ,,, عند كوماري
شوق : كوماااااااااااري ي ي ي ي ي
أم عبدالله : وج شوي شوي شوي جدج نايم
فرح : بروح اقعده
أم سالم : خليه بيرتاح لي الغدا




دش عبدالله ,,
عبدالله : هلاااااااااااااااااااااااااااااااااااااااا <<< يبوس راس امه وجدته و خالته
أم سالم : هلا هلا و الله و ياوليدي ,,,, شلونك يمه
عبدالله : بخير يا جده انتي شلونج ,,, و شخبارج
أم سالم : زينه يا أمك ,,, شفيك ضعفان
عبدالله : و الله من بنت لا توكلني ولا تدري عني
أم سالم : أنا بنت ابوي
أم عبدالله : ايه الا من اللي تشفطه كل يوم
أم سالم : يويلي انت تشرب جكاير
عبدالله : لا ربعي يدخنون و تلصق فيني الريحه و امي تجنني
أم عبدالله : ايه و الطفاية اللي بغرفتك بعد ربعك هم اللي يحطون فيها الزقاير
أم سالم : يمك بتذبحك الزقاير ...
عبدالله : ايييه شنو الغداااااا؟؟؟
غنيمه : مجبوس لحم
عبدالله : افااااااااا يعني مو سمج
أم سالم : افا عليك اسويلك باجر سمج
عبدالله : يا بعد قلبي و الله




دخلت أم خالد و عذاري و مشعل
أم سالم : هلا هلا و الله ,,, مشعل تعال بوس جدتك
مشعل : يبوس راس جدته<<< قوه جده
أم سالم : هلا يمه شلونك
مشعل : زين
عذاري : شلوج جده ,,, شخبارج ,,<<< تبوس راس جدتها
أم سالم : هلا هلا يمه
أم خالد : تبوس راس امها و غنيمه << شلونكم شخباركم
غنيمه : هلا و الله ,, حنا بخير انتي شلونج
أم خالد : يووووه تعبنا من هالدوام
أم سالم : الله يعين ,,, وي الباقي ,,
أم خالد : خالد يخلص الساعه 3 و يجي ,,, و معالي بتجي مع أمل على الساعه 4 ,,,,
أم عبدالله : يختج سوقي معالي و افتكي
أم خالد : ابوها ما يرضى يقول لاتزوجت كيفها
أم عبدالله : حراام بعد كل البنات يسوقون اللحين
أم سالم : السياره تهبه ,,,,
غنيمه : لا راحت لرجلها تسوق ,,, ما يظر

((( معروف عن أم عبدالله انها دايم تحارش اختها أم خالد و تحاول تتدخل بحياتها ,,,,, بس غنيمه دايم تحاول تهدي الامور )))))

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



الساعه خمس العصر <<< بعد ما تغدوا الامهات و العيال ,,, و ريحوا شوي ,,,,




بالصالة

أم عبالله : شواقه يمه دقي على أمل شوفي وينها ,, موعاتها تتأخر ,,
شوق : يما توني داقه تقول ,,,, توها العه من الجامعه لأن معالي توها تخلص محاضرتها
أم عبدالله : ويييه بنتي من الصبح على بطنها ما كلت شي ,,,, اهي مخلصه الساعه 4 بعد شمقعدها ,,,
شوق : شدراني عنها
غنيمه : ما يظرها يا أم عبدالله كاهي بالطريج و غداها زاهب ,,,
ام عبدالله : زين وين عبدالله
شوق : يما ادق عليه مايرد ,,, خلاص يمااا شفيج كل اسبوع نفس الحاله ,,
ام عبدالله : يعني ما احاتي عيالي




شوي و يدخل خالد <<< طبعا أم عبدالله كانت تتحلطم

خالد : هلا جده شلونج << يبوس راس جدته
أم سالم : هلا هلا هلا ابوي ,,, شلونك يمه
خالد : اسأل عنج يا الغاليه
أم سالم : اسألت عنك العافية
غنيمه : شلونك خالد
خالد : الحمدالله خاله << يبوس راسها و راس خاله أم عبدالله
أم عبدالله : ما شفت عبالله
خالد : لا والله يا خاله عبدالله لا يدق ولا ينشاف ,,,,
أم عبدالله : بعد الله يعينه دراسته مو سهله
أم خالد : ما عليه كل عيالنا دراستهم مو سهله ,,, بس عبدالله كلش ما ينشاف الا بالسنه حسنه
أم عبدالله : وييييه مسكين هندسه يدرس مو خرابيط
خالد : ماكو دراسه خرابيط يا خاله ,,,, الله يوفقه
أم عبدالله : اي انت ما جربت أنت داش كلية عاديه
غنيمه: حقوق تقولين عاديه
أم عبدالله : اي كلها و حفظ و ما اري شنو ,,, ولدي دراسته علمية مو سهله الله يعينه
خالد : جده في غداااا <<<< يعني مغير الموضوع مايبي يجادل خالته
أم سالم : اي بالله في ,,,, خل الخدامه تزهبه لك
خالد : عذاري قومي فزي و حطيلي الغدا ,,, ما احب الخدامه
عذاري : ادري فيك خابرتك ... هذا أنا بقوم



شوق و فرح يتهامسون :
ويييييييييع صايره خدامه عند اخوها... و الله لو عبدالله دست برمته
هههههههههههههههههههههههههههههههههههههههههههههههههه



