ساعدوني

[whisper2]

السلام عليكم وتقبل الله طاعتكم مقدما

بنات قررت اساعد الوالدة بالمطبخ لان الوالد ماياكل من ايد الخادمه
وقاعد اجرب وماتضبط معاي شغلتين
اللقيمات يا يكونوون طريين او يكونون يابسيين
انا ابيهم مقرمشيين مو طريين وبنفس الوقت طريين من داخل مو عارفه شسالفة
وسالفة ثانية معقدتني الكبب او خبز العروق كل ماسوييهم الاقيهم متروسيين زيت مع اني احطلهم ورق زبدة عشان يشببل الزيت
ساعدوا اختكم بنات ومشكووووووور

 

[جارة القمر]

http://www.q8yat.com/t411656.html


http://www.q8yat.com/t440894.html

http://www.q8yat.com/t451022.html


خبز عروق أنا ما خليت طريقة ما جربته لازم يشيل دهن



وخصوصا إذاا فيه بطاط

 

[مسك اسود]

بالنسبه للقيمات حمي الدهن حييييل وبعدها هدي النار على الاخر او جنبي المقلى على صوب وابدءي بسكب اللقيمات لين تترسين المقلا وبعدها ردي المقلا على النار الهاديه فقط وابدءي بالتحريك بين فتره وفتره لين تحسين انها انضجت من الداخل وبعدها اذا حبيتي بامكانج ترفعين النار شوي علشان اللقيمات تاخذ اللون الذهبي,وعلى فكره الدهن لازم يكون غزير وعجينة اللقيمات خمرانه,
عليكم بالعافيه وكل ما سويتي لقيمات نقصيلي شويه وادعيلي

 

[dnyay_mll]

بسيطه
اذا طلعت لينه قليها مره ثانيه بتسير مقرمشه معاج
واذا طلعت يابسه غطيها بفوطه مبلله بماي دافي
تطلع لينه لان وقت القلي ماقلبتيها عدل او العجينه مافيها شي يمسكها مثل النشا او الكاستر او البكنج بودر
وتطلع يابسه لانج مو عاجنتها عدل ومكثره النشا والطحين
حبيبتي شوفي عجينه مظبوطه وعجنيها عدل وخمريها عدل وماتكون العجينه سائله لازم تكون ثقيله لان وقت التخمير بتخف
ووقت القلي الزيت لازم يكون غزير وحار والنار هاديه
واذا صبيتي اللقيمات نطري 4 دقايق بعدين حركيها عشان ماتشرب زيت وتنفش عدل

هذي عجينتي جربيها وان شاءالله تظبط معاج
كوب ونص طحين ابيض
3 ملاعق جبن كرافت او 3 حبات جبن كيري
قفشة وربع خميره فوريه
قفشة ونص كاستر او نشا
نص قفشة بيكنج بودر
هيل وزعفران
ملعقتين حليب بودر
نص روب
نص كوب ماي دافي للعجن ويمكن تحتاجين اكثر بشوي

خلطي المقادير عدل بالمكسر
وخليها تختمر ساعه ونص

 

[whisper2]

فديتكم بنات ماقصرتوا معاي
:eh_s(15)::eh_s(15)::eh_s(15):

 

[ام الدرر]

خبز العروق
جربي مبشور الكوسا بدال البطاط
وحطي معاه شبنت وكزبر وبصل عادي وبصل اخضر واذا تبينه حار فلفل اخضر
كسري عليه بيضه وحده وملح وفلفل اسود ورشي طحين وعجني لما تصير عجينه متماسكة مو سايحه حيل
خليها ترتاح نص ساعة
وعقب سخني زيت بالمقلى مو غزير لا ارتفاع غطاة بطل الماي (خوش تشبيه اللي لقيته بويهي)
وشيلي بقفشة الاكل وصبي مع استعمال قفشة ثانية راح يفرش معاج بالزيت وخلي النار عالية اول شي وعقب وطيها وخليها مدة وعقب قلبيها
هذي ادمان عندي بالعايلة ​

 

[ام الدرر]

اللقيمات طريقتي نفس دنياي ملل تقريبا وهذا رابط لها

http://www.q8yat.com/t446126.html