ساكنه بشقه ؟؟؟؟ تعالي نسولف عنها شوي

[جروح تبتسم]

قوه بنات

مساكم الله بالخيرات والليرات ...:eh_s(22):


اتصدقون اليوم رحت ميداس مع رفيجتي قاعده تأثث غرفه الجلوس وماخذتني نتطمش :eh_s(3):

زوجها قايلها روحي شوفي شيعجبك وقولي لي اخذه لج << سنفور كسول

المهم .... رحت هناك وشفت صوفا عجبتني ينييييييييييت عليها ينيت :eh_s(14): بس ماعندي مكان بالشقه قهر

والله انا احب اغير واشتري لشقتي وخصوصا لمن تجيني طرانات مشتره لووووووووول

الزبده :eh_s(17): كل وحده ساكنه بشقه صغيره او كبيره تسولف لنا عنها

1- ساكنين بشقه مستقله ولا بيت حمولتج او اهلج ؟؟


2- جم غرفه فيها ...جم حمام ( تكرمون ) ... جم صاله ...؟

3-فيها بلكونه ولا لأ؟؟


4- فيها غرفه خدامه ولا لأ ؟؟

5- اذا عندكم عيال شلون منسقين الغرف ؟؟

6- اذا مافي عيال شلون استغليتو الغرف الزايده ؟؟


7- وين تنشفون الملابس بعد الغسل ؟؟

8- شي ودج يصير بشقتج وماله مكان في الشقه؟؟

9- عندج جيران ولا لأ ؟؟

10- مقدمين على بيت ولا لأ ؟؟


واذا اي شي خطر على باج سولفي لنا عنه ومشكورين اتمنى التفاعل مع الموضوع


سوو نسخ ولصق وجابو على الاسئله اذا حابين ....
ومادري مكان الموضوع هني صح او لأ بس انا اعتبرها مشكله بالنسبه لي :eh_s(22):

 

[جروح تبتسم]

عن نفسي :eh_s(22):

1- ساكنين بشقه مستقله ولا بيت حمولتج او اهلج ؟؟

الحمدلله ساكنه ببيت حمولتي ....



2- جم غرفه فيها ...جم حمام ( تكرمون ) ... جم صاله ...؟

صاله ... 4 غرف .. 3حمامات تكرمون .. مطبخ
1- غرفتنا ماستر
2-غرفه عيالي 2 بغرفه صبيان
3- غرفه الكوي +الشغاله
4- ديوانيه يعني قعده ارضيه

3-فيها بلكونه ولا لأ؟؟

فيها بلكونه وتطل على ممشى :eh_s(3): حق اللي يسوون رجيم شي شي



4- فيها غرفه خدامه ولا لأ ؟؟

لا والله مافيها بس لها غرفه خاصه وهي اصغر غرفه اللي فيها تكوي الملابس


5- اذا عندكم عيال شلون منسقين الغرف ؟؟

غرفه عيالي ينامون فيها الاثنين وناويه اذا ولدت بخلي الغرفه مالت الدوانيه غرفه للبنت واللي في بطني
غرفه عيالي حاطه سرير بو طابقين موفره مكان والصغير تحت طبعا


6- اذا مافي عيال شلون استغليتو الغرف الزايده ؟؟
انا قبل لا احمل مسويه وحده غرفه مخزن لووووول عفيسه
والثانيه كوي بس كنت حاطه زرع طبيعي وااااااايد بس الحين مستحيل


7- وين تنشفون الملابس بعد الغسل ؟؟
بالبلكونه على طول والاندر ويرز بالنشافه :eh_s(22):

8- شي ودج يصير بشقتج وماله مكان في الشقه؟؟

ودي اسوي غرفه طعاااااااااااااااااااااااام بس زوجي رااااااااااافض تماما
مع ان عشقي غرف الطعام وستايلاتها والمواعين الكشخه بس زوجي يحبط
وودي الصوفا اللي شفتها :eh_s(1):