شوي و دخلت معالي و أمل
معالي لابسه برموده جينز ازرق فاتح ,,,, و قميص ابيض فوق الركبة بشبر << تقريبا قصير و حيل ضيق ,, و رافعه شعرها و حاطه ميك اب خفيف و نظارة شمسية كبيره تخفي نص و جها ,,, و شحاطه باصبع لونها ابيض و جنطه بيضه و شوي كبير ,,,
أمل لابسه عباية مانتو و ملفع و جوتي أسود و مريح لأن الجامعه مشي و تعب


خالد رفع راسه و اهو ياكل و طاحت عينه على معالي ,,, و طالعه بنظره مو حلوه و بعدها خز اخته أمل و نزل راسه و قام يقلب بالاكل ,,,,
خالد : الحمدالله ,,, عذاري قومي شيلي الاكل
عذاري : تامر امر
خالد : يما تامرين على شي ,,,,
أم خالد : ليش بتمشي
خالد : اي ابمشي بروح الديوانية,,,, اي جا عبدالله سلميلي عليه
أم خالد : بحفظ الله
خالد باس راس جدته و خالاته و امه و طلع من البيت





أمل و معالي بعد ما سلموا على الكل و باسوا روس امهاتهم و خالتهم وجدتهم

معالي : يمااااا يوعانه ,,,,,
غنيمه : الغدا زاهب ,,, كاهو ناجبيه لكم من مساع ,,, و ناطرينكم
أمل : يالله معالي بالسم الله تراني ميته جوع
معالي : ويييييييييييع انا ما احب الفضله
أم سالم : اي فضله يمااا حنا اللي ما كلين محد كله غيرنا .. لاتقولين عن نعمة الله وع
معالي : افففففففف أنا ما احب جذي ... يما بطلب و جبه
أم عبالله : كيفج أدري انج ماراح تاكلين
غنيمه: يا شين طبعكم كل اسبوع تدورين الحجه عشان تطلبين من المطعم
أم عبدالله : خلي بنتي تاكل على راحتها بعد اهي ماتحب الاكل الملموس
أم سالم : يمج هذي نعمة الله ماتنذم ,,
معالي : انا بروح الفرع بطلب من برجر كنج ,,
فرح : بروح معاج
عذاري : يمااا بروح معاهم
أم خالد : انثبري مالي خلق على خالد يسوي لنا سالفه
عذاري : اي ابروح شنو هذا
أم عبدالله : خليها تروح
أم خالد : اخوها مايرضى
أم عبدالله : ويه ويه احكروا بناتكم
عذاري : خلالالالالاص ماني رايحه أفففففففففف
معالي : يالله فروح



فرح كانت لابسه تنورة جينز قصيره و قميص فوشي و نص صدرها طالع و مبين و شحاطه فوشي ,,, وفاله شعرها لي خصرها ,,, شكلها حيل مغري و روعه بس مبالغ فيه من ناحية انه ضيج حيل ,,​

 

[أم ورود الحلوه]

بالسياره

معالي : ويع على عيال خالتج ,, عقد
فرح : حده خويلد صاك عليهم ,,,, الله يعينهم
معالي : و الله اهمه اللي معينه ويهه ,,,, سكتي أمل طول الطريج ماعندها غير قصري على المسجله و امبيه هذول شباب ورانا و ياويلي من خالد ,,,,
فرح : الله يخلي عبودي لنا
معالي : هذا مو خالي سالم يصفط سيارته
فرح : ايه ,,,, وويييييه اللحين عاد اخذي التعليقات

معالي: قوه خالي
فرح : السلام خالي
سالم : هلا و الله ,,, على وين
معالي : بروح الفرع باخذ وجبه و فرح يايه معاي
سالم : ليش ماكو اكل بالبيت
معالي : اف خالي ماكو الا الفضله
سالم : شنو هاللبس اللي لابسينه
معالي : شفيه خالي
سالم : الحمد الله و الشكر ,,, اقول اخلصي ولا تتأخرين

ــــــــــــــــــــــــــــــــــــــــــــــــــــــــــــــــــــــ
داخل البيت

أمل : يما ترى دلال عمة معالي راح تجي الساعه 6 عشان يطلعون مع بعض
أم خالد : كيفهم مالنا شغل
عذاري : هههه اخاف بروح معاهم
أمل : انا بقعد اجابل خالتي غنيمه
غنيمه : اي جابليني خل افليج ,,
عذاري : وييييييييييع خاله

يدخل سالم

غنيمه : هلا و الله ووووووينك
سالم : هلا بأمي غنيمه ,, شلوج <<< ويبس راسها
سالم سلم على الجميع و سأل عن ابوه
أم سالم : طلع راح الدكان
سالم : يوووووه عجل انا بتغدى و الحقه
أم سالم : اي يا بوك روح عاونه
سالم : ابشري يماااا
غنيمه : سالم لاتغديت ابيك بسالفه
سالم : تامرين
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد ماتغدى سالم ,,,,
سالم وغنيمه بغرفة سالم

غنيمه : سالم مالك نية تتزوج ؟؟؟
سالم : و الله يا غنيمه خاطري بس احس ان ما ابي استعجل
غنيمه : امي اللحين مافيها حيل على الفرارة بالعروس تشوفلك مره و شاورتني على دلال ,, انا قلت لها زين بس انجانك تبي الصج مهي من ثوبنا
سالم : لا الله يخليج انا ماقلت لأمي شي ,, انتي شفتي لبسها ولا طبعها ,,,, انتي شفتي سيارتها كشف ,,, و ماكو مجمع إلا ونايمه فيه
غنيمه : الله يستر عليها بس انطر و خلني ادورلك بنت الحلال اللي تصلح لك ,, لاتستعجل
سالم : الله يكتب اللي فيه الخير
غنيمه : يالله عجل خل اروح اقعد بالصاله

