ساكنه بشقه ؟؟؟؟ تعالي نسولف عنها شوي

[برميتا]

بنات اللي ساكنين بشقق بروحكم
بجم مأجرين ووين؟

هالأيام الأجارات نااااااار وشراار
احنا بنأجر انشالله بجنوب السرة لأنها منطقة يديدة
بس الأجارات غالية
انا معاش ريلي الحمدلله راهي بس هم الواحد
يفكر يبي ايمع حق سفر وإلا حق بيت المستقبل شلووون؟
هالشي شاغل بالي

 

[جروح تبتسم]

سوان مشكوره على المرور والله يرزقكم بالبنين والبنااااااااات يارب ويبرد قلبكم


برميتا ياعمري الله يعين اي والله الاجار ناااار هالايام اذا مافي واسطه الواحد يتوهق


انا ببيت حمولتي وندفع له 150ؤبس ماي وكهربا وعمي ساعات مايرضى ياخذ من عندنا بس انا عندي شقه مستقله احسن لو ادفع نص معاشي

 

[lolo77]

1- ساكنين بشقه مستقله ولا بيت حمولتج او اهلج ؟؟


ساكنه بشقة في المهبوله

2- جم غرفه فيها ...جم حمام ( تكرمون ) ... جم صاله ...؟

3 غرف 3 حمام 1 صاله

3-فيها بلكونه ولا لأ؟؟
فيها بلكونتين وحده كبيره مربعه ووحده صغيره

4- فيها غرفه خدامه ولا لأ ؟؟
للاسف هذا اللي ينقصها بس

5- اذا عندكم عيال شلون منسقين الغرف ؟؟
اليهال مع الخدامه بالغرفه
والغرفه الثاله مكتب حق زوجي لانه يدرس ويحتاج الغرفه

6- اذا مافي عيال شلون استغليتو الغرف الزايده ؟؟


7- وين تنشفون الملابس بعد الغسل ؟؟
انا مسكره البلكونه ومخليتها جام وفيها دريشه
افتح الدريشه واحط الكلابس بالمنشر بالبلكونه

8- شي ودج يصير بشقتج وماله مكان في الشقه؟؟
غرفه خدامه

9- عندج جيران ولا لأ ؟؟
عندي جيران وكلهم علاقتي فيهم زينه
طبعا بس سلام وعليكم السلام

10- مقدمين على بيت ولا لأ ؟؟
مقدمين بعريفجان
ما يندرى متى
والله يرزقنا نشتري احسن لنا


ودي اغير اثاث بيتي كله من الصاله وغرف النوم حقي ولعيالي

وشكرا على هالموضوووع
واللي يبي يسال عن اجاري ترى الحمدلله ارخيص 160دينار فقط

 

[ياشايل الظبى]

1- ساكنين بشقه مستقله ولا بيت حمولتج او اهلج ؟؟
ساكنين بشقه فى عماره حماى الكبير 2-

2-جم غرفه فيها ...جم حمام ( تكرمون ) ... جم صاله ...؟
فيها غرفه نوم مفصوله مع حمامها .. وغرفه حريم بحمام يمها ... وصاله ومجلس ومقلط ودوره مياه للريجيل .. ومطبخ قياسه حلووووو

3-فيها بلكونه ولا لأ؟؟
لا ...

4- فيها غرفه خدامه ولا لأ ؟؟
لا 5-

اذا عندكم عيال شلون منسقين الغرف ؟؟
ماعندنا عيال (( شقه عزوبيه )) ههههههه

6- اذا مافي عيال شلون استغليتو الغرف الزايده ؟؟
ماعندى شى زايد


7- وين تنشفون الملابس بعد الغسل ؟؟
عندى نشافه ملابس كبيره اطلع الملابس منها على الكبت على طووووووول

8- شي ودج يصير بشقتج وماله مكان في الشقه؟؟
الحمدالله مافى بالى شى معين ...كان ودى مكيف بالمطبخ وحطيت

9- عندج جيران ولا لأ ؟؟
ايه ..

10- مقدمين على بيت ولا لأ ؟؟
لا ...

واذا اي شي خطر على باج سولفي لنا عنه ومشكورين اتمنى التفاعل مع الموضوع

حبيت بس ارد عليج بس

 

[جروح تبتسم]

مشكورين ع المرور الحلووووو لولو وتارقيت


ههههههههه حلو من النشافه ع الكبت على طول لوووووول تارقيت ( نفس حالتي ساعات )

 

[أحلى عيون]

1- ساكنين بشقه مستقله ولا بيت حمولتج او اهلج ؟؟
كنت ساكنه عندهم وشفت الويل منهم والحمدلله الله فرجها علي وطلعت بشقه ومرتاحه وايد
2- جم غرفه فيها ...جم حمام ( تكرمون ) ... جم صاله ...؟
فيها 4 غرف وحمامين تكرمون وصاله
3-فيها بلكونه ولا لأ؟؟
مافيها بلكونه بس فيها حوش ماشاء الله عن شقه كامله
4- فيها غرفه خدامه ولا لأ ؟؟