9- عندج جيران ولا لأ ؟؟
لا يم شقتي شقه حماي مومتزوج وصغير

10- مقدمين على بيت ولا لأ ؟؟

من اول ماتزوجنا قدمنا على بيت الحكومه والله كريم الله يفرجها


الحمدلله انا مرتاحه بس ودي يصير لي بيت فيه حوش كبير
لان بيت عمي بس فيه حديقه ودوارف والحديقه صغيره وبدون حوش انا بخاطري حوش مادري ليش لؤؤؤؤؤؤؤؤؤؤؤل



ناطره مشاركاتكم عاد:eh_s(9): :eh_s(9): :eh_s(9):

 

[Om_RayooMa]

1- ساكنين بشقه مستقله ولا بيت حمولتج او اهلج ؟؟
بشقه بروحي


2- جم غرفه فيها ...جم حمام ( تكرمون ) ... جم صاله ...؟
2 غرف للأطفال 1 ماستر وغرفه خادمه وفيها حمام (حشاكم) وصاله وحده


3-فيها بلكونه ولا لأ؟؟
لا


4- فيها غرفه خدامه ولا لأ ؟؟
اى الحمدلله والحمام داخلها فكه:eh_s(9):

5- اذا عندكم عيال شلون منسقين الغرف ؟؟
عندي بنت وحده وعندها غرفتها

6- اذا مافي عيال شلون استغليتو الغرف الزايده ؟؟

الغرفه الزايده فيها كبت كبير حاطه فيه ملابس الشتا والمكنسه والمنشر والاوتي وكل اغراض البيت الزايده حتى مواعيني ملوت الضيوف
7- وين تنشفون الملابس بعد الغسل ؟؟
بالنشافه او عالمنشر في الغرفه الزايده وافج الدريشه

8- شي ودج يصير بشقتج وماله مكان في الشقه؟؟

ودي بلكونــــه كبيره
9- عندج جيران ولا لأ ؟؟

عندي ومالي شغل فيهم ولا اهمه لهم شغل فيني
10- مقدمين على بيت ولا لأ ؟؟
اى والله وناطرين :eh_s(20):





وشكرا لج

 

[عرووووس الكون]

7- وين تنشفون الملابس بعد الغسل ؟؟

سؤاااااااال محيرني من الحيــن !!

 

[LaSt WoMeN]

حلاة أثاث الشقة يكون بسيط و ناعم مثل سوالف ايكيا .. لأن ما يصلح له الأثاث الفخم
وايد ياخذ مكان فيها و تصير ضيجة ..

و ساندي .. عادي تبرعي بقطعة من اثاثج و حطي الصوفا اللي عجبتج مكانها
و الا خلي القطعة اللي بتشيلينها عند اهلج اذا عندهم مكان


الله يوسع عليكم

 

[جروح تبتسم]

مشكورين ع المرور بنات

فلانه

انا اللي شالعه قلبي الصوفا موساندي لووووووووووووول

 

[جروح تبتسم]

بنات اللي قاعده في بيت سواء حموله ولا غربه

استأذنو من صاحب البيت واشترو حبل فوق السطح

وشرو هدومكم احسن من النشافه ........ تطير ريحه الكومفرت

 

[الاسطورية]

لي عوده ان شاءالله

 

[الدنيا حلوة]

1- ساكنين بشقه مستقله ولا بيت حمولتج او اهلج ؟؟
ببيت حمولتي
2- جم غرفه فيها ...جم حمام ( تكرمون ) ... جم صاله ...؟

غرفه وصاله وحمام ومطبخ
3-فيها بلكونه ولا لأ؟؟
لا بس عندي الصطح لاني ساكنه فوق بدور الثالث

4- فيها غرفه خدامه ولا لأ ؟؟

لاتنام تحت
5- اذا عندكم عيال شلون منسقين الغرف ؟؟

بنتي صغيرة وتنام معانا عمرها اشهور
6- اذا مافي عيال شلون استغليتو الغرف الزايده ؟؟