اطلعت غنيمه ,, وقعد سالم يلبس هدومه عشان يروح لدكان ابوه ,,,

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الساعه 8 بليل ,,,, سوق الكويت

أبوسالم : يبوك يا سالم ,,, شوف الحجية شتبي
سالم : هلا يمااا آمري
الحجية : يابوك ,, عندك عباية خامة صالونه
سالم : اي حجية ,,, جم قياسج ,,,
الحجية : مهي لي لبنتي ,,, ياشمه شوفي جم قياسج
شمه : زين يمه اصبري خل اشوف القدف ,,, باخذ وحده لعمتي وضحه ,,,
الحجية : اخلصي تأخرنا

التفت سالم لشمه << في البدايه عباله مره كبيره و وحده ام عيال
بس انصدم يوم شافها ,,, طول وجسم و العمر مابين ال21 و 24 سنه بياض و شفايف ورديه و مليانه و عيون وساع ,,, وساااع حيل و رموش كأنهم تركيب من الكثافه ,, و الخشم سل سيف و الخدود عليها شامه مو طبيعيه ,,, البشره صافية كأنها حليب و الخدود عليها لمحه ورديه مثل التفاح ,,, العيون سود و فيها برقه و ناعسه ,,,


شمه : عطني قياس 58 ,,,,
سالم :متجمد بمكانه يخزها ولا يدري شنو يسوي ,,, ماقام يسمعها شتقول ,,,
شمه: في شي علامك تطالع جذي ,,, ابي قياس 58
سالم : هلا هاااااا اي زين ,,,


قام سالم يدور بالعبي و باله مو معاه وه يلتفت يطالعها ,,, حس انه انثول من شافها ,,, اول مره يشوف وحده بهالزين ,,, اصلا منصدم شلون وحده بهالجمال و ما نقبوها اهلها ....

سالم : تفضلي
شمه : شنو هذا ,, 56 انا قلت 58
سالم : هاااا اي صبر ,,
ابو سالم : يابوك ياسالم ,,,, قياس 58 مو هالصوب ,,,, << و اشر بأيده ,,, هذا الصوب
سالم : اي اي ,,,, <<< خذا عباية و عطاها لشمه
شمه : اي هذي قياسي ,,,,,بجم ؟؟؟؟؟
سالم : ب 15 دينار
شمه : شدعوه ,,,,, لييه
سالم : خلاص 10 دنانير ....
شمه : يويلي توها 15 صارت 10
سالم : بنكسبج زبونه
شمه : انزين عطني اياها ,,, و عطني هالقدفه ,,,
أم شمه : يا أمج ياشمه ,,,, خل يحاسب هالبرقع بعد
شمه : زين يمااااا

سالم تعمد انه يحط بالجيس برقعين زياده ,,, عشان ترجع شمه مره ثانيه المحل ,,, ابوه موجود ولا عنده فرصه انه يكلمها او يغازلها <<< ماهو طبعه يغازل و عمره ما سواها بس هالمره عزم على شمه و تولع فيها من اول نظره ,,, صار مشوش ولا يدري شيسوي ,,,,,
عطى شمه الكيس ,,,, وقال ان طلعت بنت حلال بترجع باجر تجيب البرقعين ,,, بس ياعسى ماتجي امها بس ,,,,,

شمه : يمه اصبري بمر الحواج ,,, باخذ لسلطان زنجبيل من امس يكحكح ,,,

سالم : يوووووووووووه عسى ماهو ولدها ,,,, عساه لو ولدها تكون مطلقه ولا ارمله ,,,,,
أم شمه :أخلصي بسرعه ,,, انطرج بالسياره ,,, عطيني الكيس

سالم : يبا بروح اشتري ماي
ابو سالم : يبوك قول للهندي ,,,,
سالم : لا يبا بسلم على كريم
ابوسالم : روح يا بوك

حس بوسالم أن ولده خاطره يلحق البنت بس ماتكلم ,,,, يدري سوالف شباب ,,,,
بوسالم : يقول بقلبه <<< يومنك تبغي الحريم يابوك ليه ماتتزوج ,,,آآآآآآآه ياعسى تدش البنت في خاطره واخطبها ,,,

سالم راح يركض للحواج و وقف عند باب الحواج ,,, وقام يسلم على اسماعيل راعي الحواج ,,, وعينه على شمه ,,,
شمه حست انه يخزها و حست بخوف ,,, صج ان وين ماتروح الشباب يخزونها بس هي مو مالت هالسوالف ,,,,,

سالم : اسماعيل تكفه اسألها جم عمر اللي بياخذ الزنجبيل
اسماعيل : ليش يسألها
سالم : اسأل ومالك شغل
اسماعيل : هو انتي يبي ياخذ زنجبيل ولا بيبي صغير
شمه : ليه تسأل ؟؟؟؟
اسماعيل : عشان انا يقول اذا صغير احسن يحطه مع زيت زيتون و يدهن فيه ,,, بس اذا كبير ماكو مشكل يشرب
شمه : ادري ,,, انا ابيه لخوي الكبير
سالم ابتسم وحس انه ارتاح يوم درى انه لخوها ,,,
شمه : بجم ؟؟
اسماعيل : نص دينار
شمه : هاااك ,,,,,,,,,,,,,,,,, وخذت الكيس و طلعت
اسماعيل : انت ليش يسأل عن عمر هوااا
سالم : اسماعيل ليه اللقافه
اسماعيل : لا سالم انا اعرفك من انت صغير ما يلحق بنات ولا عندك سوالف خربوطه
سالم : اسماعيل ,,,, ادعيلي بس اني اتزوجها ,,,,
اسماعيل : انشالله يارب ,,,

