ساعدووني .. هل انا دلوعة لهدرجة ؟؟؟

[sh_mashael]

انا اشوف دام انتي كنتي تسافرين مع اهلج ف حمدي ربج و اشكريه

في بنات لا مع الأهل و لا مع الريل

عمرهم ماشافوا غير الكويت

بالتوفيق

 

[brettey]

وربي ما الومج بس طبقي قانون الجذب والدعاء وعسى ربي يرزقج بكل السفرات الي تبينها

 

[شاهي بالحليب]

شكلج مطيوره وماعندج تخطيط اسفه لاتزعلين

مو زين الحنه والرنه على سفر وعلى غرفه وسالفه حجزتي ووماسويتي فيزج بدري ! غلط

في شي اسمه حجوزات وهميه بنفس وضعج سويها علشان ماتطير فلوسج ثاني مرررررررره





هذا مو دلع هذا غثا قلب

كيف يعني حجوزات وهميه

 

[حكآية قلب]

انا من تزوجت مااا سافرت كلش كلش والسبه دواااااااااااااامه خذا جم اجازه حق شي ضروري ولازم هالشي انه يقعد بالبيت ويخلص اشغاله ومانطلع حتى ولمن بغا ياخذ حق سفرتنا اسبوع بس مارضوا يعطوونه قلنا ماكو الا ننطر العيد حتى لو بس اربع تيام بس الله ماكتب وصارت خفارته بيوم العييييد لي اليوم الثاني تخيليييي بس الحمدلله مقتنعااا ماقووولج ماودي وماااا اتضايق من داخلي لانه صج زهقت وانا قاعده ابي اغير جوووو بس اصبر نفسي اقول ميخالف الدنيا ماراح توقف على سفره وليش انكد حياااتي عشان ماا سافرت بالعكس لي شااافني مبتسمه بويهاا واقووله كافي اقعد معاك هذا احلى شي عندييي لاحقه على سفر مردنا بنسااافر نطري ماتدرين الله شكاتبلج واللي صارلج خييره ترى مردج بتسافرين وتستانسين وبتضحكين على نفسج انج كنتي تبجييين اذا كلش كلش بتبجين او بتعصبين مسكي روحج جدااامه ولي طلع طلعي حرتج بس حرام اهوا ماله ذنب تنكدين عليي

فدددددديتج و كلااامج عين العقل

انا من تزوجت ماسافرت و ولدت قيصري ودفعت كل تكاليف الولاااده و غرفتي عودة. وملكي



و عااااايشه الحمدالله مابجي علي شي كمالي



انا العمرة ياليت تحصلي
لان زوجي دواااااامه كلش مايعطون اجازة
و دوامة حساس






و الحيااااااااة سعيدة *

 

[english muffin]

من صجج!!
احسج صغيرة او عقلج صغير
انا قبل كل سنة اسافر مع اختي وبنات عمتي والاهل
صار لي سنة ونص من تزوجت وحملت ماسافرت فيها الا قطر ودبي
وعااااااااادي
لاحقة عالسفر !!!!!!
لاتكدرين عالريال حبيبتي صلي عالنبي واصلا بيبييج توه صغير مب مال سفر

 

[حكآية قلب]

ولا علي فكرة كنت اتمني شهر عسل العمرررة
مارحت و كنت اتمني طلعتي العمرة

ووو مارحت


و عادي





بس انج تبجين !!


والله موزين كلش

هذا وانتي قيصرررري

انا ولادتي قيصررري بس ودي اقط فلووسي علي العااااااافيييييه

 

[$كشوخه$]

حبيبتي الحياة فيها تضحياات . . وأول شي تسوينه ألحين تروحين تقولين له أنا خلاص مابي أسافر وأنا متفهمة الوضع ولو بخاطرك تروح قطر أنا بروح معاك أهم شي تكون مرتااح . . قوليها بإبتسامه ونعوومة

صدقييينيي بيستانسس علييج وبيحس إنج حاسه بالظروف وتهمج رآآحته . . والأأهم بتكبرررين بعيينه

وانتيي اصبري كفايه انه قاعد يجمع عشان يونسج ويسفررج هذا لحاله شي حلوو يعني قاعد يضحي خلج ايجابية وطالعي الموضوع من الصوب الحلوو بسس

وإذا الكل سافر ؟ شصار بالدنياا ! عاادي إن شاء الله تجييكم فرصة وبتسافرون وبتستانسوون ان شاء الله

ومبين انه مهتم بوناستج يوم قالج بوديج قطر يعني يبي يعوضج ومايبي يقعدج بدون سفر . . هو قاعد يضحي وانتي بادليه بالمثل وضحي ولا تنكدين علليييه

قوليله اللي قلتلج اياااه وبعدها لا تحنيين على السفر خلاص إنسي الموضووع

والله يسعدكككم

 

[أم نواف غير]

انا رايي مع البنات والله يوفقج حبيبتي

 

[غنج اهلها]

لامودلع انتي بس تبين تسافرين وتروحين المكان اللي انتي تحددينه وماعليج من باقي الامور

وهذا غلط تفاهموا علي سفرة حلوة ولو قصيرة الموهم تغيرين جو

والحياه حلوة

 

[miss.unique]

حبيبتي انا وحده حاسة فيج .. ودج تغيرين جو و تحسين بالزهقة

الحل انج تكبرين عقلج و تيمعيلج فلوس عشان تقدرين تسافرين ان شاء الله .. مشكلتج يبيلها وقت

