ساكنه ببيت حمولتج ؟ رمضان قرب

[shouq_m]

السلااام عليكم شلووونكم
يالله يارب كلكم بخير وصحه وعااقيه ومااييكم يوم ماتنامون في مرتاحين البال

انا توني متزوجه صارلي 6 شهور تقريبا ساكنه بشقه بروحي
وعالشهر الياي باذن الله بروح بيت حمولتي
يعني على ومضان تقريبا

فبعرف شغله
اذا ساكنه ببيت حمولتج
شنو طقوسج برمضان؟

في بنات قالولي يلبسون دراعه قبل الفطور يتفطرون ويصعدون
يصلون التراويح وينزلون كاشخين بدراريع رمضان
وفي بنات لا ينزلون كاشخين مره وحده
وفي بنات توينق قبل الفطور او بدله خفيفه وعقب الفطور يكشخون

وعالطبخ في بنات بشكل يومي وفي بنات مره بالاسبوع

فبليز كل وحده تقول شنو طريقتها مع رمضان

نفيد ونستفيد يمكن نشوف طرق تفيدنا او احسن من طريقتنا
وجم عندج دراعه كشششخه برمضان هذا
بليز كتبو

 

[д7βk βşķάť]

انا والله توني متزوجه ماصارلي واجد

وساكنه بشقه بعيد عن اهله

بس مادري برمضان اكيد راح نرووح عند حمولتي عااد الله ييسرها

والله

مادري شراح اسوي

ربج كريم ​

 

[Red Al Rainbow]

مممممممممم

آلي آنآ آشوفه . . .

قبل آلفطور نزلي بكندورة . . . .

و عقب آلترآويح كشخي ع كيف كيفج . . .

ميك آب وتسريحة لبس و جيه !!


آذآ حآبه تطبخين خلآل آليوم عآدي نزلي طبخي . . . !!!

 

[M!SS.LOBY]

الله يوفقج حبيبتي

اكيد قلبي تلبسين بدل ودراعات لان بيت حمولتج عندهم زورات وضيوف وحريم اخوان ريلج وخوات ريلج

من ناحية الطبخ شاركيهم بالطبخ وذوقيهم من اصنافج

 

[al-musk]

سإلي خالتج شنو نظامها ومتى يحبونج تنزلين تساعدينهم واذا ماتبين انتي نزلي كل يوم قبل الفطور بساعتين ودشي المطبخ معاهم وشوفي شنو ناقصهم وكل جم يوم سوي طبق اذا مالج خلق تسوين كل يوم وطبعا احتسبي أجر إفطار صائم وانج بتاجرين على المساعده وريلج بيستانس وخالتج بعد ان جنتهم سنعه ورمضان مره بالسنة وشهر ومابينسونه لج طووول السنة .. ولبسي بالمطبخ شي خفيف ودراعه بسيطه وبعد الفطور والصلاة والتراويح نزلي كاشخه كشخه حلوه وبسيطه حسب الناس واذا في ضيوف ولا لا ..
اذا أحد بيزوركم طبعا خلج تمام التمام واذا محد بيكون فدراعه بسيطه وحلوه وتأكدي ان الجاي والقهوة بعد ال9 متجددين وكل شي أوكي .. والخدم موجودين آمري عليهم بس خلج إنتي المشرفه مابياخذ وقت وهم اسمج مرتة وشايله وحاطه ..

ياحلو أجواء رمضان .. الله يتمم على خير ويرزقنا اجره وصيامه وقيامه ويبلغنا فيه لافاقدين ولا مفقودين

 

[تبطي عظم!]

عن نفسي نظامي غيير وبروحي

حمولتي يتفطرون جميع خليطي حمواني وحريمهم وجذي انا ماعجبتني هالسالفه لاني منقبه

فعزلت نفسي اتفطر بشقتي بس تقريباً كل يومين ٣ انزلهم طبق من ايدي ع الفطور بعد الفطور البس واكشخ

وانزل تحت اقعد لين يأذن العشا اروح اصلي العشا والتروايح وبعدها اروح لاهلي او ارد شقتي لان مايكون في احد تحت خلاص

خالتي ماتستقبل ضيوف فبيتها كله فبيت امها جمب بيتنا بس انا مااروح الا اول يوم رمضان بس وهالرمضان بكون بالشهر الثامن فكلش ماراح يكون لي خلق

شيء

 

[تبطي عظم!]

اذا عندج مطبخ اطبخي بشقتج ماله داعي تطبخين فمطبخهم

ونزلي قبل الفطور بـ ١٠ دقايق مع شغلج لبسي دراعه ناعمه وميك اب خفيف ناعم وتفطري معاهم

وردي صعدي اكشخي وبعد التراويح انزلي


انا حريم حمواني ينزلون كاشخين مره وحده من قبل الفطور ويفطرون معاهم ويقعدون لي قبل العشاء ويمشوون

 

[3thbya]

انا مو متزوجه
بس احس الطبيعي انج تنزلين قبل الفطور بفترة بدراعة بيت ناعمه تساعدينهم بالمطبخ
وبعد الفطور تصعدين تكشخين وتلبسين الدراريع الرمضانية اللي تصير ميدي مثلا وعلى حسب ستايلج انتي شتحبين
المهم تكشخين خصوصا اذا خالتج من النوع الاجتماعي اللي دايما يزورونها يباركون لها بالشهر
اما الطبخ فبين فتره وفترة سويلهم اطباق ونزليها

ومبارك عليكم الشهر مقدما والله يبلغنا فيه على خير

 

[طير يحب سجانه]

حنا نجمع في بيت حمولتي يوم في الاسبوع وانزل بعد صلاه المغرب مباشره
واكشخ كشخه حلوه بسيطه وانزل معي طبق

واقعد معاهم لين كل واحد يقوم يروح بيته
وبس

 

[م بقئ إلآ القليل !]