رجع سالم للمحل بعد ما شرى ماي من بقالة كريم ,,,, وباله مع شمه ,,, ولا يري شلون بيوصل لها ,,,

سالم : والله اذا مارجعت ترجع البراقع و جت امها بروحها ,, للحق امها لي البيت و آخذها آخذها ,,,,,
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

رجع سالم للبيت الساعه 11 بليل و على طول غرفته ,,, انسدح على سريره يفكر ,,, بشمه ,,, و يدعي ربه انها تكون من نصيبه ,,
سالم عمره ماتكلم مع بنت ,,, شلون بكلم شمه ,,, وبأي طريقه بفاتحها بالموضوع ,,, أخذ يفكر و يفكر ,,, يرقمها ,,, بس لاخذت الرقم معناها انها مو مضبوطه و ان ماخذت شلون بيكلمها ,,, ماكو إلا ينطرها تجي المحل ,,, ويلحقها لي البيت و بعد ما يعرف العنوان يبدي يراقبها و ان طلعت خوش بنت ,, يتقدم لها رسمي ,,, بس آآآه لو طلعت شمه متزوجه ,,,,


أفكار و أفكار ,,, واشعار تدور براسه

أحب حِسنهْ.. واحب اسمهْ ملـك قلبـي باحساسـهْ
ملامح سحـره مرتسم هْوحكـم الـذوق مقياسـه
رقيقـن كِنّـه النسـم هوطيبـه يسبـق أنفاسـه
يـرشّ النـور بالبسمـه تشيل الهـمّ مـن ساسـه
سما قلبي واهْـو نجمـه رشفت الحب من كاسـه
صحيح ان الهوى قسمـه ياليتـي كـلّ جِـلاّسـه
ومِن يِهوى هوى عزمـه وفتّ الشوق فـي باسـه
سِهير الليـل فـي همّـه وخفق القلـب وسواسـه
وِحيـدن وسـطِ هاللمّـه يخـطّ البيـن كـرّاسـه
انـا ادري مانـي بْيَمَّـهْ ولا جاب الهـوى راسـه
أبي مـن لثمتـه شمّـه تداوي القلب من ياسـه!


سالم ماخلص منها إلا الفجر ,,, ونام بعد الصلاة ,,,,

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الساعه 10 الصبح

غنيمه : سالم ,,,, سالم ,,,, سالم
سالم : هلا هلا
غنيمه : قوم بسك نوم ,,,,,
سالم : هاااااا جم الساعه ,,,
غنيمه : 10 الصبح
سالم : يوووووووووووووووووه وليه ماقعدتوني ,,,,,
غنيمه : ماعليه ,,, هذا انا قعدتك ,,
سالم : ابوي راح المحل
غنيمه : ايه راح صارله ساعه
سالم : يالله يالله انا بلبس و اروح المحل
غنيمه : اكلك شي
سالم : آكل هناك بالمحل
غنيمه : ياويلي ,,, مهي بعادتك
سالم : مواعد واحد من الربع ,,, خل امشي بسرعه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بالصاله
نزل سالم بسرعه وباس راس امه وركض على المحل ,,,, وصل كأن احد لاحقه ,,,,
أبو سالم : هلا يابوك
سالم : يبوس راس ابوه >>> هلا يبا ,,,,
ابوسالم : والله ماهقيتك بتجي اليوم ,,, مهي بعاتك تجي المحل يوم الخميس
سالم : لا يبا عشان أنا مواعد واحد من الربع قال بيجي ,, عشان اقعد معاه بقهوة بوناشي
ابو سالم : ايه ,,,
سالم : يبا في احد جا للمحل
ابو سالم : حريم ثنتين وحده شرت برقع و الثانية خذت لها قدفتين و عباة
سالم : بس
ابو سالم : اي بس يابوك ,,, هو بنك ولا محل ,,, وتونا فاتحين ماصارلنا إلا ساعه ونص
سالم : لا يبا ,,,, بس اسأل,,, اقول يبا دقيقه عن اذنك
ابو سالم: على هواك ,, << يا روشان ,,, تعال شوف المحل انا بروح اقعد في دكان بو سليمان
روشان : انشالله بابا


سالم : الللووووو هاااا محمد وينك
محمد : ويني بعد ,,, خامد ,,
سالم : تعال عندي المحل
محمد: ليه بعد
سالم : انا قلت لبوي اني ماعد واحد من الربع << جذبت عليه
محمد : انت صاحي ,,, شتخربط من صباح الله خير
سالم : قم فز الساعه 11 و نص ,,, تعال و أنا اقولك السالفه ,, اخلص
محمد : اصبر خل آكل شي و اجيك
سالم : تعاااااال انا عازك على الغدا
محمد : دام فيها هامور عجل هذا انا جاي
سالم : هامور هامور بس تعال ,,,
محمد : يالله يالله اغسل وجهي و اجيك
سالم : يالله باي
محمد : باي

