سالفه بالجامعه وحابه اخذ رايكم فيها

[RoWaIsHeDyA]

مساء الخير جميعا

انا عارفه انه مشكله قائمه بالجامعه بس انا توني ادري فيها وحابه اخذ راي الي يعرفون هل هالشئ صحيح او شائعات
ويمكن مكان الموضوع مو صح بس حبيت اخذ راي اكبر شريحه سواء الي لي الحين بالجامعه او تخرجوا

السؤال يقول هل في قانون يمنع الدكتور من انه يحط للكل a حتى لو كانوا يستحقون هالشئ وانه لازم ينوع برنج البي والاي والسي ولا يحاسب ؟؟
يعني شنو رايكم اذا كنتو تستحقون الدرجه وكان رده انه لازم ينوع بالدرجات ولا يحاسب خصوصا هالموضوع يصير بقسم الانجليزي اكثر شئ ؟؟
هل في صحه من هالكلام ؟

 

[G!RLooNa]

مادري ماتوقع في قانون اهو الدكتور بكيفه في دكاتره يقولون ما نعطي A

و اكو يتفلسفون يقولون الله a انا b و انتوا c و نازل !!

الحمدالله والشكر :ch12:

 

[أم عبوودي11]

مافي قانون بس يتنيحسون وللاسف الدكتور سلطه وبكيفه يحط اللي يبي حتي لو واحد متفوق ومايبيه يحط بي كيفه وكل واحد وضميره ومحد يحاسبه دكتور هذا القهر الالالالالالالالالالالالا اللي يسوي تظلم رسمي ويطلب ورقته ولجنه وطواله

 

[JaN JaN]

مره دكتورنا قالنا انه اذا الدكتور حط للكل A يحولونه التحقيق لازم على الاقل في قريد غير a لأن مو معقوله الكل ياخذ a بالكلاس

بس في دكاتره يتنيحسون جنه انطر منهم الدرجه :\

 

[Dr.Nouf]

اعرف دكتور

شعبته يا A يا B وحياته سعيدة ومستمرة !




واعرف دكتور ثاني كويتي :q8:

اول مادشوا كلاسه قال حق شعبته


ال A حق الله ( يعني الكمال ) يعني حامض على بوزكم احد ياخذها

وال B حقنا احناا يالدكاااترة


وال C وناازل حقكم انتوا يالطلبة :denya: @@








وبعدين تره تشكك سالفه ال A عالشعبه كلها مايصير اكيد في مستويات اعلى واقل بالعقل







,

 

[Tutti-Frutti]

رد : سالفه بالجامعه وحابه اخذ رايكم فيها



اي حتى انا سمعت انه ما يصير يحط A حق الكل

بس اذا يستاهلون واهو كريم ليش ما يعطيهم

 

[RoWaIsHeDyA]

رد : سالفه بالجامعه وحابه اخذ رايكم فيها

تسلمون حبوبات ويعطيكم الف عافيه على الردود
يعني الكل يتفق انه مافي قانون يمنع هالشئ

 

[غلطة زمن]

رد : سالفه بالجامعه وحابه اخذ رايكم فيها

الحال من بعضه أنا سعوديه وصديقتي سامعه بأذونها رئيسة قسم اللغة الانجليزيه
تحذر دكتوره جديده وتقول لها’’ ها00ترى مو كل البنات ينجحون’’ ومن هالكلام
وفي دكتوره مصريه جديده نجحت الدفعه كلها لأنهم يستحقون وعلى طووووول سفروها
مانبي a بس نبي ننجح000 جبتيها على الجرح

 

[وهج الخير]

رد : سالفه بالجامعه وحابه اخذ رايكم فيها

شدعوه ليش بالله الشعبه كلها عباقره شلون ما ياخذون a

 

[عقد الدرر]

رد : سالفه بالجامعه وحابه اخذ رايكم فيها

ايه هذي السالفه صدق
حسبنا الله ونعم الوكيل
فيه دكتوره عندنا تقول في بنات
باختبار الانجليزي حالين
كاااااامل مافيه ولا غلطه تقول بس
ماخليتهم جلست ادور حتى بالنقط
جددددد قهرتني :rgewrg:

 

[ƒédaîtn¥ ZoO'3a]

ماكو قانون يمنع بس نحاسه

 

[looty5]

انا عندج
تخيلي امتحاني كامل والدكتوره تقولي A-
اقولها طيب ليش ؟ تقول ما اقدر اعطيج اعلى
لان قالوا لي لازم طالبتين a والباجي نزليهم

تخيلواااااااااااااا

:flower::flower::flower:

وفي دكاترة يعطونج حقج وزياده وفي يخفسوون فيج
عادي ترا هههههههههه:dddds:

 

[MISS DaL3]

الي نسمعه من الدكآتره ان رئيس القسم يحآسبه اذا الشعبه كلهآ a وخصوصا اذا كآنت المآده عليهآ وحدات وايد

 

[رنيم q8]

انا سمعت نفس كلامج
تخرجت من الجامعه
ما عمره مر علي كلاس كل الشعبه a
بس في دكتور اخذت عنده ثقافه اسلاميه اختياري اسمه سالم الشمري يالحليله الكل a عنده


الله يوفقج
:hjy5jewf:

 

[طموحه بزياده]

والله مادري ماتوقع ان كل الشعبه بتاخذ اي اكيد بكون فروقات شهل صدفه كلهم شطار :ggdw:

 

[لؤلؤية]

رد : سالفه بالجامعه وحابه اخذ رايكم فيها

هذا معناته انه الدكتور فيه قصور
لانه مستحييييييل كل الطلبة نفس المستوى...بالدرجات سواء بحث او مناقشة او امتحان تحريري وحضور

 

[أم*سلمان]

والله ما ادري

بس اتوقع عاادي

 

[تيموره]

رد : سالفه بالجامعه وحابه اخذ رايكم فيها

مره وحده من دكاترة قسمنا الانجليزي قالت ماينفع الشعبه كلها تطلع ب A لازم بوشن معين A وبوشن معين B وجذي C و D

وهمن مر علي دكتور قال انا مره من الشعب اللي مروا علي عطيتهم كلهم A

وعادي توافيق السالفه

يعني في دكاتره oky

وفي دكاتره لج عليهم

 

[أم منيـرة]

اي صح ، يتنيحسون ع الـa خاصة قسم الإنقلش ، حسبي الله عليهم

،

في دكاتره يعطون a حق الشعبه كامله ، بس هااا الا اذا كان الإمتحان سهل حيل ، واهو رافعهم ..

وفي شكثر نحاسه

الله يعينا عليهم !

 

[كويتية222]

اختي انتي تتكلمين على مستوى بكالوريوس تعالي شوفي الازمااات والتخلف على مستوى دراستي درتسات عليااا

لكن دكتوري وقف بفيس رئيس القسم وقاله طلبتي يستحقون وخذينا ال a بجدارة ولان دكتوري يخاف الله