اااااااه ي التعب مالي خلق وقتها اكون باخر السادس اول السابع وماخذه صيفي الله يعين بس ومآارد غير ٤ العصر وانا صارلي ٦ شهور اللحين

 

[مزآجيه!]

اشتري لج جم دراعه كشخه وخليها

وقبل الفطور ، لبسي دراعه ناعمه ،وميك آب خفيف

ونزلي لهم قبل الفطور بـ وقت ، واذا عندج مطبخ بـ شقتج ، سوي انتي طبق جانبي او سلطات وحركات ونزلي لهم

وعقب الفطور صعدي ولا تنزلين الا عقب التراويح لابسه وكاشخه ومتبخره لأن هالفتره محد يزور ، وقت عباده

عموماً اهو اول اسبوع اللي يكون فيه زوارات وجمعات وجذي ، عقب القرقيعان عقب الكل يلهى بملابس العيد

 

[امـ خــزامـى]

ماشاءالله عليكم حمستوووني

نظامكم جمييييييييل يعني بشهر رمضان تسكنين عندهم ؟<<هذا اللي فهمته


وعجبني كلام المسك ربي يحفظها ويحفظك حبيبتي

 

[أمي قرة عيني]

مدري ان شاء الله المتزوججججات يفيدونج

 

[جوري الصالح]

رمضان اجـــــــــــــــواء مــــــــــو طبــــيـــعية كشــــــخي ونــــــــزلي بعد الفطــــــور وضـــــــبطي نفـــــــــــــسج في بيت حمــــــــــــــــولتج ولاتنســـــــــــــين القرقعيان جهــــــــــــزي عمـــــــــــــرج من الحـــــين

 

[Broy]

انا اول سنه لي ابيت اهل ريلي برمضان ما كنت اعرف شنو نظامهم
واصلا ما اعرف اطبخ ولا شيء فماكنت اسوي بس انزل و اتفطر معاهم اشوف
حريم حمواني يسون خخخ واثاري الكل منغث مني و منفسين علي ههههههاااااااااااي
عاد السنه الي بعدها ريلي قالي لازم تسوين كل يوم طبق و تنزلين عاد من بعدها قمت اسوي كل يوم شيء مره يصيب ومره يخيب
بس كانوا مستانسين مني ههههههههههه امبي كل ما اتذكر الايام الي طافت اضحك

 

[صعبه]

برررروحنا في البيت

ماعندي لا حموان ولا حريم حموان
بس اتوقع خواته كل يوم وحده اتفطرر عندنا

يعني بس علي اكشخ واتفطر وعقب اروح بيت هلي :d

 

[shayto0oNa]

انا انزل قبل الفطور بساعتين اسوي طبقين وقبل الاذان بنص ساعه اصعد اتسبح عن ريحة الطباخ واكشخ وانزل اتفطر معاهم ونقعد لين التراويح


اروح انا وخالتي صلاة التراويح وبعدين انزلها بيتنا واروح بيت اهلي


بس طبعا مو كل يوم اروح بيت اهلي يعني مرتين بالاسبوع

 

[shayto0oNa]

اما بيوم جمعة اهلي اقعد ساعه ٣ اسوي حلا او فطاير او اي طبق اسوي منه اثنين واحد لحمولتي واحد لاهلي والبس واكشخ واروح بيت اهلي اتفطر عندهم

بس هالرمضان اكون بالثامن فاتوقع بظل نايمه عند اهلي

 

[مس جولاي]

امبيه زين اللي سويتوا هالموضوووع انا حدي متفشله وابي اسالكم

الحين رمضان السنه اللي طافت كنت عروس توني و توه مبلش فيني وحامي وكان خايس حيل متعب

البيت كان دوريه طباخ بين خالتي و خالتي الثانيه مرت ابو زوجي (مره كبيره حبيبه ما يابت عيال ) و حريم حمواني *

بس فرق العمر بيني و بينهم 10 سنين و الثانيه 16 سنه تقريبا

وانا طالبه و ماااااااااااااااااااااااااااا اعرف اطبخ كللللللللللش كانوا عاذريني و محد كلمني

الحين ياينا هالرمضان شسوي .. مع العلم اني هم الحين وحام .. لان الاول ما كمل حملي و توفى الحمدلله على كل حال

ودي اسوي شي فشله بس انا ميييييييح و بس احط ايدي بشي يخرب

شورو علي يا جماعة الخير العموم ينغز وترى هم فشله الكل يتعب وانا اكل بارده مبرده

 

[بوح الحنين]

سوي حلى خوذي من النت وطبقي