ساعدوووني تكفووووووون ابي فزعتكم

[رومولا الن]

السلالالالالالالالالالالالالالالالالالالالام


عندي استفسار عن ايهو ارخص ماليزيا او تايلند

وجم تكلف الرحلة حق ماليزيا لي ويه زوجي مدة 14 يوم

وجم تكلف الرحلة حق تايلند لي ويه زوجي مدة 14 يوم

تكفووووووووووون فزعتكم​

 

[sweetkoko]

اتوقع لوقلنا 14يوم تذاكر مو دايركت يعني السيلانيه السنغفوريه التايلنديه او القطريه.... وطيران داخلي اذا بتروحين جزيره وفنادق 4ستار بحدود 400: 420دينار للشخص اما الصرف تحتاجون ميزانيه للوناسه طلعات ومطاعم منوعه فاست فود وقعده وكافيهات وتنقل منوع تاكسي والقطار ومشي وشوبينغ معقول بحدود ال1200دينار وعلي حسب طبيعة صرفكم يعني التوتل 400*2=800دينار و1200 مصرف اتوقع 2000دينار : 2300 وايد زين وهذا لماليزيا طبعا واما تايلند فموذاك الفرق يعني تطلع الحسبه ارخص عليج 100 : 130دينار شامل بس بوجهة نظري مايسوي الفرق ماليزيا اسنع وارقي وانظف واونس من تايلند يكفي انج تمشين بشوارع ماليزيا وانت مبطلعه خشمج وعيونج لان الريحه ببانكوك ماتنوصف والقذاره والعربانات والجنوس والاكل والبوذا والزهيويه والوصاخه مايحتاي والمجاري والزحمه والديزل والقمته موطبيعيه والله يوفقج بسفره حلوه

 

[OM-3ABADY]

ما اقدر اقولج شكثر تحتاجين لان كل وحده وصرفها

وحده تكون طلعاتها كل بحر وصرفها بالسوف قليل

وحده تاكل في فنادق وتتنقل بالطياره وكله تشتري ماركات

اكيد في فرق

بس عموما تايلند ارخص من ماليزيا من ناحيه الفنادق بس

التذكره تقريبا نفسها
الرحلات نفس القيمه تقريبا
والاكل ما في مقارنه لان اصلا في تايلند ما تاكلين الا بيتزا

 

[رومولا الن]

اتوقع لوقلنا 14يوم تذاكر مو دايركت يعني السيلانيه السنغفوريه التايلنديه او القطريه.... وطيران داخلي اذا بتروحين جزيره وفنادق 4ستار بحدود 400: 420دينار للشخص اما الصرف تحتاجون ميزانيه للوناسه طلعات ومطاعم منوعه فاست فود وقعده وكافيهات وتنقل منوع تاكسي والقطار ومشي وشوبينغ معقول بحدود ال1200دينار وعلي حسب طبيعة صرفكم يعني التوتل 400*2=800دينار و1200 مصرف اتوقع 2000دينار : 2300 وايد زين وهذا لماليزيا طبعا واما تايلند فموذاك الفرق يعني تطلع الحسبه ارخص عليج 100 : 130دينار شامل بس بوجهة نظري مايسوي الفرق ماليزيا اسنع وارقي وانظف واونس من تايلند يكفي انج تمشين بشوارع ماليزيا وانت مبطلعه خشمج وعيونج لان الريحه ببانكوك ماتنوصف والقذاره والعربانات والجنوس والاكل والبوذا والزهيويه والوصاخه مايحتاي والمجاري والزحمه والديزل والقمته موطبيعيه والله يوفقج بسفره حلوه

مشكورة حبيبتي

تكفين بغيت اسئل ارخص السوقة للهديا

 

[sweetkoko]

شوفي حبيبتي الي يميز شرق اسيا عن اوروبا رخص المعيشه والشوبينغ بالنسبه للشوبينغ اذاتقصدين ماليزيا عندج اغلب المجمعات الي بشارع العرب بي بي بلازا وسوانغ وانق وكيه ال بلازا سوغو فيه ستوكات والمحلات الى بمجمع التايمز سكوير وفي محل جكسو في منه عدة افرع باغلب المجمعات رخيص وسوالف حلوه نفس طريقة كارفور جمعيه وسوق واثاث وهدايا الكترونيات

والميجا مول و ذا مول و اون اوتوما التون تور لوت 10 التشاينا تاون المكان لج عليه بس فيه سوالف فناتق صينيه شحاطات شباصات فناتق المطبخ سوالف للبيت شموع علب وقسم منه تقليد الماركات اذا تحبين هالسوالف وفيه سوق برتاما مافيه شي يسوا غير الجواتي

شوفي حتي المجمعات السنعه يعني بافليون ميجامول اون اوتوما والسوريا مول البيراميد بلازا والمايننز فيها محلات مسويه تنزيلات واسعارها حلوه
اذا بتروحين لنكاوي كل سوقها ديوتي فري
اذا بيننغ السوق الليلي وااايد فيه سوالف وعندج مصنع القهوة عجيب يبت صوايغ كل النكهات وغرني بلازا وكونسبي بلازا و ايسلند بلازا و محلات باتو فرنجي ومحلات جورج تاون

ماليزيا كلها اسوقه ومجمعات والاهم الاسعار متوفره الغاليه بستار هيل وربعه والحلوه والزينه والرخيصه اباجي الي ذكرتهم اتمني اكون فدتج

 

[sweetkoko]

واذا تسالين عن بانكوك الام بي كي وطوكيو وفاشن مول او بلاتينيوم مول رخاص وااايد سلوم بلازا فيه سوالف ونفس الشي اكثر المجمعات بسيام سكوير سنتلاال ورلد وزين استانا سيام بارجون سيام دسكفري وسيام ات سيام وعند صيدلية الوتسن وبوت فيه داعوس بالشارع عندهم قمصان وملابس وسوالف مادري بانكوك اقلبه بسطات وستاندات بالشوارع ومحلات بالشوارع سوق ماليزيا انظف وبنفس الاسعار تقريبا واسنع بعد

 

[... May ))]

ما دري عن التكاليف بالضبط

لكن بشكل عام

تايلاند ارخص
وماليزيا أحلى وارتب وانظف

 

[عيال الكويت]

تاااااااااااااااااااااااااااااااااااااايلند ارخص و احلى بواااااااااااااااااااااااااااااااااااااااايد

 

[brettey]

تايلاند ارخص بس ماليزيا انظف
بس ماليزيا انتي وزوجج كصرف هناك كافي عليكم 700 او 800 دينار بالكثير 1000 حق سياحه ومواصلات واكل وسوق
انا رحت ماليزيا بس مارحت تايلاند بس الي راحوا الثنتين قالوا تايلاند ارخص