سالفتي سالفة ..منو صار فيها نفسي ...

[تارتتا]

ماتشوفين شر ان شاءلله

 

[مذهلة كويتيه]

شسالفة هالرحم اللي ينفتح قبل اوانه اعيالنا مستعجلين عالدنيا انا توني مطيحه بالرابع والحمدلله سويت تنظيفات وتمام والله يسهلها ولاتخافين موشرط تولدين انا ولدي قبل دخلت بالسابع ولاده مبكره عطوني تحاميل وابر توقف الطلق والله ياخبيرة ان طلق اللي جاني جنه طلق الراااااااااس والحمدلله ربي يحبني كانت طلوق والرحم مانفتح غير 2 س بس وطلعت وجبته باول التاسع لاتخافين سهالات

 

[ميموالفهد]

ما تشوفين شر قدامك العافيه ان شاء الله
الله يقومك لنا بالسلامه

 

[مشمشه_كويتيه]

:0bee2e8d89:انا مثلج من الثامن احس بالطلق والسابع بعد والرحم مفتوح 2 سم من الثامن بس لله الحمد ولد ت بالتاسع الله يهون عليج وانشالله ماتولدين الا بالتاسع ولاتخافين مافي الا العافيه واللي كاتبه الله بيصير عليج بالصدقة تدفع البلاء والدعاء والله كريم

 

[sunshine]

السلام عليكم حبيبتي
اقووووولج قصتي انا ولدت مرتين ولادة مبكرة في بكري كنت احس بالام من السادس واروح كل شوي المستشفى يقولون ماكو شي لييييييين وصلت اول اسبوع بالثامن وتجيني الام قوية اسفل البطن جان اروح المستشفى فحص عادي لما شافتني الدكتورة جان تقول لاااااااااا هذي ولادة!!!وفعلا كان الرحم مفتوح 3 وببنتي الثانية فحصوني اول الحمل جان تقول لي عنق الرحم قصير عشان جذي مايتحمل ويفتح الرحم بالثامن بس ماسولي ربط المشيمة كانت نازلة وولدت بالاسبوع 33
ياربي يسهل عليج وتكملين للتاسع ان كان خيرا لك
وربي يهون عليج وعلى كل حامل اااااااااااامين

 

[سما الكويت]

ماتشوفين شر يا الغاليه والله يهون عليج..

 

[][^lorans^][]

لا تخافين انا خالتي صار فيها نفسج عطوها درب و قفو الطلق وعادي لين دشت شهرها وولدت بالسلامة لا تحاتين واذا على ولادة الثامن احنا مو مثل اول كل شي تطور عادي سهالات من الله انشالله
ومعلومه تدرين اشلون يصير الطلق سبحان الله لما رئة الطفل تشتغل ترسل اشرارات للخ يرسل الهرمون الي يسيوي الطلق يعني الحمد لله البيبي مافيه الا العافية ( عادي اتأكدي من المعلومه انا شايفتها في برنامج ام بي سي مال الولادة لايكون انا سامعه شي بالغلط ) والله يسهل عليج وعلينا خيتوووو

 

[مولاتي سميه]

ياويلي خرعتيني تدرين انا من اول ماحملت للحينن تجيني الام العاده

تقلصات خفيفه بالرحم وقالولي تهديد باسقاط وعطتني الدكتوره ابر تثبيت وحبوب

وخفو يوم خلصت علاجي رد علي بس خفيييف

واحس يجيني بوقت الدوره ومرات مووقتها

خرعتيني

 

[bombo]

الله يتمم عليج انشالله و تكملين شهرج

 

[al7reyaa]

السلام عليكم
انا اييني طلق يا طويلة العمر من الخامس طلق يولد لي حطو علي الجهاز يخترعون انا اطلع على مسؤوليتي اروح المستشفى كل يوم 3 او 4 مرات يجيكون
في ولدي البجر كنت فاتحه 3 من السابع مع طلق يا لهوااااااااااااي بس الحمد لله صبرت وكافحت لين دشيت التاسع

ولدي الثاني طلق حامي هم بالخامس بس مسكككككككككككر الظاهر رديت بنت


هم رايحتلهم بريولي وتقولي الدكتوره ده منظر وحده جايه تولد قلت لها انتي شوفيني واتاكدين


و يوم فحصت تصروعت الدكتوره


الحمد لله على العافيه
انا ودي احمل بس مالي خلق الحمال والطلق الحين ظهري بيتقصص على طووووووووووول من العوار يعورني 24 ساعه

الله يهون عليج ويكمله انشالله لي38 اسبوع

 

[فراولة زوجها]

ماتشوفين شر يام خالد وتولدين بسلامه

 

[بعيدة الدار]

الله يسهل عليج ولادتج يارب العالمين وتولدين بالسلامة

 

[احساس طفلهـ]

ماتشوفين شر والحمدالله على سلامتج

عاى انا ولدت بالثامن والابرتين هذى حق الرئه علشان تساعد بنمو الرئه بصوره اسرع

وان شاءالله ماتوالدين الااذا دخلتى شهرج بس اهم شئ الراحه حبيبتى وعدم الحركه

 

[كويتيه مذهله 87]

حبيبتي الله يتمم عليج يااارب
اهم شي الراحه ثم الراحه ثم الراحه علشان خاطر البيبي

 

[دمعه حزينه]

سلامتج ومتشوفين شر يارب

 

[حد مثلي!]

الله يتمم ويسهل عليج يارب

ماتشوفين شر

 

[أحلى شمريه]

بنات هذا الموضوع من العام مو مال هالسنه !

 

[^^ام ميمي^^]

انا خالتي بكل عيالها تولد بالثامن وتييبهم وزنهم 1700 او 1800 ويضلون بالحظانة لمدة 20 يوم تقول مرتاحة ما يطلعون من المستشفى الا انا طاح خياطي ومرتاحة اسهر عليهم وكل شيء والحمدلله اكبر واحد فيهم اللحين عمرة 21 سنة واصغر واحد فيهم اللحين بثانية روضة ومافيهم الا العافيه وماشاء الله وايد اذكياء


الله يسهل عليج ان شاء الله

 

[دلولة الحلوة]

الله يتمم عليك

 

[مألوفة]

وي الله يسهل عليج وتولدين بالسلامه والبيبي ما يكون فيه شي بس ما قد صادفت ناس اولدو بالثامن ولا جان قلتلج على العموم الله يقومج بالسلامه