ساعدوني هرمون الحليب مرتفع واستخدمت كلوميد وابرة تفجيريه

[دمعه امل]

السلام عليكم ورحمه الله وبركاته
انا ابي اقول لكم مشكلتي
انا صار لي متزوجه اربع سنوات
وللحين ما حملت ..
انا الحين اتعالج وعطتني دكتورتي كلوميد استخدمته من ثالث يوم الدورة لان ثاني يوم كان اجازة رسميه
اخر موعد دورة لي كان 7 اغسطس 2009 استخدمته لمدة 5 ايام وريحت يومين وعطتني الابرة التفجيريه وحددت لي موعد الجماع
المشكله ان عندي هرمون الحليب مرتفع وعطتني كلوميد قالت لي عادي ما ياثر ان شاء الله يصير حمل وعطتني موعد عقب اسبوعين لكن الحبوب لاعب فيني لعبه وااايد متعبني ومو عارفه ممكن يصير حمل ولا لاء لان هرمون الحليب ياخر الحمل
ما اتصورون اشكثر ابي احمل
ودي اسمع كلمه مبروك انتي حامل بفارق الصبر ادعولي ياخوااااتي
الله يرزقني ويرزقكم ان شاء الله

 

[خشف بدو]

والله ماعندي خبر..بس الله يرزقج اذريه الصالحه...

 

[غيـ الناس ـر]

دكتورتج ما عندها سالفه

المفروض تنزل هرمون الحليب تالي تعطيج منشطات !!


اول مره اشوف طبيبه تعطي كلوميد والهرمون مرتفع

 

[ناتشوو]

اللي سامعة فيه
لازم تعدل هرمون الحليب
وبعدين تنشيط التبويض
والله اعلم
عالعموم الله يرزقج عاجلا غير اجل بالذرية الصالحة

 

[دمعه امل]

والله خوفتوني زووود
ان شاء الله خير يارب
والله يرزقني
اهي ما توقعت هرمون الحليب مرتفع لان طلعت النتيجه بعد ما اخذت الكلوميد لان من قبل كان مرتفع واستعملت له علاج وانتظم بس حبت تتاكد الا طلع مرتفع
يارب يارحيم الطف بحالي

 

[غيـ الناس ـر]

حبوبه يمكن انتي ارتفاع الهرمون عندج مزمن .. انا كنت مثلج اخذ شهر ويرد طبيعي وعقب يرد يرتفع

ما حملت الا لما استمريت على علاج هرمون الحليب كنت اخذه على طول ليما حملت


والله يرزقج ياااااااارب

 

[دمعه امل]

الله يريح قلبج أختي غيـ الناس ـر
والله ما ادري مزمن ولا لاء
بس انتي حملتي وانتي في فترة علاج هرمون الحليب من غير ما توقفين العلاج قصدج
ع فكرة وصفته لي 3 شهور
وكل يوم حبيتين وحدة الصبح وحدة في الليل
بس وايد اتعب منه واايد قوووي مفعوله
والله يسوي اللي فيه الخير والصلاح ياااارب

 

[أحلى^حياه]

شلون جذي!
لازم تعالج الهرمون اول!
لان مايصير حمل و الهرمون عالي
اخذي من الصيدلية حبوب دوستنيكس انا كنت اخذه حق الهرمون وبسرعه نزل

 

[m.a.m154]

انا حملت 3 مرات وكان هرمون الحليب مرتفع وما كنت ادري كنت اخذ كلوميد وابره تفجيريه وحملت بس للاسف اجهضت وقالي الدكتور اذا كان الهرمون مرتفع قبل الحمل وحملتي يصير اجهاض ودخلت عالنت وقريت ان هالشي صح لاني ما كنت مصدقه وطلع لازم استمر عالحبوب على طول ما اوقفهم حتى لو نزل الهرمون لاني من اوقف العلاج يرد يرتفع بسرعه

 

[احلى اسم بالكون]

لازم استمر عالحبوب على طول ما اوقفهم حتى لو نزل الهرمون لاني من اوقف العلاج يرد يرتفع بسرعه

على طول استخذميه

 

[الريشة]

المفروض يوم كليتي الكلوميد و شفتي إن هرمون الحليب مرتفع لازم بنفس الوقت تاكلين الحبوب اللي تنزل الهرمون حتى لو انتي ماخذة كلوميد عادي .. تاكلينهم اثنيناتهم مع بعض عشان يكون فيه فايدة من الكلوميد و الإبرة التفجيرية
و الجرعة اللي قاعدة تعطيك إياها الدكتورة وايد مرتفعة.
دكتورتك يمكن ما عندها خبرة وايد
أنصحك بالدكتور /محمد السيد قطب