اي فيها غرفه للخدامه
5- اذا عندكم عيال شلون منسقين الغرف ؟؟
عندي عيال 2 < يخليهم لي ولدي وبنتي وبصراحه اثنينهم في غرفه وحده نه ولدي عمره 2سنه وبنتي عمرها 5 سنوات < جبانه تخاف بروحها
6- اذا مافي عيال شلون استغليتو الغرف الزايده ؟؟
انا عندي غرفه وحده مخليتها لي مثل المخزن شايل اغراضي كلها
7- وين تنشفون الملابس بعد الغسل ؟؟

قلت لج سابقا عندي حوش وايد كبير ماشاء الله حطه فيهم مراجيح لعيالي
8- شي ودج يصير بشقتج وماله مكان في الشقه؟؟
ودي احط اطقم كنبات المشكله انه الصاله صغيره ما يكفيها الا طقم واحد
9- عندج جيران ولا لأ ؟؟
لا الحمدلله ما عندي جيران بس صاحب البيت ساكن تحتنا
10- مقدمين على بيت ولا لأ ؟؟
اي مقدمين من سنه 93 وانشالله في جابر الاحمد والله كريم

 

[جروح تبتسم]

الله يوفقج زهر ربيع ماشالله الحوش نعمه في البيت الله يهنيكم .. ويخلي لج عيالج ويرزقج غيرهم الله امين

 

[New Mum]

- ساكنين بشقه مستقله ولا بيت حمولتج او اهلج ؟؟
شقه


2- جم غرفه فيها ...جم حمام ( تكرمون ) ... جم صاله ...؟
3 غرف
3 حمامات
وصاله ومطبخ

3-فيها بلكونه ولا لأ؟؟
للأسف لا


4- فيها غرفه خدامه ولا لأ ؟؟
فيها بس ما تنام عندي

5- اذا عندكم عيال شلون منسقين الغرف ؟؟
بنتي تنام معانا

6- اذا مافي عيال شلون استغليتو الغرف الزايده ؟؟
وحده غرفة تبديل و الثانيه غرفة اكل

7- وين تنشفون الملابس بعد الغسل ؟؟
في النشافه

8- شي ودج يصير بشقتج وماله مكان في الشقه؟؟
ودي ببلكونه و نتيفة حديقه و غرفة خدامه في السطح

9- عندج جيران ولا لأ ؟؟
عندي

10- مقدمين على بيت ولا لأ ؟؟
اي

 

[الوردة المكنونة]

1- ساكنين بشقه مستقله ولا بيت حمولتج او اهلج ؟؟
ساكنه عند اهل زوجي وشايفت الويل منهم
2- جم غرفه فيها ...جم حمام ( تكرمون ) ... جم صاله ...؟
غرفتين 5×5 وغرفه 2×3 وحمام ومطبخ
غرفة نوم وغرفة قعده والصغير حق بنوتي
3-فيها بلكونه ولا لأ؟؟
مافيها بلكونه بس في حوش ننزل ساعات نقعد فيه طبعا معاهم
4- فيها غرفه خدامه ولا لأ ؟؟
لا اصلا مو راضيه خالتي احط خدامه الله يعيني
5- اذا عندكم عيال شلون منسقين الغرف ؟؟
الغرفه الصغيره حق بنوتي عمرها سنتين والصغيره معاي في غرفتي عمرها 4 شهور
6- اذا مافي عيال شلون استغليتو الغرف الزايده ؟؟
قبل اليهال كنت مخليه الغرفه الصغيره مخزن
7- وين تنشفون الملابس بعد الغسل ؟؟
والله على المنشر بالمطبخ بالليل او بالممر بين الغرف بالنهار عشان ما تصير ريحة اكل فيهم
8- شي ودج يصير بشقتج وماله مكان في الشقه؟؟
ويييييه وايد شغلات الله كريم
9- عندج جيران ولا لأ ؟؟
لا ما عندي جيران بس الدور الارضي اهل زوجي
10- مقدمين على بيت ولا لأ ؟؟
اي مقدمين والحمدالله توه قبل اسبوعين طلعت القسيمه في فهد الاحمد الله يعينا على البنيان ​

 

[جروح تبتسم]

نيو مام مشكوره على المرور حياتي والله يوفقج يارب يسلمووووووو

الورده المكنونه ياعمري الله يوفقكم وترى صج البيت اليديد تعب بس اكشن ونااسه موفقين والله يسخر لج زوجج ويعينج على اهله

 

[LaSt WoMeN]

فلانه

انا اللي شالعه قلبي الصوفا موساندي لووووووووووووول

خخخخ الكبر شين يا وخيتي :eh_s(22):
مي سوري :eh_s(17):

 

[جروح تبتسم]

عادي فلانه كلنا كبرنا فديتج

 

[لطوفه]

