سالفتي ما لها عنون مناسب لاكن شوفو التفاصيل ؟!؟!؟

[emiemi]

الله بعينج بس بسأل سؤال انتي مهتمه بنفسج ولا نسيتي عمرج مع اليهال؟
الريال شكله مل من عدم اهتمامج بفسح مو بليهال
اول مايي من الدوام لبسي قصير كشخي حطي عطر ومسكي البيبي بو خمس شهور ونوميه بعد ماياكل وحطيه بغرفته والكبير خليه عندج يطالع التلفزيون متغدي وخالص
اول مايدش ريلج بوسيه وقوليله يعطيك العافيه حبيبي بدل علا ما احط الغدا واهوا بيستانس صدقيني
حطي الغدا وتغدي معاه وسوالفي معاه ونتو تتغدون بعد الغدا سوي جاي وشربي معاه وبعدها اخذيه لغرفة النوم نامي يمه لمن ينام ترا الريال ياهل وقعديه بوسه تحرشي فيه لمن يقعد وسويله جاي وحطي بسكوت وخليه يي الصاله واعيالج خليهم بغرفتهم مع الخدامه اهتمي بنفسج اولشي تتغير حياتج وماتقدرين تتحاطمين بعدها وريلج يحبج يموت فيج اذا انتي غيرتي من نفسج ومن طريقة حياتج
وادعيلي

 

[طلة نجمه]

بصراحه أنا مع هونها يارب شنو هذيله موعياله أشدعوه كلهم 2 الصغيرة عند الخدامه دامها ماتفهم والثانيه حطي لها العاب وبعد مع اختها وانتي علا طول جيكي عليهم وسالفة الاكل بغرفة النوم هذي موطبيعيه 0 شنو مايلعب معاهم ؟حابس نفسه بالغرفه أش صائر احتلال ياساتر الواحد غصبن عليه يقول هل كلام شي يحر اصلا الريال يحب اليهال أبها لعمر يونسون يلعبهم حتي والله بعض الرياييل جهنم يهال ينزل بعمر ولده علشان يلعبه ويضحكه ريلج شكله نسي وجيه عياله إذ كل بالغرفه مايطلع سوري علي الكلام بس اول مره أشوف ريال ابهالنوعيه .

 

[sara 2009]

موقفه جدا سلبي للاسف وانتي وحليلج تحاولين ترضي كل الاطراف
سوي وياه اكشن وخله طيب غصب يليس وياهم لانه مش بكيفه هم اليهال يحتاجون ابوهم

 

[PuPa^^SWeeT]

شوفي ...
اول شي ادعي 24 ساعه ان الله يسخره لج ويسخرج له ..
اليهال .. جابليهم صح انا معاج مانقطهم عالخدامه لكن خل تعاونج تنظف تحتهم انتي ماسكتهم خل اهيا تبخر البيت بسرعه .. اهيا ماسكتهم انتي تعدلي ولبسي و تكحلي ..
حطيتي غداه تحرشي فيه ..عاامليه كأنه ياهل بدلع والله الحنه ماااوراااها غير حرة القلب وتشيلين بقلبج ويصير فيج ضغط واهوا حاط راسه ونايم ولاهمه ..
وبعدين شستفدنا .؟؟؟
بينج وبين نفسج..

متى اخر مرة يبتيله هديه لو عطر ؟؟؟
لاننطر مناسبه (حتى انا هامله هالسالفه)

متى اخر مرة مسويه نيو لوك ... مغيرة ستايل ملابسج بالبيت مغيرة نظام بجاماتج ..
والله اشياء سخيفه ترضيهم اففففف

اول شغله تسوينها ..نووو يهاااال بعد نطري 3 سنين عالاقل ..
غيري ديكور بيتج من غير لايدري ضيفي لوحات زرع وروود براويز كبري صورته وحطيها ----->..اذا تبين صورتي عادي

مفرشكم غيري لونه كسري القاعده خل يحس بنظام يديد .. قولي بينج وبين نفسج من اليوم انا غير وانشالله اهوا غير ..اذا كنتي تحنين لاتحنين اذا كنتي عصبيه طخي اذا كنتي مهمله اهتمي ... انا ماعرفج لكن اتكلم بشكل عام جربي لو يوم واحد وقوليلي والله يصلحكم