ماعندي غرف زايده
7- وين تنشفون الملابس بعد الغسل ؟؟

بالسطح
8- شي ودج يصير بشقتج وماله مكان في الشقه؟؟

غرفه طعام وصاله عووووووووووووووووووووودة
9- عندج جيران ولا لأ ؟؟
لا
10- مقدمين على بيت ولا لأ ؟؟

اي والله كريم

 

[xxx]

1- ساكنين بشقه مستقله ولا بيت حمولتج او اهلج ؟؟
بشقة وحبيت اضيف في بيت مو عمارة

2- جم غرفه فيها ...جم حمام ( تكرمون ) ... جم صاله ...؟
3 غرف + غرفة خدامة +2 حمام مكرم السامع + 2صالة

3-فيها بلكونه ولا لأ؟؟
لا

4- فيها غرفه خدامه ولا لأ ؟؟
اي

5- اذا عندكم عيال شلون منسقين الغرف ؟؟
عندي 3 أطفال وبغرفة وحده

6- اذا مافي عيال شلون استغليتو الغرف الزايده ؟؟
-----

7- وين تنشفون الملابس بعد الغسل ؟؟
عندي غرفة مخليتها مخزن ونشر فيها الملابس

8- شي ودج يصير بشقتج وماله مكان في الشقه؟؟
ودي يكون فيها درايش وخصوصا الصالة

9- عندج جيران ولا لأ ؟؟
الدور لنا بروحنا

10- مقدمين على بيت ولا لأ ؟؟
مقدمين

 

[BaiTotia]

أنا رأيي من رأي فلانه

الشقة حلاتها بسيطة (توه وحده من أهلي متزوجة رحت لها الشقة ماشاالله تهبل و وايد بسيطة و بنفس الوقت منسقة سوالف و حاطه وول بيبر)

و الكشخة خليها لبيت المستقبل إن شاالله

 

[أم روعة]

انا ساكنه بشقه بروحي 3 غرف ( غرفتي + غرفة لبنتي+ غرفة مكتب)
تكرمون 3 حمامات ( حمامي + حمام لبنتي + حمام للخادمه) غرفة خادمه
ودي غرفة زياده تكون غرفة ملابس عشان اذا ريلي نايم بغرفتنا ابدل فيها على راحتي لان دوامه شفتات ينام باي حزة صبح عصر مغرب ماله موعد
ودي بغرفة مخزن اخزن فيها الاغراض والدثره
وبالنسبه للملابس اشرهم بالحوش الوراني انا ساكنه بالدور الارضي

 

[bnt_kwt]

1- ساكنين بشقه مستقله ولا بيت حمولتج او اهلج ؟؟
- ساكنه بشقه بروحي وانا بعد شقتي ابيت عايله مو بعماره


2- جم غرفه فيها ...جم حمام ( تكرمون ) ... جم صاله ...؟
- 4 غرف وصاله وحمامين ومطبخ وحوش صغير


3-فيها بلكونه ولا لأ؟؟
فيها حوش صغير وبنستأذن راعي البيت اللي قاعدين عنده وانشالله بنسوي بلكونه


4- فيها غرفه خدامه ولا لأ ؟؟
لا مافيها

5- اذا عندكم عيال شلون منسقين الغرف ؟؟
ماعندي عيال واحس الشقه كبيره علي الله يرزقني انشالله

6- اذا مافي عيال شلون استغليتو الغرف الزايده ؟؟
غرفه نومي وغرفه المعيشه بجناح مع الحمام عزكم الله
والصاله استقبال وفي غرفه حاطه فيها طاوله طعام وكباته تخزين والاوتي والمنشر والثلاجه ( لانه مطبخي صغيييييييييير ما يكفي )

والغرفه الرابعه مكتب حق ريلي ومنها اذا زاره احد يقعده فيها وياخذ راحته احسن

7- وين تنشفون الملابس بعد الغسل ؟؟
عالمنشر بالغرفه مالت التخزين وما جربت انشرهم بره لي الحين

