ساعدوني في حل مشكلة صديقة عمري

[غمزه وإبتسامه]

شنو تحملت كل هلفتره وجابت العيال؟؟

 

[هيبة ملك]

والله مالومها

 

[RoWaIsHeDyA]

الو شي خل ناخذ نقطه نقطة ؟؟؟

1- متحملة 10 سنين عادي الحين مو قادرة 10 سنين ما كلمته ما نامت يمه ما سولفت معاه ؟ والا الحين طلع العيب ؟؟؟

2- اول شغله يقولج المثل ولدج على ماتربينه وزوجج على ما تعودينه بالشطارة تصير كل شي يعني خليها تشتريلها غسولات مالت الزقاير ومضمضة بالنعناع وخليها اهيا باسلوب دلع وحبابه حتى تفرشله اسنانه ماله داعي ادزلة مسج طولي تطلع اللي بقلبها تقولة والله ريحه حلجك خايسه وانا تحملتك وانا مابيك ومادري شنو ؟؟ بالذمه لو شاف شعرة بحاجبها ترضى ايي يقولها انا شفت وانا مابيج وانا وانا شالسالفة يبا الطلاق ترى مو قرقيعان ؟؟؟؟؟؟ قوليلها صيري ذكيه وبلا سوالف يهال والله 10 سنين تحملته خلاص ؟ موعاجبج من الاول شلون صبرتي 10 سنين سمحيلي عيارة وهوالة الحريم هذي 10 سنين لو يايه قالتلي 10 شهور ببلعها اقول مسكينه بس اوله 10 سنين تشمها الحين انأرفت


قوليلها كبري عقلج ترى الطلاق صاير موضه كل من هب ودب بتطلق وين قاعدين ابيع العشرة والايام الحلوة عشان ريحة حلج ؟ عيل شلون اللي متزوجة عامل وريحته لاخر شارع ؟؟ وتضحكلة وتسبحه جان ما احد تزوج والله سوري بس حدي اانغثيت ابي ربع سبب مقنع ماكو ؟ قوليلها تقولج حصة صيري خوش مرة واشتريله 3 انواع غسولات ومضمضه:
1- مال الزقاير لو ما يدخن لانه قوي
2- بالنعناع بعد الوجبات
3- مضمضة من الصيدليه مرتين بعد التفريش
4- كل مادش الحمام خل تقولة يتمضمض بماي وملح خل تسويله بطل ماي وتحط في ملح خشن ترى مطهر
5- خل تحط سله للعلوج بالدار وبالصاله ولا توكلة لااااا ترى الزوج مو حمار ما يفهم لا حبيبتي خل تاكل وتيبله وتفتحة وتقول اكل يا بعد عيوني انت ما هنالي بال اتعلج وانت لا
6- عقب الغدا خل تحط سلة حلاو فراولة والا اكسترا ياكل


وقوليلها فالج طيب والله بيصير نعناعه يمشي وعن العيارة والهواله

والله عين العقل حبيتج والله كل الي كنت بقوله اختصرتيه على والريال على الدلع وخل تقوله ربحت كوبون من مثلا عيادات الاسنان وانا مااحتاجه شرايك تاخذه ونروح مع بعض او شئ جذي والعلج تحطه بشفايفها وتقوله اخذ الباجي ماادري عاد بس بهالطريقه تجذبه ,, والله يصبرها اكثر واكثر

 

[حيوته]

الله يعطيكم العافيه خواتي ما قصرتوا
والله يجعله بميزان أعمالكم على اهتمامكم وردودكم
انا كلمتها وقريتلها كل الي كتبتوه
تقول انا مو قصدي طلاق بمعنى الطلاق وين أروح ووين أودي عيالي بس تقول لان اهي ما تقدر تنام معاه ما تعطيه حقه الشرعي من الريحه لو مهما حطت علوج بحلجه فتقول لمن يبي منها حقه تتنحش وتخلق مليون حجه وتقول أخاف الملائكة تلعني وربي يغضب علي .. عشان جذي أتطلق أحسن من ما أغضب ربي ...
وبالنسبة لردودكم تقول ما يرضى يتعالج يقول فشلة اروح للطبيب شقوله ذيج المرة وغصب هالدور اروح مرة ثانية تقول قالت له بس الريحه فظيعه لي متر اشمها اشلون ربعك واهلك متحملينك يقول محد قالي شي والدوانية كلها دخان سقاير محد يشم شي ...
تقول عطيته أنواع كثيرة من العلج ماكو فايده وسوت له خلطة لقتها بالنت فيها مسمار ودهونات ومادري شنو تقول ما رضى ياخذهم على بو طعمه مر ..
المسكينة عورت قلبي قلتلها تصبري ولابد القالج أعشاب من خواتي في المنتدى والله يفج عقدته يارب ..
وعلى تحملها كل هالسنين تقول قبل الريحة ماكانت قوية بالعلج تختفي بس الحين زااااااااااااااااادت تقول تطلع ريحة دم فاسد على أكل متحلل والله اهي تقولي وانا قامت تقلب جبدي اشلون اهي حرام الله يصبرها ويهدي زوجها يارب ويطيب ريحة حلجه ..

 

[حيوته]

خواتي ولا وحده عندها خلطة أعشاب شي تروح ريحة الحلج ؟؟؟؟