ساعدووووووووني الله يخليكم

[شاعرة العيون]

السلام عليكم
انا صارت معاي مشاكل من شهر رمضان وانحلت والحمدلله
لكن مشكلة الارق ظلت ملازمتني للحين تخيلو صارلي 7 اشهر ما انام الليل
تكفوووووون ابي حل حق الناس اللي جربت الارق
والله ادعي لها بالخير اللي تساعدني
مليت من حبوب المنومه تعبت جسمي وانا عندي عيال ماقدر انام بكيفي

 

[Tom ♥ Jerry]

,


الارق مرض نفسي .
ليش مآ تعالجين نفسيا ؟

 

[Shinexo]

مآحبيت آطلع بدون رد , آلله يسآعدج آنشآلله

 

[تواضع انثى]

وعليكم السلام...اكثري من الاستغفار...

 

[روح مغليها]

توصي الأرق يأخذ فتره ويروج من كيفه

 

[ريتاج_90]

وليش تأخذين حبوب منومه ..!!!
موزينه تضرج

ابتعدي عن هالحبوب
ودام فيج ارق تقدرين تتغلبين عليه
استغفري واقري المعوذات وان شاءالله يروح

 

[معزوفة عشق&]

حبيبتي اول شي سلامتك والف لاباس عليك ..
والسبب الاول للارق هو التفكير المستمر وانشغال البال
ابحثي بقوقل عن موضوع الارق وطرق علاجه
قبل النوم جربي التنفس البطني اللي هو شهيق وزفير ببطء , اشربي مغلي اليانسون , كوب حليب بارد
وقت النوم ابعدي الجوال من المخده استرخي شغلي قران سورة البقره ورددي معاه , اشتري لك مسبحه واستغفري بتحسي نفسك
نممتي و ف سابع الف نوومه واحلام سعيده لووول
موفقه حبووبه

 

[طـيـف ♥!]

♥

عـادي لأ تـحأتين مـو بس أًنـتي فـي نـاس وايد ..
,, وأذا م يــاج نوم قـومي صلي لـج ركعتين وأقـري لـج قـرأن واقري سـورة الناس لا توسوين وايد

وحأولي أنــَج م تعطَين ألموضـوع أهميـــه !! ​

 

[الهاشمية تامي]

توضي وكثري من قراءة القرآن وإنتي ع السرير

 

[ياسمين11]

حاولى أنك ماتفكرين ترى الدنيا ماتستاهل
وابعد عن الحبوب هذه ترى تتعودين عليها وماتنامين بعدين الابها

 

[Mnawi 3ōŌōba]

نآمي ع صــوت القرآن شي خيآآل ' عندج انا يوميا الا اشغل القرآن بالايباد عشان انآآم


جربي لو يوم والله يوفقج ♥

 

[قاهره عذالي]

اشربي قبل النوم بردقوش


يساعد حييييييل على الاسترخاء

 

[Abla.mariom]

خاف فيج فقر دم شديد او نقص فيتامينات انا كنت اكتئاب واررق مو طبيعي اخرتها نقص حديد الحمدلله عطوني ابر لان كان النقص قوي

او يمكن فيج فري براسج والفري اكو حريم كبار يعالجونه لان هم يسبب ارق ووسواس بدال حبوب المنومه جربي تحاليل وروحي عند حرمه متخصصه عشان تشوف اذا فيج فري او لا

 

[نونه المنكوشه]

اول شي سوي تحاليل كامه وشامله يمكن فيج غده وانا كان فيني ارق اكثر من سنه بغيت اموت حتي حبوب المنومه ماكانت اتنومني تعبت حيل بس داومت ع الرقيه وقيام الليل والله ارتحت وبعدها راح بس لي الحين اعاني من تقطع النوم ومانام باليل متواصل ساعتين واقوم بس الحمدالله بالنسبه للي عانيته قبل اقول الف الحمدالله وستغفري وتصدقي وان شاءالله بيتعدل نومج وترتاحين

 

[عـيّــآره]

راجعي دكتور افضل لاني احس والله اعلم كان الارق عندج فتره من المشاكل وبيروح من نفسه يوم تتعدل نفسيتج


بس شكلتج ااستخدمني الحبوب المنومه وايد وادمنيتها بفترة المشاكل فهني صارت المشكله

راجعي دكتور يسوي لج تحليل ولاتخافين ماعليج شر ان شاءالله​

 

[مهندسة الابيات]

حبيبتي في دعاء للرسول عليه الف الصلاه والسلام اسمه دعاء الارق
قولي ((اللَّهُمَّ غَارَتِ النُّجُومُ ، وَهَدَأَتِ الْعُيُونُ ، وَأَنْتَ حَيٌّ قَيُّومٌ ، لا تَأْخُذُكَ سِنَةٌ وَلا نَوْمٌ ، يَا حَيُّ يَا قَيُّومُ أَهْدِئْ لَيْلِي ، وَأَنِمْ عَيْنِي ))

 

[oshi_q88]

كثثريَ آلـآسستغفآر + آقريَ آذكآر النوم

 

[مهندسة الابيات]

و حبيبتي نسيت اقول لج
حاولي لا تكثرين بالعشاء عشان تعرفين تنامين
وحاولي تسوين رياضه بتساعدج وااايد منها ترتاحين من الضغط النفسي ومنها تخلين جسمج يتعب شوي وعلى قولتهم تقطين روحج بالفراش

وديري بالج من الحبووووب مو زينة ترى لها اثار جانبية مو زين تدمنين عليها وتعودين جسمج عليها
وحاولي تضبطين موعد نومتج الجسم لازم يتعود على وقت معين عشان يرتاح

والله يوفقج ويشفيج ان شاء الله