سافر غصبن علي شسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مظلومة حيل]

بنات بسالكم لوانكم بمكاني شسويتو بضبط

زوجي سافر لدوله عربية معروفة مو خليجية لمدة 9 ايام و ما علمني الا قبل يروح بيوم اقوله ما تروح وارفض ويقول رايح رايح احلف والله ما تروح

يقول الله يخلا منج انا علمتج وراح شسوي فية يقول الي مثلي يروح شهر كل الرياجيل شذي

شالحل امس سافر ولا دق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اهجرة اروح لاهلي اهو قال ان رحتي لاهلج ما لج ردة

 

[سارووونه22]

طولي بالج يا اختي ولاتعاندين ريلج وخلج في بيتج احسن

 

[الاميره وبس]

الله يعيينك حبيبتى 0 مادرى شقول بصراحه

 

[• قلبه نصيبي •]

اكسري الششر ليش تروحييين لاهلج ! كلمييييه وخلي الوضع عادي وبعدييين لرد فهميييه بلي تبييينه !

والله يهدييييه !

 

[i'am THE ONE]

شكل زوجك ما يجي بالصراخ و يحب يعاند

بالمرات الجايه اختاري طريقه غير الاوامر و الهواش عشان تكسبينه وما يعاند

 

[دنيتى زوجي M]

الله يعينج قعدي بيتج واذا رد قعدي تفاهمي معاه وقولى له انتى شنو تبين وطبعا قعدي ناقشيه بهدوء مو صراخ ولويه لا خلج هاااديه

والله يهديه ويسخره لج ان شاءالله

 

[مظلومة حيل]

شلون رايح اعناد والله اخاف رايح للوصخات

 

[حلوه ولمآحه]

حبوبه استهدي بالله،،
وفكري بالعقل قفلي مشاعرك وقلبك شوي،،
اهو راح >>عاد وصاخه ولا مو وصاخه الله حسيبه،،
امسكي بيتكـ وعيالكـ،،
واذا رد لاتزعلين ولا شي بالعكس خليج طبيعيه ،،
هو راح يستغرب اذا رد ،،
وخليها سياسه عندج ترى بالهواش والطقاق بيعاند ويروح وهو مستانس وانتي محرقه اعصااابكـ
والخراب والوصاخه في كل مكان ،، حتى بالديره،،
وبالمسايس تقدرين تاخذين الي تبينه
خليه يسفرج اذا رد ،،

 

[ام فاطمه الزهراء]

ترى بيت اهلج ماراح يحل المشكله انتي قعدي معاه وتفاهمي والخراب موجود اهني اكثر من بره بس صدقني حاولي تدقين عليه وتكلمينه ادعيله بكل صلاه الله يهديه الله يرده بسلامه انشالله

 

[ام جبولي]

خليه على راحته يسافر وصدقيني راح يمل باجر من السفرات نفس زوجي يوم اخذته باول زواجي كله يقطني لهلي ويسافر مع ربعه والحين مل من السفرات شوي شوي تعود علي وماقام يسافر الا ياخذني معاه اصبري الصبر زين ولا تخربين بيتج نصيحه

 

[شمعة_حزن]

جبيبتي ليش تكبرين الموضوع ولا يسوى تهدين بيتج وتروحين بيت أهلج، والله في رياييل يبلغون حريمهم قبل خمس أو ربع ساعه قيل السفر علشان تزهب أغراضه، وانتي حاولي تاخدين الريال بالسياسه مو بسلوب الأمر أو الصراخ ترى الريال مايحب هالاسلوب شوفي طريقتج خطأ وهم ما صار الى تبينه وادا على الخرابيط ترى موجوده بكل مكان والانسان مايخاف من انسان نفسه ترى الخوف من رب العالمين دكرى الله وكسبيه ودقي عليه ولا كان صاير شىء وادا يي بالسلامه تفاهمي معاه بالسياسه

 

[StrOnG WoMeN]

ادعيله بالهدايه
وريلج يبيله طولت بال
لازم تصبرين
الصبر مفتاح الفرج
وحاولي بكل امورج تفاهمين معاه
وذكري انج ام اعياله ولج حق علي
بس مو بالاعصاب
خلج ريلاكس معاه
والله يهدي
من امس احاتي سالفتج

 

[om...al3ess]

ليش ارتوحين بيت اهلج ......ترى ماراح اتحلين المشلكلة بهالطريقة بالعكس راح تكبر وانتي تخسرين

 

[tmtmt]

لو مو مبنتله انج مهتمه ومو راضيه جان الوضع تغير
الرياييل ما ايوون بالعناد ليش من الاول تقوليله لا تروح وانتي تردين انه بروح

الله يهديكم البعض ان شاءالله

 

[tmtmt]

لو مو مبنتله انج مهتمه ومو راضيه جان الوضع تغير
الرياييل ما ايوون بالعناد ليش من الاول تقوليله لا تروح وانتي تردين انه بروح

الله يهديكم البعض ان شاءالله

 

[%ورد طايفي%]

الله يهديه انشااء الله
بس لا تشدين معااه وكلميه بالهداوه والله يسخره لج

 

[ام ساره 4]

لا لا ديري بالج تهدين بيتج وتروحين لأهلج لا تهدمين بيتج بيدج ويمكن زوجج رايح يغير جو مو شرط رايح للخرابيط ياحبيبتي والخرابيط بكل مكان ياما حريم مساكين طاحوا على رياييلهم يخربطون ببيتهم وبفراشهم بعد حبيبتي تعوذي من إبليس وقومي توضي وصليلج ركعتين واستغفري وادعيله بالهدايه وان الله يبعده عن الحرام والله يهديكم ويخليكم لبعض إن شاء الله

 

[كوكتيلة قلبه]

الله يعينج الصراحه ويهديه لج ولنفسه واعياله

 

[غلاتي ديرتي]

شتسوين بعد ياقلبي لازم تسمعين كلامه والله يصبرج

 

[DooLy88]

ان شالله يكون غرض السفر سياحة وتغيير جو لا اكثر