ساعدوني وين اسافر دبي لبنان مصر تكفون ردوا

[الوفا بوقتي صعب]

هااااااي بنات ياحلوات شلونكم شخباركم ؟ انا محتاره وين اروح مع زوجي بسافر انشالله بعطلة الربيع لمدة اسبوووع
وانا ولا مره رحت لدول هذي ابي استانس مع زوجي وبنتي عمرها 3 سنوات ابي دوله حلوه من ناحيه الجو والسوقه والوناسه بحدود الف دينار حق كل شي تهقون يكفي وشنو الاماكن الحلوه تكفووووووووووووووووون لا تطنشووون ؟؟

 

[كرز أخضر]

مصر لاتفكرين.رحت مره ولا افكر اعيدها..:cxxxp:..لبنان مافيها ونس الا السوق واسعارهم نار وشرار..:jbdwjbd:.وبعد بررررد وخصوصا"معاج بنوتج..
دبي حلو جوها بعطلة الربيع واسواقها موطبيعيه ماراح تملين...لو بيدي اروحلها كل ويك اند.:RoadRunner:

 

[هنـــد]

انا اقول دبي

 

[الوفا بوقتي صعب]

رد : ساعدوني وين اسافر دبي لبنان مصر تكفون ردوا

كرز اخضر مشككككككوره وماقصرتي

هند مشكووره

ابي الي راحوا دبي شرايكم فيها وابي محلات للعبي وين ؟

 

[الدلال]

واااااااااي ياحلاات دبي
انشالله بروح لها بعطلة راس السنه

دبي فيها محلات وااايد للعبي

في بالمجمعات بس غالييين, وانا عن نفسي اروح حناين اللي بستي سنتر

وتبين اسعارهم معقووله عندهم مجمع ابو الهيل يدلوونه كل التكاسي قوليلهم وعلى طول يعرفوونه

 

[الأميرة جوري]

رد : ساعدوني وين اسافر دبي لبنان مصر تكفون ردوا

مصر تووووووووووووووووونس ورخيصه وشرحه

 

[أم سيف وسلطان]

دبي

تركيا

 

[ام حوراء 2]

مصر بدون تردد تونس بروح لها بعد 10 ايام يلا روحي وحجزي

 

[دلوعة أبوهآ]

مصر أو دبي
بس لبنان لاتفكرين فيها غاليه ونار ع الفاضي ومافيها شي ولا تونس

 

[فنكية]

رد : ساعدوني وين اسافر دبي لبنان مصر تكفون ردوا

مصر وايد حلوه هالحزه
بس اتوقع الف يالغصب تكفيج طلعات ووناسه وتسوق
غير الفادق شوي غاليه ف الميزانيه مالتج ماراح تكفيج

دبي حلوه بعد
واتذاكرها رخصيه فاتوقع فلوسج تكفيج هناك اسبوع

توكلي على الله وحجزي دبي

 

[Hello_kitty]

انه رحت هالدول وعشان بنوتج معاج والمصرف بحدود الف ارشحلج دبي

دبي وايد حلوه وونيسه واهم شي فيها النظافه بالمطاعم بالمجمعات بالفنادق نفس الكويت وفيها الغالي والرخيص وتصلح للكل

لأن للأسف ما شفت النظافه بلبنان ومصر...

العبي يعتمد اذا تحبين العبي الخبه وفيها شغل تلقين بس العبي الناعمه الذربه بالكويت تلقين موديلات وايد احلى واكشخ وارخص بعد
واشهر مجمع للعبي عندهم بوهيل بس انه ما عجبني كلش

 

[Om_Ksha]

دبي دار الحي

 

[الأميرة نوونه]

دبي لان مصر محد يمدحها ولبنان نار

دبي الحين عندهم مهرجان وحلوة حقج انتي وعايلتج

ومصرف ان شاء الله يكفيج هي غالية بس مو نفس لبنان

وعندج مجمع ابو الهيل للعبي بس ماعجبني عندج الكويت احلى بواجد

والله يوفقجج

 

[منانا]

كلهم حلوين

 

[:: Diva ::]

دبي وايد عليها 10 ايام
حدي فيها 3 ايام و تكون رووووووعه و مو مخليه فيها متر الا طابته ههههه
و ما انام بعد

 

[أنفاسي دخون]

بالنسبه لميزانتيتش انسب شي دبي تونس واسواقها تهبل وجوها يجنن ربيعي ودافي

بالنسبه لي ما اروح لها الا بعطله ربيع وسفره ممتعه ان شاء الله