توها والدة من خمس اشهر


عني اكييد نيو لووك اهيا للحين 3 اشهر توها رادة من الاربعين ولا اكثر بشوي



بس ترا الحنة مو الحيين اذا يقول مزعجيين


خل ينطر لين طفل 4 سنيين و الثاني 3 سنيين


بينحاش



بس ترا هذا الاغلب انهم مايقعدون وياهم



اذا على قعدة الغرفة

خلييه


احسن من يطلع و يخليييج

 

[*آسوومه*]

هالـ ريايل الانانيه بدمهم
يعني شنو المطلوب منج؟ تتقطعين؟
حقريه ولا تلحقينه
واذا قالج ليش وما ليش قولي لين متى بنتم على هالوضع؟ ذيلن يهال ومحتاجيني
انا مايبتهم عشان اقطهم على الخدامه
شنو ذي اصلا تعب عليج ،،نصيحتي الريال الي يمصخها ومايحس ع دمه
حقريه ولا تعطينه ويه ولين سئل بنفسه قولي الي بقلبج،،كلميه عدل ولا تغيرين اسلوبج لكن لا تراكضين ورا

و الله كلامها صح 100%
يبطون الجبد هالريايل
عما ان شاء الله
يجيبون عيال و عقب يتشكون خليه يولي
قومي بواجباتج و خلاص
بعدين عيالج اولى لانهم اطفال و هو كبر الباب
مرده تطق جبده من الدار و يطلع برا
:eh_s(4):

 

[noonaa-thn]

الله بعينج بس بسأل سؤال انتي مهتمه بنفسج ولا نسيتي عمرج مع اليهال؟
الريال شكله مل من عدم اهتمامج بفسح مو بليهال
اول مايي من الدوام لبسي قصير كشخي حطي عطر ومسكي البيبي بو خمس شهور ونوميه بعد ماياكل وحطيه بغرفته والكبير خليه عندج يطالع التلفزيون متغدي وخالص
اول مايدش ريلج بوسيه وقوليله يعطيك العافيه حبيبي بدل علا ما احط الغدا واهوا بيستانس صدقيني
حطي الغدا وتغدي معاه وسوالفي معاه ونتو تتغدون بعد الغدا سوي جاي وشربي معاه وبعدها اخذيه لغرفة النوم نامي يمه لمن ينام ترا الريال ياهل وقعديه بوسه تحرشي فيه لمن يقعد وسويله جاي وحطي بسكوت وخليه يي الصاله واعيالج خليهم بغرفتهم مع الخدامه اهتمي بنفسج اولشي تتغير حياتج وماتقدرين تتحاطمين بعدها وريلج يحبج يموت فيج اذا انتي غيرتي من نفسج ومن طريقة حياتج
وادعيلي

ياقلبي والله اني مهتمه بنفسي وكل الي تقولينه اسويه وزياده بعد
من يدخل البيت لين يطلع وانا اراضي فيه
وخدامتي حقيره ما تبي يهال توهل جديده ومالها خلق يهال من اخليهم عندها تبدى سنفونيه البجي
والله يوفقج ويعطيج الي بخاطرج آمين

 

[noonaa-thn]

