ساعدووووووووووووووووووووووني :(

[a7La 3aSoOoLa]

:33_1185028183:


قوة بنوتات

شلووونكم ؟؟

انا خريجة توني من الثانوية و نسبتي 80

حدي محتارة وين ادخل لان طموحي كان هندسة بس ظروفي خفست بمعدلي و هدي متضايقة على النسبة ومادري وين ادخل

نصحوني بكلية العلوم علوم بيولوجية لاني انقبل فوري

و حرام دارسة علمي و بالنهاية ادخل تخصص ادبي مع ان آخر شي حاطته في بالي ادخل ادب انقليزي لان زينة بالانليزي و قوية فيه حيل

بس ابي نصايحكم

شلون العلوم البيولوجية << يعني اللي تدرسه تشرحلي اياه لان مو فاهمة شنو مستقلهم لي الحين

و حتى الآداب غير الترجمة وين يشتغلون ؟؟


و بغيت تنصحوني اذا ادخل جامعة الكويت ولا جامعة خاصة

انا رافضة برى نهائيا لان انا ما اتحمل الغربة
و حاطة في بالي هندسة كمبيوتر ما انقبل بجامعة الكويت بس البعثات الداخلية يقبلوني في الجامعة الامريكية

و حدي محتارة حيل بخاطري الهندسة لان طموحي من كنت ضغيرة و خاصة الكمبيوتر من غير دورات اعرف افججه و العب فيه و ابرمج و حاله فحاطة في بالي هندسة كمبيوتر







حدي محتااااااااااااااااااارة والله مو عارفة شسوي ​

 

[Un-6be3iya]

سمعي دامج ممتازة بالانجليزي اانا من رايي اخذي بعثة داخلية لـ gust فيها التخصص الي انتي حابته و دراستها بالانجلش
و يقبلونج اكيد لانهم طالبين العلمي من 70 وانتي ماشالله 80
انا اليوم رحت سجلت و ان شالله خير باجر الـ placment test و الله يوفقني ويوفق الي معاي كلهم XD

موفقـة حبووبة

 

[jen2n]

دشي تخصص سهل وعقب شدي حيلج ويبي معدل وحولي هندسه

 

[JaDeL]

مادري بس ترى جامعة الكويت احسن من الكليات الخاصة حبيبتي

 

[a7La 3aSoOoLa]

رد : ساعدووووووووووووووووووووووني

ادري ان جامعة الكويت مافي مثلها


بس انا حابة الانقليزي و حابة الدراسة فيه كان المفروض اسافر لندن لاني ضامنة القبول بجامعة قرينتش فيها هندسة و اللي يدرس فيها اخو بروفيسور ابوي اللي يعالجه بس انا قاعدة افكر اني انا ما اتحمل الغربة و اعرف نفسي عدل

ما ابي احول من جامعة لي جامعة مابي اضيع سنة من عمري اخاف ما امشي و لو سمح الله ما اقدر احول

فقلت قبولي الفوري شي حلووو

و الآداب هم شي حلو و اقد ر اكمل فيه بس محتارة و ليلحيني راكبة راسي على الهندسة و الجامعات الخاصة

بس ابي استفيد من خبراتكم لانكم اكثر خبرة بهالشي انا توني مستجده اعتبر و يديدة بهالشي و لازم بالبداية اتخوف​

 

[jen2n]

مو تحولين من جامعه الى جامعه من كليه الى كليه في جامعة الكويت

يعني مثلا تروحين اداب انجليزي تيبين معدل زين وعقب تحولين للهندسه

 

[sindrella]

حبووووووبه انا رايي ادشين جامعة الكويت كلية العلوم لأنه التحويل من العلوم لي الهندسه سهالات و انا حولت

من العلوم لي الهندسه و كنت نفس حالتج بس كانت نسبتي 88 و ما انقبلت هندسه عشان القدرات بس دشيت علوم و حولت

و الحين أنا سنه ثالثه و معاي بنات كانت نسبتهم بالسبعينات و دشو علوم و حولوو فهاذي نصيحتي و انتي استخيري

و الله يكتب لج اللي فيه الخير

 

[ام حديجان]

انا من راي خواتي

شلج بالجامعات الخاصة دام حاصلج جامعة الكويت

دشي علوم وشدي حيلج بعدها حولي هندسة

والله ولي التوفيق

 

[أم حمد =)]

الله يوفقج