1- ساكنين بشقه مستقله ولا بيت حمولتج او اهلج ؟؟
بشقه مستقله
2- جم غرفه فيها ...جم حمام ( تكرمون ) ... جم صاله ...؟
غرفه ماستر وغرفه حق بناتي وغرفه ينامون فيه الخدم واهي فيها الكوي ونشر الهدوم حمامين ومطبخ وصاله عوده
5- اذا عندكم عيال شلون منسقين الغرف ؟؟
عندي ثلاثه بنتين ولد البنات بغرفه بروحم وولدي معاي بالغرفه لانه توه ثلاث شهور
6- اذا مافي عيال شلون استغليتو الغرف الزايده ؟؟
----
7- وين تنشفون الملابس بعد الغسل ؟؟
احطها بغرفه اللي ينامون فيها الخدم
8- شي ودج يصير بشقتج وماله مكان في الشقه؟؟
غرفه وحمام للخدم لان حتى اهم لهم خصوصيه
9- عندج جيران ولا لأ ؟؟
الحمدلله ان عندي جيران لانهم ينحطون عالجرح يبرى
10- مقدمين على بيت ولا لأ ؟؟
اكييييييييييد

 

[أم الحلوة جمان]

ساكنين بشقه مستقله ولا بيت حمولتج او اهلج ؟؟

بشقة في بيت حمولتي.


2- جم غرفه فيها ...جم حمام ( تكرمون ) ... جم صاله ...؟

فيها :
* غرفتي النوم ( ماستر مع حمامها و غرفة التبديل)
*غرفة اليهال
*صالة
*مطبخ

3-فيها بلكونه ولا لأ؟؟

للأسف لأ

4- فيها غرفه خدامه ولا لأ ؟؟

لا ، خدامتي تنام بغرفة الخدم مع خدامة خالتي

5- اذا عندكم عيال شلون منسقين الغرف ؟؟

الله يسلمج انا عندي بنت وولد . البنت الحين عمرها 3 سنين و نص و ليما الحين تنام عندي ماني عارفة انومها بدارها مرة نومتها بدارها و قلت خلاص بعودها ماكو ريلي عقب ساعة ما عرف ينام جان يقوم يردها غرفتنا
وولدي طبعا عندي توه 6 أشهر . وغرفتهم محد ينام فيها

6- اذا مافي عيال شلون استغليتو الغرف الزايده ؟؟

أول ما تزوجت كنت مستغلة غرفة اليهال حق الأوتي و تنشيف الملابس و تخزين الأغراض الزايدة.
حاليا ما عندي غرف زايده

7- وين تنشفون الملابس بعد الغسل ؟؟

بغرفة الغسيل اللي مع حمولتي . ملابس عيالي و ريلي و ملابسي ( ما عدا الملابس الداخلية و النوم ). و بعدين انا غسالتي تطلع الملابس ناشفين 90% فمايطولون على ما ينشفون. و هدومي الطلعة في شي بالإيد و في شي مصبغة

8- شي ودج يصير بشقتج وماله مكان في الشقه؟؟

ودي بطاولة طعام مع بوفيهها و ان تكون صالتي أكبر علشان تكفي طاولة الطعام.
ودي بصالة استقبال مع حمام ضيوف.
ودي بحمام ثاني بره غرفتي حق اليهال لما اكون انا مو موجودة و قافلة غرفتي ( انا لما ما اكون موجودة بنتي تروح حمام خالتي لأن حمامها برة غرفتها). بس للأسف ماله مكان.
ودي بغرفة أخليها بس للأوتي و للتخزين.
ودي بغرفة ثانية حق اليهال علشان تصير وحدة للبنات ووحدة للأولاد.
وييه طلع وايد أشياء بخاطري و مالها مكان قلبتي المواجع يا جروح


9- عندج جيران ولا لأ ؟؟

جيران بيت حمولتي أعرف منهم جم بيت و للأمانة خووووش ناس و يوجبون.

10-مقدمين على بيت ولا لأ ؟؟

أكييييييييييييييد مقدمين
والله كريم ما يندرى وين بحطووونه . ريلي وده بعريفجان( مدينة صباح ) و انا ودي بشي أقرب والله كريييييييييييييييم . و ترخص البيوووت اللي شااابة ناااااار .
يعني واحد ماعنده مصدر ثاني و على المعاش شيسوي علشان يشتري بييييت
ببجي الحييييييييييييييييييييييين
مو اقولج قلبتي المواجع

 

[جروح تبتسم]

لطوفه الله يخلي لج عيالج يارب ومشكوره على المرور


ام الحلوه جمان .... الله يخلي لج عيالج ونصيحه عودي بنيتج تنام بروحها واذا زوجج يخاف عليها اشترو جهاز مراقبه المكرفون وخلوه عندكم ترى باجر بيندم والحلوه بتنام عندكم وتتعود


مشكوره على المرورو ان شالله بيت العمر انتي ولطوفه والكل