الله يعينج وييسر لج امورج ويرزقج من حيث لا تحتسبين

انا اشوف ان مضايقج قعدته بالغرفة علشان جذي بالغت بوصف التعب والشكل السلبي
عالعموم العيال بالعمر اللي ذكرتيه
غالبا شغل ام
محتاجين للام اكثر
حفاظات وحليب
خاصة بو5 شهور
الابو بيضحك وبيلعب ويتركهم
مادري انت ساكنة مع حمولة ولا بروحكم
العيال لهم غرفة خاصة ولا وين ينامون
اذا لهم غرفة حطي لهم الالعاب
وحاولي واحرصي ع تعديل نومتهم
يعني نومتهم الطويلة بالليل
لهم تقيولة خفيفة
انا تصورت الوضع عيالج حيل مزعجيييين ويبجون وانت ماتنلامين عندج نقص خبرة
مايكفي نتحلطم ونشكي
لازم نبذل جهد
حتى لو زوجج غلطان اناني
مايكفي نقول جذي
المهم حل
سوي اللي بيدج
وخلي الصاله مكان للاسترخا
قهوة جاي تلفزيون
الاكل مايقعدون معاكم ليما يكبرون ياكلون عدل بدون لا يوصخون
حزة الاكل حطيهم بغرفتهم اللي بالدراجة المشاية واللي ع قاري مع العابهم
نظمي وقتج
عطي نفسج وقت ولزوجج ولعيالج
واذا ماعندج خادمة جيبي تقعد معاهم وتساعدج
مااقول قطيهم عليها بس عاللاقل تراقبهم وانت مشغولة
ترى حتى الحفاظ ابدله لعيالي بس هم الخادمة تريحج
وارد واقول مايكفي نتحلطم المهم حل
الا في شغلات ماذكرتيها خاصة بينكم تخليه يتهرب؟

زوجي طبعه انطوائي وما يحب اليهال وحنتهم
والله لم يفكر يقعد بالصاله نسولف ونضحك واليهال ساكتين لم يقعد معانا
بس اذا حده فيهم بجت تبي مثلا حليب
علطول يتعكر مزاجه
انا عندي خدامه لاكنها خرطي بس تبي شغلبيت ما تبي حتى لو ساعه تقعد مع اليهال تسوي روحها ما تعرف لهم وتخليهم يبجون

 

[noonaa-thn]

شوفي ...
اول شي ادعي 24 ساعه ان الله يسخره لج ويسخرج له ..
اليهال .. جابليهم صح انا معاج مانقطهم عالخدامه لكن خل تعاونج تنظف تحتهم انتي ماسكتهم خل اهيا تبخر البيت بسرعه .. اهيا ماسكتهم انتي تعدلي ولبسي و تكحلي ..
حطيتي غداه تحرشي فيه ..عاامليه كأنه ياهل بدلع والله الحنه ماااوراااها غير حرة القلب وتشيلين بقلبج ويصير فيج ضغط واهوا حاط راسه ونايم ولاهمه ..
وبعدين شستفدنا .؟؟؟
بينج وبين نفسج..

متى اخر مرة يبتيله هديه لو عطر ؟؟؟
لاننطر مناسبه (حتى انا هامله هالسالفه)

متى اخر مرة مسويه نيو لوك ... مغيرة ستايل ملابسج بالبيت مغيرة نظام بجاماتج ..
والله اشياء سخيفه ترضيهم اففففف

اول شغله تسوينها ..نووو يهاااال بعد نطري 3 سنين عالاقل ..
غيري ديكور بيتج من غير لايدري ضيفي لوحات زرع وروود براويز كبري صورته وحطيها ----->..اذا تبين صورتي عادي

مفرشكم غيري لونه كسري القاعده خل يحس بنظام يديد .. قولي بينج وبين نفسج من اليوم انا غير وانشالله اهوا غير ..اذا كنتي تحنين لاتحنين اذا كنتي عصبيه طخي اذا كنتي مهمله اهتمي ... انا ماعرفج لكن اتكلم بشكل عام جربي لو يوم واحد وقوليلي والله يصلحكم

بعد عمري والله دمج عسل
بس والله انا مو مقصره مع نفسي
والله مو معطيني خدامه سنعه
شكلي بجيب وحده غيرها لانها حدها ما منها فايده

 

[noonaa-thn]

تسلمون يابنات والله توسعون الصدر
اليوم كلمته عن هالسالفه وقالي انا اجيب فلوس وانتي تحمليهم
بنته الكبيره تحبه تموت على شوفته والله انه تاكل الي ياكله
يقعد معاها خميس دقايق ويقول بس اخذيها

ما لقيت له حل
والله قمت انوم اليهال واروح اقعد معاه نسولف ونشرب جاي كالمعتاد وبس وحده تقعد كل واحد يروح بحاله
والله صرنا اصدقاء مو ازواج

 

[mannawy]

