ساعدوني ولكم الأجر انشاء الله

[_نورا_]

السلام عليكم ورحانا مة الله وبركاته
اخواتي العزيزات أنا عرسي قرب وبصراحه ادور صالات أفراح للنساء طبعا تكون راقيه واسعارها موغاليه الميزانيه مختله شوي وابي كوش تكون حلوه ومجربه وهم اسعارها زينه وجزاكم الله خير:0bee2e8d89:

 

[مختصه بالزفات]

مرحبا اختي.
انه ممكن اساعدج بكل الي تبينه..
واذا احتجتي زفه راقيه وعلى مستوى تراني اختج مختصه بالزفات..
او اذا تبين فرقه تشيل لج المكان شيل بس آمري وتدللي..
واخدمج بعيوني..
ولج مني احلى فنتك..

 

[_نورا_]

هلا فيج والله يابج اتمنى مساعدتج

 

[_نورا_]

شدعوه المشاهدات 21 رد وااااااااااااحد

 

[غير كل الناس]

في الصالات اللي في المناطق علي 100 د

تقدرين تظبطينها من داخل بديكورات وكوشه حلوه وتصير حلوه

اي منطقه تبين

 

[_نورا_]

والله المنطقه مو مشكله بس الأهم شكل الصاله وين ألقى كوش حلوه أشكرج ع المرور

 

[أم منيـرة]

بالمنطقه العاشره ،

الصباحية ، والصباحية الي صوب مرح لاند ،
وصالة كويت مجك ، الملكية والأمازون ،
وبمبارك الكبير ، صالة الشلاحي ،
وبعد وبعد خل أتذكر اممممم
صالة بالرقه ،
اي اي وصالة الروضان ،
وصالة الحباج ،

وواجد ،
هذول تلاقينه اسعارهم مناسبة ان ماخاب ظني على 400 و300 على ماظن ،

وانا اختصاصي منطقه عاشره

وبنات المناطق الثانية ان شاء الله يفيدووونج ياغلااي ..
ادعيلي ان كاني فدتج بشي

 

[_نورا_]

ام منيره الله يوفقج يسعدج ويريح بالج وينزل السكينه بقلبج والله ريحتيني اله يريحج شكرااان على مرورج

 

[وتلومني فيك يوم اغليك]

عندج مشبب الجلال

وفهد الاحمد

وجمعيه الضاحيه

وجمعيه جابر العلي

والظهرر

الحريش

وااااجد بالمنطقه العاشره @@

 

[_نورا_]

يسلمووووووو حياتي على المرور بس انا من سكان الرابعه يعطيج العافيه

 

[وتلومني فيك يوم اغليك]

الرابعه

عندج .. الهيفي

والخرينج

والسهوو..

الرابيه

 

[_نورا_]

مشكوره ماقصرتي ياعسل

 

[عنووشه]

بالتوفيق يالغلا

 

[لوزه الموزه]

جبيبتي اذا تبين كوش حلوه جؤربي ضياء الخشتي شغلها واايد ذرب وحلو واسعارها واايد معقوله

 

[fatomd]

حبوبة الصالات بالرابعة ما اعرف بس عندك مالت الروضة صغيرة و ملمومة و هم مالت جمعية السالمية
جنوب السرة
صالة قبازرد كلهم على200-400 و يردونهم بعدين يعني بس ياخذون 100 او 200
و الكوش شوفي مال حولي بارك او الريف الهولندي بحولي
عندك بالسالمية اسمه زهور كلاسيك كوشة بالبيت سواها لنا اب 300 دينار بس ما عندي رقمه بس مكانه ما يضيع على امتداد محلات الورد ملوت شارع عمان

 

[جلاديلياس]

الله يهنيج انشالله

 

[Pearl Qatar]

الله يوفقج ان شاء الله


ان شاء الله خواتي بيساعدونج

 

[مجنونة عيالها]

هلا وغلا عندج شركة المطيريه للافراح

 

[كبريــاء انثى]

الصالات اللي بالمناطق رخيصه

واحلاهم صاله شيخة المرزوق شررررررحه وحلوه

هذا غير قبازرد بس احسها الحين قديمه شيخه المرزوق قاموا يسوون فيها اكثر واهيه بالشويخ وحتى مواقف السيارات فيها زينه

من ناحية الكوشه انا اختي اتفقت مع فواز العيدان من "مركز صوت الرندي" واهوه تكفل بالعرس كامل الكوشه والكراسي والزينه ودي جي طبعا وحتى الشغل اللي ما كان عنده كان يدورلها واييبلها ياه بسعر زين ما قصر وياها والله

لدرجة اختي الثانيه كانت مسؤوله عن حفلة تخرجها بكليه الصيدله هالسنه راحتله واهوه سوالها الحفله كامله وتقدرين تشوفينها احتمال باليوتيوب او بالجرايد

الطاولات والصوت وكان حاطلها ورد عالطاولات من عنده وشغله حلو ومرتب

اذا تبين رقمهم قوليلي واضبطج بسعر زين لانه وايد تعاملنا وياه واهوه بدون شي يراعيج بالسعر فشلون و معاج توصيه لووول يمكن تحصلينه بلاش

والله يوفقج حبيبتي

 

[_نورا_]

يعطيكم العافيه ماقصرتو على هالردود السنعه