ساعدوني وايد محتاااره

[حبيبه امي]

السلام عليكم
بنات انا تقدملي واحد والحمدلله اهلي لما سالو عنه كان كل شي زين فيه سمعته واخلاقه وشغله وكل شي بس في عيب واحد ان وايد قصير
بنات انا طولي 158 واهوا يمكن 159 وهالشي مخليني وايد متردده
اخاف ارفض وماالقى الي مثله واخاف اوافق واتحسف بعدين واقول ياليتني ناطره لاني ليلحين صغيره والعمر جدامي
فحبيت اخذ رايكم هل هالشي ياثر والا لا
ويعطيكم العافيه:eh_s(7):

 

[ماسيتي]

حياتي صلي استخاره القصر مو عيب انا خالي قصير ومرته اطول منه بشووي وعايشين حياتهم واهي تموت فيه واهوا يموت فيه

 

[فاقده ابوهاااا]

رد : ساعدوني وايد محتاااره

اختي القصر والطول مو عيب حطي في بالج انه خلقه ربج سبحانه يعني لحد يعيب على خلقة ربه وبعدين طولج وطوله متوافقين يعني انتي تعتبرين قصيره نفسه يعني زين .. عيل تبين واحد طوله 170 انا اقول توكلي دام اهو ولد حلال وسمعته طيبه

 

[ضايعة بدنيتي]

^
^
نفس الشي. انا لو مكانك دام هو فيه هالمواصفات الزينة اوافق بدون تردد . طوله ما بينفعني ما يبنفعني الا طيبه واخلاقه معاي ومع الناس . استخيري حبيبتي انتي مو ضامنة بكره يجيك الي احسن منه . عالاقل هذا منكم وفيكم . الله يوفقك وييسر امورك يارب

 

[كويتيه مذهله 87]

لا تشوفين طوله
انا مرت حماي اطول من ريلها عاادي عايشين حياتهم بسبات ونبات وخلفوا صبيان وبنات لوووول

,,,

 

[حبيبه امي]

حبايبي مشكورين وايد على ردودكم
وانا استخرت وايد والحمدلله مرتاحه بس كان هالشي مخليني متردده

 

[حبيبه امي]

رفع

 

[BiiShOoO]

صلي استخارة و الطول موعيب لانه انتي بعد قصيرة فماراح تفرق

 

[سارووونه22]

صلي استخاة بعدين شنو يعني قصير اهم شي اهوه اطول منج حتى لو سانتي

 

[منيرة خالد]

اهم شي الاخلاق والسيرة الطيبه

اما الطول مناسب لج ليش متردده

 

[Tom ♥ Jerry]

.

آلمهم آنه آنتي مو آطول منه !
استخيري و توكلي على الله ! و اذا الريال آخلاق و مآ يتطوف
معقوله تطوفينه عشان طوله !

.

 

[بيبي سبايس]

وايد طوال ماخذين اقصر منهم والعكس حبيبتي

الله يوفقج

 

[الأميرة جوري]

رد : ساعدوني وايد محتاااره

استخيري

 

[حبيبه بدر]

اثنينكم طولكم واحد

فعادي

 

[Tulips]

رد : ساعدوني وايد محتاااره

حبيبتي الطول مو عيب .. وثاني شي انتو طول بعض يعني مافي مشكله ان شالله

واهم شي صلي استخاره حبيبتي والله يوفقج

 

[انا مو هني]

رد : ساعدوني وايد محتاااره

يمعوده اقصير ويدلعج ويحترمج ولا اطويل ويئذيج ويزهقج حياتج
صلي استخاره احسن شي

 

[*صَبا*]

اذا مرتاحه توكلي على الله
اهم شي مافيه عيب باخلاقه او دينه