ساعدوني مع زوجي

[مهره بدون خيال]

السلام عليكم
اللي يتابعني يعرف مشكلتي مع زوجي

زوجي خائن يكلم بنات في هالبرامج التواصل ومعرف اذا في مكالمات او لا

عنده تويتر وكيك وانستغرام خاص وضايفهن فقط مو ضايف احد لا اخوانه ولا خواته

ولا ضايف جنس ذكر بحسابه واذا جته اضافه رجل رفض

لي اسبوع ونص عرفت حسابه في انستغرام والسري وصرت ادخل واشوف التعلقيات والديراكت يرسلون ويعطيهم اسمه في الكيك
وكنت ادخل واحذف تعليقات البنات قبل مايشوف ورسائل الخاصه كنت احذفها قبل مايشوف

شكله اكتشف اني اعرف السري لان امس واليوم مقدر ادخل بطلع السري غلط وهو ماقال شي ساكت لان بيعرف اني بنكر ولا قادر يقول عندي انستغرام لانه حلف لي وقسم ماعنده

قسم بنات بموت اذا هو معترف اني مو مقصره معه ليش الخيانه واللي يقهر يحلف ماعنده هالخرابيط عمره ماسمعني كلام حلو

وتعلقاته مع البنات الكلام الحلو والرومانسي علموني وشو اسوي معه زعل زعلت هواش وتهوشت معه علمت امه وكذبني وهي قالت مقدر اذا مو معترف

ارسلت رسايل عن الحساب واقدم الله وشو موقفك ارسلت عندك بنات بكره تدور الدنيا

وارسلت اذا تدور كلام وكلام جنس هذه انا اقول لك وارسلت اذا تدور كلام بالحرام والحرام حلو شمعناه انا انت مقصر معي بالكلام وتعامل مارحت دورت بمكان ثاني

بنات ابي يتحسف ابي كلام ابي تعامل معه

ابي كلام ارسل له
هو يجي بس في الويكند يشتغل بمنطقه ثانيه وهذه كان مخوفني ياخذ راحته وصدق ظني

ساعدوني الله يجزيكم الجنه

 

[اميره بكلمتي]

والله بصراحه مادري شقولج

بس مالا داعي انج تفتشين تلفون زوجج وتبحثين من وراه جذي بتتعبين والشيطان شاطر يفر راْسج وهو يعند ويركب راْسه افضل حل لج طنشي ولهي عمرج بشي ثاني واهو مرده بيطخ ويعقل

 

[مهره بدون خيال]

حبيبتي انا مافتشت وراها هو خلاني اشك فيه والشك لعب فيني لين تاكدت اذا مو مقصره على كلامه ليش يعطيني سبب واحد

 

[اميره بكلمتي]

طيب ليش ماتواجهينه وتفاهمون بهدوء

 

[مهره بدون خيال]

واجهته بس يجي بصراخ وهواش ولا يرد علي قلت الواثق مايخاف ولا يصارخ يتفاهم الطرف الثاني يعرف ليه يشك وشو الاسباب

 

[مهره بدون خيال]

واجهته بس يجي بصراخ وهواش مايعطي فرصه تعبرين عن مشاعرك او ليه اشك فيه

يهاوش ويصراخ وبعض الاحيان مايرد علي ساكت

نفسيتي تعبت

 

[إم بــــرٍآك]

الله يعينج

 

[baa6aa]

كثر ما تنبشين ورا ريلج كثر ما انتي راح تتعبين مو اهوة
وكل ما طحتي عليه و تناجرتي و سويتي موضوع انتي قاعده تبعدينه اكثر من انج تقربينه او حتى تخلينه يقطع عن هالخرابيط
فالحل انج تحبين روحج
تخلينه اهوة اللي اييج مو انتي اللي اتيين له
وغلط انج تبينين له انج عارفه كل شي وداريه
خلج عميه تغاظي عن هالاشياء.. ادري ان هالشي يذبح وماراح تقدرين بس ضغطي على نفسج شوي عشان تربحين
الريال اذا شافج عايشه حياتج و حابه عمرج راح يترك كل شي واييج واهوة اللي راح يصد عنهم ويسكر بابهم

