ساعدوني

[ام احمد123]

السلام عليكم بنات ممكن اتساعدوني انا ولدي سجل بالجيش وماانقبل خبركم الابالواسطه والحين مافي تسجيل متأخر اقدر اسجله بالجامعات الخاصه

 

[غلا جاآآآآآبـر]

والله ما ادري ان شاءالله البنات يساعدووونج
والله يوفق ولدج يا قلبي


أب
أب
أب

 

[S0 WHat]

والله ماعندي خبرررررررررة

بس اتوقع جامعة الشرق الاوسط اللي موجودة بالعقيلة يمكن تسجيلهم هالحززززززة

جربي سوووي سيرج بالعم قوووقل الله يطول بعمره

 

[ATOoOMA]

هلا حبوبة

ترا الجامعات الخاصة نصيحة ترا مو اي واحد يقدر يمشي لان بالاخير هل جامعات كلها بنزنس اذا ولدج شاااطر بالانقلش ويجابل يدقر يمشي فيها اما اذا مو شاطر ضعيف بالانقلش وما يجابل في 4 اسنين نصيحة يجوف اي مكان غير جامعات الخاصة لان بس جذي قصون على العالم بعثة داخلية والحكومة تدفع مصاريف الدارسة ومن هل حجي ترا اهما يسقطون الطلبة على نص درجة عشان بس ياخذون افلوس وترا اذا كان تمهيدي مستوي 3 يعني انتو اهلة لازم تفعونله 1700 حق كورس واحد والكورسين الثانين على الحكومة ترا مو كل شي على الحكومة ..واذا الله لا يقولة سقط في مادة ترا انتو الي تدفعونله على المادة الوحدة 550 تقريبا ..واذا نزل على المعدل الي اهما حاطينة ترا يطردونه وبعدين يقولون لكم دفعو كل المصاريف الي ادفعتها الحكومة ..

وانا ابصراحة اخترعت انا رحت قدمت اوراقي وما كملت لان شغل بنزنس واهم شي لما تسجلين بياته لازم يحطونلج شنو وضيفه الاب وشنو شهادته وشنو وضيفة الام وشنو شهادتها @@ عشان الي يجوفون اهله شهاداتهم زينة و وضايفهم زينة ولدهم مراح يتخرج بس يقعدون ويسقطونه عشان الفلوس يعني اذا محتاج ربع درجة ما يساعدون

رفيجتي بالامريكية متوهقة حدها وخايفة وتبي تحول على الجامعة الكويت اي طريقة ..لان ترا جامعة الامريكية الي عرفته ترا مو معترف فيها في بعض الدول برا يعني اذا الواحد يبي يكمل ماستر ودكتوراه برا ما يقدر لان الشهادة مو معترف فيها بس داخل الكويت
تم تعديل الرد الرجاء الارتقاء بالطرح و شكرا
الاشراف

 

[ATOoOMA]

وترا حتى كتبهم غالية انا انصدمت لما قالتي المرة ترا عادي يوصل الكتاب الواحد 45 في هل حدود وبالعشرينات ترا عااادي
.. وترا اول شي يسون امتحان انقلش مستوى عشان يعرفون اهوى جم كورس تميهدي يقعد وتدفعون 35 دك وترا اذا ياب المستوى الثالث يعني راح يقعد بالتمهيدي سنة ونص وغير 4 سنوات
جامعة الكويت مو جذي اسعار الكتب وااااايد ارخص هذي الاعانة كلها راح يخيلها حق الكتب @@
ومثل ما قتلج اذا يجاااااااااابل دراسته 4 اسنين وما يلعب وشاطر بالانقلش وديه سجلية
بس امتى موعد تسجيل المتاخر مودري عنهم امتى ..انتى روحي حق الجامعة نفسها وسئليهم امتى موعد تسجيل المتاخر
تم تعديل الرد الرجاء الارتقاء بالطرح و شكرا
الاشراف

 

[Mo7aSbChia]

في اعانه خاصه حق الكتب كل بداية كورس دراسي غير المكافأه الاجتماعيه

 

[أم منيـرة]

عسى الله يووفقه ،

سألي التعليم العــالي ...

 

[a7la sho sho]

حبيبتي خل يسأل لا يقعد ويحط ايده على خده خل يتحرك من الاثنين الياي ويشوف الجامعات وكل شي انا اتوقع للحين مفتوحين

لانه ماصار لهم اسيوع من فتحو التسجيل والتطبيقي هم توه فاتح خل يشوف ويلحق عمره بسرعه

والله يوفقه

 

[أم حمد =)]

الله يوفقه