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الساعه 1 الظهر ,,, بعد ما سكروا المحل ,, راح بوسالم البيت يرتاح و سالم جاه رفيجه محمد وراحوا القهوة ,,
قهوة بوناشي

سالم : اسكت اسكت يا محمد انا عشقت
محمد : كااااااااااااااكاككككككك عشقت ,,, هذا اللي يقول عمره ما تبخر تبخر و احترق
سالم : اقول انطم ,,, في وحده دشت راسي و ابيها
محمد : امممممممم تبيها ,, تبيها شلون يعني ,,,
سالم : استح ماني راعي هالسوالف ,,, ابيها زواج
محمد : وليه ماتخطبها ,,, ناطر تبلغ
سالم : وجع يا حمار ,,, انا ما اعرف عنها شي
محمد : تقول تعشقها ,,, من وراي يا الخايس
سالم : شفتها جت المحل ,,, امس ,,
محمد : ماشاء الله امس شفتها ,, امداك عشقتها ,, انت صاحي ,,
سالم : اقول اسكت ,, انا حطيت في كيسها برقعين زياده عشان تجي اليوم تردهم و اللحقها لي بيتها ,,, ابك يا ولد ما اعرف اغازل ضبطني
محمد : خخخخخخخخخخخ عاشقلك وحده تلبس برقع ,,, عسى بس مو جدتي ترى هي متعوده تفتر بالسوق تشري براقع
سالم : لا حول ولا قوة إلا بالله ,,, انت شفيك البرقع لأمها ,, هي بس تلبس الشيله و العباة
محمد : انزين خلاص اذا انها جت و طبعا هذا وجهي ,, اذا ما باقت الراقع و كشتت فيك ,,, اللحها لي البيت و عقب باجر اخطبها
سالم :و ان طلعت متزوجه
محمد : بسيطه شوفلك غيرها
سالم : الله يقطعك انا ماعمري فكرت بالزواج إلا يوم شفتها و تقول شوف غيرها
محمد : شوف انا بفسر اللي انت فيه ,,, هذا يسمونه مراهقه متأخره ,,, يعني فتره و تعدي
سالم : تدري عاد الشرهه علي اللي مجابل وجههك ,,, انا بقعد بالسوق لي الساعه 4 لين افتح المحل و انطرها لين تجي
محمد : و الله و عرفوا الورعان يحبون ,,, ويغازلون بعد
سالم : ياويلي على بطت راسك
محمد : ساحبني من فراشي و اله عبالي عندك سالفه
سالم : يالله يالله زطيت بلعت قوم اذلف
محمد : خل اروح اكمل نومتي دام المره في بيت اهلها و العيال معاها ,,, خل انام بهدووووء شوي
سالم : يالله توكل
محمد : فمان الله

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قعد سالم بالقهوه لي الساعه 4 وبعدها ركض للدكان و بطله و قعد ينطر شمه ,, و كل ما مرت وحده فز قلبه يحسبها شمه ,, و عيونه رايحه على اللي رايح و اللي جاي ,, و الوقت يمر بطيء بنسبه له ,,,,

ساعتين مروا على سالم كأنهم سنتين ,,, لين جت وحده عجوز ,,
أم شمه : السلام عليكم
سالم : هلااا
أم شمه : يابوك امس حطيت لنا برقعين زياده بالكيس
فز قلب سالم ونقز من مكانه ,, <<< وجع شتبي هذي ليه ماجت بنتها ,,,
سالم : هاااا اي اي ,,, خلاص جيبيهم ,,, مشكوره

اطلعت أم شمه من المحل و اهي تمشي شوي شوي << مره عجوز ولا فيها حيل

سالم : روشان روشااااان ,,, جابل المحل بروح شوي و اجي
روشان : انشالله بابا

ركض سالم ورى أم شمه بيلحقها لي البيت ,,, بس أم شمه مرة الحواج و بعدها البقاله ,, و المرشود وقامت تفتر بالسوق ,,, وسالم وراها و يتحسب عليها
سالم : يلعن ابوج اخلصي رجولي تكسرت <<< هذا وانتي عجوز ,,, عجل لو انج بالعشرين << حريم ماتشبعن من السوق ما شبعتي من امس بعد بتفترين اليوم

الساعه 8 ونص ,,,
اخلصت أم شمه من السوق وركبت السياره ,,, ومن حظ سالم انها سافطه بالسرداب يعني عند سيارته , ركب سياره و بسرعه وراهاهاهاهههههههههههههههه

و من شارع لي شارع و من سكه لسكه ,,, لين وصلوا منطقة أم الهيمان
سالم : عاد يا شمه ما لقيتي تسكنين الا بأم الهيمان

