ساعدوني ياحزب القيصرية .. بأنضم لكم قرييييب : )

[قطوه شيرازية]

هلا حبيبتي بقولك تجربتي و ان شاء الله بالاخير تولدين طبيعي مثلي يا رب , انا في بكري عام2000 صار لي مثلك بالضبط الدكتورة و انا بالسابع كنت اراجع بالهادي قالت لي روحي فتحي ملف بالصباح لأن احنا يمكن ما نستقبلك بأي وقت ينزل عليك دم و نولدك قيصرية و البيبي ينولد بالسابع وهذي مستشفى خاص و من هذا الكلام
المهم رحت مستوصف حولي حولوني على طول الصباح و رحت عند الدكتورة ماجده اليتامى بالصباح قبل لا تطلع منهم و قالتلي تعالي لي العيادة العصر اسويلك سونار لأن اهني بييلك موعد السونار بعد شهر

 

[قطوه شيرازية]

المهم رحت العيادة و قالتلي ان المشيمة مو مغطية المنطقة 100% احتمال نولدك طبيعي نطري الشهر الياي يبين المهم كملت الحمدالله الى التاسع بدون لا ينزل علي دم و يه موعد سوناري اخيرا بالصباح رحت و سويته بمكان ثاني مخصص لعمل السونار و سولي بعد سونار داخلي بين ان راس الياهل قبل المشيمة اللي مرتفعه 4 سم و احتمال اولد طبيعي

 

[قطوه شيرازية]

المهم بعد ما دخلت شهري بأسبوعين قالت لي ان تعالي المستشفى بعد يومين و افحصك اذا نزفتي اولدك على طول قيصرية و اذا لأ احطلك تحميله (طلق صناعي) نبي احنا نكون مستعدين و متحكمين فرحت وتوكلت على الله سبحانه و فحصتني و حطتلي بعدها التحميلة و بعدها تحميلة ثانية الى الساعة 11 و ربع بالليل ولدت الحمدالله طبيعي , والفال لك الله يهون ويسهل عليك و لا تنسين تدعينلي و انتي بالولادة ان الله يرزقني الولد الصالح و لكل البنات بعد:eh_s(6):

 

[أنشودة المطر]

انا والدة قيصبريتين و انشالله بعد اقل من شهر الثالثه و كل مرة اخذ بنج عام و هالمرة ناويه اخذ نصفي احسن

اختي مجربتها مع انها اخوف وحده بالعالم بس تقول واااااااااااااااااااااااااااايد احسن من العام خاصا انه مافي بلغم عقب العمليه و هذا ترا مآساه في العمليه لانه عشان تطلعينه لازم تشدين بطنج امبيه جنه بينشق و عقب العمليه ماراح تحسين بالالم كلش لانه راح يضل عليج يوم كامل بعدين يشيلونه

و على فكرالا يخرعونج و اهم مو مجربين لانه الصراحه ضحكت لمن قريت وحده من الخوات تقولج غمضي عيونج عشان ما تشوفين شئ

ترا في ستارة كبيرة لو شنو ما راح تشوفين شئ
ومثل ما قالو البنات عليج بالمشي و المرة و لا تحطين شئ على الجرح كلش الا الي يوصفلج طبيبج

الله يسهل عليج و على الكل

هلا والله ريووومة ماقصرتي حبيبتي

والله يسهل عليج ويقومج انتي والبيبي بالسلامة

ماشاءالله خبرة قيصريات

بس فعلاً البنج النصفي أحسن لنا من العام حتى لو كان يخوّف

وأنا عارفة ان فيه ستارة بينج وبين العملية بس خبرج ياريومة غرفة العمليات لها رهبتها
وفوق جذي انتي عارفة شقاعدين يسوون والخيال يعمل عمايله بعد

الله يسهل علي وعليج وعلى الجميع يارب

مشكورة على النصايح

بس سؤال .. اذا قاعدة تقولين لي ماأحط شي على الجرح الا بوصفة طبيب
زين شلون عن المرة ؟؟؟ انتي قصدج أشربها بس ماأحطها على جرحي؟؟

 

[أنشودة المطر]

المهم بعد ما دخلت شهري بأسبوعين قالت لي ان تعالي المستشفى بعد يومين و افحصك اذا نزفتي اولدك على طول قيصرية و اذا لأ احطلك تحميله (طلق صناعي) نبي احنا نكون مستعدين و متحكمين فرحت وتوكلت على الله سبحانه و فحصتني و حطتلي بعدها التحميلة و بعدها تحميلة ثانية الى الساعة 11 و ربع بالليل ولدت الحمدالله طبيعي , والفال لك الله يهون ويسهل عليك و لا تنسين تدعينلي و انتي بالولادة ان الله يرزقني الولد الصالح و لكل البنات بعد:eh_s(6):

هلا بالقطوة الشيرازية

قبل كل شي يااااارب يرزقج بالذرية الصالحة انتي وكل من يتمنى ان شاءالله

وبإذن الله بدعي للكل في ولادتي

والله ياليت كان فيه أمل اني أولد طبيعي مثلج

بس أنا ماظن فيه مجال ... أمس رايحة موعدي وسوت لي سونار وقالت ماراح نجازف بحياتج وحياة البيبي
والقيصرية أضمن لج


أنا مو خايفة من القيصرية كثر خوفي من سالفة نزول المشيمة
لأني قريت وايد عنها ودريت انها ممكن تسبب مضاعفات خطيرة لاسمح الله أثناء العملية
منها نزيف شديد وايد وايد، أو الله لايقوله استئصال للرحم عشان يسيطرون على النزيف، ومنها اشيا وايد قريتها في مواقع طبية يشيب لها الراس
الله يكافيكم الشر حتى حياتي مهددة بسببها تصدقين

المهم اني بتوكل على الله سبحانه وعساه يمسح الخوف من نفسي
واذا كتب ضرر ان شاءالله فيني ولا في ولدي

فيني بجوة بنات والله ميتة من المحاتاة والخوف

ادعوا لي

ادعي لي قطوة

والله يسعدج ويرزقج ويبارك لج في حياتج ان شاءالله