ساعدوني ....

[Mona887]

السلام عليكم ورحمة الله وبركاته :

بدخل بالموضوع مباشره وارجو ان القى المساعده اللي ابيها، لان بجد محتاره وخايفه حييييييييييل المهم انا كنت بطه :krkrkr:
وسويت ريجيم وضعفت وبعد تفكيرررررررر طويل مع الجلد المترهل قررت اسوي عمليات ترميم للجسم وسمعت كثير عن دكتور كروز بالمنتدى يمدحونه البنات ، اخذت عنده موعد وشرحلي كل شي وقال بيشد البطن والصدر والظهر مع بعض ومدة العملية ست ساعات وبتكلفني 3160 دينار بمستشفى السلام الحين انا اخذت موعد بعد العيد اسوي العمليات بس خايفه حدي ودي اسمع كلام مطمئن عن الدكتور واحس اني تسرعت بليزززززززز بنات لا تقصرون باللي تعرفونه واللي مسويه عمليات ودي اعرف بعد كم يوم تقدر تتحرك طبيعي عشان الدوام بعد قرب :eh_s(2):

 

[oum 5ald]

والله حبيبتي جني قريت انه موزين بس مومتاكده



اتوقع بتتعبين وايد من ظهرج وبطنج

عليج بالاستخاره


انا شفت دكتور محمد فاروق بكوزموميديكا

 

[رتبه دبلوماسيه]

أب أب

 

[Mona887]

معقوله مو زززين كثير بنات مدحوه بالمنتدى وحتى وانا اكلمه احس فاهم شنو بيسوي ياريت اللي مسويين عنده يفيدوووني والله حدي متوهقه وخايفه ):

 

[freethinker]

اتوقع اختي ام خالد قصدها مو زين تسوينها مع بعض بطن وظهر

تبين نصيحتي سوي بطن وصدر مع بعض .. وعقبها اب شهر سوي الظهر بروحه جوود يمديج تنامين على بطنج عادي

لان راح يأذيج بالنومه بس عرفتي؟

او يمكن عادي تنامين على ظهرج

عموما دكتور كروز وايد عليه مدح وانا رحتله وقالي اسويلج عملية صدرج شد اول وتالي انفخلج ماسويهم بعمليه وحده يعني لان مو زين قالي فدام ماقالج مو زين معناته ماكو مشاكل والله اعلم

وعلى فكره ترى السعر الي حاطلج اياه واييييييد زين !! انا قالي صدري بروحه بس شد 2350 جنه اذكر صكني بسعر الي نحشني ههههههههههه

توكلي على الله انا عملية صدري من احلى القرارت الي سويتها بحياتي

 

[oum 5ald]

لا لحظه أنا قصدي عن الدكتور جني قارئه بالمنتدى مايمدحونه والله تأكدي ونفس ماقلتلج صلي استخاره ضروري

 

[oum 5ald]

شوفو الموضوع بنفس القسم اللي عنوانه للناس الأمنيين بس هم اقول موووو متأكده يمكن اختلطت عندي الأسامي

 

[Mona887]

والله طمنتيمي الله يريحج انا السعر ما عندي فيه اي مشكله بس اللي مخوفني شوي العوار ومدته عشان الدوام قرب بعد حدي ثلاث اسابيع واداوم جامعه هذا اللي أحاتيه ،وخبرته طبعا تهمني اخاف انتكس ويسويلي عمليات تصحيحيه ما عندي وقت ، انتي وين سويتي صدرج وشلون كان العوار ومتى بدا يخف ؟

 

[Mona887]

ام خالد ما قصرتي وادري قرار كبير وان شاء الله بصلي استخاره قبل موعد العمليه وبشوف اذا ارتحت لقراري ، بس عفيه بنات اللي تدخل الموضوع لا تقصر بطرح تجربتها مع العمليات احتاج للمعلومات /:

 

[Mona887]

اي واللي تعرف شنو سالفة البرابيش تقولي اشوف يقولون يحطونها داخل وبعمق كلام يخوف والله ضايعه اااااااااااااااااااءء ):

 

[freethinker]

باك


لا تطمنيي ماكو الا العافيه بس سويها قبل الدوام اب 10 ايام او 14 يوم

البربيش بس يحطولج داخل الصدر ويظل معاج 48 ساعه ومايأذي بس اديرين بالج عليه انا كنت رابطته اب خيط مال روب العمليات ههههههههه لمن طلعت قطعتلي السستر الخيط وربطته على خصري جني مهري pp

بخصوص دكتوري انا طارحه تجربتي كامله سويتها عند عاطف الي اب بوحمره


ونصايح ثانيه اذا فيج تسوين سيلكون سويه مره وحده عشان ماتسوين عمليتين ... و السيلكون يخليه طاير لووول الشد العادي ينشد ويصير واووو وراح تحسين بثقه بس بعد 5 شهور ياخذ وضعه الطبيعي يصير شكله طبيعي ومشدود
اما السيلكون يعطي منظر سكسي

ايي وانا خذيت مشد الصدر من ميدي كومفرت .. بس اعتقد كروز اهمه يعطونج المشد اذا ماخاني الظن ....


