سالفتي غير عن كل الناس ....ااااااااااااه

[برنسيسة زمااني]

خلي الولد بحاله دام امه موراضيه

الصراحه اشذنبه يتحمل مطلقه و اعياله واهو توه صغير

حلاته يبطل بيت يديد

والصراحه امه ماتنلام

بعديين انتي ماقلتيله من اول شي

الصراحه غلطتج الولد تولع فيج على اساس انج بنت

بس عقب صدمتيه

بقولج شي اذا تحبينه صج لاتخلينه يغضب امه


ويدخل النار بسببج

رضا الرب من رضا الوالدين

 

[انصاريه قمره]

نصيبك يصيبك واللي يربج كاتبه لج بيصير

 

[انصاريه قمره]

وخليني اقولج شغله اذا الولد سوى شي بدون رضى والديه صدقيني ما راح تتوفقوووووووون وانا شايفه وايد ناس جذي لامه رضى الله من رضى الولدين

 

[Loutes]

رد : رد: سالفتي غير عن كل الناس ....ااااااااااااه

غلط انج تكلمين واحد ماتعرفين عنه شي
وعلى فكره هذا حرام وما يرضي ربج واللي قاعد يصير فيج عقاب من ربي
الله يوفقج ويرزقج بولد الحلال اللي امه واهله يبونج
وهو يمووووووت فيج

كنت اتمنى وحدة تقول هالنقطة :eh_s(17):

 

[بـاسي قــوي]

رد : سالفتي غير عن كل الناس ....ااااااااااااه

ربي يعوضج خيير انشالله و يحقق اللي في بالج

 

[yummy girl]

انا نفس سالفتج بس ما عندي عيال و امه مسويتها قصه

انشالله يكون من نصيبج يا رب

 

[ضي الغروب]

رد : سالفتي غير عن كل الناس ....ااااااااااااه

انا اقول لا تشاورين احد الى نفسج شوفي شنو راح ترتاحين له وسويه ماني قايله غلطانه او مو غلطانه اظن انتي كبيره وعارفه الغلط من الصح بس خلي املج بالله كبير + ابتعدي عنه والله يوفقه اذا يبيج بياخذج صدقيني واذا لا مستحيل ياخذج منتي احسن من وحده اعرفها ربي يوفقها عندها 3 واهي اكبر من ريلها ب 4 اسنين وولد خلي املج بالله كبيير ومالج شغل بحجي التحبيط موفقه حبيبتي

 

[نور 85]

والله ثم والله اني أعرف وحده عمرها 38سنه وعندها 2صبيان ولدها هالسنه أخر سنه رابعه ثانوي والثاني بيروح رابعه متوسط

خذت واحد عمره 26سنه وصبي حبها وخذاها والحين عندهم بنت !!الله يوفقهم مرتاحين ومتفاهميم لا وازيدكم من الشعر بيت

سوت عرس يهبل وأهل ريلها طايرين فيها طير

 

[نور 85]

الحمدلله على كل حااااااااااااااااااااااااااااااااااااااال

 

[ام سلوم 2]

رد : سالفتي غير عن كل الناس ....ااااااااااااه

نور حبيبتى الولد واااايد صغير عليج وعلى الزواج اصلا هذا مو سن زواج يتزوج فيه وااايد صغير الشاب فى السن هذا مصيبه اذا تزوج ما راح ينفع ياخذج وبعدين لاتنسين نسبه الطلاق عندنا بالكويت زادت بسبت الزواج فى سن صغير تلاقينه مو قد المسؤليه ولايقدر يفتح له بيت اصلا انا من راى انه الوحده تاخذ رجل ناضج مو مراهق اقل شى يكون عمره 30 مو الله يهديج 23 ماراح ينفعج صدقينى واتمنى انه الله يرزقج بالزوج الصالح اللى يناسبج والله يفرج همج اللهم اميييييييين

 

[بسكوتة82]

ادعي ربج نصيحه من اخت
يارب اذا فيه خير لي ولبناتي تكتبه من نصيبي وتيسر امورنا واذا من وراه او من ورا اهله شر لي ولبناتي يارب تصرفه عني وتصرفني عنه
والله يقدرلج الي فيه خير وصلاح
لاتبينين له انج قاطه نفسج عليه حيل عشان مايبرد من داخله وعشان يتم يحن على امه وعشان يحبج اكثر قوليله امك ماتنلام اكيد اهيا تخاف من كلام الحريم لاتلومها حرام مسكينه :eh_s(22):
جذي تكبرين بعينه وخليه اهوا يحاول وانتي بيني نفسج عادي عشان اهوا يشتط احسن:j013:
بس بيني له انج تبينه وماتفكرين بغيره
واذا لج نصيب فيه محد بياخذه منج حبيبتي والله يوفقج:friends:

