سلام عليكم
حبيباتي حدي متضايقة من سالفة صارت لي بيني وبين اختي
وبدت من سنتين
من سنتين طحت على اختي تكلم واحد ( اهي اصغر مني بسنة ) تهاوشت معاها وسحبت تلفونها
لان احنا مو متربين جذي وغلط الي قاعدة تسويه
كنت حزتها انا ملجة و كنت اكلم زوجي بفترة الملجة بس محد يدري غير امي
وكان يزورنا بالبيت بالمناسبات والكل عباله ان بيني وبينه بس زيارات وما اكلمه تلفون
المهم يوم طحت عليها وسحب تلفونها وقلت لها هذا غلط الي تسوينه ومن هالحجي
جان اتقط علي كلمة على هالكبير قالت لي طاقتها شرف علي شوفي نفسج بالاول
بنات لا ايرادية كفختها طراق مادري شلون
وطلعت من الغرفة لي غرفة امي وقطيت تلفون عليها وعلمت امي بالسالفة
طبعا انزفت وانسحب منها الفون وياتني تعتذر لانها تهمتني بشرفي وانا اصلا كنت اكلم زوجي
وصرنا ما انكلم بعض .... اي جد مو غشمرة
ولما صار عرسي قعت تبجي لان ما انتكلم
المهم كلمتنا امي وقالت مايصير انتوا خوات ومن هالحجي والظفر ما يطلع من لحم
ردينا نفس اول
ومرة فتحت معاها الموضوع من باب النصيحة واني خايفة عليها قلت لحد يلعب عليج ويضحك الي يحب يتقدم للبنت ما يقعد يسوي افلام وغراميات معاها
وردت علي بكل ثقة لا خلاص انا تبت غلطة وماتكرر
طوينا الصفحة بس كل يوم اي واحد يخطبها وترفضه (مهندس -طيار- ملازم اول ....)
علامة تعجب حولين الي ترفضهم ليش ترفضينهم (اصله عايلته وظيفته ابي اكمل دراستي)
انا مو مقتنعة بالاسباب رفض بس مقتنعة بالنصيب قلت نصيبها
امس بالليل وانا اتعشى مع خالتي ام ريلي و حماتي و ريلي
كانت ام ريلي تلكم وحدة تعرفها وعالسوالف اسمعها تقول صج ما شاء الله الله يتمم ما ادري عنهم
صكت تلفون جان اتقولي فلااانة اختج خاطبينها ناس !!! قلت ولد عمي بس ماردينا لهم خبر
جان اتقولي لااا في ناس خاطبين اختج من عايلة كذا (عايلة الي كانت تكلمه )وموافقين اهلج وبيحددون الملجة
بنااااات ودي اطق جتف خالتي واقولها لا تغشمرين من صدمة ويهي ما ينوصف الي تكلم عنها اختي تعرفون شنو يعني اختي من امي وابوي وانا اخر من يعلم وخاشين الموضوع علي
وخالتي وحماتي يحسبوني ادري وعبالهم خاشة الموضوع عنهم ...عشان حماتي كبر اختي ومحد يا خطبها نهائيا فبالهم اني ماقلت لهم عشان لا ينظلونها
ومستلميني بكلمة احنا اهل وحبيايب شفيها لو درينا ان اختج انخطبت
اقولهم مادري عن الموضوع وانا متفشلة من ناحتين (اختي وادري عنها و انهم يحسبوني ادري وخاشة )
بنات اول مادخلت داري قعت ابجي بجي شلووون محد يقولي وخاشين علي اوكي كانت تكلمه بس دام خطبها وطلع ولد ناس ما راح اعترض
الناس ياين البيت ومتكلمين وبيخطبون
بنات والله امس الصبح كنت بيت اهلي اتطمن على امي وتحاليلها ولا يابت لي سيرة كلش والوضع طبيعي بالبيت محد قال شي
وماراح ابطل الموضوع ولا اتكلم دام محد قالي
بنات حدي مصدووووومة امي واختي (( رفيجاتي ماسوها معاي شلون تطلع من ام واخت ))
