سالفتي مع اختي وامي... حدي مصدومة

[ناتشوو]

بنات
انا ماأأيد
اللي يقولون لا تباركين
سوي نفسج مو مهتمة
انتو قاعدين تزيدون الفجوة
اللهم اجعلنا مفاتيح للخير ولا تجعلنا مفاتيح للشر
ياحياتي رد توم وجيري واللي قالت ودي معاج كيكة
يعني لا تخلينهم يحسون زعلج اكبر من فرحتج لاختج
ترى الواحدة مالها الا امها وخواتها

 

[MiSsY HottY]

حبيبتي عادي طوفي هذيل اهلجججججججججججججججججججج

 

[شيخه العود]

بصراحه شي مو طبيعي والله اعلم عن الاسباب بس مهما كان انتي اختها شلون تخش عليج يمكن احد يعرف باللي صار بينكم ولعب بعقل اختج وقالها ماتقولج لين يخلص كل شي عاد انتي كبري عقلج ولا يلعب الشيطان براسج روحي بيت اهلج وباركي لهم ترى ماراح تحصلين احد احن عليج من اختج واكيد اللي صار غلطه وراح تندم وبخصوص حمولتج نصيحه قولي انج كنتي تدرين بس ماقدرتي تقولين لهم لان امج حلفتج ماتقولين حق احد لين يخلص كل شي لان مهما كان فكره ان شي يصير عند اهلج وانتي اخر من يعلم مو حلوه بحقج كللش

 

[عسل مرت قيمر]

احس في شي

معقوله بيخشون عنج


ماتوقع


سألي امج


اكيد في شي


اكيد في امر ملبوس

 

[photoshopia]

انا من راي اختي توم وجيري .. وبعدين مهمها يكون انتو خوات .. والظاهر ماخذه منج موقف على الزفة يوم خليتي امج تسحب منها الفون اكيد وقتها كانت صغيره وماتعرف مصلحتها وعلبالها انج بتحرمينها منه وانه هو يحبها وانتي تفرقينهم ومن هالكلام
انا اقول افهمي هي ليش سوت جذي وكل شي ينحل بالتفاهم

 

[جلكسي بالمكسرات]

حبيبتي ،
أنا قاعده الحين اتخيل
أكيد خاشين عليج قبل أعلان الخطوبه خايفين تعصبين وتقولين هذا ما يصلح ولا شي
بعدين ألحين يوم صار الأعلان ينتظرون رد فعلج
شافوج ما باركتي ولا رحتي ولا سألتني فبين أن ألي في بالهم صحيح وانج معصبه ومب موافقه على هالخطوبه
أنا تبين رايي
هاي ترى مب رفيجاتج ولا أهل ريلج
هاي لحمج ودمج
روحي عندهم صيحي طلعي ألي في خاطرج ليش خشيتوا ليش ما قلتوا لي
وشوفي أسبابهم
سوالف الكرامة وانا غريبه وانا عزة نفس هاذي ما تمشي مع أمج واختج

 

[عواش1987]

اه عالردود اللي اللي كلها مجااااملااات

بنات البنت تبي رايكم عيشوا الدور عن المجاملات حطي نفسج مكانها

ام ريلج تبلغج بخطوبة اختج !!!! عفواااا ؟؟؟

شنو اللي تقول عادي وتطلع اعذار واسباب ! واللي تقول اختج ماخذه موقف ! نعم وين دور الام ؟

صراحه حبيبتي و من غير مجامله انا اشوفها قوووووووووووووووووووية حيل حيل حيل حيل

كل الاعذار اللي قالواها البنات ما تبرر حق اللي صار

انتي اختها الكبيره و على كلامج ما سويتي شي غلط انج كلمتيها يوم انج طحتي عليها

وبالنسبه حق البنت اللي تقول همن انتي سويتي شي غلط بانج ما قلتي حق احد انج تكلمين ريل جانا اقولها نعممم؟؟؟

والله لو تطلع معاه و تقعد معاه بغرفه اهي على حق ومحد يتكلم والكل يسكت اي نعم زوجها على سنة الله و رسوله

شنو تقولين لها ان انتي اللي سويتي غلط انج كلمتي ريلج ومحد يدري هااااو تقولين ريلج و تقولين غلط ؟؟

صراحه انا قاعده اقرا ردود فضيعه

ان شاء الله ما اكلم ريلي وقت الملجه و احط اعلان ولا ورقه عند باب غرفتي و اكتب " الرجاء عدم الازعاج قاعدة اكلم ريلي تايم "


فعلا شي غريب !!