 

[bnfsjiya]

حبيبتي انا اول ماقريت السسالفه تعاطفت معاج .,
بسس لمن وصلت [ انت صبي موظف وتقدر تعتمد على نفسك مو كل شى أمي وأمي منو اللي بيعيش وياك انا ولا أمك ... ]
لاء كلش ماتعاطفت معاج .. يعني شنو تقولين هالحجي حق الصبي ., حبيبتي هذي امه ينته وناره عيييب عييب عليج تقولين هالحجي حق ولد الناسس ., يعني لو اهوا وافق انه يتزوجج بدون رضا امه انتي راح توافقين ؟ ولو وافقتي عبالج انه الله راح يوفقج وامه مو راضيه عليه !!

تفاهمي مع الادمي بدوووون لا تطرقين حق موضوع امه ولا تخربين بين الصبي وامه .. انتي كل اللي عليج انه تقولين له يكلمها ويحاول يقنعها اما سسالفة انتا صبي ومو كل كلمة امك وامك لا حبيبتي ما معاج حق .,~ لانه امه لو قالتله يروح يقط روحه بحر يروح واهوا سساكت .. وبليييز لا تزعلين من كلامي بسس فكري فيه عدل .,~
والله يكتبلج وله اللي فيه الخير .,

 

[ماما نونا]

صح لا تحاولين تقولين له سو و سو إذ يحبج بيعرف اشلون يوصل لج لو الدنيا كلها رافضه , خاصه الصبيان يعرفون لامهاتهم ما عليج

 

[أيام السراب]

لويسير الي يسير نصيبج يصيبج والقدر مامنه مفرر والله يكتب لج الي فيه الخير ويوفقج يارب

 

[أيام السراب]

وبعدين لاتشيشين الولد مع امه اذا عصها وتزوجج واهي مو راضيه عليه
يعني اهو مافي خير لأمه شلون تبين الخير وياه وتعيشين مع وامه الي سبب وجوده بالدنيا عصاها ؟!!

 

[دلوعة الجات]

رد : سالفتي غير عن كل الناس ....ااااااااااااه

الله يهي لج امه وتوافق بس ادري صعبه بس يمكن تصير معجزه

 

[حوريه عسل]

حبيبتي انا اعرف وحده مطلقة وعندها عيال و منقبه و مره كبيره و كل شهر يخطبونها عادي
مافيها شي
وانتي غلطتي لانج ماصارحتيه يعني الصبي صاج لو كان يدري جان قالج من البدايه ان هالعلاقه مارح تفيد ومافي نصيب

 

[أم حمد =)]

الله يسخرهم لج حبيبتي لا يضيق خلقج

 

[نور 85]

ياعله عيني ماتبجيكم

وعسى ربي يوفقكم بالخير

 

[DốǾốDї]

انا بقول رأي واتمنى ما تتضايقين

اولا انا ما الوم الام ولو انا بمكانها بيكون ردي الرفض مثلها طبعا لانه ابي حق ولدي الزين والي اقصده بالزين
انها تكون بنت صغيره بعمره ومتفرغه حق الريل بس لا عيال ولا غيره .. عرفتي شلون
وثانيا حبيبتي انتي عندج بنتييين صغار وصعبه تربيه البنات والله يبيلهم مجابل وخووف وباجر لي كبرو وصارو مراهقات ويا خووووفج من سوالف المراهقات ولا ينحرفون .. البنات الحين محتاجين تكونين لهم الام والابو والصديقه يبونج يمهم وما تغفين عنهم وتديرين بالج عليهم
شوفي مشاااكل العياااال شكثررر الي اهاليهم مطلقييين وشلون متشتتين .. انا ادري انه الحين الحب مسيطر عليج وما تفكرين بشي غيره
بس قعدي بينج وبين نفسج وفكررري عدل وشوفي بناتج شنو يحتاجون لا تحسسينهم بنقص وفقد ابوهم
وانتي اذا الله كتب لج بتتزوجين راح تتزوجين ان شاءالله بس اخذي واحد اكبرر منج وتستخرين قبلها وتحسين انج بترتاحين وياه
بس لا تضغطين عالصبي اكيد اهو يبي رضا امه قبل كل شي نصيحه اذا ما يبونج الاهل لا توافقين فكري شلون باجر تعشين وياه ويعايرونج اهله ويجرحوون بالحجي والنغزاااات وااايد ببتأذين صدقيني

والله يوفقج بالاخير واستخيري وااااايد وفكري عدل