ساعدوني ....

[ii DareeN ii]

اول شي استخيري وماكو الا العافية ان شاء الله الاخت كلي غنج مسوية الشد الحزامي الي اهو التمي تك بيلت يصير شد للبطن والظهر مع بعض والصدر ان شاء الله مافيه ذاك الالم توها بنت عمتي مسويتها مع البطن شدت العملية اول اسبوعين تقريبا عقبها تردين اهم شي لاتخلين احد يلددج ويلعب بنفسيتج

 

[كلـــــي غنج]

هلا اختي

مثل ماقالت دارين انا سويت شد حزامي وشد زنود


التعب اول اسبوعين بس تمارسين حياتج الطبيعبه السابقه عقب شهر




البربيش مثل ماقالت فرفر عشان السوائل والدم والوصخ


يكون واحد عاليمين واحد يسار


وكل واحد فيهم يكون داخل جسمج خمسين سانتي يكون مثل الهوز ضعيف حيل


كلش ماتحسين فيه بس اذية روحة الحمام وجذي


بس جدا مفيد وينضف الجسم من السوائل عدل


ويعو بس لاجيتي تشيلينه اما واهو بجسمج مايعور بس يضايج


الله يكتبلج الخيرة يارب


اي سؤال انا حاضرة

 

[Mona887]

مشكوررين بنات دارين وكلي غنج ما قصرتوا ،،،


كلي غنج الله جابج عندي كم سؤال اول شي من متى سويتي العمليه وشلون الاثر الحين عقب فتره والالم عادي بعد اسبوعين اداوم وامشي جذي الممارسات العاديه ؟؟
ادري ازعجتكم بالاسئلة المكرره بس جد تعبت هاليومين اقول لنفسي ما تسوى علي اخاطر ودراستي واهلي ويمكن النتايج ما ترضيني بس ابي شوية تشجيع وبستخير ان شاء الله واتوكل على الله

 

[Mona Lisa]

الله معاج حبيبتي واستخيري قبلها

 

[كلـــــي غنج]

هلا حبيبتي

كلي لج


صارلي الحين ولله الحمد ثلاث اشهر وست ايام


الاثر لابد منه بس موقوي ولا مشوهني بس موجود


لحمي غامج على وردي


الاسبوعين تقدرين تمارسين حياتج بس مو مثل ممارسة طبيعيه لا


في تعب وصعوبه اما من تتعدين شهر لا


تمارسينها طبيعي عادي


استخيري والله يكتب لج الخيرة يارب


بالتوفيق


اي سؤال لايردج الا الكيبورد

 

[Mona887]

موناليزا مشكوره ....


كلي غنج ما قصرتي يالغاليه ،، انتي قلتي انج مسويه الشد الحزامي يعني بيكون اثر
مدار الحوض صح ؟و انا قلت لدكتوري ابي شد صدر مع الذراعين بس رفض قال لالا افضل البطن والظهر مع الصدر/ عادي او هالشي
ممكن يدل على قلة خبرته ؟ وعلى الزنود شلون الاثر فيهم تحسين عادي بيروح مع الوقت ؟
وشلون نفسيتج الحين بعد العمليات في ندم اي شي يعني تستاهل الواحد يغامر سووووري ازعجتج -_-

 

[كلـــــي غنج]

حبيبتي ماسويت شي نعين ونعاون

اي الاثر مدار الحوض جنه حزام من اسمه

بخصوص رفض يسولج كل شي مع بعض .. اي عادي هالشي ..

انا قلت ابي شد حزامي وزنود وصدر هم رفض قال العملية 6 ساعات وانتي بتتعبين

ومايصير أأذي جسمج من فوق ومن تحت شلون تتشافين
لازم منطقة سليمة تساعد المنطقة التعبانة عشان اتشافى عرفتي
لا مايدل على قلة الخبرة ولا شي اهو يراعي حالة المريض احنا بالنهاية بشر
مو اوراق قص ولزق

خصوص الزنود
الاثر طولي
اللون لحمي على وردي
احس مو مشوهني نهائيا الحمدلله ومايين الا اذا رفعت ايدي لي فوق
جني باخذ شي من مكان عالي

ويخف ان شاء الله مع الوقت

نفسيتي حيل تغيرت الحمدلله
وألبس بثقة ومرتاحه

وان شاء الله عن قريب جدا بسوي ظهري وصدري وفخوذي

مامن ازعاج يالغالية ,, اي شي بخاطرج قوليه

بالتوفيق

 

[Mona887]

ياعمري مشكوووووره حيل جد كلامج ساعدني اقرر وان شاء الله بروح موعدي واسوي العمليات بس محتاجه دعواتكم بالصلاة الله يسهل ياااااارب ..

 

[كلـــــي غنج]

بعد قلبي الله يوفقج وييسرلج كل عسير

واتمنى لج الصحة والعاافية ,, تقومين بالسلامة ان شاء الله

صايمة وبدعيلج على الفطور