سالفة ( أم ) قريتها بالصدفة

[بشه المنفشه]

السلام عليكم


كنت أتفرفر بالمواقع الأجنبية بشوفلي حل حق متني بعد الولادة .. جماعتنا ما عندهم إلا خلطات ورجيم التمر واللبن ولا إكلي رقي طول اليوم ههههههههههههه

بس بس اتغشمر لا تحمقون


المهم


تأثرت بقصة وحده .. تقول الرضاعة الطبيعية ضعفتني عن تجربة بس أنا ما عندي بيبي أرضعه
وقت الولادة ولدي توفى وأنا الحين أشفط الحليب كل ساعتين وأتبرع فيه لبنك الحليب الطبيعي
طبعاً هي أمريكية وهالبنك بأمريكا
تقول هالحليب أتبرع فيه عشان أحيي ذكرى ولدي اللي خسرته وأفيد فيه غيره من الاطفال

قعدت أفكر سبحان الله ..

أول شي حزنها على ضناها حولته لشي إيجابي
ثانياً الرضاعة الطبيعية وايد حريم يستثقلونها على ضناهم واهي تفكر بعيال الناس شلون تفيدهم بحليبها وكل ساعتين تشفط مو شوية ترى الشفط يتعب اكثر من الرضاعة العادية وياخذ وقت طويل

الله يرزق كل محروم يارب الذرية الصالحة السليمة المعافاة
ويبارك لنا بعيالنا ويحفظهم من كل شر
ويهدي بناتنا اللي يتعنفقون على الرضاعة الطبيعية :eh_s(17):

 

[нάγoηά cнεмίsтяγ]

ماشاءالله عليها

يعجبني تفكيرهم الايجابي

ياليت تكونون مثلها

وايد اهني يرفضون يرضعون طبيعي يخافون على صدرهم يخترب

والله رياييلكم معقدينكم

 

[noo7a]

اي انا وحده من رفيجاتي
ظلت رضع بنتها مشالله سنتين
و صج صج فرق جسمها وايد

 

[shak!shoka]

والي ما فيها حليب

 

[ام طلال]

موضوعج بصراحه رااااااااااااااااائع احييج على طرحه

 

[QYtiya.com]

وااي ياحلو تفكيرهم كل شي يستخدمونه بالايجابي مو مثلنا هني

وصح الرضاااعه تضعف وتساعد على تضيييق المهبل لانها تشد الرحم فووووق وترده موضعه الطبيعي سبحان الله

بس اذا مااعرف وماكو حليييب بالاساس

 

[بشه المنفشه]

يسلمووو بنات على الردود الحلوة .. رفعتوا معنوياتي

وترى مافي شي إسمه مافيني حليب .. الحليب بالبداية يادوب نقطتين وهالنقطتين يشبعون الياهل ويفيدونه ولا أحسن تطعيم وتظلين فترة على ما يزيد الحليب وشوي شوي بينترس صدرج إن شاء الله

وعملية الرضاعة تصير بالفطرة مافي أم ماتعرف ترضع بس يبيلج توجيه إذا حسيتي إن الموضوع صعب وغالباً بالمستشفى يعلمونج

 

[غريبة بين الناس]

ما شاء الله عليها والله عورني قلبي

احيي فيها هالروووح

اللهم ارزق كل محرومة

 

[زين ودلال]

ما شاء الله

 

[بشه المنفشه]

نورتوا خواتي

 

[بشه المنفشه]

 

[بشه المنفشه]

 

[تبطي عظم!]

بالعكس اانا مفكره ارضع طبيعي ان شاء الله

وماشاء الله عليها ~

 

[قمر الكويتية]

الرضاعه الطبيعية أولها صعب ،، بس تبي صبر المشكله إن وايد أمهات تلاقينها تمل و لانها تعبانه من الولاده و الخياط

فتعطي الطفل حليب جاهز ،، و هذا خطأ لأن الطفل عنده الممه أسهل و حليبها أحلي فتلاقينه يترك حليب الأم

وصج الرضاعه أولها صعب و بعدين تصير متعه و إرتباط حلو بين الأم و طفلها

 

[معلمه متميزه]

فعلا انا اختي ضعفت على الرضاعه وانا ناوية ارضع طبيعي ان شاء الله بس ماظن لفترة طويلة وايد يمكن لثمن شهور مثل ولدي الاولي وتسلمون ..

 

[بحر الذكريات]

اللهم ااامين

وانا مريت باللي مرت فيه الله لايذوقه احد بس كنت اشفط واكبه

وسالفة بنك الحليب عندهم حرام لو صار عندنا لانه خلط انساب جم واحد بيصير ولدها بالرضاعه؟

 

[بحر الذكريات]

ويعطيج العافيه على موضوعج حبوبه

 

[gannan99]

ماشاء اللة

 

[بشه المنفشه]

نورتوا أمهات وبنوتات

بحر الذكريات صح هالفكرة ما تطبق عند المسلمين عاد الكويت صغيرة جان صرنا كلنا إخوان هههههه