بلشي اهتمي بعمرج سوي نيو لوك خلج لاهيه عنه اذا كان موجود تصرفي جنه مو موجود خليه اهوة اللي يقولج شفيج مو مهتمه لوجودي ليش مو معبرتني

رفعي الجام نفس ما يقولون وطول ما انتي بالبيت خج كاشخه و مرتبه و المكان مرتب و الارياح الحلوة

اشتري من بدي شوب او باث اند بودي ووركس او فيكتوريا سيكرت هالسوالف
واشتريلج شموع حق المكان و اشياء تفريك وسنفره حق الجسم و مثلا واهوة ياي تكونين مزهبه الحمام و مزهبه العده و تحوسين بروب عشان بتدخلين تتنعمين
خليه يحوس بمكانه شوي
خليه اهوة يتشفق ويتلهف لج
الريال مايحس باللي بيده الا اذا حس ان فقده او بيفقده
فانتي بيني له انه فقدج وخليه اييج

مثلا اذا موجود و ماعندج تنظيف ولا شي قعدي اقري ..
شوفي مسلسلات .. حطي لج فلم مع جو حقج شموع و شاي و خرابيط و تصرفي كأنه هالشي لج مو له

راح تشوفين انه بيحاول يتقرب
لانج عشتي حياتج بعيد عنه وصارت لج اجواءج الحلوة

الله يسخره لج يارب و يوفقكم و يبعد عنكم بنات الحرام و تملين عينه و يملي عينج و يستر عيوبج عنه و يستر عيوبه عنج

 

[مهره بدون خيال]

ايده اللي بالماء مو زي النار

اذا خليته ولا جبت خبره وسويت كل اللي تقولين يجي يتحجج ويحط اللوم علي ويقول انتي اللي ابتعدتي عني وقصرتي معي وصرتي بعيده وخلتيني

انا ودي اسوي شي او رساله اخليه يتادب ويتحسف علي

 

[keka89]

بنصحج نصيحه وانتي كيفج وادري انها غلط بس هم كيفج
سويلج انستقرام وتعرفي على شباب ورياييل وحظي باس على اكاونتج وكلميهم وكل شي وخليه الحقير النذل زوجج الي مايخاف من الله الخروف ينقهر منج حيل ويعصب ويعرف انه الشي الي قاعد يسويه يحرر المره المتزوجه وينرفزها ويع ابتلشنا بهلخرفان المتزوجين مايخلون بنيه ولا صبي حلو الا يتخرفنون عليه ويكلمونه ويواعدونه

 

[مهره بدون خيال]

حبيبتي انا اخاف الله اذا وقفت بين ايده وسالني عن علاقات شقول ارد واقول اقهر زوجي

انا الحمدالله قلبي صاد من هالعلاقات ومحترمه زوجي بحضوره وغيابه

انا اللي يقهرني لما اوجهه بالكلام واقول ليه ماتقول لحلالك ليش بالحرام

مايرد يقول انتي تدورين مشاكل

واللي يقهر يقسم ويحلف بالله كذب و واجهه بالدليل يعصب

انا ابي يترك هالامور

 

[baa6aa]

انا ما قلتلج قصري معاه
بس الغلط انج تكلمينه انج تدرين و و و لان هالشي بيخليه عادي يمكن يتمادى مرة و مرتين و عشر لان عادي راح تتناجرون و خلاص يكمل على نفس الموال
بس لمن تتغاضين و تسكرين عيونج عن هالشي و تخلين لج كيانج بدون ماتقصرين معاه تكونين قايمه بواجباته كلها و مهتمه بنفسج
ماقلت لج قصري و خلي الغلط عليج
بس ان اهتمي بنفسج حبي عمرج خل يحس بقيمتج خل يشوف انج عايشه احسن عيشه و مو معورة قلبج مع سوالفه هني بيفكر انه خسرج و راح يرد لج
واسفه اذا حسيتي ان كلامي كان فيه شي من التقصير لج حق زوجج بس مايبت الكلام من فراغ
هذا اغلب كلام الاستشاريات اللي متخصصين بهالشي .. و استشاريه نزلت قصه وحده تراجع عندها كامله كانت نفس وضعج ريلها خيانات و جذي
خلتها تدخل دورات مكياج و علمتها عاللبس وشنو تسوي بالبيت انها تحب روحها و تعمي عينها عن خياناته لين الحمدلله ربي يتمم عليهم رد لها ريلها احسن من اول

