اخيييييه والله انكم دستم على الجرح :eh_s(11): وانا مستانسة وايد ان طرحتم هل موضوع وخاصة مع عرض مسلسل ساهر الليل عشان يعرفون جيل هالوقت الماك جيكن شنو صار بالكويت وشنو سوينا احنا عيال هالديرة الطيبة
كان عمري 9 سنين يوم صار الغزو بسمو ناسية ولا لحظة شنو صار قعدت الصبح مبجر عشان بشوف بباي ميمونة ومسعود ولا التلفزيون كله اغاني وطنية ومادري شالسالفة ولا الدنيا معفوسة تحت ابيتنا بين اللي متعجب واللي مو مصدق وكله عبالنا انه دش صدام وبيطلع ثاني يوم حتى اذكر طلعنا رحنا بيت يدي الله يرحمه وكانت الشوارع عادية وفاضية ولما ردينا اعتقد چذي ثاني يوم صار عندنا استنفاربالبيت ولان ابوي كان يشتغل بالداخلية ف ابوي واخوي وامي الله يرحمها كلمن يشقق صور ابوي بالبدلة العسكرية ولا صوره بالدوام واي اثباتات واوراق رسمية وكل الاعلام والصور الوطنية ويشقون ويقطون بجياس الزبالة حتى برة فريجنا كان في براحة الجيران شابين فيها حريقة وقاعدين يحرقون فيها الاعلام واللي عندي صور باللبس العسكري وكان تحتها منهول قاعدين يحطون فيها الاسلحة وللحيني ماانسى كان عندنا صورة باباجابر وبابا سعد الله يرحمهم معلقين بالدوانية وقام اخوي وطلع الصور وشقهم وانا انهرت وقعدت ابجي شلون تشق صورهم هذا بابا جابر وبابا سعد وامي الله يرحمها تلمني وتهديني :eh_s(16):
وماانسى الايام اللي مرت وانا اذكر امي واهيا تخيط كمامات الفحم عشان خايفين من الكيماوي ولا ابوي واهوا يلزق الدرايش ويحط عليهم جيس ذباله اسودنخاف من الجام يتكسر من صوت القنابل وهمن عشان لا يدش علينا كيماوي ولا انسى الدنيا كانت سوووودة واحنا بعز الظهر وسبحان الله الغزو طلع الناس وبين معادنهم وبين الاصيل من الردي وكنا ولله الحمد عايشين بعز وخير واحنا بالغزو ولا قصر علينا شي كانت عندنا حديقة فيها بقرة وصخول ودياي وبط وامي الله يرحمها كانت تحلب البقرة وتترس فيهم قراش الڤيمتو وكنت اوزعهم على جيرانا واخوي كان مع المقاومة كان يوزع ويا ربعه فلوس واكل على الناس حتى مسجين مسكوه مرتين وامي انهارت يومها والله انها كانت قوية راحت لي المخفر ودشت عليهم منهارة تبي اخوي ويقوم العراقي حسبي الله عليه ويحط الرشاش على راسها وانا ابجي واصراخ خايفة ولله الحمد عدت هالايام السودة والله اني اذكرها جنها امس
صج اني طولت بالحجي بس الكلام عن الغزو مو شوية لو نألف كتب مانخلص عسى الله لا يعود هذيج هالايام ويارب تحفظ ديرتنا من كل مكروه يارب
كان عمري 9 سنين يوم صار الغزو بسمو ناسية ولا لحظة شنو صار قعدت الصبح مبجر عشان بشوف بباي ميمونة ومسعود ولا التلفزيون كله اغاني وطنية ومادري شالسالفة ولا الدنيا معفوسة تحت ابيتنا بين اللي متعجب واللي مو مصدق وكله عبالنا انه دش صدام وبيطلع ثاني يوم حتى اذكر طلعنا رحنا بيت يدي الله يرحمه وكانت الشوارع عادية وفاضية ولما ردينا اعتقد چذي ثاني يوم صار عندنا استنفاربالبيت ولان ابوي كان يشتغل بالداخلية ف ابوي واخوي وامي الله يرحمها كلمن يشقق صور ابوي بالبدلة العسكرية ولا صوره بالدوام واي اثباتات واوراق رسمية وكل الاعلام والصور الوطنية ويشقون ويقطون بجياس الزبالة حتى برة فريجنا كان في براحة الجيران شابين فيها حريقة وقاعدين يحرقون فيها الاعلام واللي عندي صور باللبس العسكري وكان تحتها منهول قاعدين يحطون فيها الاسلحة وللحيني ماانسى كان عندنا صورة باباجابر وبابا سعد الله يرحمهم معلقين بالدوانية وقام اخوي وطلع الصور وشقهم وانا انهرت وقعدت ابجي شلون تشق صورهم هذا بابا جابر وبابا سعد وامي الله يرحمها تلمني وتهديني :eh_s(16):
وماانسى الايام اللي مرت وانا اذكر امي واهيا تخيط كمامات الفحم عشان خايفين من الكيماوي ولا ابوي واهوا يلزق الدرايش ويحط عليهم جيس ذباله اسودنخاف من الجام يتكسر من صوت القنابل وهمن عشان لا يدش علينا كيماوي ولا انسى الدنيا كانت سوووودة واحنا بعز الظهر وسبحان الله الغزو طلع الناس وبين معادنهم وبين الاصيل من الردي وكنا ولله الحمد عايشين بعز وخير واحنا بالغزو ولا قصر علينا شي كانت عندنا حديقة فيها بقرة وصخول ودياي وبط وامي الله يرحمها كانت تحلب البقرة وتترس فيهم قراش الڤيمتو وكنت اوزعهم على جيرانا واخوي كان مع المقاومة كان يوزع ويا ربعه فلوس واكل على الناس حتى مسجين مسكوه مرتين وامي انهارت يومها والله انها كانت قوية راحت لي المخفر ودشت عليهم منهارة تبي اخوي ويقوم العراقي حسبي الله عليه ويحط الرشاش على راسها وانا ابجي واصراخ خايفة ولله الحمد عدت هالايام السودة والله اني اذكرها جنها امس
صج اني طولت بالحجي بس الكلام عن الغزو مو شوية لو نألف كتب مانخلص عسى الله لا يعود هذيج هالايام ويارب تحفظ ديرتنا من كل مكروه يارب