الله يعينج اذا في غرفة للجهال خليهم فيها على طول وفري لبنتج الكبيره العاب تتسلى فيهم
بعمرها راح تلهى بالتركيب الحجم الكبير و ديرفه وزحلاقيه وحطي تحتهم الاسفنج وخلي الخدامه مجابلتهم بالغرفه وقفليها علشان بنتج ماتطلع وولدج الصغير حطيله كرسي ديرفه اللي فيه العاب من فوق وحطيلهم تلفزيون على قناة اطفال اناشيد راح يعدي الوقت وانتي مرتاحه يعني خلي الصاله فاضيه من الجهال وبدون ازعاج
وقولي حق زوجج ان الصاله فاضيه مافيها جهال وهدوء

يا اختي احنا امهات يالله انتحمل الازعاج ومتأذين فما بالج الابو مهما كان مايحن عليهم كثر الام

واللي تقولج نوميهم بالله لي متى؟؟ نايمين ؟؟ اذا طول اليوم قاعد بالغرفه معناته اهو يبي بكل وقت هدوء لي ناموا الظهر بيقعدون العصر واحتمال بيسهرون على راسج بالليل
انتي سمعي كلامي انج توفرين مكان للجهال وراح انتي ترتاحين واهو يرتاح والله يوفقكم ويريحكم*

انا قلت خل ينامون شفيها يعني؟ :eh_s(4): ينامون ساعه مو نومة اهل الكهف؟!:krkrkr: وبالعكس اذا ناموا يرتاحون وماتطلع العساره طول اليوم:eh_s(11): بس هذا الشي يناسب عيالي مادري عن غيري.

وبعدين بالنسبه للزوج اتوقع ساعه تكفي يريح لو منسدح راح يهدا ويطخ :O_SHH_:واذا قعدوا اكيد يشتاق لهم وبيلعب معاهم. oster_av1:

يعني احنا لما كنا بنات وكانوا عيال اخواني اييون دوم اقولهم بعد ساعه من ادش من البيت تعالوا قبلها نووووو اكون حدي تعبانه والجو حده حر على ما اخذ شور واتغدى وانسدح اطالع التلفزيون الا اكون طاخه وبالعكس اشتاق لهم لاني خلاص طلعت من موود النرفزه.

كذلك الزوج بيرجع حران وتالف العافيه يسبح ويتغدا ولويه وبجي وحنه:lkmnkl:. متى يرتاح؟! اكيد بينحاش! او بتصير كل يوم هوشه على غير سنع :23_asmilies-com:
خل يدش الاقي اليهال اما نايمين او بينامون عشان بعد السباحه يتغدا وينسدح بالبراد والهدوء واذا بيغفيله نص ساعه الا الجو مناسب. تراه مو مكينه صبح وليل وليل وصبح !

صاحبة الموضوع جربي نصيحتي يويمين واذا مانفعتج سمعي كلام الباجي منتي خسرانه شي. وتقبلوا تحياتي لكل المرور :wqedqw:

 

[mannawy]

كل الرياييل تكون لهم ردة فعل وعن تجربه. يا بنت الناس انا عيالي بالضبط نفس اعمار عيالج.
كان ريلي نفس حداد ريلج يقعد بالغرفه ومسكر الباب على نفسه. سويت حرب هذول مو عيالك يعني بس انت تعبان يعني ويعني وتالي دش الدار وهم سكر الباب على نفسه. تالي قلت بيني وبين نفسي خل يقعد بالدار وانا بقعد بالصاله مع اليهال والخدامه تغسل وتنظف بالمطبخ. حطيت mbc 3 وانسدحت بالصاله واليهال قبالي اشوفهم واحد منسدح ويلعب والثانيه داخل الخيمه وعندها قصص والعاب. من نص ساعه تمر يبدا النشاط واقعد العب معاهم واضحك ومن كثر ما احنا مستانسين يبدا ابو الشباب يطلع من الغرفه (ملقوووف) ويبي يعرف شنو اللي مخلينا نضحك ويبدي شوي شوي يطل علينا ويروح وكل مازدنا ضحك رد طلع مره ثانيه لين بروحه قام يقعد معانا. بس ايام اكوون حدي تعبانه طول الليل سهرانه ومو بالمووود كلش واخلي الخدامه قبالي مع اليهال. قام اهوا من نفسه خذا اليهال وقالي تعالوا كلنا ننام شفتي؟! برووووحه وصارت عاده من نتغدا ناخذ اليهال وننام واللي مايبي ينام يلعب بس جدامنا اما بالدار او الصاله وبس تمشي الامور.

