ساعدوني

[دلؤعة حبيبهـآ]

حوامل
انا حامل بالشهر الثاني
وفيني سكر
وامس انا جاني هبوط وونزل سكري ل 1
واول مره ينزل سكري الى هاذا الرقم
المهم جان اطيح بغيبوبه :eh_s(11):
بس انا وحام مااكل شي ولااشتهي شي
وودوني باالسعاف بس والله مافهمت من الدكتورة ششي
انا اخذ ابر مو حبوب

 

[أم عبود 2011]

الله يشافيج
بالنسبة لي معاي سكر من قبل الحمل والحمد لله منتظم ليما الحين بس آنا آخذ حبوب جلوكوفاج لأن أكثر من دكتور قال لي إنهم أحسن من الإبر وقت الحمل استشيري دكتورتج
وربي يتمم عليج

 

[Laymo0ona]

اذا حاسه انج ماراح تاكلين لا تقزين ابرتج اللي تكون قبل الاكل
انا مره قزيتها وكليت وتكرمين رجعت ونزل السكر 1.9 بس الله ستر

 

[sweeta77]

ديري بالك
سؤال عن الحوامل اللي فيهم سكر
جم اعلى شي يوصل؟

 

[om batool]

حاولي تاكلين هالفتره واذا ما اكلتي لا تاخذين الابره تسبب هبوط

 

[@ام يوسف@]

لأ جذيه خطر على البيبي ترى يصير فيه مثلج بالضبط انا كنت فبجري وصار 1 قالي دكتور السكر اللحين تلروحين تسووين سونار هذا معناه ان البيبي اسم الله عليكم ميت اذا مو مشتهيه لا تاخذين الابره

 

[om batool]

ديري بالك
سؤال عن الحوامل اللي فيهم سكر
جم اعلى شي يوصل؟

بحملي بالبجر صار فيني سكر حمل واعلى شي وصل تقريبا 10 او 11 بس مو على طول كنت وايد محافظه مسويه دايت

 

[دلؤعة حبيبهـآ]

مشكورين ويعطيكم الف عافيه
بس قالتلي الدكتورة لما تاخذين الابرة علطول تاكلين بس انا قعدت نص ساعه ماكلت نسيت وقالتلي انتي صار فيج جذي عشان لما طقيتي الابرة ماكلتي على طول ؟
انتو اول ماتطقون الابرة تاكلون سيده
انزين انتو تقللون من الابر يعني مالت الغده ماتخذونها ومالت الصبح تاخذونه يعني جذي؟ مادري بنت خالتي قالت احسن لج تقللين من الابر
بس اانا اول مره اخذ ابر؟
طولت عليكم