انزلت ام شمه عندالباب ودخلت البيت و سفط السايق السياره ,,,
نزل سالم بسرعه من سيارته وراح للسايق
سالم : يا بيّ ,,
السايق : نعم بابا
سالم : هذا بيت منو
السايق : هذا بيت بو سلطان
سالم : ايه شسم بو سلطان
السايق : عوض بندر ال....
سالم : عوض بندر ال .... يوووووه شهالحظ ماطلعت إلا من قبيله لو أموت مايزوجوني ,, ليه ماطلعتي من قبيلتي يا شمه,,, بس والله لكسر القاعده لو اجيج بجاهية
......................... خلاص خلاص مشكور
السايق : ليش يبي شي
سالم : لالالا مشكور
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
رجع سالم البيت ,,, وتعشى مع امه و ابوه وباله سرحان بشمه و لا يدري شيسوي
دخل غرفته و اهو يتحلطم
.......... يوووه ياربي ليه خليتنا قبايل و عوايل ,, يعني انا لاعمري حبيت و لا عشقت و يوم حبيت و تولعت ,, احبي وحده لاهي من قبيلتي و ادري اني لو اموت ما اخذها ,, آآآآه لو تطلع بعد محيره و الله ابتلش
شلون اللحين ,,, يعني اغير قبيلتي و لا شسوي ,, شدبرا اللحين ,,,,,,,,,,,,,,,,,,,,,,,, ياعسى يطلعون اهلها متفاهمين و يعطوني اياها ,,, و الله هذا بعدي حاس اني مالي نصيب فيها ..................
وتم سالم على هالحال لي الفجر ومانام إلا بعد الاذان
ـــــــــــــــــــــــــــــــــــــــــــــــــــــــــــــــــــــــــــــــــ


هالمره البارتين طوال و اتمى يعجبونكم ,,, و انتظر ردودكم ,,,,[/center]​

​

​

 

[أم ورود الحلوه]

اب

اب


اب

 

[أم ورود الحلوه]

افاااا ماكو ردود

 

[فوز وفواز]

يسلموووووو حبوبة وناسه حجيهم يونس لووووووووووول ناطرينج ليش ماتحطين 4 بارتات مو احسن خخخخخخخخ

 

[أم ورود الحلوه]

يسلموووووو حبوبة وناسه حجيهم يونس لووووووووووول ناطرينج ليش ماتحطين 4 بارتات مو احسن خخخخخخخخ

تسلمين على المتابعه ,,, والله ودي ,,, بس احس ان بارتين كافي لأن القصه مو حيل طويله

 

[أم ورود الحلوه]

البارت الرابع

الساعه 10 الصبح
قعد سالم من النوم ,,, و عيونه منفخه من السهر
تسبح و تريق و تعطر لصلاة الجمعه ,, وراح أهو و ابوه بو سالم للصلاة


بعد الصلاة

ابوسالم : سالم يابوك ,, تجي معاي بيت جاسم رجل غنيمه
سالم : لا يبا و اله اني دايخ حدي و بروح اكمل نومتي ,, زين اني ما نمت فالصلاه
ابو سالم : ايه اشوفك تنعس وراسك تروح يمين و شمال ,,, روح يبوك ارتاح شوي
سالم : فمان الله يبه << وباس راس ابوه

بغرفة سالم

سالم أكيد قام يفكر بشمه <<< يووووه علي أنا شفيني تولعت جذي ,,, الله يلعن حظي ,, يوم جيت احب حبيت لي وحده من قبيله غير قبيلتي ,لا وياريت عاد من قبيله تناسبني ,,, مني شمنقزني على قبيله لو أنقز ما تناسبني ,,,, يلعن او الحظ الردي <<< و الله يا شمه ماني ولد ابوي ان ماتقعد تلج ,,, يووووم خل انام لي ساعه وراي طريج لي أم الهيمان


الساعه 4 العصر ,,,,,

قعد سالم من النوم ,,, وخذه له سبحه سنعه و بعدها لبس دشداشته و الشماغ و حط دهن عود ,,, ونزل لأمه و سلم عليها و تعذر لأبوه انه ما يقر يروح للمحل لأنه مواعد واحد من الربع <<< و باس راس امه و ابوه و مشى ,,, طبعا سالم نيته يروح لبيت شمه و ينطرها عند الباب



أم الهيمان <<< جدام بيت شمه

سالم سافط سيارته عند بيت الجيران صوب الحديقه << كأنه المفتش العم وحيد ,,, و يراقب بيت شمه ,,,
و مشغل المسجله و حاط أغنية ,,


أشوفك كل يوم واروح ..
واقول نظره ترد الروح..
اعيش فيها عشان بكرااا ..
عشان ليلي اللي كله جروح ..

توصيني على الكتمان ..
وتبغى حبنا مايبان ..
وتنساني ..
تقول لي ودنا صافي ..
وتحسب حبنا خافي ..
ترا راعي الهوى مفضوح ..

صحيح النظره ماتكفي ...
من الآلام ماتشفي ..
ولكن عذرنا الحاضر..
نراعي الوقت والخاطر..

ومادام النظر مسموح ..
اشوفك كل يوم واروح ..
عسى النظره ترد الروح ..

نخاف من ايه والدنيا تحاسبنا على الثانية..
بتاخذ مننا الاشواق وتعطينا حياة ثانية..

ياصاحب المعنى
ان كنت تسمعنا
لا الوقت يخدعنا
ويرجع ويتعنى

صحيح النظره ماتكفي ...
من الآلام ماتشفي ..
ولكن عذرنا الحاضر..
نراعي الوقت والخاطر..