8- شي ودج يصير بشقتج وماله مكان في الشقه؟؟
ودي الصاله تصير شوي اكبر لانها للاسف صغيره شوي وودي المطبخ يصير اكبر بعد شوي مو وايد

9- عندج جيران ولا لأ ؟؟
جاري راعي البيت نفسه اللي انا ساكنه فيه اهو قاعد تحت وانا فوق ومالي شغل فيهم كل واحد بحاله احسن وابقى

10- مقدمين على بيت ولا لأ ؟؟
اي والله وناطرين رحمه الله تنزل علينا ونتوسع

 

[رنين]

- ساكنين بشقه مستقله ولا بيت حمولتج او اهلج ؟؟

بشقة مستقله

2- جم غرفه فيها ...جم حمام ( تكرمون ) ... جم صاله ...؟

3 غرف و حمامين و صاله

3-فيها بلكونه ولا لأ؟؟

لأ

4- فيها غرفه خدامه ولا لأ ؟؟

لأ
و أنا اصلا ما ابي خدامه...لكن في بالسطح بره الشقه غرفة خدامه

5- اذا عندكم عيال شلون منسقين الغرف ؟؟

عادي الله يحفظهم صغار و بغرفه وحده.

6- اذا مافي عيال شلون استغليتو الغرف الزايده ؟؟

قبل لا يوون العيال و حتى لما كان عندي الكبير بروحه ماكنت فارشه الصاله و كنت حاطه لي قعده بدار اليهال قبل لا تصير دار يهال... و وقتها قليل قعدتي بالبيت أصلا .. كنت أدرس و غالب الوقت بالجامعه و الا المكتبه و الا بشويخ اعجل حق مشاريع التخرج.


7- وين تنشفون الملابس بعد الغسل ؟؟

أنشفهم بالنشافه... و قبل كنت اشرهم بالصاله (قبل لا أفرشها)
الحين على حسب مرات بالمطبخ اذا مو ناويه اطبخ شي و الغسيل وايد أو أبيه ينشف بسرعه بس غالبا بالحمام .

8- شي ودج يصير بشقتج وماله مكان في الشقه؟؟

لما كنت اتنسى كان ودددييييييييييييي أفجر المطبخ ... بس لما ما قدرت كنت قافله بابه لأن صارت نساتي عليه ما أطيق ريحته!
بعدها بجم يوم هجيت من البيت بكبره.
خخخخخخخخخخخ

بس عموما مافي بالي شي ودي أسويه .غير اني احط حوض سمج و أصايص زرع أو ازرعلي بعض الخضرا مثل البقدونس و النعناع و الريحان مو حيل متحمسه اني ابدا.... ما أعرف لا للسمج و لا للزرع!
جم مره احطلي سمج و يموتون مع ان كانوا مونسيني وايد بس صرت اخاف عليهم ماودي اييبهم لين اعرف شلون العنايه فيهم عدل.

9- عندج جيران ولا لأ ؟؟
اي
10- مقدمين على بيت ولا لأ ؟؟
أي نعم.

 

[جروح تبتسم]

يحلات سوالفكم يابنات
والله يوسع عليكم ويعطيكم اللي في بالكم ياااااااااااااااااااارب
مشكورين على المرور وحده وحده :*<<<< تبوس

 

[جروح تبتسم]

.......

 

[rainbow_brite]

ساكنين بشقه مستقله ولا بيت حمولتج او اهلج ؟؟

بشقه بروحي


2- جم غرفه فيها ...جم حمام ( تكرمون ) ... جم صاله ...؟

فيها ثلاث غرف غرفتي ماستر فيها حمام وغرفة تبديل ملابس وغرفه حق اليهال وغرفه حق الخدامه واهي مخزن واهي شر هدوم بس الغرف اشوه وايد كبار وفيها مطبخ وصاله وحمام بره بالممر حق اليهال والخدامه