 

[سعودية 777]

انا اقولك اضغطي عليه لا تخلينه في حاله خليه يدبر لك فلوس حتى لو من تحت الارض حتى لو يتسلف او يبوق وصري عليه في الحنه لين يطفش منك ويطلقك

احسدك على صبر هالرجال عليك

شر البليه ما يضحك

 

[Blueflower84]

بصراحة حددددددددج دلوعة.. ودلع على مصااخة زااايدة.. اشدعوة كل هذا عشان السفر.. واكيد ريلج بمل منج مسكين.. قاعدة تتصرفين مثل اليهال.. انتي مرة متزوجة وام المفروض تتحكمين برغباتج.. مو كل الي تبينه لازم يصير.. وياما بتشوفين وبتعيشين وبتشتهين وااااايد اشياء بس ماراح اتحصلينها.. يعني كل مرة ماراح اتحصلين الي تبينه بتسوين سوالف اليهال هذي.. ولو ريلج اهوا السبب ولا بخليل و موراضي يسفرج جان قلنه يمكن معاج حق بس مسكين قاعد يحاول و يمع و يسعى بس الظروف مو قاعد تساعده.. بعدين دايماً لما يصير عكس الي تبينه فكري ان هذي خيرة.. يمكن لو كنتي مسافرة جان لا سمح الله صارلكم شي او ولدج مرض او اي شي ثاني.. يعني اكيد التاخير الي صار خيرة من عند رب العالمين.. فحمدي ربج و قضبي ارضج و ريلج و ولدج و بيتج ولا تكبرين السالفة.. و سوري اذا ضايقتج ابكلامي

 

[latkt7as]

مع رز مرتزززه بكل كلمه


اهم شي زووجج اذا راح صدقيني

السفر ماله اهميه

تقبلي مروري

 

[عيوني شقااقيه..]

لا تعليق

 

[((shoOoshoOo))]

انتي مو دلوعه

انتي بصراحه محتره من رفيجاتج واتوقع بتسافرين بس عشان اتصورين واتحرينهم !!

كبري عقلج ولاتغثين الريال


ماعندده فلوووس شنو يسوي مثلاا ؟

قدري شوي ريلج

 

[PrettyPretty]

انا من تزوجت مااا سافرت كلش كلش والسبه دواااااااااااااامه خذا جم اجازه حق شي ضروري ولازم هالشي انه يقعد بالبيت ويخلص اشغاله ومانطلع حتى ولمن بغا ياخذ حق سفرتنا اسبوع بس مارضوا يعطوونه قلنا ماكو الا ننطر العيد حتى لو بس اربع تيام بس الله ماكتب وصارت خفارته بيوم العييييد لي اليوم الثاني تخيليييي بس الحمدلله مقتنعااا ماقووولج ماودي وماااا اتضايق من داخلي لانه صج زهقت وانا قاعده ابي اغير جوووو بس اصبر نفسي اقول ميخالف الدنيا ماراح توقف على سفره وليش انكد حياااتي عشان ماا سافرت بالعكس لي شااافني مبتسمه بويهاا واقووله كافي اقعد معاك هذا احلى شي عندييي لاحقه على سفر مردنا بنسااافر نطري ماتدرين الله شكاتبلج واللي صارلج خييره ترى مردج بتسافرين وتستانسين وبتضحكين على نفسج انج كنتي تبجييين اذا كلش كلش بتبجين او بتعصبين مسكي روحج جدااامه ولي طلع طلعي حرتج بس حرام اهوا ماله ذنب تنكدين عليي[/QUOTE
كلامها عين العقل

 

[اميره1980]

شوفي مشاكل قسم الحياة الزوجية الحقيقية علشان تصبرين
مشكلتج ما تعتبر مشكلة اصلا و بالعكس صبري علشان السفرة تكون لها حلاوتها لو السفرة تصير بسرعة مالها طعم

ان شاء الله للصيف تستانسون و تسافرون سفرة حلوة

 

[طفلة غبية]

اسال الله ان يسر امورج بكل ماتريدين

 

[دلوعة أبوهآ]

الفلوس اللي آنصرفت وضآعت مو شوي ..!!
والرجآل زين منه متحمل وسآكت وبيجمّع لك من جديد عشان يسفرك بالصيف ..

بس إذا راح تستمرين عالنكد والمشآكل صدقيني بيمّل منك ووقتهآ رآح تخسري زوجك وبيتك بسسبب السفر ..
الحياه مو كلهآ سفر .. دام عندك زوج يحبك ويقدرك ويسوي لك اللي تبينه فقولي آلحمدلله ..
وكل اللي صآر خيره ..
ومآعليكِ من الناس ومن اللي يحط صور للسفر .. هذي كلهآ اشياء سخيفه وسطحيه ..
كبري عقلك والزواج والحيآه مسؤوليه مو لعب وسفر وونآسه
لآتخسرين زوجك وبيتك عشان موضوع سفر ..

وصبري كم شهر ولمآ يصير عندكم فلوس سآفروآ ..

 

[احلا المزايين]

سبحان الله شيً غريب المرأة اذا الريال عطاها ويه اتزعل واتنفس عليه واتنكد عليه عيشتهالسفر مو من اساسيات الحياة ليش مستذبحة عليه لهادرجة
بس الغلط مو منج من هاللي معطيج ويه صج حريم ماتنعطن وجه