 

[بنيه وبس]

أنا نفسج تقريباً مع اني 2 إعيال و يوم بقيت أحمل ما حملت و عطاني الدكتور كلوميد وابر تفجير لمدة 4 اشهر وما حملت خواتي قالوا يمكن فيج حليب رحت وسويت تحليل هرمون حليب من غير ما يقول الدكتور ولما اخذت النتجة تقول مرتفع ، راويتها الدكتور قال عادي شويه مرتفع يمكن من النفسية بس عادي الان مومأثر على التوبيض الان كل شهر عندي التبويض تمام بس الشهر ريحت وراح اعيد تحليل هرمون الحليب و اشوف شغول الدكتور والله يستر

 

[غيـ الناس ـر]

دمعه حبيبتي اي كنت اخذ العلاج .. وكان علاجي نص حبه بالاسبوع وبعدين لما نزل صار نص حبه كل اسبوعين بس عشان يتضبط الهرمون وما يرد يرتفع ..

انا سويت mri اشعة رنين مغناطيسي على الراس عشان يعرفون شنو مشكلة الهرمون وليش دايما يكون مرتفع وطلع معاي ارتفاع مزمن فلازم اخذ العلاج دايما ليما احمل

وكنت اخذ حبوب دوستنكس نص حبه بس وما تتعب يعني مره بالاسبوع ولو كان حيل مرتفع بتبلش معاج حبه بالاسبوع نص حبه يصير مرتين بالاسبوع


واي استفسار انا حاضره حبيبتي وعلى فكره تميت اعالجه سنه كامله تقريبا عند اكثر من طبيبة محد عرف لي الا الدكتوره نداء بو خضور هي اللي ضبطته

 

[دمعه امل]

مشكورين خواتي ع اهتمامكم في الردوود بس وكلت امري لله
واختي غـ الناس ـر <<<مشكورورة
لا انا استخدم حبوب اسمه( parlodel)
انا اتعالج عند دكتورة ديانا الي في مركز بنون اللي في البحرين الكل يمدحها
اختي الريشه >> استخدمته بعد ما كمل الكلوميد مع الابرة يالله الله كريم

 

[كويتية ملاك]

شوفي انا هرمون الحليب مرتفع معاي شهر 6 واكلت الحبوب الصغار الي بالاسبوع مرتين
ونزل الهرمون شهر 7 وقالي شههر 8 ماراح اعطيج شي وجتني الدورة امس واليوم عندي مراجعة اتوقع يعطيني كلوميد
بس اذاا الهرمون مرتفع مايصير حمل لازم تنزلينه اول وهو بسرعة ينزل وبعدين تاخذين الكلوميد والابر والحمدالله هرمون حليب ولاشي ثاني وسلاااااااااااااااامتج ودكتوري دكتور محمود بمستشفى الراشد ورحت له والله على النيه من غير ماسأل

 

[نيبال الايمان]

يا عمرى يارب يارب يارب الله يرزقج عاجلا غير اجلا بالذرية الصاله البارة اللى تقر عينج وتفرح قلبج وان شاء الله يمشى حالج مع هالعلاج وتطلعين حاااالم امين يارب

ويارب يارب يارب عن قريب تسمعين كلمة مبرووووك انتى حااامل امين يارب


ياعمرى ما ابى احطمج بس اللى اعرفه انه لازم تنظمين هرمون الحليب واى هرمون ثانى قبل اى عملية للحمل 000

ما ادرى يمكن الدكتور شايفه شى ثانى هى ادرى

وعلى العموم ان شاء الله يطلع كلامنا غلط وتحملين من هالعلاج امين يارب امين امين

وعسى الله يرزقج ويرزقنى ويرزق كل محروم ومحرومه منهم وكل من يتمناهم منوة امين يارب

 

[دمعه امل]

مشكوووووووووووووورين خواتي من قلب
الله يريح بالكم ويرزقكم اللي تتمنونه يارب
مشكووووورة اختي ( نيبال الايمان )
يارب يرزقج ويرزقني ويرزق كل من يتمنى يارب انك سميع الدعاء
والحمد لله ع كل حال ... والله مع الصابرين .. صبرا جميل والله المستعان