والعوار الوحيد الي بيحوشج اهوا حزة النومه لان لازم تنامين على ظهرج فظهرج من تحت راح يعورج
والعوار الثاني بسيط واهوا لمن يشيل الغرز .. تحسين بلسعات بسيطه

بس العمليه منتي حاسه بشي لانج مخدره ههههه < لا حلفي


ونصيحه ثالثه واخيره ... سووووووووووووي العملييييييييييه واذا الدكتور قالج عادي كلشي تسوينه مع بعض سووويه .. لان البنج شي مايتكرر مرتييين شطبي على نفسج فيه هههههههههههههه كلشي بخاطرج سويه حزة البنج قصدج مثل تفخ شفايف او شفط من منطقه ثانيه او اي شي ثاني زياده سويهم كلهم مع بعض .. عشان فترة الريكفري ( النقاهه) تكون وحده


وبشرينا عنج وبس

 

[freethinker]

البربيش اذا قصدج مال البول تكرمين .. فمادري انا ماحطوولي !! الدكتور قالي ماله داعي ويخافون خصوصا اذا انتي بنت

لكن بما انج بتسوين بطنج فماعندي فكره

اما بربيش الصدر فشرحتلج لازم يحطونه عشان يطلع الدم الفاسد ومايعور كلش بس اديرين بالج لان مربوط بغرزه وحده فقطططططططط

 

[Mona887]

ياعمري والله افدتيني بكلامج وانا اقصد البربيش اللي قلتي عنه حق السوائل بعد العمليه الدم الخ..
وان شاء الله اذا سويت العمليات قبل الدوام بيكون لي ١٧ يوم تقريبا اتمنى اغمض افتح القى نفسي مسويه كل شي
جد قتلني الترددددد بس باقيلي الاستخاره والله يكتب اللي فيه الخير،ويارب دكتور كروز ما يخيب ظني وما يكون الكلام اللي سمعته
مجرد دعايات له لان قريت موضوع اللي قالت عنه ام خالد وشفت تجارب البنات بس ان شاء الله خير...

وعلى الكورسيه اخذ مقاساتي وقال انا احطه لج بعد العمليه ،،، والصدر قالي ما يحتاج احطلج سيلكون بس اشده ويصير بيرفككككت على قولته الله يستر محتاجه دعواتكم ...

 

[$نرجس$]

فررررف يااحلااتج ....مونااا في ناس تمدح وناس اتذم والله يسهل اموورج

 

[Mona887]

نرجس الله يسهل امين ،،،

فررري عندي سؤال عن شد الصدر توني اتذكر شلون طريقة الشد اللي سواها لج الدكتور ، انا كروز قالي بيشق ويشد من عند الحلمة وقلت له اذا بفقد الاحساس فيهم قال لا ماله شغل الا اذا تفكرين تحطين سيلكون وبعد فتره يرد الاحساس ،، سمعت انه في طريقة ثانيه لشد الصدر من حيث طريقة الشق اقصد ،،فهمتي سؤالي احس خرابيط قلت ههههههه

 

[freethinker]

ههههه اي فهمت عليج .. من طريقة الدكتور الي قالج معناته انتي ترهلج شويه .. لان عن طريق الحلمه مايقص جلد وايد .. انا سوالي انكور الي تكون علي شكل مفتاح وصغرلي الحلمه قصلياها كان حجمها ٨ سواليها ٤
وصدري كان ترهله ٢٤ سانتي سوالياه ١٨ سانتي .. فاذا انتي ترهلج بسيط حلو من صوب الحلمه وماراح يكون في جرح واضح لكن اذا نفسي فمادري
انا الحين صارلي ٧ شهور والجرح صار ضعيف وابيض جنه سترش مارك بس اعرض شويه بسس يقولون يخف لين سنه وسنتين بعد .. حاليا اهوا مايبين الجرح الا اذا احد لزق ويهه بصدري من تحت بعد خهههههههههه لان بثنية الصدر صاير .. اتمني اكون جاوبت سوالج .. سوري علبدليات داشه من فوني

 

[freethinker]

نرجس فديتج والله ... ؛****

 

[Mona887]

مشكوره وما تقصرين على الرد ، انا ترهلي خفيف ما كنت متينه حيل. بس التشققات لعبت فيني وسببتلي تررررررهل ، بس كلامج طمني والله حيل وكل عام وانتي بخيرررررر ،،



بنات اللي مجربه عند كروز لا تبخل علي بزيادة المعلومات وشكرااااا

 

[عجينه]

موفقين بنات

ررررفع

 

[Mona887]

مشكوره عحينه ^.^

بناااااااات تكفون حتى اللي مسويه عمليات عند غير دكتور كروز توجهلي نصايحها والله تعبانه نفسيا وما انام بالليل خصوصا ان موعدي قررررب بعد العيد محتاره وكل شوي اقول بأجلها لعطلة الربيع +_+