ومادام النظر مسموح ..
اشوفك كل يوم واروح ..
عسى النظره ترد الروح ــــــــــــــــــــــــــــ
إلا و الباب يفتح و قلب سالم ,, دم تك دم طخخ ,,, يصعد و ينزل من فزة القلب ,, أكيد شمه يا عساها شمه ,,, يا ويلي قلبي يا شمه لو تكونين انتي ,,<<< هااااااااااااااااااا شنو هذا ,,, واحد طول بعرض بجسم يوقف القلب ,,,
سالم : يووووه يووووه انحش ياولد هذا شنو ,,, والله لو يقضبني ,, ليعفس خلقتي ,,, و الله ليخليني قع غيار ,,,,
دق سالم سلف و سوى نفسى يحوس بالفري يدور على بيت معين ,,, لين شاف الرجال اللي طلع ركب سيارة جيب ,, و حرك

سالم : ابك انت جيب و تركب جيب ,,,, معقوله هالكائنات عايشه في بيت شمه << والله ما يصير ,,, الله يعينج ياشمه جنج الغزال اللي عايشه في غابه ,,,
ما أقول إلا ,,,,
أشوفك كل يوم وأروح ,,,,,,,,,,,,,,,,,,,,,,,,,,,,,,,,,,,,,,,,,,,,


ـــــــــــــــــــــــــــــــــــــــــــــ

مرت نص ساعه ,,, وبعدها يا ويلي ,,, هذا شنو شمه شمه اي بالله شمه كاهي طلعت من بيتهم
يازينج يا شمه ,, يا عساج تكونين من نصيبي

طلعت شمه من بيتهم ,,, حاطه مكياج وردي ناعم ,, و ملفع اسود عليه شوارافيسكي ,,و عباية مخصره و مره روعه نفس الملفع ,,, و معاها شنطه قوتشي ,,, ولابسه كعب شوي عالي ,,, اركبت سياره السايق و معاها بنات ثنتين ,,, بس اكيد كل وحده منافسه الثانية بالجكر ,,, يعني شمه سادحتهم عدل ,,,,

دق سالم سلف و قام يلحقهم ,,,
اهم يمشون و اهو وراهم ,,, واهم يمشون و اهو وراهم
لين و صلوا عند كويت ماجيك

سالم : ايييه رايحه المجمعات و اليوم جمعه ,,, خل اقضبج و الله لماخلي تدشين مجمع إلا الصبح وبأيام الامتحانات ,,,
ــــــــــــــــــــــــــــــــــــــــــــــــــــــــــــــــــــــــــــ

داخل المجمع

شمه و منيرة بنت عمتها و نورة أخت من ابوها اللي أصغر من شمه بسنه ,, يمشون و الشباب كلهم عيونهم طايره على شمه
بس شمه ماشيه سيده ولا عطت احد وجهه ,, وهذا الشي ريح سالم ... بس بعد الغيره ذبحته ,,,
دخلت شمه محل مكياج ,,, و وقف سالم جدام المحل و قام يطالعها و هي تنقي و تختار ,,, و عيونه ماطاحت من عليها
... رفعت شمه راسها ,, الا و تطيح عينها بعين سالم ,, خزته و بعدها التفت لنورة ,,
شمه : نورة ,,, نوره ,,, يا ويلي ,,, شوفي هذا
نورة : منهو ؟؟؟
شمه : اللي واقف عند الفترينه
نوره : يوووه يازينه منهو تعرفينه
شمه : وجع خبرتيني اعرف شباب
نورة : عجل ليه تخزينه
شمه: هذا البياع اللي يبيع بسوق الكويت ,, راعي البراقع و العبي
نورة: اي يمكنه يبيع اهني بعد
شمه : لا يا خبلج ,,, انا سألت امي تقول انه ولد صاحب المحل
نورة : زين شلج فيه
شمه : مدري احسه يخزني
نورة : يمكنج يوم رحتي للمحل انعجب فيج ,, ولا يخزج بيذكر وين شايفج
شمه : يوووه اسكتي هو كان لاحقني للحواج , ياربي ما احب هالسوالف ,,, ياعسى ما يلحقني للبيت
نورة : ما عليج ادوسلج في بطه و ادبه لج ,,, ولا اخلي مطلق اخوي يربيه لج
شمه : انجعمي واله انجبتي سيره لحد ذبحتج ,,, مالي خلق ينقبوني تراهم متقعديلي ,,,
منيره : شفيكن تتساسرن ياللي ماتستحن
شمه : لا ولاشي ,,, بس نتناقش منهي اللي تدفع الحساب


سالم حس ان شمه اعرفته ,, وقام يمشي وراهم و يوزع ابتسامات لشمه كل ماطاحت عينها بعينه
و شمه قلبها يقرقع ,, و ميته من الخوف ,,, مهي راعية هالسوالف

ــــــــــــــــــــــــــــــــــــــــــــــــــــــــــــــــ

بعد ما اخلصوا من السوق ,,, وصلوا منيره لبيتهم بفحيحيل و عقبها راحوا للبيت ,,
نوره : اقول الخروف هذا لاحقنا للبيت و الله ان شافه مطيلق ولا سلطان شق وجيهنا
شمه : الله يقطعه مدري شيبي
نورة : مغازلجي يدور البنات
شمه : اسكتي و الله اني ميته من الخوف ,,, ادعي ربج عسى ما يكون واحد من اخوانج عند الباب و الله ليفضحنى
نورة : ياولي على غسل رمته ,,,
شمه : يالله يالله انزلي بسرعه
نورة : يخيييييييييييييه شوفي يأشرلج
شمه : اركضي داخل البيت كأنج ما تشوفين

دخلوا داخل البيت و عيون سالم تراقبهم ,, لاحظ سالم ان نورة مهي راعية خراب و انها خوافه ولافيها جراءة البنات ,,, وبكل خطوه يخطوها وراها قلبه يتعلق فيها زياده ,,, ماكان حاب يخربط معاها سالم ناويها بالحلا بس كان يجيس نبضها ,,
و قال من باجر باخذ اجازه و بقعد عند بابهم واشوفها وين تدرس و وين تروح و تجي و الله لصيرلها من الظل ,,حتى بأحلامها بجيها ,,,