 

[noonaa-thn]

ليس كل مل يتمناه المراء يدركه
الله كريم ان شاء الله يتعدل الحال واليهال يكبرون شوي واقدر اصيطر على نومهم وقعدتهم
بعدهم صغار وكل وحده لها مزاج بالنوم
يعني وحده تنام الثانيه تقعد
اااااااالله يصبرني

 

[mannawy]

ماكو شي سهل وخاصه الارواح هذول يهال ويبيلهم صبر. وكلمه مني وكلمه منج نهون على نفسنا ونتعاون وربي يشوف وعارف شنو نياتنا. احنا ولله الحمد مو من هذول الخربوطيات اللي قاطين عيالهم قط ويسافرون ويروحون.
ماعليج تتدبر ان شاء الله

 

[mannawy]

ذكرتيني بقولج على شي نفس السحر يونس ومامنه مضره ابد ان شاء الله. بالصيدليه يبيعون شراب هيمالايا اسمه بونيسان للاطفال ممتاز كلشي فيه طبيعي تعطينه لعيالج 3 مرات باليوم اذا لزم الامر. من فوايده يوخر الام البطن من الغازات ويهدي الياهل ويخليه مرتاح مو مستعسر ويزيد وزنهم لانه يفتح الشهيه.
انا استخدمه لما تستعسر بنتي وقت التسنين وحق ولدي عشان الغازات مسكين تذبحه.

 

[mannawy]

 

[mannawy]

عشان ابري ذمتي وماقعد احاتيج قبل ماتاخذينه سئلي الصيدلي عنه واقري المحتويات وتاريخ الانتهاء وشلون نحفظه. بس والله انا وايد مجربته وحتى مرت اخوي توها والده حدها ارتاحت منه يريح الياهل وايد انا اعطي الدوا حق الاثنين بس الجرعات مختلفه. اقري وجربي واذا اعجبج ادعيلي واعي حق امي وابوي

 

[سميتكـ _ غلاي]

الله يهديه ويسخره لك

 

[حبيبي مالكني]

ريلج شكله ماله بارض لليهال
الله يعينج
حاولي تخلين الاوقات الي يقعد ريلج مع اليهال حلوه مو صياح وصراخ
عشان يحب قعدتهم
وانتي بعد حاولي تجربين بنتج الكبيره من ابوها
ترسم له وتوديله الرسمه في غرفة نومه ومن هالسوالف
واهو شوي شوي راح يتعود على القعده معاكم

 

[أكذب عليك]

الله يعيتج حبيبتي ويخليلج عيالج
بس طبيعي الانسان لاتعود ع شي مو بسوله يغيره زوجج خلاص تبرمج مخه انه الغرفه اريحله
شلون تغيرين طبعه ..
هيئ له الصاله اغريه بالقعده مولازم تقوليله تعال اقعد بس رتبي صالتج واهتمي فيهااا عيالج
لاتنومينهم العصر خلي نومتهم من 8 ويقومون لماتقومين لدوامج علي 7والخدامه عندهم يلعبون

انتي يبيلج تنظيم وكل امورررج تمام

 

[نونه المنكوشه]

انتى مدام عرفتيه مايتحمل اليهال لاتيبين قعدى جم سنه لين يكبرون واذا عيالج مزعجين نوميهم قبل لااى يمكن اهوه بشغله تعب ويبى لما يرد يرتاح انا مالومه لانه انا نفسه والله من اشوف عيال خوانى ع طول اطردهم اواقعد بغرفتى لين يروحون ماتحمل لويتهم وانا بنت شلون الريال شى طبيعى ماله خلق وانتى خلاص عرفتى جوه حاولى اتنومينهم او اتحطينهم بغرفه وعندهم العابهم اهم شى مومقصر معاج بمصرفهم واغراضهم