 

[فوزيه الراسي]

ادعي له بالهداية والتوبه الصادقة

 

[سلاسل الذهب]

شوفي حبيتي. اول شي الله يعينج ولج اجر على الصبر اللي صبرتيه معاه ان شالله انا من رايي لا تفتشين ولا تعبين عمرج لان بالاسلام ما يجوز التجسس ادعي دايمن بصلاتج ان الله يهديه وقولي اللهم ان كان هذا الزوج بيتعبني طول حياتي اللهم أبعده عني وارزقني زوجا خير منه هذا الحل بالنسبه لي لان الله سبحانه علام الغيوب

 

[Tom ♥ Jerry]

,


عمره التفتيش و المراقبه مآ رآح ينفع ..
المواجهه هي الحل!

وآجهيه بكل شي و قوليله آنج عرفتي كل شي و آنج انتي دخلي و لعبتي بالرسايل !
خل يشوووفله حل..

 

[تخيل اعطيك وجه]

نصيحه روحي عيشي معاه بنفس المنظقه الرجال ماراح يتعدل جذي و لا تصيرين جافه وكل هواش اذكري الله وفكري عدل

 

[بدون بس مغتربه]

شوفي سلمج الله انا اعرف هل النوعيه .. الرجال مسكين مايعرف يعبر ومايعرف يقول كلام حلو شفهيا فتعود بس علكتابه ويطلع هل الشي بس للبنات وشي طبيعي.. فاانتي ياطويلت العمر علميه كيف يعبر بهدوؤ علميه انتي الرمانسيه اذا مايعرف .. مثلا سوي لج حساب ببرنامج من اي برامج وقولي له بضيفك عشان تبين تعليقاته ... وكل مره نزلي كلام حلوو ومنسق وساليه بعدين كتابيا بشرايهه؟؟
وبعدين عودي لسانج من تنادينه عل الكلام الحلوو مثلا ياعسل يابو عيالي ياقلبي ياروحي ووووو راح يتعود ويردها لج ..

فالتفتيش علفاضي ماينفع يصير عناد . لي شفتي شي فكري بحل قبل لاتواجهين يمكن مايدري للحين ان غلطان
وبس الله يهنيكم

 

[دلال الكويت q8]

اول شي لازم ترووحين عنده بمنطقته

ثاني شي كلام بطه رووووعه وصح ميه بالميه اغلب اللي جربوها نجحوا وشافوا تغيير

وصح هالكلام كلام استشاريات

 

[حور رومانسية]

حبيبتي السؤال اللي يطرح نفسه ليش الرجل عموما يكلم بنات؟؟
هو الوحده وهو بحاجه الى تفريغ
كا انت قلتيها انج بعيده عنه وهالشي يسوونه الشباب قبل الزواج او بعد الزواج اذا زوجته موعنده واصلا اللي متعود انه يكلم بنات راح يستمر عليه بعد الزواج لان خلاص تعود يستثار ويفرغ من هالشي اسمحيلي بهالكلام سوري حبيبتي لكن هذا واقع الشباب الله يهديهم والزوجة الذكيه تقدر تخليه يستغني عنهم ويكلمها اي انت اتصلي فيه اذا هو بعيد عنج وقولي مثل اللي يقولونه هن يكلمون زوجج بالحرام لكن انت هذا حلالج تعلمي عشان حلالج والله لهم لغة خاصه اجهلها ولله الحمد تعلميهاوتفنني فيها
وفي نساء تسويها اذا كان عندها قبل الفراش عشان يستثار تقول خلينا نمثل ويمثل وياها هههههه ترى حلو التمثيل جربيه وياه باشياء كثيره موبس هيك هههههه