ساعدوني يمكن عين الله يوفقها اللي ترد علي

[roo7]

بنات شلونكم

ببتدي بالمشكله

انا صورت بعرس انا وبنت عمتي

وبنت عمتي اخذت الصور توريها رفيجاتها

دقت علي

جان تقول رفيجاتي فزو فيج

اللي تقول عيونها حلوه ماشاء الله

واللي تقول شعرها رووعه

المهم بعد السالفه

بثلاث اسابيع

يعني شهر تقريبا

قمت احس بدوخه مو طبيعيه وخوووف من الموت

واحس بضييييق شيديد بالتنفس

يا بنات

وصرت اخاااااااااااااف اطلع برا البيت اوسوس

وشعري قااااااااام يطيح

بنات انا اليووم رحت الطبيب قالو يمكن غده بس انا توني عمري 17 سنه

شلون يصير فيني غده


المهم رحت وسويت تحليل غده وفقر دم

فقر دم طلع بنفس الوقت طلع ماااااااااااااااااكووووو شي نهائي :eh_s(2):

والغده باجر

:eh_s(2):

بس بنات انا عارفه الغده يمكن تكون فيني بس اذا طلعت صج فيني اكيد عين صح لانها ما صابتني الا بعد الصور

​

 

[ASOMA]

اب

الحال من بعضه

الله يشافيج ويشافيني​

 

[شوارفسكيه :$]

حبيبتي داومي علي سورة البقرة يوميا لاتقولين طويله تري والله ماتاخذ منج الا ساعه بالكثييييييييييييير وداومي عليها يوميا وحافظي علي الصلوت الخمس والاستغفار باليوم 100مرة اقل شي او اذا تبين اكثر احسن بعد وراح اتشوفين فرق

لانه انا كنت مثلج محسووووووووووودة من عرس والله والحمدالله الحيييين حاللي صار احسن بس مااوصيج سورة البقرة يوميا تطرد الشيطين وتجلب الرزق بعد ىالحييين الناس مابعطون خير وماوصيج مرة ثانيه لاتعطين صورج احد
تقبلي مروري

 

[زين ودلال]

حبيبتي ارقي نفسج واقري سورة البقره ثلاث ايام ورا بعض

 

[شوارفسكيه :$]

ابي منج طلب صغير
انج تدعيلي بظهر الغيب انه ربي يرزقني باللي اتمناة والله ايشافيج ان شاء الله

 

[بحر الذكريات]

الله يشفيج يارب بس ماحس هاذي اعراض الغده

 

[roo7]

الله يشفيج يارب بس ماحس هاذي اعراض الغده

يعني شنو تتوقعين عين صح

 

[roo7]

ابي منج طلب صغير
انج تدعيلي بظهر الغيب انه ربي يرزقني باللي اتمناة والله ايشافيج ان شاء الله

امين انشاء الله

 

[roo7]

بس كم اداااااااوم على سوره البقره

 

[يويل قلبي]

يااقلبي اقري ع نفسج مثل ما قالو البنات اقري سورة البقره يا حياتي ورقي نفسج و الله يشفيج ياا عمري وادعي ربج ان الله يشاافيج

 

[Q8NONA]

لا توسوسين تري مو زين حق نفسيتج والدليل شعرج قام يطيح من التوتروالتفكير والقلق
مافيج الا العافيه والي اعرفه العين تصيب الشخص بنفس الوقت مو اكثر من شهر
انتي شوفي تحاليلج واذا مافيج شي يطلع كله من الخوف الي فيج مأثر على نفسيتج
وقراءة القراان كلها خير وبركه وحاولى دايما تقرين المعوذات وسوره الكرسي
وان شالله مافيج الا العافيه بس شيلى العين ولا تقكرين فى هالشي علشان ما تتعبين اكثر

 

[roo7]

منورين بنات الله يرزقكم بالي تبونه

 

[*الشيـــهـانـة*]

حبوبه اقري البقرة وان شاء الله مافيج الا العافيه وحصني نفسج باذكار الصباح والمساء

 

[سبيشل ومن]

ليش كل هالخوف اذكري الله
شوفي حبيبتي عليج بالرقيه الشرعيه واذكار الصباح والمساء
وبعد تحضرين سدر يفضل ورق 7 حبات او مطحون اذا ماتوفر الطبيعي وتحطينه في حوض ماي وعقب تنقعين بالحوض مده تقارب الساعه طبعا ان حطيتي الحوض في حمام لاتقرين علي الماي وان حطيتيه في غرف اقري علي الماي الرقي الشرعيه يكون افضل عقب اغتسلي عادي يكرر علي الاقل 7 مرات ون حسيتي بملل او ضيق لاتقومين من الماي اضغطي علي نفسج وقعدي
عليج بالاكثار من الاستغفار
وديري بالج تقولين عين تري بعض الجن متربص بالبشر ون قلتي عطيتيه فرصه ياذيج
استعيذي بالله من الشيطان واقري المعوذات دايما
راجعي ردودي انا سبق كتبت البرنامج بالتفصيل لاحدي لاخوات وان شاء الله تتعافين قريب

 

[اشلون يعني &]

شعرج يطيح علشان حالتج النفسيه تعبانه وهذا طبيعي
حالتج النفسيه تعبانه لانه سنج سن التفكير بالموت وانا شخصيا مريت بحالتج بسنج
العمل

لانج فاضيه يشت عقلج بامور ثانيه اشغلي نفسج بطلعات باي شيء يشغلج
واذا جاء طاري الموت فسريه بشي ايجابي وتذكري رحمة ربج وانه الكل لاحق الكل

 

[superasmaa]

حبيبتي بس فكري انه العين قوية فعلا بس في اللي اقوى منها واهو الله رب العالمين خالقها يعني لو شيصير فيج منها خلي ثقتج بالله كبيرة وانه اهو راح يحل المشكلة اكيييييييييييييد

 

[ميونة الحلوة]

مثل ما قالو البنات اقري و حافظي على اذكارج و ماكو الا العافية هذي نفسية لا اكثر

ترى اذا حطيتي في بالج ان كل ما صار فيج شي عين راح تعيشين طول عمرج متوترة خايفة ما تبين لا تشوفين احد و لا تتعرفين على الناس بتقعدين صاكة على نفسج الباب و بالنهاية ما ورا هالوسواس الا الاكتئاب و ضيقة الخلق تعوذي من الشيطان حبوبة لاني مريت بالي مريتي فيه بالضبط و عرفت ان النفسية اهيا الي تاثر اكثر من اي شي ثاني على الشعر و الجسم و حياتج كلها

انا ما اقولج ان العين مو حق بس حطي في بالج دام انتي تقرين الاذكار و مداومة عليها خلاص الحمد الله ربي حافظني و ماكو الا العافية و لن يصيبنا الا ما كتب الله لنا

نصيحة اخير و ما اطول عليج لا تسمحين لاي احد ان يصورج بالعروس حاولي كثر ما تقدرين انج ما تصورين بالعروس

و الله يشفيج حبوبة و اسفه على الطوالة

 

[عبيرq8]

:eh_s(17):دزيت لج رساله علي الخاص اقريها

 

[هدوء]

الله يشافيج اختي عليج بقراءة سورة البقرة

القران كله شفاء

واقري المعوذات

الله يشفيج ان شاء الله