3-فيها بلكونه ولا لأ؟؟

للأسف لأ

4- فيها غرفه خدامه ولا لأ ؟؟

ما في غرفه خدامه 5-

اذا عندكم عيال شلون منسقين الغرف ؟؟

عتدي اثنين بغرفه وحده

6- اذا مافي عيال شلون استغليتو الغرف الزايده ؟؟


حاليا ما عندي غرف زايده 7-

وين تنشفون الملابس بعد الغسل ؟؟

هدومنا كلها بالنشافه ما عدا هدومي انا ملوت الطلعه اتغسلهم باليد واشرهم بالمشر بغرفة الخدامه 8-

شي ودج يصير بشقتج وماله مكان في الشقه؟؟
بصراحه ودي لو كان في غرفه حق الخدامه وحمامها لان اليهال يستخدمون حمامها وانا ما احب استخدمه لو شنو وبعدين حمام الخدامه اللي بالصاله ما ينفع حق الظيوف وبعد ودي لو كانت الشقه سيراميك تعبت من الزل


9- عندج جيران ولا لأ ؟؟

عندي جيران اشوفهم من وين لوين بالممر او يم الاسانسير بس مو اكثر من جذي 10-

مقدمين على بيت ولا لأ ؟؟

مقدمين والله كريم

انشا الله احنا حاطين في بالنا ننتقل شقه دور كامل والله يفرجها انشا الله

 

[الغــ مرت ــالي]

اولا شكرا على الموضوع الرائع

1- ساكنين بشقه مستقله ولا بيت حمولتج او اهلج ؟؟
شقه بروحي

2- جم غرفه فيها ...جم حمام ( تكرمون ) ... جم صاله ...؟
1غرفه ماستر + غرفتين
حمامين مطبخ وصاله كبيره

3-فيها بلكونه ولا لأ؟؟
لا


4- فيها غرفه خدامه ولا لأ ؟؟
لا مافيها وماعندي خدامه

5- اذا عندكم عيال شلون منسقين الغرف ؟؟
ماعندي عيال والله الله كريم

6- اذا مافي عيال شلون استغليتو الغرف الزايده ؟؟
حاطه غرفه وحده حق معيشه قعده ارضيه والثانيه حق الاوتي والمنشره

7- وين تنشفون الملابس بعد الغسل ؟؟
بالغرفه الزايده

8- شي ودج يصير بشقتج وماله مكان في الشقه؟؟
حديقه

9- عندج جيران ولا لأ ؟؟
عندي بس ماادري عنهم ولا يدرون عني

10- مقدمين على بيت ولا لأ ؟؟
امبلا الحمدالله وناطرين

 

[جروح تبتسم]

رينبوووووو .... تسلمين على المرور والله يعطيج اللي في بالج

مشكوره مرت الغالي مرورج الاروع حياتي والله يرزقج وتحملين

 

[Swan]

1- ساكنين بشقه مستقله ولا بيت حمولتج او اهلج ؟؟
بشقه مستقله بس في بيت مو عمارة

2- جم غرفه فيها ...جم حمام ( تكرمون ) ... جم صاله ...؟
4 غرف و3 حمامات وصاله ومطبخ

3-فيها بلكونه ولا لأ؟؟
لأ

4- فيها غرفه خدامه ولا لأ ؟؟
اي ومعاها حمامها

5- اذا عندكم عيال شلون منسقين الغرف ؟؟
الله يرزقنا ان شاء الله

6- اذا مافي عيال شلون استغليتو الغرف الزايده ؟؟
وحده للنوم ووحده مكتب ووحده مخزن وغرفه الخدامه حاطه فيها الغساله ليش ماعندي خدامه

7- وين تنشفون الملابس بعد الغسل ؟؟
في غرفه المخزن

8- شي ودج يصير بشقتج وماله مكان في الشقه؟؟
غرفه طعام

9- عندج جيران ولا لأ ؟؟
عندي بس اهمه بصوب وانا بصوب مجرد سلام وانا ماشيه واهمه نفس الشي

10- مقدمين على بيت ولا لأ ؟؟
اي اكيد
وقاعدين ندور على بيت محنا ناطرين الحكومة نبي مكان قريب