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


من صباح الله خير اخذ سالم اجازه و ركضه على بيت شمه,, بس اكيد الطريج كان حده طويل ,, عشان جذي ما وصل الا الساعه 11 الصبح ,,,,
قعد عند باب البيت و لاشاف سياره غير سيارة السايق و لا احد طلع و لا احد دخل ,,, قعد عند الباب من الساعه 11 لي 1و نص ,,, لين شاف السايق ,, يحرك السياره بيمشي ,,, قال امشي وراه يمكنه رايح يجيب شمه من المدرسه ولا دوام
،،،،،،،،،،،

لحق السايق لين شافه سفط عند مدرسة ثانويه ,,, بنات ,, وبعدها ركبت بنت السياره يوم انتبه الا البنت اللي كانت مع شمه امس ((( نوره ))) ,,, بس شمه ماركبت السياره ولا شافها ,,, يوووووه هذي وينها

اخذ السايق فوق حدر و رجع للبيت وسالم وراه بس شمه مهي معاه

سالم : اكيد انها بكلية و لي اللحين ما طلعت من الكلية <<< بقعد لين تجي
ـــــــــــــــــــــــــــــــــــــــــــــــــــــــــــــــــــــ

تم سالم لي الساعه 4 العصر لا شاف احد يدش ولا احد يطلع ,,, طلب له صمونه و كلاها ,,, بس بدون نفس ,, وكان حده دايخ بس مارضى ينام ينطر شمه
يوه يوه يوووووه هذي اهي شمه كاهي طلعت من البيت و شايله بأيدها كتب ,, هيااااا وراها ,,
شمه انتبهت للسياره و قلبها طاح ببطنها , شافت سالم يلحقها ,,, لين اسفطت عند ثانوية بنات مسائي
انزلت و عينها على سيارة سالم,,, و الخوف بعيونها
شمه : ياربي سترك هذا شيبي لاحقني ,, ياعسى مو ناويله على شين اقشر

ادخلت المرسه ركضه و ميته من الخوف ,, سالم شق الضحكه و حس انه عرف عنها شي جديد ,,, اول اسمها و بعده اسم اهلها و بعده بيتهم و اللحين مدرستها ,,,

نزل سالم من سيارته بعد ما سفطها و راح للحارس

سالم : السلام عليكم يا عم
الحارس : اهلا يا بيه
سالم : متى يخلص الدوام
الحارس : الساعه 9 انشاءالله
سالم : يالله مشكور
الحارس : نورت يا بيه

راح سالم لسيارته و سدح الكشن و حط منبه التليفون على الساعه 8 ونص و قال آخذلي غفوه و اريح على ماتطلع القمر من المدرسه ,,,,,,
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


الساعه 9 بليل

سالم صارله نص ساعه من قعد و عدل شكله و قام ينطر شمه تطلع من مدرستها ,,,
9 بالضبط شاف سايق اهل شمه سافط و شوي و اطلعت شمه من البيت ,,, تعمد سالم ,, يسفط يم سيارتهم ,, عشان شمه تشوفه ,,, يبيها تحس انه متعلق فيها و انه شاريها ,,, يبيها تفكر فيه و تحطه في بالها ,,,
و بالفعل شافته و حطت عينها بعينا ,,,, بس هالمره ابتسم بوجها و عينها بعينه عدل و كان قريب منها ,,, حس ان روحه ردت له , حس انه خطى خطوه كبيره لجدام ,,,,,,,,,,,,,,,,,,,,,,,

ـــــــــــــــــــــــــــــــــــــــــــــــــــــــــــــــــ
وصلها سالم للبيت و بعدها رد لبيتهم و انسدح في غرفته كالعاده يفكر في باجر و شلون بيوصل لقلب شمه ,,,,
و توصل لفكره بتخليه يكلمها و يعبر لها عن مشاعره بدون لا يسبب لها احراج ,,



تتوقعون شنو اهي الفكره ؟؟؟
وشنو بتكون ردت فعل شمه من فكرة سالم ؟؟؟؟؟


انتظر ردودكم​

 

[ريـ’ـآنـهـ‘]

امبييييه وناااااااااااااااااااسه


سااالم وشمه

سالم حركاات مرتز عند باب المدرسه!!

وناااسه حبيييته بصرااحه
عفيه حبيبتي كمليها وناطرينج لا طولين
ويمكن باجر سالم يروح حق شمه ويكلمها ولاااا ماادري ماادري بس كمليها
تشوق حيييل

 

[yooyoo]

ام ورود حبيبتي تسلم ايدج القصه وااايد روعه بس ممكن اعرف ليش ما كملتي قصه مراهقات المقررات كنت متابعتج

 

[أم ورود الحلوه]

ام ورود حبيبتي تسلم ايدج القصه وااايد روعه بس ممكن اعرف ليش ما كملتي قصه مراهقات المقررات كنت متابعتج

اففففااااااا عليج عشان خاطرج بكملها
بنزل بارتين ,,,, اليوم بليل
و تسلمين على المتابعه ,,,​

 

[فوز وفواز]

لوووووووووووووووووووووووول ياحليلهم سالم يضحك
وشمه ليش تدرس مسائي؟؟؟؟؟؟