ساعدوني يابنات تعبت من العوار

[ملكه الحطب]

السلام عليكم
بنات هذا ثالث حمل لي بس تعبت منه بحمالي قبل ماصارلي جذي انا الحين اخر اسبوع من الشهر الخامس بس قبلها ماسكني عوار بظهري الجهه اليمين ذابحني يخف ويزيد بس مايروح وعوار تحت جني بالشهر التاسع فهمتوا علي عوار العانه مااقدر اتقلب وقت النوم وكل شي صار متعب بالنسبه لي وصرت اتعب بسرعه ومليت من العوار وموقادره اتحمل وسويت تحاليل اطلعت نصها وناطره الباقي يطلع وبقى تحليل البول ماسويته بس لما اقول للدكتوره تقولي عادي حامل وافكر اقدم مجلس طبي لانه جد تعبت بس شسوي ساعدوني اجل بااخر شهرين شنو اسوي

 

[الغلا مشاري]

الله يهون عليج ...
شكلج ما تشربين ماي واجد او سوائل لازم تشربين ولا كل مرض يجيج وانتي حامل
ع القليل 2 لتر ماي باليووم حاولي ولا المفروض 8 لتر ماي

 

[انتيكا]

عادي حبيبتي العوار بس افضل تطمني عالتحاليل

عوار العانه لان الحوض يتوسع ويعورج بزود خاصه اذا بجر

في كريم بالصيدليه لعوار الظهر اهوا خاص للحوامل من تحطينه *** يروح كل العوار لونه ابيض وكتابته خضرا قولي للصيدلي ابي كريم للظهر للحوامل وبيعرفه يعطيج

والله يهون عليج يارب

 

[New_bride]

نفس الالم حاشني فالخامس بس خف من السادس

غالبا يكون السبب ضعف فالعضلات
لازن تتمرنين بعد الولاده ولا بيتم معاج الالم

 

[ملكه الحطب]

مشكورين بنات على الرد طمنتوني الله يجزاكم خير
انا اتحمل العوار واسكت بس تعبت ومليت منه والظروف والعيال ماتساعد فالنفسيه صفررر
اختي نيو برايد اشلون تمارين اتخفف للعوار ضرووووري محتاجتها

 

[الـجـوري]

ملكة الحطب
العوار لابد منهه << ماتشوفين الجنه تحت اقدام الامهات ):
والله انا بحمالاتي كله جذي .. ربي يعينا ويهون عليناا

بس كثري ماااي ع قولة غلا مشاري .. وربي يهون عليج يارب

 

[ام عبد العزيز م]

الله يهون عليج وعلى كل حامل يارب