المهم حبيبتي شي يضاايق وانا ما اجاملج ويعور ويقطع القلب بس روحي قعدي مع امج وبكل ادب واحترام قولي كل اللي في قلبج

لان جد شي قوي وما ينسكت عنه لازم تعرفين شالسبب مع انه هالموقف اللي صار صراحه ماله اي اي اي مبرر

اختج يمكن صغيره تمشي ورا شور امها والقرار بيد امج اكيد فاكيد في شي صدقيني كلمي وامج شوفي شالسالفه

والله يخليكم لبعض يا رب ويبعد عنكم الحسد و يحسن علاقتكم قولي امين


:**

 

[عادت ذكرياتي]

الله يهدي سركم لبعض يارب

 

[اشلون يعني &]

لا تعطين الشيطان فرص يخرب بينكم

 

[أحلى من الخيال]

بس انتي ليش ما تأكدتي من أمج
سمعتي الكلام من خالتج و سكتي
يمكن خالتج امخربطة
تأكدي أول و بعدين عاتبيهم
و أكثر من العتاب لا يصير شي​

 

[استكانه1]

وى وى ليش!!!!!! بالله ايقولون البنات انهم لحمج ودمج وانتى مو لحمهم ودمهم لمن يسون فيج جذي !!
صج دنيا حرام !!! والله عيب
حبيبتي انا اقولج لو مكانج والله ماسكت روحى قعدى مع هلج ولاتعصيبن شوفي الاسباب تالى ردى واى جانت الاسباااااااااااب عيب
وسمعي نصحيتى لاتطوفين السالفه مابي ايسونها مره ثانيه لو طافت هالمره باجر اتكونين طوفه عذرينى اختي حدى محتره ومايسون لج حساب
سوي لج شخصيه مو بالهواش بث انهم مايخشون عنج شي باجر ***

*

 

[((غلاي))]

انزين ليش ماتسالين امج و قولي الي صار ان خالتج قالت لج؟؟؟؟؟؟؟

 

[الملح كله عندي]

عاادي يابعد عمرري لا تزعلين ياااماااااااااااااااااااا


بتشووووووووووووووووفين

 

[المرايه]

لهالدرجه لدرجه انهم مسوين خطبه واختج تقول رايحه استقبال شي غريب خصوصا هالامور ماتنخش والله اي خطبه سواء تمت ولا لا تلاقين كل الخوات يدرون فيها ودي اعرف ليش ماعلموج شنو السر ��

 

[ديانا سبنسر]

مع توووووووم وجيري

 

[بعـــيد الشــوح]

ما ادري اختي بس لازم تاخذين العلم من امك واذا صار الامر جد باركي لاختك وكأن الامر عادي وترى انتي الكبيرة خليك الرزينه الفاهمه ..

 

[ام فجر3]

اه بس هالسوالف تعور قلبي الله يعينا على هيك اهل

 

[شيخه العود]

ياقلبي احنا مانجامل بس هذول خوات تبين نقسي قلوبهم على بعض ليش يمكن في مجال الامور تتصلح والعلاقه بينهم تصير احسن من قبل تبين نقولها اهم ماعليج كرامتج وماادري شنو انا اشوف ان في شي غلط بالموضوع بس الاهم من هذا كله اننا مانزيد حجم المشكله اكثر ولو وحده فيكم صار لها هالشي هل راح ترضى اننا نكبر راسها على امها واختها والبيوت اسرار شكثر ناس عندهم مشاكل وبلاوي موبس هالبنت واهلها والله الهادي

 

[سميتكـ _ غلاي]

لاحول ولاقوة إلا بالله

 

[سوزي الشرقية]

طيب ليش خاشين عنش الموضوعـ؟؟؟؟انتين في الأول والأخيرتظلي اختها ومردها وقت الشدايد تلجأ لش موللغريب
والله ساعات اتسغرب من هالنوعيات الي تخش عن اختها مثل هذا الخبربصراحة الله يكون في عونش